-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية حكاية روح للكاتبة شهوزان الشريف | الفصل الثالث

مرحباً بكم أصدقائي وأحبابي عاشقي القراءة والقصص الرومانسية الخلابة في موقعنا قصص 26 مع الفصل الثالث من  رواية حكاية روح للكاتبة شهوزان الشريف، 
تابعونا لقراءة جميع أجزاء رواية حكاية روح للكاتبة شهوزان الشريف.

الفصل الثاني من رواية حكاية روح
رواية حكاية روح للكاتبة شهوزان الشريف | الفصل الثالث
رواية حكاية روح للكاتبة شهوزان الشريف | الفصل الثالث

اقرأ أيضا رواية عشقها المستحيل

رواية حكاية روح للكاتبة شهوزان الشريف | الفصل الثالث

بمجرد وصول روح للكليه.. تجمع حولها عدد كبير من الزملاء حيث كانت محبوبه من الجميع
وبعد انتهاء الزحمه كان هناك من يراقبها ف صمت
شادى : البقاء لله ياروح
روح : شكرا ياشادى ..حياتك الباقيه
شادى : انتى مش محتاجه اى حاجه
جميله : تعرف توفر لروح شغل عند باباك
روح : انتى بتقولى ايه
شادى : وايه المشكله ياروح ..اكيد انا هكلم بابا واخليكى تقابليه ودى اقل حاجه ممكن اعملهالك
روح : شكرا بس مش عاوزه اسببلك ازعاج
شادى بخبث : ازعاج ليه وانا اطول اشوفك الصبح ف الكليه وبعد الضهر ف الشغل ..ده حتى بابا هيفرح اوى لانى مش هسيب الشغل
روح : ااااه طيب ..ياريت تكلم والدك والتعامل بتاعى هيكون معاه
شادى : انتى تؤمرى
مايا بصوت عالى : يابت يخربيتك ابوكى وامك ماتوا من كام يوم وبرده متعظتيش وواقفه تتكلمى معاه هو انتى ايه جبله مبتحسيش ..قله الادب ف دمك
روح ببرود : خلصتى
مايا : بارده وسافله
روح اقتربت منها لدرجه ان مايا حست انها ستتلقى صفعه مدويه وهمست ف اذنها : وانتى تافهه وهايفه ومدلعه ..وسى شادى ال فرحان بلمه البنات حواليه وانتى تتمنى تكونى جاريه من بتوعه ..ميلزمنيش عارفه ع الجزمه عندى شوفتى مين فينا ال سافل اجرى اتلزقى فيه يلا
زمايلهم مكنوش سامعين بيقولوا ايه ..بس شافوا وش مايا ال ابتدى يتلون من حده الكلام والغضب
وفجاءه شافوا د. محمد جاى عليهم
د.محمد : ايه ال بيحصل هنا ده
مايا بسرعه : بتشتمنى
د.محمد : حصل الكلام ده يا روح
روح : حضرتك ممكن تسال ..ولو سمحتلى امشى عشان معنديش وقت اضيعه ف تفاهه الانسه
د.محمد : اتفضلى يابشمهندسه .. مايا صدقينى بعد كده مش هكلم يوسف هكلم رئيس الجامعه
تركها تغلى من شده الغضب وسط توعدها والاصرار على الانتقام من روح
شادى بخبث : ايه يامايا بقى كل يوم فضيحه ولا ايه
مايا بنعومه : بغير عليك يابيبى
شادى : ياسيدى ع الدلع ..دى كانت عاوز شغل قلت اساعدها ..ما انتى عارفه قلبى كبير
مايا : انت هتقولى ..بس مش هسبها
شادى : هى كانت بتقولك ايه
مايا حبت تغيظه : كانت بتقولى انك بالنسبه لها ع الجزمه
شادى بنرفزه : طيب والله لنشوف مين ال هيبوس جزمتى ف الاخر ..المهم هتيجى الحفله انهارده
مايا : شور يابيبى طبعا
شادى : حلو كده
ف مكان تانى ع النيل
يوسف : ها ياجنى خير جايبانى ع ملا وشى ليه
جنى : هى انطى ديدى كلمتك ع ميعاد الفرح
يوسف : ايه انطى ديدى ده
جنى : يووه مامتك
يوسف : امى اسمها كده ..طيب بصى قبل مانكمل كلام ..اتكلمى معايا طبيعى عشان انا بيجيلى حساسيه من الدلع الزياده ده الله يخليكى
جنى : انا مش عارفه انت ليه مش شبه اهلك كده
يوسف بضيق : امى واختى ستات ياجنى ..عايزانى البسلك بروكه عشان اعجبك ولا ايه
وبعدين ايه موضوع الفرح مش فاهم
جنى : بتقولى عشان نحدد الفرح
يوسف : طب ودى فيها ايه
جنى : احنا مخطوبين من شهرين بس يعنى لسه بدرى
يوسف : جنى احنا مخطوبين من شهرين ..بس متصحبين من تلت سنين لو مش واخده بالك يعنى
