رواية فصيلتي القوية بقلم ريناد يوسف - الفصل الثالث والثلاثون
رواية فصيلتي القوية بقلم ريناد يوسف - الفصل الثالث والثلاثون
تابع من هنا: روايات رومانسية جريئة
رهف :انا بعرف مين يلي ساوي هيك
انا بعرفه وراح خبر الكل عنه وعن حقيقته القذره
يلي حرق الارض مشان يحرق قلب خالي واولاده عليها هو ربيع ...👈 هاد الثعبان يلي لابس تياب الحملان
ربيع انتفض من مكانه وقام وهو بيتلفت حواليه ومش فاهم حاجه والكل عيونه بتتنقل مابينه وبين رهف وعلي وشوشهم نفس نظرة الاستغراب!!
الضابط :انتي متأكده من كلامك ده ياانسه؟
رهف :متل ماشايفتك حضرة الضابط
مهاب :رهف انتي عتقولي ايه انتي اتجننتي ياك!!
رهف :لا خالو ماني مجنونه انا متأكده ميه بالميه هو يلي سواها
ربيع من الصدمه فاتح بوقه ومبيتكلمش ولا حتي قادر يسأل هي جابت كلامها دا منين وقالته علي اي اساس ؟
الضابط :خدوه ...وانتي لو سمحتي تعالي معانا عشان ناخد اقوالك فالقسم ..
مهاب :وقف ياحظابط واستهدي بالله هو مين اللي ياخدوه ومين اللي تشهد محدش هيروح معاك... الارض دي بتاعتي وانا معتهمش حد بحرقها
هو فيه سؤء تفاهم وهنحلوه بيناتنا اتفضل سيادتك
الضابط :بس انت كده بتضيع حقك!
مهاب :معلش ياحظابط ربنا يعوضني من عنده علي خسارتي وهحتسب حقي عنده وهو معتضيعش عنده الحقوق واصل وهيرجعهولي من اللي عيمل اكده ومضاعف كمان ..
الضابط :علي العموم براحتك عن اذنكم وشاور للقوه تنسحب
مهاب بص لرهف وبعدها بص لربيع :
قدامي علي الفيلا
رهف وربيع اتوجهو عالفيلا والعيله كلها دخلت وراهم
مهاب :ايه يارهف الحكايه وقلتي اكده علي ربيع ليه ؟
رهف :قلت هيك مشان هو عمول هيك خالو..
ربيع :كفايه بقا حرام عليكي كفايه اتهامات باطله ..انا اعمل كده يارهف انا!! طب ازاي وليه ...؟ وبعدين انا وقت الحريق كنت بشتغل في الارض وكل العمال تشهد بكده
رهف :مانك مطر تسويها بنفسك ربيع اكيد خليت حدا سواها مكانك ولحتي ماحدا يشك فيك ضليت بالارض تحت عيون العمال.... عنجد قديشك ممثل قدير ربيع انت تفوئت علي يوسف بيك وهبي بالتمثيل
ربيع بحده :رهف كفايه كده ارجوكي حرام عليكي انتي بتدبحيني ...انا احرق ارضي ليه؟ دي ارضي اللي تعبت وشقيت فيها من صغري
رهف :خلاص ربيع ماعاد فيك تنكر انا سمعتك وانت عمتحكي مع امك وعمتأكدلها انك راح تنفذ وتحرق قلوب الكل
ربيع اتصدم ولسه هيتكلم لكن في اللحظه دي دخلت قمر الكبيره ورعد اللي سمعو بالخبر وجو بأقصي سرعه
وسمعت كلام رهف..
قمر:طول عمري ياواد حمد وانا عمري مرتحتلك وحاسه ان خباثة ابوك عتجري فدمك
وبصت لريناد :شفتي .صدقتي كلامي دلوكيت ...صدقتي انك كنتي عتربي تعبان فحجرك انتي وجوزك واول ماكبر انتو اول ناس بخ سمه فيكم.. شفت ياخوي واد حسنه وحمد.. شفت قلبك الطيب اللي ضيعك لتاني مره ؟
ربيع دموعه نزلت :حرام عليكي ياعمتي ليه كده انا عمري ماكنت ولا هكون كده!!
