رواية فصيلتي القوية بقلم ريناد يوسف - الفصل الثلاثون
رواية فصيلتي القوية بقلم ريناد يوسف - الفصل الثلاثون
تابع من هنا: روايات رومانسية جريئة
قمر قامت دخلت الاوضه وخرجت بحطب البرسيم وهي ميته من الضحك وبصت لرهف :
بت يارهف انتي جبتي برسيم وطبختيه بدال متطبخي ملوخيه 😂
الكل :😨😨😨😨😨
رهف :☻ شنوووو
ربيع قلد صوت العجل :عاااااااااااااااع ووقع عالسفره ومثل انه مغمي عليه
قمر الكبيره :مااااااااااااء ووقعت هي كمان عالسفره زي ربيع
الكل :😂😂😂😂😂😂😂😂😂
قمر قربت لربيع ووقفت قدامه وبصتله بشماته واتكلمت بضحكه :
تعرفي يارهف انا كل اللي مزعلني انك مغسلتيش البرسيم بعد ماقرطفتيه خرطتيه بترابه
ربيع بصلها ورفع حاجبه وبصوت باكى :
بس؟ ....بس هو دا اللي مزعلك وبالنسبه للبرسيم عادي ينطبخ وينطفح عادي ؟
قمر كمان قامت وهي قالبه شفايفها بقرف :انا من لاول استغربت لونه وانا اللي فرحانه ومنشكحه ببتي وقلت اهى هتبقي ست بيت اتاريها طابخه برسيم ...😢😢
الكل كاتم ضحكته ورهف بصت لقمر اللي هى كمان فطسانه ضحك وفهمت المقلب اللي كانت تقصده قمر وبرغم ان الكل كان بيضحك عليها وكانت متدايقه انها فشلت بعد التعب دا.... الا انها ضحكت هي كمان علي نفسها معاهم وعلي ربيع اللي شرب البرسيم كله 😂
مهاب الاب :واد ياربيع اوعي بعد اكده يعجبك طعم البرسيم ومتخليش حاجه للعجول وندورو عليك نلقوك جوا الغيط بترعي في البرسيم
ربيع :بابا والنبي لتسكت عشان انا حاسس بحاجه غريبه بتحصل جوا بطني 😣
حسن :متقلقش دا عشان غيرت التغذيه دلوقتي هتتعود 😂😂
رعد واحمد ورهف الكبيره باصين لقمر وكاتمين ضحكتهم بالعافيه
قمر :وربنا اللي يضحك فيكم لاقوم انطحه وافلت كرشه وبصت لرعد وقلدت صوت المعيز..
ناولني المااااااء من قداااامك
رعد :اداها كباية الميه وهو بيتهز من الضحك
ربيع قام وماشي وهو ماسك بطنه وجا قصاد قمر اللي بتضحك ومش قادره تبطل وهي شايفة منظره دا
قمر :تستاهل يادني
ربيع :بصي ابعدي عن وشي السعادي عشان البرسيم بيتفاعل جوا بطني بطريقه غريبه ولو مابعدتيش هجيب اللي فمعدتي كله فوشك ولو مش من بوقي هيخرج من حته تانيه انا بحذرك...✋ وبعد عنها
قمر بضحكه:طب بقولك لو حسيت بصداع متقلقش دي القرون بتطلع
ربيع بصلها وكمل طريقه وهو ماسك بطنه :😷 بصي ربنا يسامحك ☝انا دلوقتي فحاله متسمحليش بالرد
قمر قعدت علي السفره وكل واحد قدامه طبق ملوخيه بعده من قدامه بقرف ..
رعد :رهف ياحبيبتي طابخه حاجه تانيه في الاكل ده ؟
رهف :لا ماطابخه غير الملوخيه
الكل :الحمد لله وابتدو ياكلو
احمد الجد بص لقمر مرات ابنه :متاكلي ياقمر مبتاكليش ليه
قمر :لا انا هستني التبن عشان احبس
عشان شبعت الحمد لله
الكل :😂😂😂😂😂😂
رهف :خلاص راح اطبخ بكره ملوخيه بالطريقه الصحيحه وراح ...