جنى : انا قصدى نتمتع بالخطوبه
يوسف : هو مينفعش نتمتع واحنا متجوزين يعنى ..منطقك غريب جدا
جنى انتى بتحبينى
جنى : ليه السوال ده
يوسف : عشان ال بيحب حد بيكون عاوز يقرب منه بكل الطرق مش كده يعنى
جنى اقتربت منه ببطى شديد واركنت راسها بجوار قلبه ليسمعها تهمس انا قريبه منك اهوه
يوسف : قومى ياجنى الناس بتبص علينا
جنى : بس انا ميهمنيش حد وانت جمبى ..انا بحبك يايوسف
يوسف : قومى ياجنى مش بحب كده ومش عاوزه اشيلك بالعافيه
جنى : اوووف انت ليه مش رومانسى
يوسف : ياربى ....ياربى اشد ف شعرى ..مين ال فهمك ان دى رومانسيه ..لما تيجى ف حضنى وتبوسينى وانتى خطيبتى امال لما نتجوز هتعملى ايه
جنى : انت ليه مصمم تحرجنى كل شويه
يوسف مسك ايدها : ياجنى انا بحبك ومش عاوز اغضب ربنا فيكى فهمتى ياحبيبتى
جنى : طيب ناجل الجواز
يوسف : لامتى
جنى بدلع : امممم شويه صغيرين كده
يوسف مقلدا : شويه صغيرين كده
جنى : اها
يوسف : ماشى كلامك ..يلا بقى اوصلك عشان ارجع الشركه
جنى : لا انا هروح البيوتى عشان الحفله
يوسف : بيوتى ايه
جنى : بيوتى سنتر يابيبى
يوسف : ههههههههههه كوافير اسمه كوافييييييييير ههههههههههه
جنى : اووووف
يوسف : هتلبسى ايه
جنى : فستان
يوسف : قولى والله افتكرت هتلبسى جلابيه ولا حاجه ..شكل امه ايه الفستان
جنى : عادى يعنى ..لونه احمر ولحد الركبه كده وحمالاته عريضه ع فكره و..
يوسف مقاطعا : ياختاااااى انتى بتوصفى فستان ولا قميص نوم ..انسى . شايفه انسى ياجنى ان ده هيتلبس مفهوم
جنى : حرام عليك يايوسف
يوسف : بصى ياجنى انا مش خاطبك عشان تبقى فرجه للرايح وللجاى ..ال انتى بتوصفيه ده يتلبس ف البيت مش ف الشارع
جنى : انت ليه معقد كده انا بجد ابتديت ازهق
يوسف بنفاذ صبر : انا قلت كلمه يتلبس حاجه مقفوله هوديكى الحفله ..غير كده هتقضى الليله ف اوضتك ..سلام
ف سرعه توجه يوسف الى سيارته متجها للشركه بعقل شارد لايدرى مدى دقه اختياره بان تكون جنى زوجته ..
يوسف : نور شاكر بيه معاه حد
نور بسهوكه : لا يابشمهندس ..مستنيك
يوسف بتنهيده :طيب ..اتنين قهوه بقى
نور : من عيونى
يوسف : لا من عند احمد بتاع البوفيه
نور : ههههههههههههههه
يوسف : احم احم ....احنا هنهرج ولا ايه ياانسه
نور ف سرها ايه الجنان ده : اسفه
ف المكتب
شاكر : اهلا ياباشا اتاخرت ليه
يوسف : انا هنا من الصبح ..بس جنى كلمتنى وحسيت ان ف مصيبه
شاكر : ياساتر ليه
يوسف : اسكككت مش انطى ديدى كانت عاوزه تحدد معاها الفرحه
شاكر : ههههههههههه طب اهدى
يوسف : يابابا ماهى حاجه تنرفز الصراحه ..انا تعبت بجد
شاكر : مش بتحبها
يوسف : بحبها وربنا ..بس تصرفتها بتدايقنى
شاكر :بص يايوسف جنى بنت وحيده ومدلعه فوق ماتتخيل ..المفروض تتعود على كده
يوسف : والله يابابا انا تعبان ..المهم كنت عاوزنى ف ايه
شاكر : دى مشكله ف الشغل بس واضح انك مش مركز
يوسف : قول ياحجيجه معاك
شاكر : حجيجه
يوسف : عارف يابابا انا محتاج اترمى ف حضنك
شاكر : ياسلااااام ..تعالى ياض
يوسف اسرع ف احتضان والده ..جلس باريحيه على اقدامه واخفى راسه ف صدره ..على الرغم من طول يوسف الفارع الا انه بدى كطفل صغير
و ف ثوانى دخلت نور
نور بربكه : انااااا ..اااااسفه ..م .القهوووه
يوسف : يافضحتشى
شاكر : ايه يابنتى اول مره تشوفى حد حاضن ابنه
يوسف وهو يعتدل : هيهيهيهه والنبى شكلك فهمتى غلط
شاكر : هههههههههه حطى القهوه وامشى يانور
نور : امرك يافندم
شاكر : عجبك كده
يوسف : هههههههه معلش ياحجيجه ده غيرك بيدفع فلوس ف الحضن ده
شاكر : روح ياض ع مكتبك اجرى ..
يوسف : طب والشغل
شاكر : ههههههههه نستنى يابن هايدى
يوسف : لو سمحت اسمها انطى ديدى
شاكر : ههههههههه
يوسف : ياراجل بلا فقعه بقى ..يلا نشوف ال ورانا
بمجرد حلول الليل ..استقيظت روح على صوت رنين هاتفها برقم غير معلوم
روح : الو
شادى : الجميل نايم بدرى كده
روح : مين معايا
شادى : انا شادى
روح : جبت رقمى ازاى
شادى : هى دى ازيك ياشادى بتعتك ..عموما جبته من جميله عشان اقولك ع الشغل
روح : ها عملت حاجه
شادى : بابا هيقابلك بكره الصبح ف مكتبه الساعه 9
روح : بجد . طيب كويس اوى
شادى : هاتى عنوانك هفوت عليكى الصبح
روح : لا شكرا ادينى العنوان بس
شادى : طيب ........
روح : تمام كده متشكره ياشادى مع السلامه
شادى : هتقفلى بسرعه كده
روح :انت عاوز حاجه
شادى : ف حفله حلوه اوى انهارده الساعه 10 تبع النادى ..ماتيجى تغيرى جو
روح : انا مليش ف الجو ده تمام ..سلام بقى
اغلقت الخط بشده على عكس شعورها الداخلى بالفرح لايجادها وظيفه حسب طبيعه عملها ..اما شادى فكان يزداد اصراره ع تلك الفتاه التى تتمنع فتشعره بمزيد من الرغبه
جنى : هاى ياانطى
هايدى : هاى ياقلبى اخبارك
جنى : كويسه
هايدى : مكشره ليه
جنى : يوسف مرضاش يخلينى البس الفستان الجديد ال كنت جايباه
هايدى : ههههههه يوسف غيور بس
فيروز : لا هايدى ..يوسف مش غيور بس ..يوسف راجل كمان
جنى : هاى ياانطى
فيروز : عليكم السلام جنى
جنى : اوووه باردون
فيروز بضحكه استخفاف : خلاص
يوسف : السلام عليكم ياجماعه
مساء الخيرات فيروز هانم
فيروز : هههههههههه عليكم السلام مساء الخيرات حبيبى
جنى : مش يلا بقى هنتاخر
يوسف : اوكيه مايا نازله حالا
جنى : طيب ماتسبها تروح مع اصحابها
يوسف : طالما انا رايح ..يبقى تروح معايا مش مع اصحابها
فيروز : برافو يوسف دى الاصول ابنى
جنى : مش قصدى ..كل الفكره مش عاوزها تتخنق
مايا : متقلقيش ياجنى ..انا جهزت اهوه
يوسف : طيب يلا
انحنى على جدته وقبلها وقبل والدته واتجه معهم نحو السياره
جنى : ايه اخبارك ياميمى
مايا : انا كويسه خالص
جنى : والله
مايا : اها
يوسف : بقولكوا ايه انا طبعا مش محتاج انبهكوا ان مفيش رقص
مايا : اوماا احنا رايحين ليه
يوسف : بت انتى متتعصبيش عليا اقسم بالله هروحك
جنى : ماهى عندها حق بقى
يوسف : ماشاء الله هناء وشيرين اتفقوا مع بعض ...ويوم مايتفقوا يبقى على قله الادب
ادعى عليكوا بايه
مايا : خلاص خلاص ..خلينا نروح هو يوم باين من اوله
يوسف : طيب ياختى
بعد فتره قليله وصلوا المكان ال فيه الحفله والاغانى كانت روعه ..اما يوسف فرفض وبشده ان تتحرك احدى الفتاتين من مرقدهم
جنى : الله ..يوسف بليز بليز نرقص ع الاغنيه دى
يوسف : هههههه والله مجنونه تعالى
مايا : طب وانا
جنى : لما تتخطبى ابقى ارقصى
مايا : ده ع اساس انك كنتى مستنيه الخطوبه عشان ترقصى صح
يوسف : انا مش هخلص ...هرقص معاها والاغنيه الجايه ليكى
جنى : يلا بقى
مايا : تتك الارف
شادى : الجميل متعصب ليه
مايا : عادى يعنى
شادى : طيب مش عاوزه ترقصى
مايا : والله نفسى ..بس يوسف
شادى : ههههههههه طيب تعالى متقلقيش
يوسف : ايه ال بيحصل
شادى : بعد اذنك يابشمهندس هرقص مع مايا ممكن
يوسف بغيظ : لا ..بعد ماطلعت بيها
شادى : عندك حق كان المفروض اقولك الاول
جنى : متكبرهاش بقى يايوسف
يوسف : طيب
مايا : ميرسى ياقلبى
شادى : تعرفى ان انتى احلى واحده ف الحفله
مايا : اممممم بجد
شادى : اوى
مايا : قلت الكلام ده لكام واحده بقى
شادى : لا الحلوين كتير ..بس هو قمر واحد
مايا : طب وروح
شادى : انا مش عارف انتى حطاها ف دماغك ليه ..هى مش مستويا اصلا ..يابنتى دى هتشتغل عندى ..لمى الدور بقى وعيشى اللحظه
مايا : طيب ياشادى
يوسف : مش يلا بقى
جنى : استنى شويه
يوسف : استنى ايه الساعه 3 وعندى شغل بدرى يلا
مايا : اووووف طيب طيب
جنى : خدينى معاكى انا زهقت
يوسف : يارب تولعوا انتوا الاتنين قدامى
وتانى يوم
روح : ها ياشمس عرفتى الطريق
شمس : عرفتى خلاص
روح : شطوره ..لو طلعت بدرى من الشغل هجيلك ..لو ملقتينيش تروحى علطول
شمس : حاضر
روح : يلا ياقلبى ادخلى
شمس : باى باى
روح : باى
وصلت روح  واخدت تاكسى ليقف بها امام شركات المسيرى للهندسه والمقاولات
روح : لو سمحتى انا كنت عاوزه اقابل المهندس عبد الرحمن
السكرتيره : فى ميعاد
روح : اه بخصوص شغل
السكرتيره : اسمك اي..
شادى مقاطعا : روح بذات نفسها هنا ..ايه النور ده ..بابا جوه ياسمر
سمر : موجود يافندم ومستنيك
شادى : طيب تعالى ياروح
شادى : صباح الخير
عبد الرحمن : صباح النور اتفضلوا
شادى : بابا دى روح ال كلمتك عنها
عبد الرحمن : اااه ..اهلا ياانسه
شادى : حضرتك شفت الوظيفه
عبد الرحمن : الحقيقه مفيش اى حاجه تنفع ليكى كمهندسه
احنا طالبين سكرتيرات بس
روح : حضرتك انا ممكن اشتغل اى حاجه
شادى : طب ايه رايك روح تبقى معايا ف المكتب انا محتاج حد يساعدنى وروح ممتازه
عبد الرحمن : مفيش مشكله ..اتفق معاها ع المرتب وبلغهم تحت ف الشئون
شادى : تمام كده ..تعالى معايا اوريكى المكتب
روح بتردد : طيب
شادى : ها ايه رايك ف المكتب
روح : تمام ..بس المواعيد
شادى : مواعيد الشغل بتخلص الساعه 4
طول ماانا هنا انتى تكونى موجوده غير كده مش هالزمك
روح : طيب
شادى : ده كفايه الاصطباحه بوشك
روح : ياريت يابشمهندس نلتزم حدود شغلنا مع بعض مش اكتر من كده
شادى : وماله ..يلا بقى عشان اعلمك
اعتادت روح العمل مع شادى فى مكتبه ..تغاضت عن الكثير من السخافات الخاصه به ..حاولت بشتى الطرق الحفاظ على الدراسه والعمل
واستمر الوضع ال مجئ هذا اليوم
حيث خرجت من الجامعه باستعجال بناء على طلب شادى ان فيه شغل مهم
اول ماوصلت المكتب 
*********************

إلي هنا ينتهى الفصل الثالث من رواية حكاية روح للكاتبة شهوزان الشريف 
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة