قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

رواية حكاية روح للكاتبة شهوزان الشريف | الفصل الخامس

مرحباً بكم أصدقائي وأحبابي عاشقي القراءة والقصص الرومانسية الخلابة في موقعنا قصص 26 مع الفصل الخامس من  رواية حكاية روح للكاتبة شهوزان الشريف، 
انتظرت غروبك أيتها الشمس لأرى ذلك الشعاع الهزيل الذي يودع البحر، وتلك القوارب لتودع يوما مضى من حياتي انتظرت ذلك المنظر لأبقى لحظات مع نفسي أتأمل الشفق الأحمر، هو يحتضن التل وداعا، انتظرت ذلك المنظر العجيب الذي يحول البحر والجو لمكان آخر، مكان لن تنساه العين وينسيك الهموم والأحزان التي تكتم أنفاسك، ويودعك بغروب يملأ القلوب بمشاعر عذبة، 
تابعونا لقراءة جميع أجزاء رواية حكاية روح للكاتبة شهوزان الشريف.

الفصل الرابع من رواية حكاية روح
رواية حكاية روح للكاتبة شهوزان الشريف | الفصل الخامس
رواية حكاية روح للكاتبة شهوزان الشريف | الفصل الخامس

اقرأ أيضا رواية عشقها المستحيل

رواية حكاية روح للكاتبة شهوزان الشريف | الفصل الخامس

روح : انااا
يوسف : رووووووح
د.محمد : ايه ده انتوا تعرفوا بعض
يوسف بلخبطه : اه اه روح قريبتى ..هى عملت حاجه
محمد : قريبتك ازاى ..يعنى انتى ومايا قرايب بعد كل ده
يوسف : انا مش فاهم حاجه
محمد : يابنى دى روح طالبه هنا ف رابعه ..ال مايا اتخنقت معاها
يوسف بص لروح وهو مش مصدق : فهمت فهمت
روح : خير يابشمهندس حضرتك عوزنى ف حاجه
د.محمد : اه ياستى ف بحث كويس اوى وهيفيدك كتير انا اديته ليكى و10 من زميلاك ومتاكد انك هتبقى احسن واحد كالعاده
روح : شكرا على ثقتك والله ..بس انا عندى ظروف كده يعنى لو قدرت هاعمله
محمد : براحتك ياروح ..البحث تسليمه بعد اسبوعين لو عملتيه هاتيهولى
روح : حاضر ان شاء الله عن اذنكوا
محمد : مالك يابنى عامل شبه ال ماتلوا حد ليه كده
يوسف : عادى ياكبير ..انا همشى بقى
محمد : ماانت قاعد اهوه
يوسف : لا جنى مستنيانى مش هينفع اتاخر عليها
محمد :ماشى ياعم الله يسهلوووووو
يوسف : قر يافالح ماهى اصلها ناقصه
....يلا سلام
ف احدى كافيهات المعادى
يوسف :اتاخرت عليكى
جنى : اوى ياجو انا مستنياك بقالى عشر دقائق لوحدى
يوسف : ياخبر ابيض عشر دقائق بحالهم لالا ده تسيب ..ده استهتار ..ال يشوف وشك ياجنى يقول بقالك ساعتين تلاته قاعده
جنى : انت بتتريق عليا
يوسف : اطلاقا هههههههه
المهم قوليلى عامله ايه
جنى : مش كويسه انا بقى
يوسف : ليه
جنى: بابى مش راضى يحط ليا فلوس ف الكريدت بتاعى
يوسف : وانتى فلوسك فين ..وعاوزه فلوس ليه اصلا
جنى : انا جبت لبس كتير ..وبعدين الفلوس عشان اطلع الرحله
يوسف : رحله ايه
جنى : رحله باريس ياجو
يوسف : اسمى المتنيل ع عينه يوسف ..ومفيش باريس لوحدك
جنى : ايه ده ازاى يعنى انا حجزت خلاص
يوسف : اه وانتى جايه تبلغينى قرارك وتحطينى تحت الامر الواقع صح
جنى : ياحبيبى دول عشر ايام بس ..ولو عاوز تعالى معايا
يوسف : انتى شايفانى فاضى ..انا اجازتى خلصت وهارجع الجامعه تانى ..ده غير شغل الشركه
جنى : خلاص بقى انا هعمل ايه اووووف
...وانا ال كنت جايه اقولك تيجى بالليل تقنع بابا
يوسف : قومى ياجنى اما وصلك خلينى اروح ..وبلغى باباكى انى جايله بالليل
جنى : هيبييه هتقنعه
يوسف : لا هحط حد لتصرفات سيادتك
يلا قومى
جنى اوووووف يلا
فى فيلا شاكر عبد الرحمن
يوسف : رووووح
روح بخضه : ايوا يابشمهندس
يوسف : عاوز اشرب نسكافيه من ايدك ..وهاتيهولى المكتب لو سمحتى
روح : حاضر
امينه : مالك مخضوضه كده ليه ..ده يوسف ده مفيش احن منه ف الدنيا
روح : ربنا يستر اما اروح اشوف هيحصل ايه
بطرقات خفيفه جداا على الباب ايقظت يوسف من شروده
يوسف : ادخل
روح : النسكافيه حضرتك
يوسف : اقفلى الباب واقعدى ياروح
روح : حاضر
يوسف : ليه مقولتليش
روح : حضرتك مسالتش عشان اجاوبك ..وبعدين معتقدش ان دى حاجه تفرق معاك عشان تقولها لوالدتك
يوسف : لا تفرق كتير طبعا ..انتى بتواظبى ف الجامعه ازاى
روح : داده امينه عارفه ..وبروح السكاشن بس
يوسف : روح انا عاوز اسمعك ممكن تحكيلى
روح : احكيلك ايه يابشمهندس ..احكيلك ايه ال وصل البنت الدلوعه وحيده اهلها لخدامه
احكيلك ان قرايبك اول ناس بتنهش فيك
احكيلك ان ال بيشغلوك بيطمعوا فيك
ولا احكيلك عن اختك ال ماصدقت فرصه عشان تكسرنى
بس مش هااتكسر انا ولا هنحنى
يوسف بانبهار بطريقه كلامها : اهدى ياروح ..اهدى ..انا عاوز اعرف كل ده حصل ازاى ..واطمنى ..اقولك اعتبرينى داده امينه
روح بابتسامه : العفو
يوسف : هههههه اخيرا ضحكتى الدنيا نورت ..يلا احكيلى
روح : حاضر .........
يوسف : ياابن ال ..... وانتى ازاى معملتيش محضر
روح : يابشمهندس انا لوحدى ..وممكن مليون واحد يطلع يقولك ده محصلش ومحدش هيلوم عليه وابقى بجيب الكلام لنفسى وخلاص
يوسف : انا مش عارف اقولك ايه ..بس كل ال متاكد منه انك بنت بمليون راجل ..ف رجاله كتير بيستسلموا لظروفهم مش زيك ياروح ..انا فخور بيكى بجد
روح : شكرا يابشمهندس
يوسف : بشمهندس ايه بقى ..احنا اصحاب من هنا ورايح تقوليلى يوسف وبس
روح : لا طبعا مش هينفع
يوسف : ههههههه طيب خلاص قدامهم بس تقوليلى يابشمهندس ..انما بينى وبينك تقوليلى يايوسف بس ..ولو احتجتى اى حاجه ياروح اى حاجه او حتى مذاكره قوليلى
روح : ماشى حاضر
يوسف : موافقه نبقى اصحاب
روح ابتسمت
يوسف : طيب انا عندى مشكله عاوز احكيهالك ينفع
روح : اكيد طبعا
يوسف : انتى عارفه ان انا خاطب
روح : لا معرفش
يوسف : طيب انا هحكيلك
.......................
روح : انا من رائ سيبها تسافر
يوسف : بعد ده كله
روح : بص هى كده كده هتسافر اصلا ..يبقى خليها تعملها بموافقتك احسن ماتعملها غصب عنك
يوسف : طيب ما ده ف حد ذاته معناه انى بطاطى وده غلط
روح : انت ال عملت ف نفسك كده متجيش الوقتى تلوم حد