قمر :متقولش عمتك انا مش عمتك وعمري ماهكون عمتك ربنا ينتقم منك زي ماانتقم من ابوك وعمك
مهاب بصوته كله :قمرررر اسكتي انتي عتدعي علي ربيع وقدامي ؟
وبعدين ربيع عمره مايعمل اللي عتقوليه انتي وبتك ده وبص لربيع وقاله بتأكيد :
متعملهاش ياولدي انا عارف.
رهف راحت لربيع ووقفت قدامه :
انكور اذا فيك ربيع ...لكن انا ماباكذب يلي سمعته وشفته... اتطلع بعيوني وقول انك ماحكيت هيك اتطلع
ربيع بص لعيون رهف اللي مليانه اتهامات : اللي سمعتيه مش هقدر انكره ابدا ..انا فعلا قولت كده
الكل اتصدم
ربيع :ودي مش اول مره اقول لحسنه الكلام ده.. انا ليا سنين بقولهولها عشان تسكت وتطلع من نفوخي لانها معتقده ان عمي هو السبب فموت اخوه ..وان الارض دي كلها من حقها هي ..وانها جابتني هنا عشان ارجع كل حاجه ليها من تاني واخد بتار ابويا من عمي....
سنين وسنين وانا بقولها كده لكن انا عمري ميخطر حتي فخيالي ولا افكر مجرد تفكير اني اعمل كده
قمر الكبيره :والله كلام زي الصوح امال لما مش انت امال مين اللي عيملها ؟
رهف :وليش اليوم بالزات لحتي سواها ؟
ربيع :عشان فهمت واتأكدت اني عمري مهنفذلها اللي هي عاوزاه نفذت بنفسها
الكل بصله بزهول
ربيع وطي دماغه للارض :ايوه حسنه هي اللي حرقت انا شفتها وهي بتجري وسط الشجر
رهف :اي سوتها لحالها وانت ياحرام ماالك ذنب
قمر :بكفياك ياواد حمد انت وامك بكفياكم كدب وكره وغل انتو ايه
اللي عيجري فعروقكم ديه سم قلوبكم كلها سواد ليه ..؟ ولا عيتمر فيكم عيش وملح ولا تربيه ولا محبه ربنا ياخدكم ويخلص الدنيا منكم ومن امثالكم
مهاب بصوته كله :قمرررر اسكتي وقعد علي الكنبه وغمض عنيه :لا ياقمر الا ربيع
قمر :رجعنا تاني يامهاب للظلم!! ورجعت تسكتني زي ماكنت تسكت وتسكتني زمان ....لكن له دلوك حيات عيالك اللي هتتدمر مش حياتك انت
مهاب :بس ياقمر بس
قمر الصغيره جريت علي ربيع ووقفت جمبه وبصت لباباها وللكل وبعدين بصت لرهف :
انا لو كل الدنيا قالت انها شافت ربيع بعنيها بيحرق الارض انا برضو مش هصدقهم... ربيع مش ممكن يعملها مش ممكن ...وبصت لباباها ...ميعملهاش يابابا وبصت لربيع جواعنيه : متعملهاش ياربيع
مهاب ساكت خالص ومغمض عنيه وريناد راحت قعدت جمبه
ربيع بص لعمه واتقدم منه ومن ريناد وقعد علي ركبه قدامه ومسك ايده وباسها والدموع غرقت وشه ...
والله حسنه... اقسم بالله معملتها ولا اقدر اعملها فيوم ...وحسنه انا هحاسبها علي عملتها دي
وبص لريناد :مش انا ياامي انا مقدرش اعمل كده ابدا وبيهز فدماغه
مهاب بص لريناد اللي غمضت عيونها ونزلت منها دمعه مد ايده مسحهالها وربيع مسك ايدها باسها ودموعه نزلت علي ايدها ...وهي هزتله دماغها من بين دموعها مهاب حط ايده علي شعر ربيع :انا مصدقك ياولدي مصدقك ياربيع
ريناد :وانا كمان لايمكن اصدق انك تعمل كده يبني ..
ربيع حط دماغه علي رجل مرات عمه واتفتح في البكا
قمر :اوعك ياولد ابوي تصدق دموع التماسيح دي اوعك يامرت اخوي
مهاب : من ميته وانتي قلبك قاسي اكده ياقمر ياخيتي ..؟ قلبك جاب القسوه دي كلها من وين ياقمر ؟
قمر :من اللي شافه من الناس والدنيا ياواد ابوي انا قلبي عيتعلم مش زي قلبك عمره معيتعلم من اي حاجه توحصول معاه ...
مهاب : انا لايمكن هصدق فربيع حاجه زي دي ياقمر ..ربيع ديه ربايتي وولدي البكري وانا عارفه وحافظه اكتر من نفسه حتي... ومش هاخده بزنب حاجه عملتها حسنه
قمر الكبيره :حتي لو امه اللي عملتها هو برضو مسؤل عن عملتها دي زيها بالظبط.. ليه ممنعهاش ليه مقلكش عشان انت كنت منعتها لو ميقدرش يعمل حاجه ليه ؟
ربيع :مكنتش اعرف ان جنانها ممكن يوصلها انها تعمل حاجه زي دي ابدا
طول عمرها بتتكلم وانا بسكتها وبصبرها لكن عمري متوقعت انها تعمل كده فيوم من الايام.... لكن وحياتك انتا ياعمي وغلاوتك ياامي وبص لريناد :لهخلص عليها بأيدي
انا اصلا عمري ماحبيتها ولا كنت عايز اقرب منها لكن انتو اللي كنتو بتجبروني اروحلها واودها
وانتي ياامي كنتي دايما تقوليلي دي مهما كان امك جنتك ونارك تحت رجليها ...
بس انا عمري ماشفت منها جنه مشفتش منها غير نار ..نار وبس نار بتحرق فقلبي وروحي ومستحمل لكن لما نارها توصل لغاية عندكم انتو انا لايمكن هستحمل ولا هسكت ابدا
وقام وقف مره وحده وعيونه بتطق شرار وجري لبره
ريناد :حسن الحق اخوك ليقتلها ويودي نفسه فداهيه ويضيع شبابه
حسن جري وراه وقمر كمان
قمر :ربيع ارجع اياك تتهور كل حاجه تتعوض الا عمرك وشبابك اللي ناوى تضيعهم فساعة غضب ...ارجع ياربيع
ربيع بص لقمر وكان جمب عربيته وفتح الباب وركب وساق بأقصي سرعه وقمر جريت وراه وبتنده عليه هي وحسن وهو عنيه مركذه فطريقه ومخه مركز فحسنه واللي عملته ومنظر النار وهي بتاكل كل حاجه قدام عنيه
قمر يلا بسرعه وراه ياحسن الحقه المجنون ده وركبت العربيه
حسن انتي رايحه فين انزلي انتي
قمر :لا ياحسن مش هسيب ربيع وهو في الحاله دي... ربيع مجروح ومصدوم وممكن يتهور وانا لازم اكون جمبه ..
حسن ركب عربيته وجري ورا ربيع بأقصي سرعه عشان يقدر يلحقه لكن ربيع كان كأنه بيطير بالعربيه مش بيمشي بيها عالارض حسن قدر انه يكون ماشي وراه بمسافه بسيطه
لغاية ماوصلو البلد ووقف قدام بيت حسنه ونزل وساب باب العربيه مفتوح وراه وجري علي البيت خبط علي الباب بعنف ولما متفتحش بسرعه كسر الباب برجله ودخل وكانت حسنه جايه علي الباب عشان تفتح
حسنه اول ماشافته ابتسمت :ولسه هتتكلم لكن ايد ربيع سبقت وراحت علي رقبتها منعت الكلام انه يطلع
انتي شيطانه.. شيطانه عايشه بين البشر ..متعرفيش تعيشي ولا تخلي غيرك يعيش بسلام ابدا ..عملولك ايه
عملو فيكي ايه وحش ؟
حسنه خلاص بتنتهي فأيد ربيع لكن حطت ايدها علي خده وعنيها اتعلقت بعنيه بترجى مقدرش يكمل وسابها وقعت علي الارض وهي بتعافر عشان تعرف تاخد نفسها ..سابها ودخل علي المطبخ
حسن وقمر وصلو ودخلو البيت بسرعه شافو حسنه في الحاله دي وعنيهم بتدور علي ربيع اللي لقوه خارج من المطبخ ماسك سكينه وجاي نحيتهم
قمر وقفت قدام حسنه :اعقل ياربيع متوديش نفسك فداهيه ومهما كان دي امك
ربيع بص لقمر والدموع فعنيه :مقدرتش اموتها ياقمر عشان الكلمه دي( أمي )
امي اللي متعرفش يعني ايه امومه
امي اللي متعرفش يعني ايه رحمه
امي اللي متعرفش يعني ايه حنان
امي اللي عمرها مكانتلي ام غير بالاسم بس ..لقب انا ادتهولها بجيتي علي الدنيا بس
ربيع رفع السكينه لفوق وحسن كمان راح وقف قدام حسنه
ربيع ابتسم :لا مش هموتها هي متخافوش عليها ..هي هتترمي فالسجن علي عملتها دي ..
لكن اللي لازم يموت هو انا سلاح الشر بتاعها اللي فاكراه هينفذلها كل رغباتها وامنياتها ..
اللي فاكراه من غير قلب زيها وهيدوس علي اللي بيحبوه عشان الفلوس ..
اللي فاكراه عشان ابنها هيكون نسخه منها ..
مش قادره تصدق انه كبر واتربي علي ايد ناس نضيفه وقلبها ابيض وربوه علي الحب ومبقاش فقلبه غير الحب ..الحب والرحمه ..حتي ليكي انتي ..
وبرغم كل اللي عملتيه فيا وفيهم قلبي وايدي مطاوعونيش اني اموتك ..عشان كده اللي لازم يموت هو انا ..ووجه السكينه علي نفسه
قمر برقت وحسن كمان
قمر :ليه ياربيع ليه حرام عليك
ربيع :عشان مش هقدر اعيش واشوف نظرة لوم او اتهام فعيون عمي ومرات عمي اللي هما ابويا وامي.. مش هقدر اتحمل كسرة عمي اللي هتبان فعنيه كل مايبص علي الخراب اللي حصل للارض
مش هقدر افضل مسؤل قدام الكل عن تصرفات امي وقبلها تصرفات ابويا ياقمر ..عشان تعبت ..حقيقي تعبت ..
انتي مسمعتيش عمتي قالت ايه ..؟ مشفتيش نظرة عنيها ليا اللي مش من دلوقتي بس بشوفها فعنيها ..لا ياقمر النظره دي فعيون عمتي من سنين وسنين من صغري ياقمر .
مشفتيش رهف هي كمان شكت فيا ازاي ...انا مقدرش اعيش تاني مع كل الاتهامات والكره دا ليا ياقمر
حسن :ايه دا ياض ياخرع انتا ...عاوز تموت نفسك عشان كلمتين هبل اتقالو من عمتك قمر اللي كلنا عارفينها لسانها فالت وملوش فرامل ولا بنتها رهف العبيطه دي!!!
ارمي يلا السكينه دي واتلم
حسنه قامت بضعف :ارمي ياولدي السكينه دي ولو حد هيموت يبقا انا ياولدي.. انا اللي لازمن تتحاسب مش انت انت زنبك ايه ..؟ انا اللي حرقت وانا اللي خربت وانتا ملكش صالح
وبصت لحسن :
قوله ياولدي قلو انه لازمن يعيش لساته قدامه عمر طويل وحجات حلوه يعيشها
ربيع :لا ياحسنه الحجات الحلوه انا كنت عايشها قبل ماتعملي عملتك دي لكن دلوقتي انتي مخلتيش فحياتي اي حاجه حلوه
قمر :لا ياربيع كل اللي جاي حلو وكل حاجه هترجع زي الاول واحسن ..ومدتله ايدها وقربت منه
يلا بينا ياربيع نرجع علي ارضنا ونعمرها من تاني ونصلح كل حاجه ونقف فيها ونحميها
..انتا ناسي ان فيه اللي عاوز ياخدها مننا ويحرمنا منها .
يلا ياربيع بينا علي جنتنا من تاني
ربيع :هتبقي ناري من هنا ورايح مش جنتي ياقمر ...انتي مشفتيش رهف عملت ايه وقالت ايه ..مسمعتيهاش ياقمر ؟
قمر بصوت واطي :يقطع رهف وسيرتها وبصتله وابتسمتله :طب ايه يعني كلام رهف واتهامها ليك قدام ثقتي فيك انا وحسن وبابا وماما ..
ولا ست رهف عندك بالدنيا ومافيها سعاتك ؟ تبقي ايه رهف دي ؟ اتضربت منك قدي ؟ سففتها تراب اد اللي بتسففهولي ؟ كسرتلها بقها ومتكلمتش ؟ لسه بتحبها وشاريها وبايع الكل ؟ دي اكلتك برسيم ياجدع
ربيع غصب عنه ابتسم من كلام قمر
قمر :طب وكتاب الله انتا قلبك رايح في السكه الغلط متجره من هناك وحوده النحيادي ومش هتندم وربنا
حسن :يبت اتلمي شويه يابارده ياشحاتة الحب
قمر :شحااااات ومد ايديه وكسر خاطره حرام ...ومدت ايدها لربيع
ربيع اتنهد وابتسم ومد ايده لقمر ومسك ايدها واخدت منه السكينه رمتها وشدته لبره وخرجت هي وهو وركبته عربيته وركبت هي تسوق وحسن راح علي عربيته
حسنه خرجت علي الباب وهي ماسكه رقبتها ووقفت وعنيها بصت لربيع اللي لف دماغه بعيد عنها
حسنه نزلت عنيها للارض ودخلت جوا البيت بمجرد مااتحركو بالعربيات وراحت علي اقرب كنبه وقعدت عليها وابتدت تراجع نفسها
انا ايه اللي عيملته ديه ؟ وليه ؟ كسبت ايه غير عداوة ولدي خدت ايه ؟ ايه اللي عيملتيه دا ياحسنه ؟
ليه ياحسنه ليه... ملعون ابو الغل والغيره اللي عتدمر كل حاجه .
خليكي لحالك ياحسنه.. من اهنه ورايح هتصفي لحالك ومحدش هيدق بابك ولا يسأل عليكي وهتموتي من الوحده والجوع
جيتي تحرقي قلب مهاب محرقتيش غير قلبك انتي وقلب ولدك
***********
في الارض
مهاب واحمد ودنيا وسمر وبيني اول ماسمعو باللي حصل كلهم سافرو مع بعض علي الارض
مهاب اول مادخل الفيلا :متزعلش ياخالي وغلاوتك عندي لاربيلك زين الكلب ده واخليه يندم علي اليوم اللي فكر فيه في الارض
احمد :اكيد لازم يدفع تمن عملته دي و مش بالقانون .
قمر :اسكتو اسكتو مش هو اللي عيملها انتا وهو متظلمهوش اللي عيملتها حرمه
الكل بص لبعض
قمر :ام ربيع حسنه هي اللي عيملتها هي وولدها ..تمرتش فيه الربايه اصل عيش خالكم عادم متمرش فيه
في اللحظه دي وصل ربيع وقمر وكانو واقفين علي باب الفيلا
مهاب وقف :قمرررر اوعك تتكلمي عن ربيع اكده مره تانيه ..وبص لرعد
قول لمرتك حاجه يارعد يأمه خدها وامشي من اهنه ..اللي اتحرقت ارضي واللي اتحرق قلبي وانا مسامح ومحدش ليه صالح بولد اخوي ..سامعين
قمر :اكده يامهاب !..اكده ياولد ابوي ..يعني عتطردني من بيتك وارضك ..عتطلعني من حياتك وعشان مين ؟ عشان واد حسنه وحمد ؟ اغلي عندك من اختك ؟ لكن هي عادتك ولا هتشتريها منتا طلقت مرتك قبل اكده عشان حمد وبرضو بعد كل العمر ديه متعلمتش ولا السنين علمتك اي حاجه .!
اموت واعرف الراجل الجاحد اللي كل مره عيكتبولك حداه ويعمو عنيك وقلبك وبصت لرعد :
يلا بينا يارعد احنا ملناش مطرح فمكان فيه واد حسنه وحمد وبصت لمهاب واحمد وبعدهم رهف :يلا ياد انتا وهو وهي قدامي
الكل بصو لبعض وبصو فالارض
قمر :متيلا مالكم هتقعدو بعد ماطرد امكم من بيته؟
احمد :انا مش هسيب خالي في الوقت دا ياامي
مهاب :ولا انا
رهف :وانا ماراح اجي معك هلا
قمر :طب والله عال ّ ؟ طب عالعموم براحتكم خليكم ..وبصت لرعد هتيجي توصلني انتا كمان ولا اسافر لحالي
رعد :لا جاي اوصلك وارجع تاني
قمر مشيت للباب بالخطوه السريعه وجت قصاد ربيع ووقفت وبصتله من فوق لتحت
ربيع :خليكي ياعمتي انا اللي همشي من هنا
مهاب :ربيييع ؟ اوعك تنطوق الكلمه دي مره تانيه انتا مش هتسيب اهنه ولا هتروح لاي حته وهي سيبها تمشي عشان هترجع تاني لما تهدا وتعقل كلامها وتفكيرها
ربيع :لا ياعمي انا لايمكن اكون سبب فأي زعل اوخلاف بين اي حد من العيله ..انا بعد اذنك همشي وادور علي شغل فأي حته وهبقي اجي ازوركم من وقت للتاني
ريناد بصتله بعتاب :فيه حد يسيب امه اللي بتحبه وروحها فيه ويمشي ؟ انت مش عارف انت لو بعدت عني انا ممكن يحصلي ايه.. انا اموت ياربيع .انت وحسن وقمر النفس اللي بيدخل جوايا ويعيشني
عاوز تخنقني وتموتني ببعدك عني ياربيع ؟
ربيع جري واترمي فحضن ريناد ومسك ايدها وفضل يبوس فيها ويبوس علي دماغها :
انا كلي فداكي ياامي ...انتي وبابا واخواتي كل حاجه ليا في الدنيا دي ...ومن بين دموعه بص لرهف وهو متأمل ان قلبها يرق او تقوله كلمه تطيب بيها خاطره
وكان مش عارف ليه مستني كلمتها هي وكأنها هي البلسم لجرح قلبه لكن
ملقيش فعنيها غير كل قسوه ولما عنيهم اتقابلت رهف بصت بعيد
ربيع :عنيه اتجولت وسط الحضور ولقي نظرة العطف والحنان في عيون الكل الا اتنين بس عمته وبنتها رهف
لكن لما بص فعيون قمر شاف عيون مجروحه وحزينه عليه وفيهم حب واضح وثقه وامان قادر يبدد اي خوف
ربيع ابتسم بحزن ..ابتسم علي عيونه وقلبه اللي علي رأي قمر طول عمرهم رايحين فسكه غلط ابتسم علي صبر قمر عليه ..علي قلبها الطيب اللي ياما اتحمله واتحمل قسوته ...
قمر الكبيره :يلا يارعد عشان تلحق توصلني
احمد الكبير :يلا يارعد روح وصل مراتك بسرعه عشان تدي الفرصه لزين ورجالته اللي تلاقيهم مستنيين اي فرصه لاي حد يكون لوحده ويخطفوه ويهددو بيه مهاب عشان يسيب الارض
مهاب :وانا مهتهددش بيها ام مخ خربان دي هخليهم يدبحوها
قمر بعنف وزعيق :خليهم ياعم يدبحوني... يدبحبحبحو.. مين ؟ 😁 انا ؟ انا ممسافراش انا اصلا ممصدقاش ان ربيع عيميل اكده وكنت عمثل عليكم
😁شفتوني وانا عمثل ؟ صدقتوني صح ..هيييه ضحكت عليكم كلياتكم 😁
الكل ضحك عليها وعلي جبنها اللي مش بتقدر تخبيه ابدا
قمر بصت لمهاب الكبير وابتسمت وبرقت :😁 كنتش اعرف ان فيها خطف ودبح اندمجت معلهش
مهاب :ايوه اتعدلي جاكي الغلب ..يلا طيبي خاطر ربيع ..ولدددي وبرقلها
قمر :حقك علي ياربيع انا والله من حرقة قلبي عالارض ياولد اخوي
ربيع :مسامحك يام احمد وصدقيني محدش زعلان علي اللي حصل فيكم قدي انا زعلان ومجروح ومحرج وكل ده مع بعضه
قمر :ايه ام احمد دي ..😁 قولي عمتي احنا خلاص اصتلحنا
ربيع ضحك بخفه :ههه ماشي ياعمتي وصدقيني انا مش زعلان ولا عمري زعلت منك.. انا بس كنت بزعل عشان انا مظلوم ومتاخد بذنب معملتوش والظلم وحش ياعمتي
مهاب وقمر واحمد وسليم وحسن وبدر الكل راحو علي ربيع وحاوطوه وابتدو يهزرو معاه
قمر :مخلاص ياعم المجروح فكها
مهاب :يعم دا بيشرب لبن جاموس سيبوه
احمد :وبياكل لحم بهايم متاخدوش عليه
حسن :نسيتو الكبيره :اكل برسيم 😂
سليم :اضررررب ومتعورش
الكل :😂😂😂😂😂😂
ربيع :مش هتنسوها دي انتو صح؟
حسن ":يبني دا حدث بيحصل كل الف عام ننسي ايه انسي انتا اننا ننسي 😂
دكتور مالك :يلا ياجماعه طيب عشان نشوف هنقدر نعمل ايه ونعرف نصلح ايه
قمر :انا وربعه وبدر هنروح نشيل الشجر اللي اتحرق ونصلح الارض عشان نتمرها من تاني بشجر جديد ونزرع تحته اي محصول والشغل هيبتدي من دلوقتي
حسن :وانا ومالك وسليم هنروح نشوف ايه اللي باقي من المزرعه ونخرج جثث الحيوانات المحروقه
ربيع :هندفنها تحت الشجر اللي لسه موجود عشان تسمده لسنين قدام وتضاعف محصوله
بدر :ورماد القش هنسمد بيه الارض عشان الزرع يطلع عفي وميحتاجش كيماوي واسمده مصنعه
مهاب :محدش فيكم هيعمل حاجه دلوكيت ابتدو من بكره ..دلوكيت تتعشو وترتاحو والصباح رباح
رهف الصغيره :شو هاد عمتحكو عن تصليح الارض وناسيين تحاسبو يلي ساوى الخراب بالاساس!! ..وبصت لخالها
ماراح تبلغ الشرطه ليعتقلو هالحسنه ويحاسبوها عفعلتها هاي؟ وبصت لربيع
ربيع بصلها ونزل عنيه للارض
مهاب :له يارهف مهحبسهاش ..عشان خاطر ربيع ..ربيع شفعلها عندي
ربيع :لا يابابا لو انتا مبلغتش عنها هبلغ عنها انا هي لازم تاخد جزائها
مهاب :ولددد انا قلت خلاص سامحتها عشان خاطرك انت وانتهينا
ومسمعش نفس حد ويلا كل واحد يروح يشوف هيعمل ايه
الكل خرج مفضلش غير الكبار
قمر :ليه محبستهاش يااهبل هتسيبها لما تحش رقابتك المره الجايه!!
مهاب :محبستهاش عشان ممكن فيوم من الايام تكون جدت حد من عيال عيالنا ياقمر ...ينفع احفادنا تكون جدتهم رد سجون؟
قمر :وه عتفكر كيف انتا يامقندل ؟ انا عن نفسي مهتكونش جدت احفادي ابدا لايمكن
مهاب :متخافيش وهو مش هيعملها .دي بتك مرمطت بكرامته وكرامت امه الارض
قمر بصوت واطي :هي امه عندها كرامه من اساسه ولوت بقها شمال ويمين
ريناد :قمر ارجوكي متتكلميش كده عشان متجرحيش ربيع ارجوكي
قمر :يبوي خلاص مهنتكلموش ...والله لولاش خايفه اسيبكم لحالكم وخايفه عليكم كنت سافرت وسبتكم من الصبح
سلمي :وه وتسيبينا للوبا لحالنا منقدروش ندافعو عن حالنا لو حوصلت حاجه ؟ اوعي قلبك يقسي وتسيبينا ياخيتي..
قمر :له قعدت اهه 😂 بس والله خسارتك كبيره ياولد ابوي 😢
مهاب :رعد خد مرتك وفصامها ديه وبعد بيها من قدامي مناقصهاش ...التليفون رن وكان شريف بيتطمن علي مهاب والكل للمره العاشره ويتأسف انه مقدرش يجي مع الولاد لظروف شغله
رعد :هاته يامهاب عاوزه واخد التليفون
رعد :هاه عملت ايه ؟ يعني اتأكدت .
كده ..يعني لسه مصمم ؟ .....طيب اسمعني بقا كويس .....
انتا هتطلع حمله تفتيش للمنطقه الصحراويه اللي جالنا عليها بلاغ وتاخد مهاب واحمد معاك وتعملو الاتي ....................
شريف :فهمت دماغك
رعد :معايه
شريف :قبل منك يباشا بتتكلم ازاي انت بس ياخدو بالهم
رعد :لا متقلقش هياخدو
ياتري شريف ورعد هيعملو ايه
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا