قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

روايات رومانسية كاملة | رواية العشق الضال "الفصل الخامس"

مرحبا احبابي متابعين قصص 26 أهلا بكم معنا في روايات رومانسية كامله ورواية "العشق الضال" بقلم فاطمة محمد رزق ... تقدروا تتابعوا الفصل الرابع من هنا

أغلقـت قلبـها الى وللأبـدد ولـم تهتم يوماً بتلك اللعنة التى يقال عنـها "الحب" .. لم تعتقد لوهلـة أنه قد يأتي اليوم الذي تـدخل فيه عالم "الحب" .. منعتـها كل الظروف عن إبدائها لمشـاعرهـا -لقد عشقهـا لم يعد يرتـوي إلا بحـبها يقول لقد عشـقت حنـانها .. لم أره على أيٍ من البشر الحقودين الذين تلوثت قلوبهم بالعفن .. قلبها الصافى النقي .. روحها السمحة .. ضحكتـها أآآآه من ضحكتـها إنها وللحـق ملاك يعيش على ارضنا هذه .. لقد أبديت لها عشقي بأفعالي ولكن لم اعطها تلميحاً بسبب تلك .. الظروف ! هـل ستظل الظروف هى الحاجز بين حبهما ؟! أم هـل يستمر ذاك العذاب طويلا ؟! بل هل سيتركها ترحـل من بين يديه بعد أن ملكها ؟! أم يتمسك بعشقه الضآل .. هذا ما ستجيبه أحداث الروايه لنا .. أتمنى لكم قضاء أوقات ممتعه معنا ...

 روايات رومانسية كاملة | رواية العشق الضال "الفصل الخامس"


العشق الضال

الفصل الخامس

ياسين وقد بدا الشك يعتريه:انتى بنت عمه بس !!؟؟
ساره وقد بدأت تفهم:لا انا اخته ف الرضاعه كمان عشان كدا احنا مقربين جدا من بعض وانا كنت مسافره من سنتين عشان اخد الدكتوراه فى فرنسا ولسه جايه من شهر

ياسين بتفهم:يعنى انتى اخته تمام انا هكلم ناس يدورو عليه ولو لقوه هبلغك وانتى كمان اعملى كدا وكلمى البوليس
ساره بإمتنان:شكرا جدا
ياسين:الشكر لله مع السلامه
ساره:مع السلامه

يغلق ياسين الهاتف معها وينظر الى جاسم
ياسين:ادى مشكله جديده بتخبط على الباب خالد اختفى من امبارح

جاسم:لا آله الا الله هى المشاكل كترت كدا ليه
ياسين:مش عارف ياجاسم استنى اما اتصل بناس يدورو عليه
جاسم:طيب ماشى

فجاه يدق باب المكتب

جاسم بضيق:ادخل
سمر:معلش يافندم بس حابه اقولك ان البرنامج بتاع فرحه خلص خلاص وحضرتك مكنتش موجود معانا عشان تقيمها
جاسم بهدوء:سجليه وهاتيهولى
سمر:انا مسجلاه يافندم

واقتربت من مكتبه ووضعت عليه التسجيل قائله

سمر:هو ده
جاسم:هى ادائها كان حلو ولا ايه
سمر:اه كان اداء روعه وانا عجبنى اوى
جاسم:خلاص ماشى سيبيه هنا وانا هشوفه
سمر:ماشى يافندم

وخرجت سمر من مكتبه وكان ياسين يتابعه بعد انهاء مكالمته
ياسين:جاسم انا ليه بحس انك مش بتبقى مظبوط لما البت دى بتدخل

جاسم:قصدك ايه
ياسين:لو بتحبها روح اتقدملها ياجاسم هى محترمه جدا على فكره
جاسم:ايه اللى انت بتقوله ده كل دا غلط انا بعاملها عادى
ياسين:يمكن الله اعلم

جاسم:بس يعنى ممكن اكون شويه معجب بيها

ياسين:يابنى احنا صحاب من ايام الجامعه وانا بفهمك كويس
جاسم:طب اسكت بقا الله يفضحك

ياسين:هههههه يخربيتك الواحد ملوش نفس يضحك والله
جاسم:بس بجد مجرد اعجاب ها
ياسين وهو يرفع احدى حاجبيه:هحاول اصدقك

جاسم:امشى من هنا يلا انت مش ليك مكتب روح اتلم فيه
ياسين:لا عاوز ارزل عليك هنا الله
جاسم:ماشى
أقرا أيضا رواية أرض زيكولا الفصل الثامن
ياسين:انا كلمت ناس يدورو عليه
جاسم:طب كويس لو لقوه بقا هيكلموك
ياسين:اه ان شاء الله

جاسم:طب تعالى نسمع تسجيل الحلقه عشان مسمعتهاش
ياسين:حلقه ايه!!
جاسم:برنامج الحياه العامه وفرحه محمد البدرى هى اللى بتقدمه
ياسين:طب سمعنا

كاد جاسم ان يسمع التسجيل ولكن رن هاتف ياسين

ياسين:اقفل كدا بسرعه دى حبيبه

جاسم:ماشى
يجيب عليها ياسين

حبيبه بإنهيار:ي يااااسين

ياسين وقد وقف واشتد قلقه وارتعابه من ذاك الصوت:مالك ياحبيبه ايه الى حصل

حبيبه بنفس الصوت:خالد بيضيع منى ياياسين خالد بيموت

تبدأ حبيبه تتنفس بصعوبه ويكاد ياسين ان يموت قلقا عليها
ياسين:طب بس اهدى ايه الى حصل
يأخد عاصم الهاتف منها ويجيبه هو
عاصم:خالد عمل حادثه واحنا دلوقت فى مستشفى *****
ياسين بصدمه:طب انا جاى حلا
يخرج ياسين بسرعه بدون ان يعير اهتماما لجاسم الذى ظل ينادى عليه ولكن كان فى حاله لا تجعله يتوقف ليسمع من احدا اى شئ
ركب سيارته واسرع بها الى المشفى ..

****

كانت حبيبه منهاره من البكاء وفجأه فقدت وعيها
عاصم:حبيبه فوقى حبيبه

فى ذاك الحين جاء ياسين وسأل على الغرفه التى يقبع بها خالد فأسرع اليها وفجأه رأى حبيبه وهى فاقده الوعى
خالد وهو يتنفس بصعوبه:بابا ايه اللى حصل حبيبه مالها

عاصم بحزن ممزوج بالقلق:احنا كنا قاعدين فى البيت صاحبتها قالتلها وهى ماشيه فى الشارع شافت عربيه خبطت خالد اختك انهارت وفضلت تعيط وجينا المستشفى ولما سألنا الدكتور قالنا انها حادثه صعبه شويه وهو دلوقت فى خطر جوه العنايه المشدده واختك اغمى عليها ومش راضيه تفوق

جلس ياسين بجانبها وبدأ يهزها قائلا
ياسين:حبيبه اصحى قومى بقا عشان خطرى
وفى تلك الاثناء احضر عاصم بعض الماء وبدأ يرشه عليه فأفاقت

حبيبه ببكاء:ياسين خالد
ضمها ياسين اليه بحنان قائلا
ياسين:هيفوق ياحبيبتى صدقينى متخافيش وهيبقى كويس

حبيبه ببكاء قاتل:انا مش هاممنى يفضل يخونى عادى بس يعيش عشان خطرى يعيش مقدرش اعيش لو جراله حاجه والله ياياسين هموت
ياسين:عشان خاطرى بطلى تعيطى كفايه

يخرج الطبيب من غرفه خالد فتراه حبيبه

حبيبه وهى لاتزال تبكى:الدكتور
وتبتعد عن ياسين وتذهب اليه مسرعه

حبيبه ببكاء:هو كويس صح

الطبيب:الحقيقه المريض نزف كتير واحنا محتاجين دم حالا واحنا هنطلب من بنك الدم
حبيبه ببكاء:طب عشان يوصل هياخد وقت كتير
الطبيب:مش اوى بس كل ماسرعنا دا هيكون فى صالح المريض
حبيبه ببكاء:طب هو فصيله دمه ايه

الطبيب: +A

حبيبه:انا نفس زمره الدم ممكن اتبرعله

ياسين:لا ياحبيبه هما هيجيبوه من البنك
حبيبه ببكاء:لا هو ممكن يتأخر معلش انا هتبرع انا
عاصم:خلاص سيبها ياياسين

ياسين بقلق:هو فيها ضررعليها يادكتور

الطبيب:حاجات بسيطه يعنى هبوط ودوخه بس تاكل كويس بعدها وهتبقى كويسه

حبيبه:طب يلا بسرعه
الطبيب:ماشى تعالى معايا

ذهبت حبيبه معه لتتبرع بالدم وكان ياسين قلقا عليها جدا
ياسين بقلق:يارب استر ويقومو الاتنين بالسلامه
عاصم بثبات:متقلقش يابنى هيكونو بخير ان شاء الله

بعد مرور بعض الوقت كانت حبيبه قد تبرعت بالدم ودخل عليها ياسين وعاصم

حبيبه:هو كويس الدكتور خرج
ياسين:لسه ياحبيبتى شويه تبدا حبيبه بالبكاء مره اخرى
يجلس ياسين وعاصم بجانبها
ياسين:اهدى والله هيقوم بالسلامه صدقينى
عاصم:يابنتى هيقوم ان شاء الله خلى عندك امل فى ربنا

حبيبه ببكاء:يارب يقوم يارب يارب حتى خدنى انا وخليه هو يارب طب انا راضيه بأى حاجه بس هو يقوم

ياسين:ياحبيبتى استهدى بالله بس واهدى بطلى عياط
حبيبه بانهيار:ابعد انا عاوزه اروحله ابعد
أقرا أيضا رواية الملعونة الفصل الثاني عشر
ياسين:ارتاحى بس شويه عشان خطرى
حبيبه ببكاء:بالله عليك ابعد عاوزه اروح هناك
ياسين وهو يسندها:تعالى ياحبيبتى
تقوم حبيبه معه حتى يوصلها الى الخارج
بعد مرور حوالى نصف ساعه يخرج الطبيب مبتسما
تتوجه اليه حبيبه بلهفه
حبيبه:خالد كويس

الطبيب بابتسامه:اه الحمد لله تعرفى احنا لو كنا اتاخرنا عليه 10 دقايق بالظبط كان فاته الوقت ف خطر

حبيبه بسعاده:الحمد لله ينفع اشوفه
الطبيب:اه ينفع 5 دقايق بس وننقله اوضه عاديه وتشوفيه
حبيبه:ماشى

بعد نقله الى الغرفه الاخرى دخلت عليه حبيبه ومعها اخيها ووالدها
حبيبه وهى تنظر اليه بارتياح:الحمد لله

لم بمر الكثير من الوقت حتى استفاق خالد
تقف امامه حبيبه وهى تبكى بكائا حادا بدون ان تتكلم
خالد بصوت متقطع وهو ينظر لها:مالك
حبيبه بنفس البكاء وبصوت مرتفع نسبيا:اسكت

يضحك ياسين عليها وهو يقول:ههههههه ولا حاجه كانت هتموت عشانك دلوقت 

عاصم:دا حتى اتبرعتلك بالدم شوفت
خالد بدهشه:بس هى بتعمل كدا ليه مش هى قالت بتكرهنى!! يعنى هى مش عاوزانى اعيش ولا اموت
ياسين:لا هى عاوزاك تعيش بأى تمن
خالد:بس هى مش عاوزانى اكمل حياتى معاها يعنى انا كدا كأنى مش عايش وكمان بتكرهنى
حبيبه ببكاء:اه بكرهك عشان انت بتوجعنى وبتجرحنى

خالد:طب انا جرحتك فى ايه بالله عليكى انا عمرى اذيتك انا خونتك ازااااى ازااااااااى بس فهمينى ؟؟
حبيبه ببكاء:انت كداب انا شوفتك مع بنت تانيه وكمان بوستها من راسها انا شوفتك لما كنت رايحه الجامعه
خالد بصدمه:نعم

وكاد ان يتكلم لولا ظهور ساره المفاجأ على الساحه
ساره ببكاء وهى تجرى على خالد وتضمه:ايه الى حصل ياخالد حرام عليك انا كنت هموت من الخوف عليك
خالد وهو يضمها:انا كويس ياحبيبتى معلش قلقتك عليا
ساره ببكاء:انت غبى اصلا عشان من امبارح مرجعتش البيت قلبت عليك الدنيا وملكش اثر وفى الاخر اعرف انك هنا
خالد:خلاص يابت بقا انا كويس اهو الله
ساره:انا مش بت ياض انت سامع

خالد:اومال ايه ياساره ولد
ساره:ها ها ها لاظريف
نظرت له حبيبه بضيق شديد ثم بدأت الدموع تنهال من عينها وامسكت يد ياسين قائله

حبيبه ببكاء ممزوج بالضيق والغضب:يلا نمشى ياياسين
ثم نظرت الى والدها متابعه:يلا
ياسين بغضب:لا لما افهم ايه اللى بيحصل دا الاول
نظر له خالد وقد فهم مايرمى اليه
فأشار الى حبيبه قائلا
خالد:حبيبه تعالى اقعدى جمبى ثانيه معلش
حبيبه ولاتزال تبكى:لا مش جايه

خالد:يعنى اجى انا
حبيبه ذهبت لقلقها عليه قائله:نعم
امسك خالد يدها واجلسها بجانبه وبجانب ساره
خالد وهو يشير الى ساره:دى اللى انا بخونك معاها صح
حبيبه ببكاء:اه هى وكل حاجه وضحت دلوقت يعنى انا مكدبتش ولا حاجه والكل شاهد
ساره بصدمه:بتخونها معايا

خالد وهو ينظر الى حبيبه:تصدقى انك غلسه ومعندكيش دم 
ياسين وهو يضحك فقد فهم ما يجرى:ههههههه اومال الدم اللى انت عايش بيه دلوقت دا دم مين
خالد:هههههههه اقصد انتى بارده وغلسه

حبيبه ببكاء وهى تنظر اليه:شيل ايدك عاوزه امشى ياخالد
خالد:استنى بس اكمل مش هتمشى قبل ما افهمك غبائك بصى ياستى الزفته الى قاعده دى بنت عمى
حبيبه بغضب:ودا يديها حق انها تحضنك وانت تبوس راسها

تقوم ساره من جانبهم وهى فى حاله من الصدمه
ساره:ههههههههه بت اهدى شويه الواد هيشرحلك اهو
حبيبه بغضب:اه طبعا ادينى سكت

خالد:بصى قبل ما اقولك حاجه انا عمرى اذيتك قبلها او جرحتك زعلتك ضايقتك مهتمتش بيكى مكنتيش من اولوياتى
حبيبه ببكاء:ما دا الى جرحنى انك تكون بكل الحنان دا وفجاه الاقيك مع بنت
وضع يده على فمها بحنان ووحد اصابعه مع اصابعها وقال لها
خالد:بصى ياحبيبتى فاكره ساره اختى فى الرضاعه الى سافرت فرنسا سنتين انا حكتلك عنها قبل كدا
تهز حبيبه رأسها بنعم

خالد:هى دى ساره نفسها وكانت لسه راجعه من شهر انما انى اخونك دى حاجه مستحيله انتى عندى كل حاجه انتى ابويا وامى انتى صاحبتى انتى كل حاجه بالنسبالى مستحيل افكر ابص لحد غيرك طول مانتى معايا
 روايات رومانسية كاملة | رواية العشق الضال "الفصل الخامس"
لم تقل حبيبه اى كلمه لانها قد ارتمت بين ذراعيه وهى تبكى بدون نطقها لحرف واحد فأغلق خالد ذراعيه عليه وهو يهدأها
خالد بحنان:خلاص ياحبيتى محصلش حاجه بطلى عياط بقا عشان خاطرى
تتشبث به حبيبه اكثر وكأنه سوف يهرب الى مكان ما ويزداد بكائها اكثر فيتركها خالد بعض الوقت لتهدأ حتى سكن روعها قليلا واطمئن خالد انها قد اصبحت افضل فوضع يده على كتفيها ونظر الى وجهها وبدأ يمسح الدموع التى تنزل من عينيها
خالد:هششش خلاص بقا بطلى عياط

حبيبه ببكاء:انا سفه

خالد:انا مش عاوزك تعتذرى انا مش زعلان منك اصلا انا بحبك اوى وعمرى مازعلت من اللى انتى بتعمليه بس عاوزك تثقى فيا لو فى يوم حصل حاجه تعالى صارحينى بدل ما كنا هنخسر بعض عشان سوء تفاهم
تضمه حبيبه وتقول
حبيبه:حاضر
خالد:وحشتينى اوى
حبيبه:وانت كمان وحشتنى اوى اوى وحشتنى كتير
خالد:انا معاكى اهو بقا وهنتسلى على اخوكى ونخليه يقرب معاد الفرح بقا
ياسين:ههههههههه الحقيقه بعد اللى انا شوفته دا خودها ياعم وانت مروح
حبيبه:اه خدنى عاوزه اجى معاك

خالد وهو يضمها اكثر:وانا كمان عاوزك تفضلى معايه دايما 24 ساعه متغيبيش عن عينى ثانيه واحده

ياسين:احم احم نحن هنا
خالد:غور يلا من قدامى انت مش قلتلى خدها معاك
ياسين:ايه دا انت صدقت لا الفرح بعد سنه كدا ان شاء الله

خالد:تك 360 وربع عفريت ينططوك ان شاء الله
ساره:ههههههههه مش قادره يخربيتكو
خالد:ال سنه ال
ياسين:ماتستهدى بالله كدا ياعم
خالد:اخرنا اسبوع
ياسين:لا انت بتستعبط بقا

عاصم:لا سيبهم ياياسين هما مكتوب كتابهم بقالهم 3 شهور وهو بقالو كتير بيتحايل عليك تقدم المعاد
خالد:ايوا بقا هو دا عمى اللى بحبه
ياسين بغيظ:ماشى يابابا ماشى اتوسطلهم كويس
عاصم:هههههههه لا مش بتوسط ولا حاجه بس هو عاوز يتجوزها ويعملو فرح سيبهم يفرحو
ياسين:ماشى بس على شرط
خالد:انا موافق
ياسين:طب اسمعو الاول
خالد:لا اى حاجه هوافق بيها عشان حبيبتى تفضل معايا
ياسين بسعاده:هو دا
خالد:هو دا ايه
أقرا أيضا رواية آدم وحياة الفصل الثامن
ياسين:الاهتمام دا دايما متهملهاش فى يوم متزعلهاش ومتجرحهاش انا بديك اختى وهى اغلى من اى حاجه عندى
خالد مبتسما:ثق دايما انى هخليها مبسوطه وفرحانه وعمرى ماهزعلها يوم خليك واثق انك بتديها لحد بيخاف عليها وبيحبها وبيقدرها اكتر منك انت

ياسين بابتسامه رضى:انا واثق
عاصم:الف مبروك
خالد:الله يبارك فيك ياعمى
شعر خالد بالاستعجاب فهى لم تبتعد عنه بعد فأبعدها عنه ليرى وجهها اذا كانت تبكى ام لا فوجدها نائمه
خالد بهدوء:نامت
ياسين بهدوء:اصل هى مكنتش بتنام كانت بتفضل تعيط طول الليل لولا انى كنت بحطلها منوم جوا المايه
خالد بحزن:معلش ياحبيبتى انا اسف انا السبب فى كل دا
ويضعها على الوساده بجانبه لتنام

ياسين:لا انت ملكش ذنب فى كل دا انا المفروض كنت استفسر
ساره:خلاص ياجماعه اهدو كل حاجه الحمد لله بقت تمام واتصلحت
ياسين:اه الحمد لله

عاصم:الحمد لله ان كل حاجه اتصلحت
وفجأه رن هاتفه فاجاب
عاصم:الو

الشخص:لو سمحت يافندم المندوبين مرضوش بتأجيل الصفقه عن النهاردا بعد ساعه وهى صفقه مهمه جدا ولازم العقد بتاعها يتوقع النهارده
عاصم:لا انا مش فاضى خالص خليهم يلغوها وخلاص
سمعه ياسين فأخذ منه الهاتف
ياسين:ايوا يامحسن انا ياسين هى الصفقه دى امتى
محسن:بعد ساعه
ياسين:خلاص هو جاى
محسن:شكرا يافندم
ياسين:الشكر لله مع السلامه
محسن:مع السلامه
عاصم:يابنى انا قاعد معاكو
ياسين:خلاص يابابا متخافش احنا معاها كلنا خلص شغلك وتعالى
عاصم:ماشى يابنى خلاص انا ماشى
ياسين:ماشى
عاصم:خلاص مع السلامه ياجماعه
خالد:مع السلامه ياعمى
ساره:مع السلامه
رحل عاصم وبعد قليل جاء شخص وطرق الباب
الشخص:ادخل ولا لا
خالد:ايوا ادخل وانت لسه هتستأذن يامحمود
محمود:اهلا بالعيان اول ماعرفت جيت اسلم والزفته مقالتليش الا لما فضلت ارن عليها يجى 60 مره
ساره:انا زفته ماااااشى حسابنا ف البيت
محمود:فيه واحده تقول لجوزها حسابنا ف البيت
خالد:اجماع الصوت مش عاوزها تصحى روحو اتشاكلو ف البيت
ياسين:هههههههه ودا جوزك دانتى وقعتك فل ياحبيبه ..

****

كانت فرحه جالسه فى غرفتها فجأجه طرق الباب
فرحه:ادخل
يوسف وهو يدخل:بت ادعيلى
فرحه:ياااارب بس ادعيلك بإيه
يوسف:انها تكون بتحبنى زى ما انا بحبها بكره الخميس وانا خايف لترفضنى او متكنش بتحبنى او اى حاجه
فرحه:متخافش انا واثقه انها هتوافق بيك
يوسف:افرضى جنى مش بتحبنى
فرحه متفهمه:بص يايوسف روح صلى ركعتين لله وادعى فيهم بالى انت عاوزه
يوسف بابتسامه:ماشى انا رايح ..

****

كان فقط ياسين وخالد ب المشفى بينما الجميع قد رحل عنهم
ياسين:دى شكلها مش ناويه تفوق دلوقت
خالد:خلاص سيبها معايا النهارده وبكره ابقى تعالى خدها
ياسين:لا والله ياخويا
خالد:يابنى والله ما بهزر روح انت بجد انا عاوزها النهارده معايا
ياسين:بس
خالد:يابنى والله احنا متجوزين متخافش عليها معايا دى مراتى فى عينى ومش هتجاوز حدودى متقلقش
ياسين:مقصدش ياغبى بس انت تعبان ولازم تستريح
خالد:انت مجنون انا مبرتحش الا لما تكون معايا
ياسين بضحك:طب انت فى الجنب دا وهى فى الجنب دا متقربش عن كدا
خالد:غور يلا من هنا
ياسين:هههههههه طيب طيب متزقش

خالد:قلتلك برا يلا

ياسين:ههههههه قلتلك طالع الله
يخرج ياسين من الغرفه ويذهب ياسين الى منزله وهو مطمئن اخيرا على اخته
بينما خالد كان نائما بجانبها ينظر لها ويقول بينه وبين نفسه:والله وحشتينى اوى انا كنت حاسس انى بموت من غيرك انا عارف انى مقدرش يوم ابعد عنك بحبك اوى بحبك كتير بحبك بغباء بس لو تعرفى اليوم من غيرك بيكون عامل ازاى لو تدخلى قلبى وتشوفينى بحبك قد ايه
ثم ضمها اليه بشده مما جعلها تستيقظ
حبيبه بدهشه:.........................................................!!!؟؟

 روايات رومانسية كاملة | رواية العشق الضال "الفصل الخامس"

اتمنى تكون الحلقه النهارده دخلتكم في جو حب ورومانسية جميل واللي حابب يتايعها هتنزل كل يوم في نفس المعاد وتقدروا تتابعوها من خلال صفحتنا على الفيس بوك

عن الكاتب

Marwa Raafat

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26