الكل فنفس واحد :لاءاااااااااه
قمر الكبيره :اوعي... بصي..✋ اوعي تفكري تخشي موطبخ تاني فحياتك انا مهجوزكشي غير لواحد حداه طباخه ... ستر الله علي ماستر والحمد لله علي اكده
بعد الغدا ***
شريف بص لمراته :يلا بقا ياناديه نروح احنا كفايه كده ونروح نشوف اشغالنا بقا
ناديه :والله ياشريف معاوزه اسيب المكان ده ولا الناس دي وامشي انا مبسوطه هنا اوي
شريف :ومين سمعك والله الواحد اعصابه ارتاحت وضحك ضحك لسنين قدام ..مع اننا جاين عشان دنيا تريح اعصابها لكن في الحقيقه كلنا كنا محتاجين الاجازه دي زيها بالظبط
ريناد كانت جايبه الحلو والشاي وجايه وسمعتهم لما قربتلهم :
هو انتو مستعجلين علي ايه بس ادينا متونسين مع بعض وبعدين دنيا لسه عايزالها عالاقل اسبوع تاني ولا اسبوعين يبقي ليه ترجعو دلوقتي؟
ناديه :لا دنيا كده اتحسنت الحمد لله هي كانت فين وبقت فين
شريف :معلش يارينوو عشان شغلي وشغلها لكن لولا كده كنا قعدنا كمان صدقيني
ريناد :براحتكم ياشريف ....لكن كل ماتلاقو فرصه تجيبو البنات وتيجو
شريف :اكيد والله من غير ماتقولي اصل المكان دا ليه سحر غريب اللي يدخله يرتبط بيه وميبقاش عاوز يطلع منه تاني ابدا
ناديه :فعلا ياشريف تحس فيه براحه نفسيه رهيبه وتوازن عقلي وفكري وصفاء ذهن
ريناد ابتسمت :عارفين ليه ...؟ عشان المكان دا اتعمر بالحب وكل حاجه فيه اتعملت بمنتهي الحب فدا سحر الحب
قمر الكبيره كانت جايه وسمعتها فأخر كلامها :
وحٍب روح للناس ياحُب خلي الناس تحب أن أن
التلاته بصولها وضحكو
ريناد :رايقه ليه كده وبتغني
قمر :اسكتي اصل باين البت رهف طبخت البرسيم بحشيشه عشان اكده تلاقي دماغي عاليه حبتين ...شاربه حشيش عقبال حداكم 😂
التلاته ضحكو عليها ..
شريف بصلها :تعرفي يامدام قمر ايه اكتر حاجه عجباني فيكي ؟
قمر :اكتر حاجه ؟🤔 هو اني حداي حاجه بتعجب حد ..؟ غريبه !!
شريف :😂 انتي فظيعه ...لا بجد اكتر حاجه عجباني فيكي انك اكبر بزنس وومن في البلد ومع ذلك دا مخلاكيش تتخلي عن لغتك الصعيديه او عن تلقائيتك وروحك الحلوه
قمر :انبي تقول البوقين دول قدام صاحبك الا دايما محسسني اني مجنونه واتجوزني من مستشفس المجانين
شريف :بصي يام احمد هو انا مجبتش سيرة الجنان انا بقول علي الحاجه اللي عاجباني فشخصيتك مجبتش سيرة الحجات التانيه 😂
قمر :😣 ايه ديه ياجماعه انا اكده هبتدي اشك فقواي العقليه
رعد كان جاي من وراها :ياااااه انتي لسه هتبتدى تشكي دلوقتي بعد كل السنين دى
قمر :ايوه بس فيه حاجه ...انا لو صدقت اني مجنونه هتصرف علي هذا الاساس عاد
الكل :😨😨😨😨 اكتر من كده
قمر :ايون ..مش مجنونه عاد ...يعني مش مسئوله عن تصرفاتي ولا افعالي وحدش فيكم يقدر يقولي تلت التلاته كام لو مهما عيملت
رعد :وهو من امته حد بيقولك يختي مبتعملي كل اللي بيخطر فبالك ومش مهم العواقب دانتي لسه اول امبارح كنتي هتعمليلنا إباده جماعيه
قمر :😂 بس خوفت البت بيني الملزقه
ناديه :انتي خوفتي كله ياحبيبتي ولا اجدع فيلم رعب
رعد :مش يلا بينا بقا نرجع ياجماعه ولا ايه
مهاب انضملهم :له محدش هيروح دلوكيت انا ماصدقت لقيتكم خليكم كمان كام يوم خدتو بحسي
رعد :عشان الشغل يبني والشركه
مهاب :طب علي الطلاق من اختك دي وتاخدها فيدك انتا وماشي...