يوسف : ازاى يافيلسوف
روح : يعنى انت خطبت واحده متعوده ع كده وبما انك بتحبها المفروض تتقبل اى حاجه ..ولو هى بتحبك المفروض متزعلكش
يوسف : قصدك انها مبتحبنيش
روح : الله اعلم انا مدخلتش ف قلبها ..انا بقول المفروض
يوسف : ياخراشى عليكوا انتوا البنات ..محدش يفهمكوا
روح : مين ال قال ..البنت دى ابسط حاجه خلقها ربنا
حاجه كده بنفرح بكلمه حلوه ..بورده واحده ..باهتمام
البنت مفاتحها الاهتمام ..بتحب تتروش ..انك تحسسها انك معاها طول الوقت مبتزهقش منها ..تهتم بكل تفصيله ف حياتها ..اعملها مفاجأه هتحبك اوى والله وهتبقى فرحانه ..هاتلها شوكولاته وبونبونى ومصاصه وحسسها انها بنتك قبل ماتكون حبيبتك ..احساس الامان ده اول حاجه البنت بدور عليه ..اهتم باهلها وباصحابها شوف هى بتحب ايه واعمله ..حسسها انها ملكه ... البنت عامله شبه البحر مليانه تفاصيل محدش هيوصلها غير الغرقان فيها
يوسف : طب افرضى انا مش غرقان
روح بابتسامه : يبقى البحر بتاعك ميت بالنسبه ليك ..مفيهوش موجه
يوسف : طيب وانا اعمل ايه عشان اغرق
روح : دور على بحر تانى يابشمهندس لو عاوز تغرق ..انما لو مبتحبش الامواج يبقى البحر ال انت فيه مناسب
يوسف : يخربيت كلامك
روح : ههههه عادى
يوسف : عادى ايه ياشيخه بس ..انتى زينا كده بنى ادميه يعنى
روح : اه طبعا ..وعلى فكره انا هعملك كوبايه نسكافيه تانيه ..لان دى بردت عن اذنك بقى
يوسف : ماشى ياروح ربنا يكرمك
روح : يارب
...............
امينه : ايه ياروح كل ده قلقتينى
روح : كنت بتكلم مع البشمهندس معلش
يوسف : روح انا نازل اما اجى اشربه
روح بابتسامه : حاضر
يوسف : مش عاوزين حاجه
امينه : شالله تسلم وتعيش
يوسف : ان شاء الله ياختى يارب
كلهم : هههههههههههههههههههه
...............
امينه : بقولك ايه ..روحى بقى ريحى شويه
روح : انا كويسه اهوه ..بس شمس وحشتنى
امينه : شمس مع اسماعيل طول النهار ..مبقوش بيسيبوا بعض
روح : اه ماانا واخده بالى ...هو انتوا فين ولادكوا ياداده
امينه : انا عندى ولد وبنت
روح : هما فين
امينه : ف البلد
روح : لوحدهم
امينه : ايوه ..مدفونين هناك
روح : انا اسفه
امينه : ولا يهمك ياقلب خالتك ..يلا ريحى شويه ولا شوفى هتعملى ايه وتعالى
روح : طيب انا هذاكر شويه واول ماتعوذينى رنه بس وهكون عندك
امينه : تسلمى ياحبيبتى
................
هشام : البيت نور يايوسف
يوسف : ده نورك ياعمى
جنى : شوفت بقى يابابى يوسف جاى يقنعك اهوه
هشام : يعنى انت عاجبك كده يايوسف دى خلصت 50 الف جنيه ف اقل من شهر يابنى
جنى : ده انبساط
يوسف : قصدك استعباط ياهانم ..ليه يعنى ده ف ناس بتمشى الشهر مش معاهم 50 جنيه مش 50 الف جنيه
جنى : خلاص اطلع باريس ومش هصرف كتير تانى
يوسف : عيله
هشام : ههههههههههههههه طيب طيب ...اسيبكوا مع بعض شويه
يوسف : جنى
جنى : ها يابيبى
يوسف : استغفر الله العظيم ..قوليلى ياجنى انتى شايفه البنت ازاى
جنى : البنت دى يااااااه
يوسف : كنت عارف انك عميقه من جواكى ..ياااه ايه بقى
جنى : ميرسى يابيبى ..البنت دى حاجه كيوت كده
يوسف : ها
جنى : حاجه كيوت
يوسف : هههههههههه ياشماته فيروز فيا
جنى : ليه
يوسف : لامتشغليش بالك ..المهم انتى رحلتك امتى
جنى : كمان يومين
يوسف : طيب انا همشى بقى ورايا شغل شويه كده
جنى : ايه ده مش هتخرجنى
يوسف : يابنتى اتهدى حرام عليكى ..انتى كنتى فين الصبح ..وراحه باريس بعد يومين ..ارحمى امى
جنى :خلاص خلاص روح اشتغل يلا
يوسف : ههههههههه مش بقولك عيله
جنى : بس على قلبك زى العسل
يوسف سرح قليلا : طبعا
يلا اشوفك بكره
جنى : اوكيه
ركب يوسف سيارته ولم يعلم او يحدد وجهته ..ولا يدرى ايضا لماذا تحجج بالنزول سريعا ..فقط كلام روح يدوى ف اذنه بشده ..وتلك السحب ااااااه منها لقد استحوذت على قدر كبير من تفكيره ..ماذا يفعل الان ..لماذا لم يعد يتقبل كما السابق ..هل فقد مخزونه من الحب تجاه جنى ..ام هو لم يحب بعد
مايا : داده امينه
امينه : ايوه ياست مايا ف حاجه
مايا : فين روح
امينه : روح بعتها تريح شويه خلصت ال وراها ... حضرتك عاوزه حاجه
مايا: يعنى ايه تريح يعنى ..اوعى كده
امينه وهى ماشيه ورا مايا : يابنتى استنى بس
مايا : روح ..انتى يازفته ياروح
شمس : الحقى ياابله
روح : انتى عاوزه ايه ..وبتزعقى ليه كده
مايا : لا والله وكمان بتبجحى ..
روح : والله انا خلصت شغلى ورحت انام
مايا : لا ياحلوه شغلك ده ميخلصش غير لما كل ال ف البيت يناموا مفهوم
امينه : انا يابنتى ال قلتلها معلش
مايا : انتى كمان بتتصرفى من دماغك
روح :عيب كده دى ست كبيره
مايا : انتى هتعلمينى العيب يابت انتى
روح : بقولك ايه انا مش ناقصاكى
مايا : انتى يازبااا
فيروز : بس مش عاوز يسمع نفس هنا ..
مايا : شفتى ياانه عمله فيا ايه
فيروز : انتى تسكت خالص ..انتى غلطانه كبير ..معلش امينه دى عيل صغير
امينه : العفو ياست هانم
فيروز : وانتى روح تعالى بنتى ودينى الاوضه
مايا : انا هوديكى البت دى متلمسكيش
فيروز : لا مايا روح حلو كتير وانا عاوزه يودينى اوضتى ..يلا روح
روح : حاضر ياهانم
.................................................
ايمان : هتفضل رايح جاى ف الشقه كده ياابراهيم
ابراهيم : بقولك رحت لقيتهم مش ف البيت
ايمان : وانت مالك
ابراهيم : وانا مالى ازاى انا خايف يكون جرالهم حاجه
ايمان : والنبى شكلك ابتديت تحن للهانم ..
ابراهيم : مليون مره قلتلك بطلى الخيالات ال ف دماغك دى ..اتعالجى يابنتى تعبتينى
نفسى ف مره تحسى بيا صح ..نفسى تحنى عليا وتقوليلى متقلقش تعالى نسال عليهم
مش كل شويه تتخانقى ولاكان حد همك ..انا تعبت وسايبلك البيت
ايمان : استنى ياابراهيم
يوووووووووووووووووه
............................... ...........
يوسف : كل ده بتتكلموا ف ايه ياهندسه
فيروز : هههههه تعالى يوسف
يوسف : خلى بالك ياروح تعالى دى بتقولها كده ..ده ميقللش من كونى راجل وسيد الرجاله ..ولا ايه
روح : ايه
يوسف : ايه انتى
روح : وهو انا عملت حاجه
يوسف : ده انتى عملتى حاجات
فيروز : بس يوسف حرام ..روح رقيق كتير ومش بعرف ان انت تهظر
يوسف : يابختك ياروح فيروز بنفسها بتدافع عنك
روح : فيروز هانم دى سكره اصلا
فيروز : وبعدين انتى قوليلى انه ..انا اتفقت معاكى خلاص
روح : حاضر ياانه
حضرتكوا تؤمرونى بحاجه
يوسف : الامر لله ياروح ..بس لو مش هتعبك تعمليلى نسكافيه ..انا عارف انى غلس بس قدرك.كده
روح : ههههههههههه لا ابدا مفيش اى حاجه
فيروز : مالك يوسف
يوسف : مالى يافيرى ماانا بضحك اهوه
فيروز : انتى تضحكى بس من جواكى لا قوليلى مالك
يوسف : جنى
فيروز : ماله جنى
يوسف : حاسس انى بقيت مش طايقها ..تصرفتها وطريقتها وكل حاجه بقى
فيروز بابتسامه : ها وبعدين
يوسف : طيب بتضحكى ليه الوقتى
فيروز : عشان انتى مش يحب جنى من زمان كتير ..بس كنتى محتاج حد يظهرلك ده
يوسف : طيب ماانتى علطول بتقوليلى كده ..اشمعنى الوقتى
فيروز : عشان مش كان فى روح
يوسف بابتسامه : روح
فيروز : بنت حلو كتير يوسف ..بس تتعذب حرام ...انتى هتعوضيها يوسف ..فيروز حاسس كده
يوسف : مش عارف حاجه وبقيت مش عارف افكر اصلا
ادعيلى يافيرى ادعيلى
فيروز : بدعيلك حبيبى
........................................
شادى : الو
مايا : انا طلبتك كتير مبتردش
شادى : معلش
مايا : طب ومبتجيش ليه الكليه
شادى : مش عاوز اشوف حد يامايا
مايا : هو انت طردت روح من الشركه
شادى : ايه روح ..لا ..ليه ..مالها يعنى
مايا : مالك اتلخبط ليه كده
شادى : عادى يعنى هى مشيت
مايا : عندى ليك مفاجاه تجنن
شادى : مفاجاه ايه
مايا : لا لا مش هينفع فون
شادى : طيب نتاقبل بكره اوكيه
مايا : اوكيه
.....................
شادى : ها ياستى ادينا اتقابلنا
مايا : روح عملت معاك ايه
شادى : ليه السؤال ده
مايا : جاوبنى هتكسب
شادى : مفيش ياستى ..هى كل شويه
عليا ولما اجيت اوقفها عند حدها ..لاقيتها بتصوت وبتقول انى اغتصبتها
مايا :اه ياحيوانه
شادى : شفتى
مايا : متقلقش انا هفضحهالك
شادى : لا لا انا مش عاوز حد يعرف عن الموضوع ده حاجه
مايا : ومالك خفت ليه
شادى : ياستى مبحبش الفضايح
مايا : يابنى روح بتشتغل خدامه عندنا ف البيت
شادى : احلفى
مايا : وانا هضحك عليك ليه
شادى : لا كده الموضوع عاوز تكتيك تانى خالص ..انا هعرفك ياروح هعمل فيكى ايه
مايا : بجد ياشادى
شادى : طبعا
مايا : طب هنعمل ايه
شادى : بصى ياستى ..
*********************

إلي هنا ينتهي الفصل الخامس من  رواية حكاية روح ، تابعونا على صفحتنا على الفيس بوك من هنا للمزيد من الروايات الأخري
تابع الفصل السادس من رواية حكاية روح 

اقرأ أيضا رواية آدم ولانا

عن الكاتب

Ola Abdo

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26