رواية فصيلتي القوية بقلم ريناد يوسف - الفصل الثالث والأربعون
رواية فصيلتي القوية بقلم ريناد يوسف - الفصل الثالث والأربعون
تابع من هنا: روايات رومانسية جريئة
..حسنه وقفت واتسمرت مكانها وسابت الجلابيه من بوقها واللي فيها كله وقع علي الارض ورفعت ايديها لما سمعت صوت من وراها بيزعق
عتعملي ايه يامهبوشه انتي ، ليلتك سوده سواد المازوت الخام المخلوط عليه قطران مقطرن ووقعتك معاي مقندله
حسنه لفت وهي بتترعش من اللي هيعمله فيها مهاب لكنها لقته عبد الله
حسنه نزلت ايد والتانيه نزلت بيها علي خد عبد الله :اكده ترجفني وتوقع النعمه مني ياجاحد؟
عبد الله :نعمة ايه يامخبلة وايه اللي عتعبيه فحجرك ديه وعتضروبيني ليه جاكي ضربه فقلبك
حسنه :ديه بانجه ياحمار ..وضربتك عشان ضرعتني
عبد الله :ايه البانجه ديه
حسنه ده اللي عيظبط الدماغ ويعدله
عبد الله :الورق الاخضر ديه عيعمل اكده ..انتي عتتمقلتي علي ياحسنه !
حسنه :ياراجل ياعبيط انتا وانا هضحك عليك ليه ؟ طيب مهو اللي عيوبقا جوا السجاره اللي عتشربها ورق زي ديه وعيفركوه ويحشوه جواها يافصيح .
عبد الله :يبووووي يعني كل المزروع ديه سجاير ؟
حسنه :بالظااابط ومش ناقصه غير انه يتقرطف ويتنشف ويتفرك ويتحشي ويتشرب والسجاره من ده بعشرين من التانيه
عبد الله :يبوووووي ..!طب وانتي عتسرقيه فالليل ليه
حسنه :عشان المجانين دول ناوين يخلعوه ويحرقوه بكره كلياته
عبد الله :ليه طيب خساره ؟
حسنه قربت منه وشوشته :عشان هما حدش فيهم عيشرب سجاير .!تلقاهم عارفينش قيمته ..عشان اكده انا جيت اخد شويه اشيلهم وابقا اشربهم علي راحتي
عبد الله :وانا كمان هاخد شوية زيك
حسنه :يبقا خلاص احنا ناخدو احنا الاتنين مع بعض علي كد مانقدرو ونشربوه علي راحتنا من غير ماحد يعرف ..اتفقنا ياعبده ؟
عبدالله :اتفقنا وشمر جلابيته هو كمان وابتدا يقطع ويحط فيها وفضلو يقطعو فالفروع والاوراق طول الليل ويروحو يشيلوهم في اوضة عبد الله ..جوا الزير والقله والحلل وتحت السرير وفي الدولاب وفكل حته لغاية ماتعبو
😂😂😂
قمر الكبيره كانت نايمه واتقلبت ملقتش حسنه جمبها قامت بدماغها وبصت يمين وشمال ونامت واتكلمت وهي نايمه :غورتي فين يابومه دلوكيت ؟
حسنه بعد ماخلصت هي وعبد الله رجعت علي الفيلا ودخلت الاوضه عند قمر ونامت علي السرير جمبها وهي فرحانه بالبانجو اللي خزنته وقربت علي قمر باستها وحضنتها وحطت رجلها فوقيها
قمر :بعدي عني ..عتعملي ايه جاكي الحزن بركتي عليا ليه كيف الجتيمه اكده !
حسنه :نامي يبت واسكتي خليني انعسلي هبابه تعبانه
قمر : متغوري تنعسي بعيد عني السرير واسع ..؟
حسنه ملست علي شعر قمر وباستهاوحطت دماغها علي صدرها ومتكلمتش وفجأه شخرت وهي علي نفس وضعها
قمر :اقسم بالله اخوي مهاب ديه كيف الفروج عمره مايقعد ساكت ..
.وين مايروح يجيب الوَسخ فرجليه وهو راجع 😢 ونامت باقي الليل وهي متكتفه من حسنه ومش عارفه تتحرك واخر مازهقت مسكت التليفون واتصلت برعد جوزها
رعد بص في الموبايل اللي بيرن لقاها الساعه ٥ الصبح وقمر هي اللي بترن
قلق ورد بسرعه :قمر ؟
قمر :ايوه يارعد 😢هتاجي ميته
رعد :مالك ياقمري ؟
قمر :تعبانه من غيرك ياخي ..وحاسه حاجه طابقه علي نفسي ..وبصت لحسنه
رعد :ياحبيبتي .هاجي ياقمري فأسرع وقت بس الولاد ينقو الشبكه وادفع تمنها واجيلك ياعمري انتي ..
طب تصدقي ان انتي كمان وحشتيني اووي ووحشني جنانك
قمر :وانا كمان اتوحشتك قوي
حسنه بنوم :وقوليلو حسنه اتوحشتك كماااااان واتاوبت
قمر :😳 اتوحشتي مين ياوليه انتي .؟ انتي عارفه انا عكلم مين !
حسنه :مش مهم اللي تتوحشيه انتي انا اتوحشه ..اصلك حبيبتي
رعد :مين اللي بتتكلم معاكي دي ياقمر ؟
قمر :دي الحاجه اللي طابقه علي نفسي ...تعالا يارعد احيات عيالك عشان تبعد عني
رعد :حاضر يامجنونه جايلك بكره
قمر :يارب هات بكره بسرعه 😟
الصبح صبح والكل صحي وابتدو روتينهم اليومي وربيع اخد العمال علي الارض عشان يتخلصو من البانجو ويحرقوه في اخر الارض وحسنه مراقباهم من البلكونه وهتموت من الغلب والدمعه علي طرف عينها وبتكلم نفسها :
ابقو شوفو ربنا هيسوي فيكم كيف علي النعمه العتحرقوها دي ياظلمه
سمعت صوت قمر الكبيره من وراها
عتبرطمي تقولي ايه يامخبله انتي عتكلمي نفسك ليه!
حسنه :بعدي عني دلوك ياقمر الا ارميكي من البلكونه واقولهم وقعت لحالها ...
قمر :شاله يرموكي فنار جهنم القايده يابعيده ..غوري ..وسابتها ومشيت نزلت لريناد
قمر :بت يارناد مش هتقوليلي جوزك وربيع عيحرقو الزرع ليه ؟
ريناد :بيبخرو الارض عشان محسوده .
قمر :ايه يابت السكر ديه ؟ يخرب بيت عسلك يامعسله ولا معسل السلوم ...ميته تاجي يارعد وتاخدني من اهنه ..؟ وبصت لريناد اللي كانت بتضحك عليها..
العيال في مصر رايحين يجيبو شبكتهم بكره ..عيالك انتي هيشترو ميته ؟
ريناد :مش عارفه والله محدش متكلم فحاجه ..البنات حابسين نفسهم والولاد في شغلهم والكل منفض ومكبر
قمر :وانتي ؟ العيال ايه عرفهم ؟ عقولك ايه... اخر النهار مهاب ياخد العيال ويطلعو علي مصر وكلهم ينقو شبكتهم من هناك وياجو مع بعض
ريناد :والله فكره ...هروح اقوله وخرجت
*****
عند البنات في الاوضه
رهف :طيب انتو وحابسين حالكم مشان راح تتزوجو انا شو زمبي تحبسوني معكم 😢 بدي انزل شوي اختنقت
قمر :ايوه يختي عاوزه تنزلي وتتقصعي قدامهم واحنا محبوسين هنا وهما بقا يفضلو يبصولك مهو مش هيبقا فيه جنس ناعم غيرك فقلب البيت
رهف :والله ماراح اتقصع انا اصلا مابعرف اتقصع
قمر :انتي اصلا مقصعه فنفسك من غير متتقصعي... مقصعه وانتي قاعده ..وبصتلها من ورا ومن قدام ..اهو اقسم بالله مقصعه
بدر :😂
رهف :طيب اسد جاي بعد يومين ..راح ضل محبوسه معكن؟
قمر :لما يجي الاسد ابقي اطلعي
بدر :قولتي لخالتي قمر ان اسد بيحبك وجاي يخطبك ؟
رهف :يي مابقدر راح تقتولني وتحكي اني كنت روح العراق مشان اسد واني كنت مقضياها معه بالعراق
رهف :لا والظلم وحش اوي ياحبة عيني ؟ يعني البت مكنتش مقضياها
رهف :كيف كنت مقضياها وانا كنت عمحب حسن يعني ؟
قمر :بصت لبدر لقتها ادايقت فحبت تتوها ...ياتري البنات عاملين ايه متتصلي بيهم نطمن الا غطسو غطسه سوده ولا حس ولا خبر
بدر مسكت الموبايل ولسه هتتصل جالها اتصال
بدر :الوووو
*ايوه بافندم احنا شركة مستحضرات التجميل وجبنا طلب سيادتك كرتونة ماسك الطين المغربي وسيادتك احنا قدام الفيلا ومحتاجين حد يستلم الاوردر ويدفعلنا
بدر :اوك ثواني هبعتلك حد ...وبصت لقمر ..الماسك اللي طلبناه من علي النت جه وعاوزين حد يستلمه ويدفع
قمر :اتصلي بحسن
بدر اتصلت تليفونه غير متاح ...خلاص كلمي انتي ربيع
قمر :والنبي ايه ؟ ويشوف الماسك اسمه ايه ويفضل يتريق عليا في الراحه والجايه ...لا ياعم ..انا هنادي علي ماما ولا بابا
رهف :فيني روح انا
قمر :انتي لافينك ولافينو انتي تترزعي هنا زي الدبدوب اللي وراكي دا بالظبط
رهف :😢
قمر نزلت وندهت علي مامتها وقالتلها تستلم الاوردر وريناد بعتت قمر مكانها وادتلها ٨٥٠٠ وطلبت منها تحاسب واكدت عليها تديهم تبس
قمر :وانا هشيل حجات ب٨٠٠٠ كيف ياوليه ؟اتنجمتى ياك!!
ريناد :ياستي مش تقال
قمر خرجت للمندوبين :السلام عليكم
المندوب :وعليكم السلام يافندم اتفضلي الاوردر والحساب ٨٠٠٠ تلاف جنيه +مصاريف الشحن
قمر :ايه اللي ب٨٠٠٠ تلاف ديه ياولدي وفكرتونه كد الهبابه !
المندوب :ماسك الطمي المغربي يافندم
قمر :😳ماسك طين 🤔وب٨٠٠٠ ؟ ايوه ياعيني مهو انتو تلاقيكم عتتعبو وانتو مهربطين في الطين وعتعبو البراطيم برضيك ؟
خد ياولدي خد رزق الهبل عالمجانين
هي العيله دي اصلا والبيت ديه ماعباره الا عن سراية مجانين ...وخد دول كمان عشانكم عشان جيتو شايلين الطين 😂
المندوب :بصراحه بسمع تعليقات كتير عن نوع الماسك لكن كلامك دا قتلني سيادتك 😂
قمر :طب الله يرحمك ويغفرلك 😂
المندوب :امين ...يلا يبني شيل الطين وورايا 😂
قمر دخلت لريناد ورمت الكرتونه علي الكنبه وبصتلها بأستهزاء ومتكلمتش
ريناد :😂طب خدي الماسك طلعيه للبنات طا
قمر :عنيا ...وهطينهم بأيدي كمان وخدت الكرتونه وطلعت للبنات
قمر فتحت الباب جامد خلته خبط في الحيطه والبنات اتخضو ...
قمر الصغيره :فيه ايه ياعمتو ؟
قمر الكبيره :يعني خولوص الماسك اللي في الدنيا كله .اللي باللبن واللي بالبيض واللي بالبسطرمه واللي بالمكسرات واللي بالورد واللي بمية الدهب من وسط كل ديه رايحين انتو تجيبو ماسك طين ؟ وتدفعو فيه ٨٠٠٠ اجنيه ياظلمه ؟!
رهف :ماما هاد طين مغربي
قمر :بس انتي يابت الكلب بلا مغربي بلا اسواني مكلو طين عيترسب علي ضفاف الانهار ...طب كنتو قولو وانا ابعتلكم عالبلد واجبلكم عربية طين من باط الترعه واخليهم يفضوها عليكم متبانش منكم حته وببلاش ..
ولا حتي كنت بعتكم انتو البلد ...طب والله لو روحتو البلد وعملتو حالكم عتسرقو شبشب من قدام الجامع كان اهل البلد كل يوم يطينوكم وانتو قاعدين ومرتاحين ..ويركبوكم حمار مقلوبين كمان عشان الطين ينشف عليكم ويفركوكم فالاخر
بدر :ياعمتو بنتك هي اللي قالتلنا انه احسن حاجه في الماسكات كلها
قمر :مهي بتي دي متمامهاش الا ديه وخلعت الشبشب وهتضرب رهف بيه ورهف راحت تحتمي ورا قمر
قمر اول ماعمتها قربت وعاوزه تضرب رهف وطت وخلت رهف فوش مامتها والشبشب لبس في دماغها وشششش
قمر : جدعه يابت ياقمر خلتيني ارتحت
قمر :وانا كمان ارتحت زيك 😂 بس اول ماتحبي تضربيها اندهيني امسكهالك واكتفها ..
رهف :ولك خاينه ...كلياتكم خونه ...بكره راح يجي الاسد وراح ياخدلي تاري منكن كلياتكم
بدر وقمر بصو لبعض وقامو وقفو علي السرير :انا الاسد اهوو ...انا الاسد اهو ...انا الاسد انا الاسد انا الاسد اهو ....😂😂
قمر :والله انتو بقيتو عيله منخوليا خالص ...اسيبكم انا تتطينو براحتكم
قمر رجعت تاني من عند الباب :الا هتجيبيهولنا من وين الاسد اللي هياخدلك بتارك ديه مننا يارهف يابنيتي ؟
قمر :من الحديكه ياعمتو
رهف :امزحو متل مابدكم بكره راح تندمو
قمر خبطت ايدها فبعض وخرجت ورزعت الباب وراها وسابت البنات اللي ابتدو يفتحو الماسك ويدهنو بيه وشوشهم ودرعاتهم ورجليهم
رهف مسكت برطمان عشان تحط ماسك
قمر :طب حاولي تعمليها كده وشوفي هيحصلك ايه ..
رهف :ليش ؟ بدي اعمول ماسك متلكن !!
قمر :ببياض امك ده وهتعملي ماسك ؟ انتي عاوزه تروحي فين بالظبط ؟ طب حطي كده وانا مش هخليكي تعمولي ماسك انا هخليكي تعموليها علي روحك ..
رهف سابت البرطمان وحطت ايديها علي خدودها ونفخت بغلب
بدر :😂علي مانفك الحبس هتكون طقت منك وماتت
قمر :طب خليها تموت كده عشان اقتلها ...؟ايوه فاهمه انا الحركات دي برضو مهي ممكن تقولك اموتلها نفسي عشان يحزنو ومتعملش فرح .
بدر :😂
رهف نامت علي السرير ومسكت مخده وحطتها علي دماغها
قمر :مش قولتلك اهي بتكتم نفسها عشان تموت اهي 😂
بدر :بس بقا حرام عليكي كفايه دي حتي ساعدتك ونضفتك وعلمتك وواقفه جمبك
قمر :ولو فضلت كده طول عمرها برضو مش هتكفر ذنب ان ربيع كان بيحبها ومش معبرني
رهف رفعت ايديها لفوق والمخده لسه علي وشها :وشو زنبي انا بالله
قمر :اسكتي يبت بدال مااقوم اقعد فوق المخده اللي علي وشك دي
رهف كتفت ايديها عند صدرها وسكتت وهي بتنفخ وتفش تحت المخده
********
ريناد اتكلمت مع مهاب وهو قرر انه هياخد الولاد علي المغرب وينزل بيهم علي مصر ينقو الشبكه من هناك
ربيع علي اخر النهار كان اتخلص هو والعمال من زرعة البانجو كلها وحرقوها كمان
حسنه قاعده في الصاله جمب مهاب وبتبصله كل شويه بنظرات ناريه
مهاب :عارف نظرات المدمنين دي انا ..هتموتي انتي علي الكيف بتاعك وهو بيتحرق قدام عنيكي 😂
حسنه مردتش عليه
مهاب :بت ياقمر قومي قولي للبنات ان احنا مسافرين بعد المغرب
قمر :له مراكباش تاني رجليا عينقحو علي
حسنه :اطلعلهم اني .
قمر :غوري اطلعي صحتك مساعداكي
حسنه :الله اكبر خمسه وخميسه هتحسديلي رجلي وشمرت رجلها شويه صغيرين بينت البنطلون ومدتها قدام مهاب
مهاب :الله يقرف اهلك برجلين ابو قردان اللي فرحانه بيهم دول
قمر :😂عتغريك
مهاب :جاها سَطل غِرا لما يتكب علي دماغها يلزقها فعربية نقل تكون مسافره الصومال
حسنه :😏 ومشيت
مهاب وقمر بصو لبعض :😂😂
ريناد خرجت من المطبخ علي ضحكهم :ايه اللي مخليكم مسخسخين كده خييير ؟!!
قمر :خدي بالك جوزك عيتشقط حسنه عتغريه وهتاخده منك 😂
ريناد :بتغريه ازاي يعني ؟
قمر :كل شويه ترفع جلابيتها وتبينله السمانه بتاعت رجلها
ريناد بصت لمهاب ورفعتله حاجبها
مهاب :اقسم بالله حسنه اصلا محداهاش سمانه من كدبها... واصلا رجليها دول اتقطعو زمان فحادثه وركبولها رجلين ابو قردان ..
ريناد :هباب
مهاب :يبت هتتهوسي ياك هتهوسك قمر ؟ طب وغلاوتك عندي بتعدي قدامي مععرف وشها من قفاها ولا اذا كانت رايحه ولا جايه ...وبعدين دي كد امي!
قمر :الرسول عليه الصلاة والسلام اتجوز ستنا خديجه وكانت اكبر منيه بكتييير ..
مهاب :قومي يبت الجزمه من اهنه قومي يامحراق الشر ووطي مسك شبشبه
قمر قامت دخلت المطبخ وهي بتضحك 😂
حسنه طلعت للبنات وفتحت الباب عليهم واول ماشافتهم :يامري ..سرقتو ايه ياقزانه ؟
قمر :تعالي ياماما ادخلي
حسنه:طب انتو ناقصكم ايه عشان تعملو اكده ؟
قمر:عملنا ايه ياماما
حسنه:تسرقو
قمر:نسرق ايه بس ياماما
حسنه:امال مطينينكم ليه ؟ حدانا في البلد محدش عيتطين غير اللي عيعكشوه عيسرق .؟
قمر :😂ياماما حسنه دا ماسك كريم يعني ..كريم بالطين عشان يبيض البشره
حسنه:شوف سبحان الله ؟ اهو الفقره حدانا ساقطين في الطين ليل نهار هما وحريمهم وعيالهم يبنو ويدقو طوب ويروو الارض ومش عاجبهم الطين اللي ساقطين فيه ولا عيشتهم ؟ والناس الغنيه تشتري الطين فبرطمانات وتتطين بيه ..!
قمر :اقسم بالله بلدكم دي مابيطلع منها غير حلويات 😂
حسنه:والله محد حلويات غيرك انتي يامرت ولدي يامطينه ياسكر انتي 😍
عقولكم صوح بعد الميغرب هتروحو مع خطاطيبكم وابوكم تنقو شبكتكم من مصر مع عيال قمر
بدر وقمر بصو لبعض :دا المغرب هيأذن
حسنه :ايوه يلا قومو اتسبحو واجهزو
الاتنين قامو بسرعه وخبطو فبعض وجريو علي الحمامات
حسنه بصت لرهف :وانتي يابتي مش مطينه زيهم ليه
رهف :كنتك ماسمحتلي
حسنه:مالك ياحبيبتي اسماله عليكي ؟ لسانك فيه حراره معرفاش تتحدتي ؟ كولي طحينه .حلوه عتروق
رهف :لا مابي شي لساني انا عم احكي هيك
حسنه:ياحول الله يارب .معلش يابتي اكتر من اكده وربك عيشفي ..مع انك حلوه والله وخساره فاللي انتي فيه لكن يلا الحلو مش عيكمل .😢
رهف :عنننن جد مافيني اتحمل بددددي اسد هلا يجي بأسرع وكت
حسنه:يبتي وحدي الله متكفريش ..طب ولما ياكلك الاسد مبرضو اسمك مواتي حالك ومرضيتيش بقضاء ربنا وقدره
رهف :راح جننننننن
حسنه:اهو حتي الجن لو جالك هيلبسك ومش هيموتك ويفضل يعزب فيكي ..سلام قول من رب رحيم يجعل كلامنا خفيف عليهم .
رهف اتنهدت بغلب وحطت ايدها علي خدها وقعدت ساكته جمب حسنه لغاية مالبنات استحمو وخرجو عشان يلبسو
حسنه:بت ياقمر سلو بلدنا العروسه عتجيب لحماتها خاتم دهب لما تتجوز
قمر:احلي خاتم لاحلي ماما حسنه في الدنيا
حسنه :وزتونه ولبه وخلخال 😂
قمر:لا معرفش حاجه من اللي قولتيهم دول
حسنه:خلاص خلي الخاتم ٥٠ جرام مش هنوبقو طماعين
قمر:😂حاضر هجيب اكبر خاتم عند السايغ
حسنه:ربنا يخليكي ليا ياغاليه يامرات الغالي
قمر :ويخليكي ليا ياست الكل
ريناد كانت جايه علي الباب :لأ انا كده اغير بقا ..حالا ام ربيع بقت ست الكل ؟وانا بقا ايه
قمر:انتي ستي انا وحبيبتي وتاج راسي ودنيتي كلها
ريناد راحت وحضنت قمر :ربنا يحفظك ليا ياقلبي انتي ويتمملك علي خير
حسنه:عرفتي تربي يارناد ونعم الادب والاخلاق والله العظيم
ريناد :متشكره ياحسنه ربنا يخليكي
جالهم صوت من وراهم
قمر الكبيره :يلا ياقمرات عشان الكل مستنيكم
رهف :انا لساتني مالبست
قمر الصغيره :وانتي هتلبسي ليه
رهف :لاروح معكن
قمرالصغيره :تعملي ايه ؟ هتنقي شبكتك ولا ايه ؟انتي تترزعي هنا لغاية مانرجع
قمر امها بصتلها :احسن خليهم يعايرو فيكي يابايره عشان ممخطوباش كيفهم
رهف بصت لمامتها وضربت رجليها فالارض بغيظ ونزلت لتحت
حسنه :متقسيش عليها ياقمر يعني هي بيدها ؟ مش كفايه اللي هي فيه ؟ تلاقيها متدمره ياعيني .
وبعدين خدي اهنه كل الخير اللي حداكم ديه ومرمحتيش بيها ليه وهي صغيره ؟
قمر :ارمح بيها ليه ياوليه انتي!
حسنه:علي لسانها ياعيني اللي ماعارفش يقول كلمتين علي بعض ديه والله لو رمحتي بيها كان لسانها اتفرط وعرفت تتحدت ..انتي اللي اهملتي فالبت دي ياقمر .
الكل :😂😂😂😂😂😂
قمر :الهي تتفرطي من طولك ياحسنه فنص الطريق وتكون طريق مهجوره وتقعدي يومين مرميه تتبول عليكي الكلاب الضاله ...ارمح بالبت اللي كيف الورده المفتحه دي ليه الهي يرمحو عليكي بالترولي بتاع عربية الاسعاف وانتي قاطعه النفس يابعيده
حسنه:وه مالك هبيتي في اكده ليه ياقمر ؟ كمان اللي قلبي واجعني علي بتك ؟
قمر :مالها بتي يابت الكلب قلبك يوجعك عليها ليه ؟
حسنه:طب خلاص خلاص مهتحدتش عليها تاني اسكتي وافصولي مهو صوح محدش عيحمل في ضناه
قمر :سكت حسك واتفتح كرشك واتقطع عرشك واتفرش في القبر فرشك امين يارب
حسنه :اللي علي عليه 😄
ريناد اخدت قمر وهي ميته من الضحك والكل زيها وخرجت بيها بره
البنات لبسو وربيع وحسن كمان ومهاب وراحو علي مصر كلهم في العربيه الكبيره وطول الطريق مهاب عينه علي ربيع وقمر ومخلاهمش يتنفسو في العربيه 😂
مالك وسليم بيتو مع بعض في المزرعه عشان كان فيه بقره بتولد ومالك سهران عشان يولدها وسليم قعد معاه يونسه ويسهرو مع بعض
محمود وسلمي هما كمان راحو علي الاستراحه اللي واخدين فيها دور وفارشينه ليهم وساكنين فيه لكنهم طول النهار في الفيلا مع الباقي مبيروحوش غير بالليل
احمد ورهف نامو هما كمان في اوضتهم في الدور الارضي وكانت فأخر الطرقه معزوله عن باقي الاوض ومكنش فيه اصوات بتوصلها عشان يعرفو ينامو كويس
قمر رفضت تنام مع حسنه وراحت تنام مع ريناد في اوضتها
حسنه حوالي الساعه ١١ قامت تتسحب وطلعت بره الفيلا ولفت من ورا الفيلا فحته فاضيه وبصت يمين وشمال وابتسمت بفرحه ....
في وقت سابق في مصر :
احمد ومهاب خرجو عشان يختارو اوض النوم وباقي الفرش وهما في المعرض
احمد ماسك ايد سمر وشدها معاه
سمر :اييييه
احمد :تعالي نشوف اوضة النوم اللي هناك دي
مهاب :ايوه فعلا شكلها حلو تعالو
احمد :لا انتا شوف اللي هناك
مهاب :لا دي احلي هنشوف دي
احمد بيغمزله
مهاب :والله دي احلي بتغمزلي ليه !
احمد بزعيق :يبني متروح هناك وتسيبني عاوز اقول للبنت حاجه سر يابارد .
سمر :😨
مهاب :😁 طب مش تقول طا
احمد :منتا حمار مبتفهمش اعملك ايه
مهاب :خلاص ياعم روح
احمد اخد سمر وراحو هناك
سمر شالت ايدها من ايده وبصت الناحيه التانيه وعملت نفسها بتفتح الدولاب :حلوه الاوضه وتصميمها جميل
احمد لفها عليه :اوضة ايه وتصميم ايه تعالي هنا ..مفيش حاجه اجمل منك انتا ياقلبي
سمر :احمد عيب كده الناس تقول ايه
احمد :عيب ايه وناس مين تعالي بس وريني الروج ده طعمه حلو زي لونه كده ولا ايه
سمر :طب جرب كده تعملها وشوف انا هعمل فيك ايه وبرقتله
احمد :يامه .ايه يابت الشحات مبروك اللي تقمصتيه دا ؟ طب غوري مش عاوز من وش اهلك حاجه ...بس وحيات امك ابقي شوفي بعد مانتجوز هعمل فيكي ايه ومش هتقدري تفتحي بوقك ..وكله بالقانون
سمر :بعد مانتجوز اعمل اللي يعجبك لكن دلوقتي نوووو
مهاب اخد دنيا وراح بيها علي الاوضه التانيه وقرب منها
دنيا :هتعمل ايه ؟
مهاب :هقولك كلمه فبوقك
دنيا :بس يلا
مهاب : بس ..؟ ويلا ..؟ وبعدين بس ليه بقا انشاء الله مااحمد تلاقيه بيقول واختك بتسمع وزي الفل
ولا انتي مبتسمعيش زي الناس
دنيا :😡ناس مين يااهبل انتا
مهاب : يبت دا احلي كلام اللي هقولهولك دا اسمعي بس
دنيا : طب بس طا احسن مااخرشم وشك الحلو المقطقط دا بالخشبه اللي وراك دي وتتجوز وانت مخرشم ..بس يابابا
مهاب :ايه دا كنت هبوس محمد رمضان ؟ غوري سديتي نفسي وزقها علي الدولاب وهي فضلت تضحك عليه
بااااااااك
قمر وبدر وصلو عند سمر ودنيا ومهاب راح عند رعد هو وحسن وربيع
قمر بعد السلامات والطيبات مسكت البنات من قفاهم :
اه بقالكم اسبوع اكيد خربتوها مع عيال عمتي
دنيا :ياشيخه اتنيلي والنبي
سمر :يختي خاربينها فين وماما معانا ليل نهار مسابتناش لوحدنا غير النهارده
قمر :ايه دا وانا اللي عماله احسد واقر عليكم طول الايام اللي فاتو دول ؟ ياعيني ؟ يلا اديني اديتكم حسنات وانا بظن فيكم ظن السوء
سمر :واحنا في السوق بنجيب برقوق ...الا تعالو هنا انتي وهي مالكم محلوين ومنورين كده
قمر :داخلين في دورة نضافه وترميم من ساعت ماسبتونا
سمر :لا بس النضافه بانت عليكم والله
قمر :الله يكرم اصلك ...الكلمه دي ممكن تتاخد شتيمه علي فكره بس انا هاخدها بحسن نيه عشان كفايه سوء الظن اللي ظنيته فيكم طول الاسبوع
دنيا :اصيله يارحاب ...طب يلا تعالو بقا عشان نحكيلكم عملنا ايه في الايام اللي فاتت ..
*********
في الارض
حسنه فضلت تلم حطب كتير وكومته فوق بعضه وولعت فيه النار وشويه وعبدالله جالها معبي كيس بانجو بأتفاق مسبق مع حسنه وبيتلفت شمال ويمين
حسنه :تعالا ياعبده تعالا مفيش حد
عبده اداها الكيس وبيدور فجيبه :
يييه نسيت ورق البفره اروح اجيبه
حسنه :منا عارفاك مخك ديه خربان ...بس البانجه هيعدلهولك دلوكيت ..يلا روح بسرعه
عبد الله :هوا ..وطلع يجري ...لكن وهو ماشي واحد نده عليه
عبد الله :فيه ايه ؟
الراجل :عاوزينك معانا في المزرعه عشان فيه بقرتين بيولدو عشان تساعد الدكتور مالك
عبدالله :ودا وكته برضك ؟!
الراجل :عتقول حاجه
عبد الله :له معاقولش قدامي ...ومشي وهو بيبرطم
حسنه بتبص علي عبد الله :الله يحرق ابوك يابو انتا عوقت ليه ؟
واستنت شويه ولما ملقيتش فايده بصت لقت النار خمدت والجمر بس موهوج مسكت حفنة بانجو ورمتها علي الجمر والدخان طلع بغزاره وحسنه ميلت وفضلت تشم فيه ..
حسنه :اباااااي عيدخل عالنفوخ عدل
وبقت كل مالدخان يبطل تمسك شوية ورق بانجو وترميهم علي الجمر وتشم دخانهم وبعد شويه ابتدت تتطوح وتهرش في شعرها بعد ماقلعت الطرحه ورمتها ورجعت زي الغوله تاني 😂
حسنه بقت تضحك مع نفسها بصوت عالي وكل ماترمي ورق علي النار تشمه وتضحك زي ضحكة الساحرات الشريرات :نيااهههههههاهاهاهاهاااااا
قمر صحيت علي صوت الضحك وقامت تتلفت شمال ويمين وبصت لريناد :بت يارناد قومي شوفي الصوت ديه بتاع مين وجاي من وين
ريناد بنعس :صوت ايه ياقمر بس نامي ياحبيبتي دا بيتهيألك
قمر سمعت الضحكه تاني :😨 له وكتاب الله معيتهيألي قومي ياجزمه فيه حاجه غريبه بره
ريناد قامت نص قومه :يابنتي فيه ايه وفجأه سمعت صوت الضحكه :
نياهاهاهااااااااااااااا كح كح كح كح
ريناد :😨ايدا فيه ايه مين ده
قمر :انتي هتسألي متقومي نشوفو فيه ايه
ريناد :الصوت جاي من ورا الفيلا افتحي الشباك دا خلينا نشوف ايه اللي بيحصل
في الوقت ده عبد الله كان راجع من المزرعه وبص لقي حسنه بالمنظر ده
عبد الله :يخرب بيت ابوكي ياحسنه ..هو البانجه عيعمل اكده ؟ يشتات الشتات
حسنه شافته وشاورتله :تعالا ياعبده شملك شوية بانجه
عبد الله :له مهشمش .دنا بعد اللي شوفته ديه مش عاوز اشم بانجه عاوز اضربك بطبانجه
حسنه :ياعبده تعالا متبقاش خنقه ياخي ...
عبد الله :يقطعك ياحسنه ويقطع اللي خلفوكي ...هاجي بس عشان عبده دي ..اصلي عحبها قوي هي هي
..وراح قعد جمبها وهي مسكت حفنه بانجو ورمتها في النار وقربت دماغ عبد الله عشان يشم
قمر بتفتح في الشباك وشافت حسنه وهي بترمي البانجو في النار وبتقرب دماغ عبد الله وبعدها ضحكت وهرشت في دماغها نياهاهاهاهاهاهةهاااااااااااا حلو ياعبده صوح
قمر :😨 تعالي ياوكلاهم تعالي شوفي اللي اني شايفاه تعاااالي
ريناد راحت وبصت من الشباك وحسنه كانت بتكرر اللي بتعمله
ريناد :😨 ايه دا بيعملو ايه دول
قمر سمعت حسنه بتضحك :
يامري دي باينها عتحضر جن وعفاريت يامري سلام قول من رب رحيم ... نار ودخان وهي قاعده وناكشه شعرها ..
ريناد :طب وعم عبد الله بيعمل معاها ايه
قمر :تلاقيها خلته المساعد بتاعها ..ولا يمكن هتدبحه وتقدمه قربان للشواطين بتوعها فلاخر 😢ياعيني ياعم عبد الله
حسنه ضحكت تاني
ريناد :تعالي نروحلهم نشوف بيعملو ايه
قمر :مين ديه اللي يروحلهم ...؟ ايوه وهي تلاقيها لاماهم حواليها دلوكيت وعيرقصو حوالين النار واروح انا ادوس علي رجل واحد فيهم يلبسني ..له يبوي يفتح الله عاوزه تروحي روحي لحالك ولعلمك مش هفتحلك الباب تاني عشان مش هترجعي انتي هيكون لبسك عرتكوش بن حرتكوش وهتبيتي انتي وهو بعيد عني ..
ريناد :بقولك ايه انا خوفت ...يلا ننام والصبح نشوف هنعمل ايه ونتصرف ازاي
قمر :عين العقل ياحبيبتي الجري نص الجدعنه ...وقفلت الشباك وطلعو علي السرير واتغطو وحضنو بعض وكل ماحسنه تضحك يحضنو بعض اكتر 😂
قمر :الهي ياحسنه الكلب النار تمسك فخلجاتك وتموتي محروقه ومايصبح عليكي صبح يابعيده 😢
ربنا يسامحك يامهاب ياولد ابوي
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا