مرحبا احبابي متابعين قصص 26 أهلا بكم معنا في روايات رومانسية كامله ورواية "العشق الضال" بقلم فاطمة محمد رزق ... تقدروا تتابعوا الفصل الثالث من هنا
أغلقـت قلبـها الى وللأبـدد ولـم تهتم يوماً بتلك اللعنة التى يقال عنـها "الحب" .. لم تعتقد لوهلـة أنه قد يأتي اليوم الذي تـدخل فيه عالم "الحب" .. منعتـها كل الظروف عن إبدائها لمشـاعرهـا -لقد عشقهـا لم يعد يرتـوي إلا بحـبها يقول لقد عشـقت حنـانها .. لم أره على أيٍ من البشر الحقودين الذين تلوثت قلوبهم بالعفن .. قلبها الصافى النقي .. روحها السمحة .. ضحكتـها أآآآه من ضحكتـها إنها وللحـق ملاك يعيش على ارضنا هذه .. لقد أبديت لها عشقي بأفعالي ولكن لم اعطها تلميحاً بسبب تلك .. الظروف ! هـل ستظل الظروف هى الحاجز بين حبهما ؟! أم هـل يستمر ذاك العذاب طويلا ؟! بل هل سيتركها ترحـل من بين يديه بعد أن ملكها ؟! أم يتمسك بعشقه الضآل .. هذا ما ستجيبه أحداث الروايه لنا .. أتمنى لكم قضاء أوقات ممتعه معنا ...
العشق الضال
الحلقه الرابعه
كان تائها لا يعلم الى اين يذهب الى اين تذهب يابن ادم وقد تخلت عنك من كنت تعيش من اجلها .. لك الموت يارجل افضل من تلك الحياه لماذا انا قد اجرحك يوما لم افكر يوما فى ايصال ضرر لك كنت دوما ابحث عن مصدر سعادتك حتى احضره لك ياويلى لماذا تلك القسوه الآن ماذا فعلت لاتحمل كل هاذا العذاب .. كان يذهب هنا وهناك بسيارته حتى توقف فى احدى الطرقات ووضع رأسه على المقود ودموعه بدأت تتساقط
****
عادت فرحه الى منزلها سعيده لحصولها على ذاك العمل الذى كانت تطمح اليه منذ طفولتها
دخلت منزلها وذهبت للقاء والديها واخبارهم انها قد نجحت ذهبت الى غرفه والدتها ف وجدت جنى جالسه معها وتتكلم
جنى:وانا على اعصااابى من الصبح واتصلت بيها كتير وبتكنسل انا عاوزه اعرف حصل معاها ايه الوقت
اسماء:ههههههههه طيب اهدى شويه اكيد هتنجح ان شاء الله صدقينى
دخلت فرحه الغرفه وهى تدعى الحزن
فرحه بحزن مصطنع:ماما خدى اخفى الورق دا انا غلطانه اصلا
جنى بحزن:متقبلتيش؟؟
اسماء بغضب:ازاى متتقبلش الورق كامل وكل حاجه تمام!
جنى:فرحه اتكلمى
ازدادت فرحه حزنا وقالت:الحمد لله على كل حال فى الدنيا دى مبناخدش كل اللى احنا عوزينه
اسماء:لالا انا عاوزه افهم ايه الى حصل
فرحه:ولا حاجه روحت وفضلت شويه وبعدها دخلتله واتقبلت الحمد لله
اسماء:والله انتى بارده
جنى:عاااااااااا هقتلك سبينى عليها ياطنط سبينى
اسماء:ههههههههه سيباكى والله ياجنى
فرحه:ايوا اتحججى فى ماما اتحججى
جنى:طب انا مش هرحمك بقا
وظلت تضربها بالوساده وتبادلها فرحه الضربات وبعد دقائق جاء محمد
محمد:ههههههههه هو فيه ايه ياعيال
جنى:شوفت ياعمى بنتك داخله تمثل علينا وتكمل وهى تقلد صوتها:وتقولنا الحمد لله على كل حال فى الدنيا دى مبناخدش كل الى احنا عوزينه
محمد:ههههههههه معلش يابنتى هى بتحب المقالب
فرحه:يا بابا دا مقلب صغير خالص هههههههههه
محمد:ههههههه حرام عليكى ياشيخه من قله المقالب الى انتى بتعمليها واحد ورا واحد دماغها شغاله تفكير 24 ساعه
اسماء:هههههههه مش لوحدها انا فاكره فى ايام الجامعه كنت انت كدا بردو واى دكتور كنت عاوزه تمشيه مبياخدش فى ايدك مقلبين
محمد:ماتخلينا مستورين احسن الله
فرحه:ايه دا بابا كان بيحب المقالب دا حاجه عسل خالص طب ماتدينا كام واحد كدا
محمد:هههههههه لا انا كنت بعمل مقالب كتيره اوى
اسماء:ومن اعمالكم سلط عليكم
محمد:انتى بتقولى فيها البت كل يوم بمقلب شكل
جنى:ههههههههه معلش ياعمى
فرحه:خلاص ياجماعه لا مقالب ولا زفت خلينا كدا احسن
جنى:يارب تلتزمى بكلامك بس
فرحه:ان شاء الله هو يوسف جه
يأتى يوسف
يوسف:لا لسا جاى دلوقت
فرحه:اهلا مش تبارك لاختك كدا
يوسف:الف الف مبروك ياختى
جنى:طب الحمد لله انا اطمنت عليكى وهمشى انا بقا ماشى
يوسف:جنى استنى
استدارت جنى خلفها لتنظر له
يوسف:ماشيه ليه خليكى شويه
جنى بخجل:بس لازم اروح دلوقت عشان بابا ميقلقش عليا اصل انا قلتله مش هتأخر
يوسف بابتسامه:خلاص روحى عشان باباكى
هزت رأسها بالموافقه ثم تركتهم وخرجت وهى
تقول لنفسها:هو ممكن يجى اليوم اللى ربنا يجمعنى بيه يارب انت الى بتزرع الحب جوه قلبى متخليش الحب دا ف يوم من الايام يكسرنى او حتى يجرحنى يارب دايما خليه مصدر قوتى ..
****
كانو جالسين سويا وكان يوسف ذاهبا الى غرفته فأوقفته امه قائله
اسماء:عارفه انك بتحبها يايوسف وابوك كلم ابوها النهاردا وحدد معاد يو الخميس الجاى
يوسف بسعاده بالغه:بجد والله
اسماء:اه والله
يوسف:شكرا يابابا اوى
محمد:انا معملتش حاجه ياحبيبى دا واجب عليا وبعدين هنلاقى زى جنى فين
يوسف بابتسامه:انا فرحان اوى بس هى لما كانت هنا كانت عارفه انى اتقدمتلها
محمد:لا ملحقتش تعرف ..
****
فى بيت جنى
جنى:بابا انا جيت
الاب:تعالى ياحبيبتى عاوز اقولك على حاجه
جنى بابتسامه:نعم
الاب:بصى ياحبيبتى انتى كبرتى خلاص وبقيتى عروسه زى القمر كدا
جنى بضيق:تانى يابابا عريس
الاب:بلاش ترفضيه عشان خاطرى حتى اعرفى هو مين الاول
جنى:يابابا انا مش فارق معايا والله هو مين طيب يابابا انا هقابله عشان خاطرك المره دى
الاب بابتسامه:ماشى ياحبيبتى
جنى:انا طالعه الاوضه
وتركته جنى وصعدت الى غرفتها وبدأت تبكى لقد مللت الانتظار متى سيتحقق ذاك الحلم ياترى
صعد والدها اليها ليجدها جالسه تصم قدميها و تبكى بصمت
الاب بقلق:مالك ياحبيبتى
جنى وهى تمسح دموعها:مفيش يابابا انا كويسه
الاب:اقولك مين العريس دا
جنى:يابابا
الاب مقاطعا:يابت اصبرى على رزقك اسكتى واسمعى عارفه ابن محمد صاحبى
جنى وهى ترفع رأسها:انهو واحد
الاب:محمد البدرى يوسف هو اللى متقدملك
جنى وقد بدى عليها السعاده:بجد والله
الاب:هههههههههههه كنت عارف والله انا دايما كنت بحس انك بتحبيه
جنى بخجل:ها لا عادى يعنى ااقصد
الاب:يابت انا ابوكى وفاهمك كويس عشان كدا محمد لما كلمنى وافقت على طول وحددت معاه يوم الخميس الجاى
ضمته جنى بسعاده وهى تقول:شكرا يابابا الصراحه مش عارفه ابين انى محروجه زى بقيه البنات اصلى فرحانه اوى وكنت مستنيه اللحظه دى من زمان
الاب:ههههههههه مش لازم تبينيلى انك محروجه كفايه عليا انك تكونى فرحانه وتبينيلى فرحتك دا عندى بالدنيا ومافيها
جنى:ربنا يخليك ليا يارب يابابا ..
اقرأ ايضاً ... رواية الملعونة الفصل الثالث والثلاثون
فى بيت فرحه
كانت جالسه بداخل غرفتها وكان يوسف معها ويتحدثون
فرحه:الف مبروك ياعريس
يوسف:انا خايف يافرحه تكون مش بتحبنى ومتوافقش بيا
فرحه:لا هتوافق والله بحلف لانى واثقه من كدا انت دلوقت اطلع برا بقا لانى مش فضيالك خالص لازم احضر الموضوع الى هقوله بكره
يوسف:بتطردينى
فرحه:اها
يوسف:يلا يا بارده
فرحه:الباب بقا معلش
يوسف:عااااااا هضربك
فرحه:هههههههههه بيقولك يابنى كما تدين تدان ..
****
فى بيت ياسين
كان ياسين جالسا فى غرفته مهموما لايعلم من يصدق ايصدق اخته التى لم تكذب ابدا ولن تكذب فى امر كهذا فى الاساس فهى حزينه جدا ومهمومه ام يصدق ابن خاله الذى كان دائما يرى عشق اخته فى عينيه ويجرى فى عروقه ام ربما كل ذلك كان سؤ فهم
ياسين:يارب صبرنى انا مش فاهم اصدق مين واكدب مين وعمرى ماشوفت حبيبه بالوضع دا و مش عارف يارب اعمل ايه
يستفيق ياسين من شروده على صوت هاتفه يرن يمسك ياسين الهاتف وينظر للمتصل
ياسين:اهو ادينى حتى نسيت اكلم جاسم اسألو ع اللى حصل اعمل ايه بس
اجاب ياسين عليه
ياسين:الو
جاسم:ما لسه بدرى
ياسين:معلش ياجاسم والله مكنتش فاضى اتصل راسى هتنفجر م التفكير
جاسم:ليه هو فيه ايه
ياسين:بكرا ف الشغل هبقى اقولك
جاسم:ماشى انا هقفل معاك دلوقت شكلك تعبان
ياسين:بكره ان شاء الله يبقى احسن
جاسم:ماشى مع السلامه
ياسين:مع السلامه
وما ان يغلق الهاتف حتى يرى والده من خارج الغرفه قد عاد يذهب اليه ياسين ويقول
ياسين:ايه دا انت نورت
الاب:فيه ايه ياياسين مالك معلش والله اليومين دول الشغل كتير اوى
ياسين بغضب:يعنى الشغل دا اهم من بنتك بنتك م الصبح وهى بتعيط وحتى متعرفش حاجه انت مبتعرفش عننا اى حاجه عايشين ولا ميتين فرحانين ولا زعلانين مبتشاركناش اى حاجه ومتعرفش عن بنتك حاجه شغلك دا اهم مننا يااستاذ عاصم صح
عاصم بقلق:حبيبه مالها ياياسين
وكان متوجها الى غرفتها
ياسين:سيبها لسه نايمه دلوقت اسف انى كلمتك كدا بس مش قادر اتحمل حبيبه صعبانه عليا وانا مش فاهم حاجه هتجنن
عاصم:طب اهدى انت بس وتعالى معايا واحكيلى اللى حصل
وذهب معه ياسين الى غرفته وقص عليه ماحدث
عاصم بحزن:ياااااااه كل دا حصل وانا معرفش حاجه اسف يابنى سامحنى اصل الشغل كان كتير الشهر ده وانا قلت انك بتخلى بالك منها
ياسين:اه بخلى بالى بس انت لازم تكون معاها وتساندها
عاصم:طب ازاى خالد يعمل كدا دا خالد بيعشقها
ياسين:انا مش فاهم حاجه والله يابابا وتعبت
عاصم:طب نعمل ايه دلوقت
ياسين:مش عارف انا هروح اكلمه بكره
عاصم:طيب كويس انت نام دلوقت عشان شكلك تعبان
ياسين:بص يابابا انا لازم اروح الشغل بكره عشان جاسم مينفعش اسيبه كتير ينفع انت تقعد مع حبيبه لحد ماارجع
عاصم:ماشى انا مش رايح ف مكان بكره
وامسك هاتفه واتصل بأحد ما
عاصم:الو
الشخص:الو ايوا يافندم
عاصم:بكرا الغى كل مواعيدى مش فاضى
الشخص:طب الصفقه بكره يافندم مهمه جدا وبقالنا شهرين بنحضرلها
عاصم:اجلها ولو منفعش الغيها
الشخص:حاضر يافندم
واغلق الهاتف معه
ياسين:شكرا يابابا
عاصم:بس ياياسين دا حقكو بس انا كنت مشغول بس شويه عنكم وانا اللى غلطان انا اسف يابنى سامحونى
ياسين:والله يابابا الواحد يبقى شايل منك يقعد معاك ينسى هو كان متضايق ليه
عاصم بابتسامه:طب انت روح نام يلا
ياسين:حاضر ..
****
فى صباح اليوم التالى استيقظت فرحه من نومها باكرا وتوضأت ثم صلت ثم بدأت بتجهيز نفسها حتى ارتدت جميع ثيابها وكانت والدتها نائمه بينما والدها واخيها قد ذهبا الى العمل
اخذت حقيبتها ثم ركبت سيارتها ..
****
كان ياسين فى طريقه الى عمله وكان لايزال مستغرقا فى تفكيره بأخته التى يشعر بالاسى من اجلها
ياسين:يارب ايه الحل دلوقت اعمل ايه انا خايف عليها يااااااارب
للحظه غفل ياسين عن الطريق وبدون وعى منه كاد ان يستطدم بسياره اخرى ولكن صاحب السياره استطاع تفاديه ببراعه انتبه ياسين واوقف السياره بصعوبه
نزل ياسين من السياره
ونزلت صاحبه السياره الاخرى
ياسين بغضب:مش تخلى بالك
فرحه بغضب:افندم دا انا كنت مجهزه نفسى اقولك لا ولا يهمك محصلش حاجه ع اساس انك تعتذر
ياسين بسخريه:اعتذر !!
فرحه:انت متكبر ع الاعتذار ايه العقول التعبانه دى !! تغلط وتسيب الغلط فى غيرها
ياسين بغضب:انا مسمحلكيش
فرحه بسخريه:وانت كنت سياده النائب العام روح روح ربنا يهديك
وذهبت من امامه وركبت السياره وذهبت
كان ياسين يشتعل غضبا من تلك الفتاه التى تجرأت على رفع صوتها عليه والسخريه منه
ياسين بغضب وهو يضرب بقدمه على الارض:انا غبى غبى ازاى اسيبها تروح من غير ما ادفعها تمن الكلام الى قالته
وركب سيارته وقادها ..
****
كانت فرحه فى سيارتها وهى فى مزاج متعكر بسبب ماحدث ذاك الشاب المغرور الذى لا يريد الاعتذار منها مع انه هو المذنب
فرحه بغضب:هو مفكر نفسه مين عشان يتكلم معايا ب الاسلوب دا صحيح ناس معاقه فى تفكيرها
لم تستغرق وقتا طويلا حتى وصلت الى عملها
فرحه وهى تنظر لساعتها بصدمه:انا اتاخرت مش معقوله كل دا بسبب الغبى دا
ودخلت بسرعه الى المحطه
رأتها ريم فأوقفتها قائله
ريم:انتى اتاخرتى ليه يافرحه النهارده المدير اول اما جه سأل عليكى عشان انتى اول برنامج وعاوز يشوف الموضوع
فرحه بقلق:طيب هروح اكلمه
ريم:مش عاوزاكى تنطردى وانتى امبارح اللى ساعدتينى وخلتينى اخد الوظيفه دى
نظرت لها فرحه لتجدها ترتدى حجابا وتنوره طويله حتى قدميها وعليهما الجاكيت
نظرت لها بابتسامه متابعه:ها عجبك الهدوم
فرحه بابتسامه:اه جدا انتى كدا احلى بكتير على فكره
ريم:شكرا بس اصلا هنا مينفعش البس الا كدا عشان بينت فى الاول انى بلبس كدا بس المدير اختار 3 وهما بشعرهم عادى وهدومهم بردو كانت شبهى
فرحه:بس انا مخلتكيش تغيرى هدومك عشان المدير انا خليتك تغيريهم لان حسيتك محترمه مش زيهم
ريم:شكرا طب انتى ايه اللى حصلك واخرك كده
فرحه:اصل وانا جايه واحد غبى مش مركز كان هيخبط فيه لولا انى اتفديته ونزلت من العربيه لقيته بيقولى مش تخلى بالك
ريم:دا ايه الغباء دا
فرحه:عقول بدائيه بعيد عنك
ريم:فعلا والله
فرحه:انا لازم ادخل للمدير عشان اتأخرت
ريم:طب يلا روحى
فرحه:ماشى
تذهب فرحه عند السكرتيره سمر
فرحه:سمر انا عاوزه اقابل المدير ينفع
سمر معاتبه:كدا اول يوم تتاخرى
فرحه:اصل انا كنت هعمل حادثه دا الى اخرنى
سمر بقلق:بجد طب انتى كويسه دلوقت
فرحه:اه الحمد لله
سمر:طيب انا هكلم المدير
رفعت سماعه الهاتف واتصلت به
سمر:حضرتك فرحه جت دلوقت ادخلها
جاسم بضيق:اه دخليها
سمر:حاضر يافندم
وتغلق سماعه الهاتف وتنظر لفرحه وهى تقول
سمر بقلق:شكله متنرفز منك
فرحه:ربنا يستر
سمر:طب يلا ادخلى بسرعه
فرحه:ماشى عن اذنك
ذهبت فرحه امام مكتبه ودقت الباب
جاسم:ادخل
تدخل فرحه وهى قلقه قليلا
جاسم بصوت مرتفع نسبيا:اول يوم وتتاخرى فيه يظهر انى غلطت فى الاختيار
فرحه وقد بدأت الدموع تنهمر من عينيها:لو سمحت يافندم بلاش تعلى صوتك عليا قبل ماتعرف اتأخرت ليه
جاسم وقد بدأ يهدأ:طيب قولى
فرحه:وانا سايقه العربيه واحد غبى كان هيخبط فيا ونزل يتشاكل معايا واتضطريت اتأخر
جاسم متفهما:انا اسف مكنتش اعرف انتى كويسه دلوقت
فرحه:اه الحمد لله انا اتفاديته كان زماننا احنا الاتنين فى المستشفى دلوقت
جاسم:بعد الشر
فرحه:شكرا يافندم اتفضل دا الموضوع الى هقوله النهارده
جاسم بعد وقت من تفحصه للاوراق المدون فيها الموضوع:تمام اوى انا عجبنى جدا موضوعك النهارده عن الاسره
فرحه:اه الاسره المكتمله
جاسم:بس الموضوع جميل
فرحه:طيب يافندم شكرا
جاسم:نص ساعه والبرنامج يبدأ استعدى
فرحه:تمام هستأذن انا بقى
جاسم:اتفضلى
تخرج فرحه من المكتب وهى تقرأ فى الاوراق يمر بجانبها ياسين ولاكن لاتنتبه له ويمر ياسين وبجانبها وهو غير منتبه لها ..
الفصل الرابع ... إغتصاب ولكن تحت سقف واحد
كان جاسم جالسا فى مكتبه وفجاه فتح الباب ودخل ياسين الى الغرفه
فنظر له جاسم واتبع قائلا بمزاح
جاسم بمزاح:قول احم حتى
ياسين بضيق:معلش ياجاسم
جاسم وهو يقوم من على الكرسى:ياعم انا بهزر معاك بس مالك كدا
ياسين وهو يجلس فوق المكتب ويضع يده على رأسه:حبيبه ياجاسم
جاسم بقلق:مالها حبيبه
ياسين بحزن:بتقول ان خالد خانها وهى دلوقت حالتها وحشه اوى مش عارفه اطلعها من الحزن الى هى عايشه فيه دا
جاسم بصدمه:انت بتقول ايه ياياسين خالد يخونها ازاى خالد بيعشقها عشق يابنى دا كان لو يطول يجيبلها النجوم م السما هيجبها
ياسين بصوت مرتفع:ما دا الى انا مش فاهمه
جاسم:طب اهدى بس شويه واحكيلى ايه الى حصل بالظبط ..
****
فى احدى المنازل
ساره بقلق شديد:انا خايف اوى على خالد يابابا مرجعش من امبارح ومش عارفه الاقيه فين وتلفونه مقفول
الاب بقلق:ليه هو كان فين؟؟
ساره:يابابا هو راح عند بيت حبيبه ومرجعش من بعدها انا خايفه اوى
الاب:متقلقيش هنعرف هو فين ان شاء الله اتصلى حتى بياسين كدا
ساره:معيش رقمه
الاب:انا معايا انا كنت حاضر كتب كتابه عشان انا عمه وبمقام ابوه الله يرحمه وكنت واحد من الشهود وياسين عطانى رقمه فى اليوم دا
ساره بلهفه:هاته بسرعه
الاب:خدى يابنتى الرقم أهو ..
****
فى مكتب جاسم
جاسم بصدمه:ياااااااه كل دا حصل
ياسين بحزن:اه للاسف وانا مش عارف اعمل ايه دلوقت
جاسم:طب ماتحاول تكلمه او تخليهم يوجهو بعض
ياسين:ماهى مش راضيه تكلمه
وفجأه يرن هاتف ياسين برقم مجهول
ياسين:دا رقم غريب
جاسم:طب رد ونشوف مين
ياسين:ماشى
يرد ياسين
ياسين:الو
ساره:الو انت ياسين عاصم مش كدا
ياسين:ايوه انتى مين
ساره:انا بنت عم خالد واسمى ساره
ياسين:تقصدى عمو صفوت
ساره:اه انا بتصل بيك عشان اسألك على خالد
ياسين بتعجب:خالد !!
ساره:اه خالد راح عندكو امبارح ومارجعش من ساعتها وتلفونه مقفول
ياسين بقلق:ازاى !! هيكون راح فين يعنى ؟؟
ساره بحزن:مش عارفه انا قلقانه عليه اوى
ياسين وقد بدا الشك يعتريه:انتى بنت عمه بس !! ...............................................................................!!!!!!؟؟؟
اتمنى تكون البدايه حلوه واللي حابب يتايعها هتنزل كل يوم في نفس المعاد وتقدروا تتابعوها من خلال صفحتنا على الفيس بوك
إرسال تعليق
يسعدنا تلقي اقتراحاتك أو تعليقك هنا