متمشو النهارده واصل.. متمشو غير بكره اخر النهار ..حتي ندبحلكم عجل تاخدوه معاكم انتاوشريف ...هتمشو من غير دبح
عاملين حالكم متستاهلوش الدبح ؟ 😂
قمر :له ازاي الكلام ديه دول يستاهلو الدبح ونص كمان 😂
الكل :😂😂😂😂😂
رعد :ماشي ياعيله مناخوليا هنقعد بكره ياشريف ونمشي علي اخر النهار كلنا
شريف :نقعد ياسيدي طول مافيها دبح 😂
في الاستراحه دينا راحت لسمر وبيني بعد الغدا
دنيا :ايه العزل دا مش هينتهي ولا ايه ؟
سمر :لا اسكتي والنبي خلي البنيه عايشه وبعدين احنا هنمشي امته؟
دنيا :هنمشي بكره اخر النهار عشان عمي مهاب حلف علي بابا وعمو رعد
سمر: تمام ...طب هنزل انا وبيني نلف شويه في الخباثه زي كل يوم في الارض من غير ماحد يشوفنا
دنيا :امممم يعني مقولش لحد انكم في الارض عشان ميروحش يشوفكم
سمر ابتسمت وبصت للناحيه التانيه :حد زي مين ؟
بيني :هي يقصد اهمد لكن هي مش اتكلم دايركت هي لف ودوران ..
دنيا :بتعجبني فيكي صراحتك القاتله يابيني اللي هتوديكي ورا الشمس فيوم من الايام ...وبسببها اديكى محبوسه هنا زي اللي محكوم عليكي وهربانه من البوليص 😂
بيني :وات إيفر انا بهب صراهه هى اقصر طريق لإفرى ثينج
سمر :والله البت دي بتقول كلام زالفل
دنيا :طب سلام انا بقا اقوم مقولش لحد انكم هتنزلو تتمشو عشان محدش يحصلكم 😉
بيني :بردو لف ودوران ويكذب ويروه هيل!!
دنيا :اكدب واروح هيل في الاخره ولا اعمل زيك واروح هيل في الدنيا
انا بحب الحياه يختي 😂 سلام
البنات قاعدين تحت تكعيبة العنب هما والشباب وبعد كده انضملهم ربيع اللي كان لسه ماسك بطنه
الكل اول ماشافه :😂😂😂😂😂
ربيع قعد بعيد عنهم لكن صعب علي رهف وراحتله وقعدت جمبه ..ربيع مكنش مصدق نفسه عشان دي اول مره تعملها طول عمره هو اللي بيروح ويقعد جمبها
قمر لما رهف عملت كده كانت عاوزه تقوم تضربها لكن بدر هدتها وقالتلها تثق في رهف شويه وتعرف منها هي عملت كده ليه بعد مايكونو لوحدهم
دنيا قالت قدام احمد ان البنات بيتمشو في الارض وهو انطلق فورا يدور علي سمر اللي وحشته جدا
وهي مهاب شاورلها بدماغه وقامو هما الاتنين يتمشو
وحسن اخد بدر وقامو هما كمان مفضلش غير قمر اللي مركذه جدا مع ربيع ورهف وهتتجنن
مالك :يبنتي اتقلي شويه مش كده واضح قوي انك بتولعي من الغيره والدخان طالع من ودانك واصل للسما
قمر كشرت وبصتله :بغير عليه اووى وبحبه اوووي اوووي وهو حمار اوووي اوووي بيجري ورا وحده مش بتحبه
مالك : تعرفي هو بيجري وراها كده ليه ....عشان مش معبراه والراجل اللي البنت متعبرهوش بتجننه
لكن البنت اللي يشوفها بتجري وراه زي جنابك كده مبيعبرهاش... يبنتي مفيش حاجه تجيب الراجل علي بوزه غير التقل والتجاهل اسمعي مني انا
قمر اتنهدت وحطت ايدها علي خدها
مالك :طب لما يبص ويلمحك عامله كده
قمر بنرفزه :امال اعمل ايه طيب
مالك قرب عليها :متعمليش هعمل انا وانتي ماعليكي الا انك تعملي نفسك مبسوطه وتندمجي ومتبصيش نحيته نهائي هو طول الوقت عارف ان عنيكي محاوطاه خليه يبص يلاقي عنيكي فحته تانيه ومع حد تاني ..بس ابقي تستحملي اللي هيحصل عشان انا هجري اتفقنا 😂
قمر :اتفقنا
في الاثناء دي عند ربيع :
رهف :ربيع انا كتير اسفه والله ماكنت بعرف
ربيع بصلها :ولا يهمك ..عشانك انتي انكوي بالنار وألقح جتتي ..وادخل جهنم وانشوي واصرخ واقول ياااادهوتي
رهف ابتسمت :ربيع فيك تسمعني بدي احكي معك شوى بصراحه
ربيع :احكي اللي انتي عاوزاه انا مستعد اسمعك للصبح
رهف :ربيع انا كتير اسفه والله بس ....انا مابكنلك اي مشاعر بقلبي غير مشاعر الاخوه والله انت خوش رجال وايا بنت تتمني تكون بقربك لكن مو انا ربيع سامحني
ربيع قلد غاده عادل في الباشا تلميز :
ليه ...ليه كده ...دنا اتغيرت عشانك ..اكلت برسيم بسببك ومتكلمتش ...بقيت بحس اني بنتمي لعجول المزرعه وبينا رابط غريب
بسببك ...
مستحمل القلش بتاع الكل عليا من الصبح عشانك ....ليه يارهف ليه
رهف :والله مو بيدي ربيع قلبي مانو ملكي لاعطيك ياه لكن ...وبصت لقمر
فيه قلب تاني طول عمره بده انك تكون من نصيبه ...لكن الظاهر حتي هالقلب راح تخسره وما راح تعرف تعوضه بنوب وشاورتله بدماغها علي مالك وقمر
ربيع بص لقي مالك بيوشوش قمر وهي بتضحك بدلع وعنيهم باصه لعيون بعض قام وقف مره وحده ورهف كمان وقفت وكانت فطريقه زاحها من قدامه ومشي عليهم بالخطوه السريعه
مالك :ياااامه ...شكلي هاخد علقه عنننب وانا مبعرفش اضرب مبعرفش غير اني انضرب
قمر ضحكت اوووي علي كلامه دا وربيع كان وصل عندهم ومسك مالك من هدومه قومه ولفه عليه واده بوكس فوشه 👊خلاه وقع علي قمر
ايه يادكتور البهايم .انتا جاي اهنه تشتغل وتاكل عيش ولا جاي تتحنجل وتتمايص ؟
قمر مدت اديها قدام مالك بحمايه وبصت لربيع :
ايه هو البرسيم طلع علي دماغك خلاص ولا ايه ؟مالك بيه عملك ايه
دلوقتي وبصت لمالك ومدت شفايفها
حقك عليا انا مش تزعل ياقلبي انا
ربيع :قلبك مين يبت الجزمه انتي الهي قلبه تقلبك متتلمي يابت رناد وتتعدلي والا قسما عظما اعدلك ...
قمر قامتله : تعدلني بتاع ايه انت وابتدت تضربه بقفا ايديها الاتنين علي صدره وهو بيرجع لورا وهي وراه مع كل كلمه ضربه ..مالك بيا ..
حبيبتك ...خطيبتك ....كاتب عليا ...
متجوزني وعلي ذمتك ؟
ربيع مسكها من طرحتها وميل دماغها :بت عمي ..وبينزل دماغها ..شرفي ...عاري ...لحمي ولحم عمي ...ديوث انا عشان اشوفك حد لازق فيكى وبيوشوشك واسكت ؟
قمر :ايه الاوفر بتاعك ده ..؟ وبعدين تعالا هنا ...وزقته بعيد عنها :
امال انتا لما بتتلزق في رهف بقى ايييه اخواتها وابوها وخالها داياييث هاه.... مالكل شايفك وشايف عمايلك وساكت
ربيع :عمايل ايه ياجزمه انتى ..بوشوش فيها وهى تتمايصلى ؟
قمر :لو كت خلتك كنت عملت كده واكتر من كده لكن هي اللي مش مدياك فرصه
ربيع مسكها من هدومها عند كتافها ورفعهم لفوق :وانتي عاد حداكي فرص عتديها للناس صوح؟ ..اه ياساهله يارخيصه ياكلبه...
في الاثناء دي مالك كان وصل عند رهف :انا بقول ننسحب احنا
رهف :من طول ماتكلم صعيدي اعرف انه وصلت معه لهون وشاورت علي مناخيرها
مالك :طب يلا عند العد تلاته :واحد وجري بأقصي سرعته 😂
رهف :ولك استني ماكملت للتلاته 😂
قمر برقتله :انا ....انا كلبه ..؟
ربيع :وبالنسبه لرخيصه وسهله عادي ؟
قمر اخدت نفس واخدت وضع القتال وغمضت عنيها ورفعت رجلها وضربت ربيع والضربه جات القاضيه في الحته الفاضيه👊 😂
ربيع وقع عالارض ومكور نفسه وبيصرخ بصوته كله :عااااااااوووووااااااااااااااااه
مستقبلي اتدمر الله يحرقك
قمر فضلت تضربه برجلها وهو نايم علي الارض فجمبته وضهره :وهدمر حاضرك كمان ...
وقعدت علي الارض جمبه وفضلت تضرب فيه بواني فوشه وهو مش قادر يقاوم من شدة الالم 😂
ربيع : كفايه الله ينتقم منك زقها مره وحده وقعت على الارض وثبتها وابتدا يضربها بواني فوشها :
بقيتي بتضربي ياقمر ..؟ بتمدي ايدك واول ماتضربي تضربي تحت الحزام ؟ محدش قالك الحته دي لا 👊....لا 👊...لا 👊.....لا👊...لا👊 ....لا👊... وكل لا ببونيه ...
قمر بتنهج :حوش رجلك من علي بطني قطعت حجابي الحاجز مش قادره اتنفس اللهي ينقطع لسانك عشان متعرف تعبر عن اللي عاوزه
ربيع :واعبر ليه👊 .. منا امد ايدي واعمل اللي عاوزه من غير تعبير 👊
كده 👊
قمر مسكت شوية تراب وحدفتهم فوشه وزقته وقع وابتدت تضرب فيه واستمرو كده كل واحد يسيطر عالتانى مره واللي يجي فوق يضرب فاللي تحت لما فرهدو بعض
ربيع وهو مثبتها في الارض :كفاياكي اكده واظن بعد العلقه دي هتحترمي نفسك وتتلمي ...وبصي ترجعي لهدومك القديمه و تحوشى اللي عملاه فشكل امك ده... تدخلي تستحمي وتشيليه وتربي شنبك من تاني سامعه ...سامعه وبيزق دماغها بصوابعه
قمر :ليه يعني هو انا وحشه كده
ربيع بصلها جامد جوا عنيها :مين اللي قال كده ؟
قمر بهمس :انتا
ربيع :لا انا مقولتش كده انا عاوزك ترجعي تخبي جمالك من تاني عشان مش كل من هب ودب يتمتع بيه
قمر بهمس:امال مين اللي يتمتع بيه
ربيع :اللي هيتجوزك وتكوني من نصيبه
قمر ابتسمت بخبث: قصدك مالك
ربيع برق عنيه وبص لقمر فوشها شويه وركز علي شفايفها وهي عملت شفايفها فوضع البوس لكن ربيع رفع دماغه ونزل عليها بروسيه خلاها فقدت الوعي 😂
ربيع قام بصعوبه وفضل يمشي زي احمد زكي بعد ما رغده ضربته
مهاب الكبير اول ماشافه جاي من بعيد ومترب كده عرف انه اتخانق مع قمر بنته :رناد الحقي ربيع
ريناد بصت لربيع بخوف :يالهوي ايه يبني مالك
ربيع :مقصوفة الرقبه اللي مخلفاها بس متقلقيش انا مرمطتهالكم خالص وعلمتها الادب ودخل بنفس المشيه
مهاب :😂 واضح انك مرمطتها ياولدي بس هي مرمطت كرامتك 😂😂 بتك عملت للواد عاهه يارناد عشان لو متجوزهاش ميتجوزش غيرها 😂 بت كلب البت دي ..اتس ماي جيرل عههههههههه
ريناد : بتضحك ؟ وخرجت علي باب الفيلا تبص عليها وملقتهاش جايه
:البت مش باينه ليكون قتلها ربيع يامهاب
مهاب :والله لوكان قتلها مالومه انتي مشفتهاش خلته يمشي كيف المطاهرين ازاي 😂
************
رهف كانت مع دكتور مالك في المزرعه وابتدت تراقبه وهو بيشتغل بأعجاب وازي بيتعامل بطريقه احترافيه اكتر من حسن مع الحيوانات بتاعت المزرعه وفنفس الوقت بحب وحنان
رهف :ياربي ياتري شو ساوي ربيع بقمر ...والله خايفه عليها كتير كان شرس كتير معك واكيد راح يكون اشرس معها
مالك :متقلقيش عليها هتستحمل ضرب الحبيب زي اكل الزبيب 😂
رهف :بس والله زودها كتير بردة فعله
مالك :ربيع بيحب قمر اوي علفكره بس هو مش راضي يعترف لنفسه بده ...ورد فعله ده ناتج عن غيرته عليها
وهو راجل شرقي وضيفي كمان صعيدي يعني دمه حامي
رهف :اي بس انا مابدي يلي اتجوزه يغير متل هالغيره المرضيه
مالك بصلها :انتي اصلا اللي يتجوزك لو منقبكيش ميبقاش راجل اساسا لان انا لو متجوز وحده بجمالك مش هخلي عين غير عيني تشوفها نهاااائي وبعدين الغيره جزء لا يتجزء من الحب مفيش غيره اذن مفيش حب .
رهف :يي نفس ذات الرجعيه والتخلف بنسب متساويه مع الأُمي وصاحب التعليم العالي والدكتور ..انتو الرجال عن جد غريبييين كتييير وشكلي راح اصفي لحالي احلالي
مالك ابتسم ولسه هيتكلم لكن
فيه عامل جاله :
داكتور مالك فيه بقره بتولد في العنبر 6
مالك :طيب انا جاي اهو
رهف :فيني روح معك
مالك :وفيكي تساعديني كمان وتولديها معايه ولبسها مريله وكوزلك (زي بوت برقبه عاليه بلاستيك )
رهف :وااااو عنجد فيني اولد بئره ؟!!
مالك :هنشوف بقا انتي وشطارتك واتحرك
رهف سقفت وجريت وراه ووصلو العنبر...
مالك لبس رهف جوانتي طبي ودخل ايده جوا البقره وطلع الرجلين الاماميين وطلب من رهف انها تمسكهم وتشد بكل قوتها
رهف بتشد لكن مش قادره وبصت لمالك
مالك :لو سبتيهم العجل هيرجع تاني جوا ويموت هو وامه
رهف خافت وبقت تشد بقوه اكبر وتصرخ ومالك يشجع فيها ..هاه اقوي كمان ...كمان شويه ..الدماغ هتخرج اهي ...
وفعلا دماغ العجل خرجت ورهف صرخت من الفرحه وسحبت بقوه اكبر ومره وحده العجل خرج وهي وقعت لورا وهو جمبها
رهف :يي ولدتها لحالي ولدت البئره ولدتها ييييااااااي انا دكتوررررره
مالك :😂 طب ساعديني ننضفه ياسياده الدكتوره عشان يقوم ياخد اول رضعته بقا ...
وفعلا رهف ساعدته ونضفو العجل وقام بضعف عشان ياخد اول رضعه ورهف كل دا بتسجله بكميرا التليفون وفرحانه جدا ومالك مبطلش ضحك عليها وعلي طفولتها والعجل بعد مارضع بقي يمشي ورا رهف كل ماتمشي وهي تضحك عليه ....
اي انت عارف اني انا يلي ولدتك حياتي ...ولك يأبرني الحلوووو الفصعون
في الفيلا بعد شويه كتار من دخول ربيع دخلت قمر اللي كانت لسه فايقه من العلقه وكان الكل اجتمع وكانت هدومها متبهدله وكلها تراب وطين وملامحها مش باينه
حسن :ايوه كده ياشيخه حمدله عالسلامه والله وحشتينا لما كنتي نضيفه احنا متعودين عليكي كده
😂😂😂
قمر الكبيره :يامرك يابت اخوي ومقواكي علي سف التراب انتي وربيع تلاقي بطنكم مليانه حصاوي الوحده بحجم قالب الطوب جاكم الحزون
قمر :هو فين زفت الطين
مهاب الكبير :جوا في الاوضه عمال بيعوي كيف الكلب اللي دايساه عربيه ياجاحده عملتي للواد عجه مهيعرفش يخلفله حتتة عيل يتسند عليه فكبره
قمر :يستاهل وبعدين عيال ايه اللي كان هيخلفها المتخلف ده ..انا لحقته قبل ان يتكاثر 😂
رعد :والله يابنتي انتي نسخه بالكربون من عمتك .ياتري فين نسخه رعد بقا اللي هيستحملك
ريناد :لا اطمن مفيش وعشان كده انا واثقه انها هتفضل فقرابيزي وتبور وتعنس
قمر :مش هرد عليكي ربنا يسامحك وبعدين اللي رزقك انتي وعمتي قادر يرزقني زيكم
مهاب :يابتي هي وعمتك اتجوزو في الغليني وانا وخالك كنا اخر الرجال المهبلين 😂
قمر :لا تقلقوش انا لقيت واحد اهبل وهتجوزه
مهاب لوالها بقه شمال ويمين : اللي عيفرفط جوا ديه ؟ مش لو عاش
قمر :هيعيش دا قرد مش بتجراله حاجه دلوقتي تلاقوه خارج يتنطط زي ميمون 😌 وسابتهم ودخلت
هجم الليل وبعد العشا والسهر الكل استسلم لسلطان النوم بعد يوم جميل للبعض ومؤلم للبعض الاخر 😂
***********
بزغ النهار ومع اول خيوط النور البعض صحي والبعض فضل نايم لكن مش كتير لان الكل لازم يتجمع علي الفطار واثناء مالكل اجتمع وبيفطرو سمعو اصوات غريبه بره وزعيق من رجالة المزرعه والارض
الكل خرج لبره واتفاجأو من اللي شافوه
معدات وجرافان واشخاص كتير شايله مناشير بالكهربا ومعدات هدم ولوادر عملاقه وكم من الناس المسلحه مهول
الكل بيبص لبعضه لكن الصوره وضحت لما زين الدين موسي نزل من عربيته وقرب منهم :
زين :مهاب انا جيتلك بالزوق ومادد ايدي لكن انت رفضت... وانا متعودتش علي الرفض من حد ابدا وعشان كده الارض دي من دلوقتي بتاعتي ومن غير مليون ولا اتنين ولا دولار... ولا دينار كويتي حتي
رعد : ايه دا ياحيوان انتا فاكر نفسك فين انتا و بتعمل ايه ؟
زين :ان كان علي انا فين ..فانا فمصر ياسيادة اللوا مصررررر...وايوه عارف نفسي بعمل ايه كويس اووي مش زين الدين اللي يعمل حاجه وميكونش عارف ومتأكد هو بيعمل ايه
شريف :طب اتفضل خد رجالتك واتفضل من هنا قبل ما...
زين وهو بيلف حواليهم :ولاااا تقدر تعمل حاجه لا انتا ولا رعد باشا ولا حتي الظبابيط الحلوين دول يقدرو يعملو حاجه ...عارف ليه عشان انا اللي ساندني اكبر منكم اكبر بكتير اوووي اووووي ...اووووي
مهاب : بص يازين كنك ولا شين انت ..موتك قصاد شبر واحد من ارضى ..ارضى محدش هيحط رجله فيها غير على جثتى ...
زين : ولا ياكل معايا هلفط براحتك ..
ابتدو عمال الارض والمزرعه كلهم يتجمعو والخبر وصل لسمر وبيني
الكل وقفو صف واحد قدام المعدات
زين :بصو بلاش نتكلم ورغي كتير وعشان تاخد الارض دوس علي جثثنا الاول وافلام ابيض واسود دي لاني فعلا هساويكم بالارض لو وقفتو فطريقي واهو تبقو وفرتو عليا العجول اللي كنت هدبحها بعد المشروع مايخلص وقرب لمهاب :فهمت ياااااعجل
قمر الصغيره رفعت ايدها وادتله قلم وهو هيمد ايده لقي الشباب كلهم حاوطوه ومسكووه وربيع زاح قمر وراه ورجالة زين فلمح البصر حوطوهم بالسلاح وعمروه
وكلب قمر برومو في اللحظه دي فك وهجم علي زين.. وزين طلع مسدسه وكان هيقتله لكن قمر حضنته ومالت عليه بكل جسمها وبعدته وادته لعامل من العمال يبعده
ربيع طب بص ياسيادته :مش هنقولك علي جثثنا لو دخلت الارض ونعمل افلام لكن هقولك حاجه وحده بس وقرب من ودنه :انتا بدخولك الارض دي ابتديت فحفر قبرك بايدك وصدقني لا هتعيش ولا تعمل مشاريع بعد كده ولا حتي تفرح باللي عندك فاهمني
زين بصله وابتسم :طب اجري ياشاطر العب بعيد ..عشان تهديدك اللي بهزار دا نهي عمرك انتا فعلا وشاور لواحد حط المسدس في دماغ ربيع
الكل اتخض وقمر جريت حضنت ربيع وفي اللحظه دي بيني وسمر وصلو يجرو
بيني :وات اذ جون اون وات ار يو دوينج رايت ناو
(ايه اللي بيحصل انتا بتعمل ايه دلوقتي )
زين : ابعدي يابت من وشي وزقها
بيني :يوآر ديد مان (انت ميت يارجل )
وطلعت موبايلها واتصلت بالسفاره الامريكيه :
هيلب انا مواطن امريكيه وجيت مصر فيزيت وفيه واهد اوز يخطفني اسمه زين انا في (****) بليز بلغ انتربول والهقوني ماي نيم اذ بيني
زين اتوتر لان مهما كانت سلطه اللي وراه لكن متديلهمش سلطه الاعتداء علي مواطن امريكي دي فيها حرب واقاله لاكبر راس في البلد مهما كان منصبه (ودي للأسف عقدة الخواجه اللي مستمره فمصر من مئات السنين )
زين بتوتر :اممم وانا يدخل عليا الحركات دي مش كده ...عاملالي امريكانيه ياصايعه
بيني طلعت باسبورها وفتحته فوشه
اقري لو تأرف
زين لقي الباسبور فعلا امريكي وبلع ريقه وبعد شويه وطلع موبايله وعمل اتصال
زين :ايوه سعادتك طلع معاهم وحده امريكيه وبلغت السفاره اني عاوز اخطفها
#:طب انسحب من عندك فورا ولو حصلت حاجه اوعي سيرتي تيجي في الموضوع
زين :يعني ايه هتتخلي عني ولا ايه
#:لا ياحبيبي عند امريكا وامن البلد محدش هيرحمني انا اتخلي عنك ونص واقفل وامسح نمرتي دي
زين :اوكي انا هكمل بطريقتي لكن انت اوف من المشروع
#: دانتا اللي اوف من حياتي من دلوقتي ..وقفل السكه
زين شال التليفون من علي ودنه وبصله ورجعه لجيبه واتقدم علي مهاب بخطوات بطيئه وتوتر وبصلهم كلهم وشاور بأيده وادا امر للكل انه ينسحب وهو رجع برجليه لورا وهو باصصلهم وبص لقمر بالزات
هرجع تاني وحط ايده علي خده :ودا هتدفعي تمنه غالي اوي اووي
قمر :ولا هتقدر تعمل حاجه
زين لسه هيتكلم لكن سمع صوت سرينه البوليص وبص لقي الطريق مرصوصه بعربيات البوليص السوده جايه باقصي سرعه ركب عربيته وانطلق والكل وراه
قمر الكبيره بصت لبيني
بيني بخوف :بص انتربول وبوليص وصل ومش تقدر تأمل مأيه ولا هاجه
قمر :يبت ومين قلك اني هعمل معاكي حاجه دنا هبوسك عاللي عميلتيه ديه ..كنتي مدسوسه فين يادوده القطن انتي ....بس براوه عليكي ياقرده امريكاني
بيني :اوووه يأني انتا مش يموت انا ؟
قمر :مين يقدر يموتك يامسنوده انتي ياواصله ياقادره يلي جريتي الراجل والجيش بتاعه بتلفون واحد وبصت لرعد ..
مقدرش اللي فالقني ليل نهار برتبته يعملها ...وفالح بس كل مااحدته ولوت بقها :انالوا ..انا لوا
رعد وشريف بصو لبعض ورعد اتنحنح وشريف بيعدل هدومه :كنا هنعمل علفكره بس بيني كانت اسرع مننا
مهاب اسكتي ياختي ولا العيال الشحوطه دول البت تمد يدها ومترضاليش بالاهانه وهما واقفين يتفرجو
مهاب الصغير :احم ..احنا كنا هنعمل بس قمر كانت اسرع مننا
مهاب الاب :ايوه منتو متأخرين ذهنيا وعتتأخرو في التصرف لغاية لما اللي قدامكم يكون مات ..
اساسا البوليص المصري فكل فيلم دايما بييجي بعد ماالكل يموت بعضه وهو يجي يلم الجثث والظابط يشاور بالمسدس ويقول ...هاتوهم ويقوم لافف وماشي ...انتو معروفين من زمان ياولدي
.قصره :حد يشيلني عشان رجليا نملو ومش هقدر امشي وبص لقمر اخته :
اللي تاب عليكي يتوب علي من العاده المنيله دي يابت ابوي .
العيال شالوه وعملوله زي كرسي كده باديهم حسن وربيع
مهاب :تعرفو ياعيال انا طول عمري اخاف من الكلاب ليه عشان لو كلب طلعلي وخضني مهقدرش اجري وهقف لغاية ماياكل ويشبع وانا اتفرج علي نفسي وانا بتاكل وبس
الكل ضحك عليه
مهاب :اضحكو عامليني عقول نكته معاملينش ان دي اكبر مخاوفي وطول عمري محلمش غير بكلب بيطلعي وانا اقف مشلول ولما يقرب مني ويفتح خشمه بقوم من النوم
مفزوع
البوليص وصل وبيني راحت اتفاهمت معاهم وقالتلهم ان فيه واحد هددها ولما اتصلت بيهم خاف ومشي والبوليص ساب معاها حرس لغايه ماترجع مصر وترجع امريكا كمان بالسلامه
هل ياتري جنة المهاب هتفضل جنته ولا هتتاخد منه وشقي عمره يضيع منه وهل ياتري الارض دي هتكون السبب فأيه ؟
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا