-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية حكاية روح للكاتبة شهوزان الشريف | الفصل التاسع عشر

مرحباً بكم أصدقائي وأحبابي عاشقي القراءة والقصص الرومانسية الخلابة في موقعنا قصص 26 مع الفصل التاسع عشر من  رواية حكاية روح للكاتبة شهوزان الشريف، 
تابعونا لقراءة جميع أجزاء رواية حكاية روح للكاتبة شهوزان الشريف.

الفصل الثامن عشر من رواية حكاية روح
رواية حكاية روح للكاتبة شهوزان الشريف | الفصل التاسع عشر
رواية حكاية روح للكاتبة شهوزان الشريف | الفصل التاسع عشر

اقرأ أيضا رواية عشقها المستحيل

رواية حكاية روح للكاتبة شهوزان الشريف | الفصل التاسع عشر

يوسف : روح
روح انا مش عارف انتى سمعانى ولا لا
انا كان لازم اشوفك
واودعك
ايوا ..خلاص ياروح انتى كسرتينى
حاجه جويا بتقولى اسمعك
بس عينى مش عارفه تكدب انك خنتينى
عارفه لما يبقى عندك حد كل حاجه ف حياتك
وفجاءه تكتشف انك بالنسبه له ولا اى حاجه
انا بالنسالبك مش راجل ياروح
انتى محترمتنيش ياروح
خنتينى
ثم اضاف بدموع
انا مش عارف انا عملت فيكى كده ازاى ..
بس لا انتى تستحقى الموت ياحبيبتى
برده لا انتى مش حبيبتى
بس انا بحبك
والله بحبك
بس انتى كسرتينى
لا مش بحبك
روح ليه خلتينى اغرق كده وفجاءه نشفتى مايتك
ليه ياروح
هو مش انا روح روح
طيب
هو انتى مش هى روح ال حبيتها
انا خلااااااااص
روح انتى....... طااا...........
قطع كلمته صوت جهاز ضربات القلب الذى يعلن وقوفه عن الخفقان تيييييييييييبييت
الممرضه : يانهار اسود ..اطلع بره يااستاذ
..الحقنا يادكتوووووور
خرج يوسف وهو ف قمه دهشته وهو يراها تعلو وتهبط مع جهاز انعاش القلب
وهو يأن عليها بكل جوارحه
متسبنيش والله العظيم بحبك
بعد فتره خرج الدكتور
يوسف : خير
الدكتور : الحمد لله هننقلها اوضه عاديه
يوسف : يعنى هى عايشه صح
الدكتور : الحمد لله
يوسف : لو سمحت يادكتور لما روح تفوق اديها الورقه دى
تانى يوم
شاكر : حمد ال ع سلامتك ياروح
روح : الله يسلمك ياعمى
امينه : حمد ال سلامتك يابنتى
روح : تسلمى ياداده ..هى شمس فين
امينه : مع عمك اسماعيل ..انا هروح اطمن عليهم واجبها واجيلك
روح : ماشى
شاكر : مش عاوزه تسالى عن حد تانى ياروح
روح : يوسف طلقنى ياعمى
شاكر : ياروح لحظه شيطان ..ان شاء الله ترجعوا لبعض
روح : لا ياعمى ..يوسف طلقنى وانا ف عز حاجتى ليه
شاكر : انا معرفش هو فين ...بكلمه من امبارح مبيردش
روح: مش فارقه ياعمى
خلاص
شاكر : كده ياروح وانا ال طول عمرى شايفك جدعه
روح : ابنك كسرنى
شاكر : والله ماانا عارف اقولك ايه
قاطع حديثهم دخول فيروز ومايا
فيروز : حمد ال ع سلامتك حبيبى
روح : الله يسلمك يافيرى
مايا وحشتينى
.الحمد.لله انك مشيتى
مايا قربت من روح عشان تحضنها
روح : متقلقيش الحاجه معايا
مايا اشتدت اكتر من احتضانها لروح كنوع من انواع الامتنان
فيروز : فين يوسف
شاكر :يوسف طلق روح
فيروز : ايه دى مجنون دى
روح بدموع : الدكتور جابلى الورقه دى
فيروز : ورينى
روح ...
انتى اكتر حد فرحنى واكتر حد دمرنى
انا حبيبتك
وهفضل احب روح ال خلقتها جوايا
لكن مش انتى
انتى خنتينى
انا مش قادر اكون معاكى
عاوز اعيش مع روح
روح يوسف وبس
انما انتى
انتى طالق
مايا بدموع بصت لروح واحسات بتانيب الضمير فهى كانت السبب واكيد راها يوسف
روح : مايا حبيبتى متعيطيش ..انا نصيبى كده
فيروز : روح انا مش يصدق انك تخون يوسف ... بس انا عاوز يعرف ليه يوسف قال كده
روح : شوفى ياانه والله انا عمرى ماخنت يوسف مس بس عشان عو جوزى انا عندى ربنا بخاف منه قبل اى حد
بس السبب انا مش هقدر اقوله لانه هيجرح شخص عزيز عليا
مايا انهارت دموعها وتاكدت انها السبب
ولكن لسانها لا يقوى على الحديث
وهى تعلم ان روح ضحت بساعدتها من اجلها
ولكن ماذا تفعل
.............................
امينه : يلا ياشمس عشان اغيرلك ونروح لروح
شمس : لا انا شاطره وبعرف اغير لوحدى شوفتى
امينه وازدادت ضربات قلبها : ايه ياحبيبتى الحرق ال ف ضهرك ده مكوه صح
شمس : ممممم مش عارفه
امينه : ليه ماما مش كانت معاكى
شمس : انا معرفش ماما دى ..بس لما ماما ناديه لاقتنى قالتلى ان انا كنت ملسوعه كده
امينه : شمس انا مش فاهمه يابنتى بالراحه
شمس : بصى ياداده ف يوم ......
امينه : ياحبيبتى يابنتى
شمس : بس بابا احمد وماما ناديه كانوا بيعملوا معايا زى ابله روح
امينه :ربنا يرحمهم
شمس : بتعيطى ليه ياداده
امينه : افتكرت بنتى ال ضاعت منى
شمس : يعنى انتى عندك بنت ضايعه ..وانا عندى ماما ضايعه
خلاص انا ابقى بنتك وانتى تبقى ماما ماشى
امينه قامت بحضنها : انتى بنتى وحبيبتى وروحى
...............................
تحسنت حاله روح كثيرا وكان عليها مغادره المشفى ولكنها رفضت الذهاب لبيت يوسف
فاقترح شاكر ان تذهب ال الاسكندريه لمحاوله عن منه للتخفيف عنها
شاكر : حمد ال ع السلامه يااستاذ .... انت كنت فين
يوسف وقد بدى عليه الارهاق : بلف ف الشوارع
شاكر : تلات ايام يتلف ف الشوارع ..مراتك فين
يوسف بوجع : مبقتش مراتى ..وبعدين ماهى ف المستشفى
شاكر : لا مش ف المستشفى ومحدش عارف طريقها
فيروز : حرام عليكى يوسف ...ليه تعملى فيها كده
يوسف بانهيار : روح خانتنى انا شفتها بعينى
فيروز : يبقى تكدب عينيك يوسف ..وتصدق روح
هايدى : انتوا كلكوا عليه ليه ..خلاص طلقها وغارت ف داهيه
واحده من الشارع كنت متوقعين ايه
انها هتحافظ على شرف ابنى
مايا : كفاااااااااااااااايه بقى
كفايه
قالت كلمتها لتسقط مغشيا عليها
شاكر : خير يادكتور
الدكتور : ابدا انا ادتلها حقنه مهدئه وان شاء الله هتبقى كويسه
فيروز : ربنا يطمنك ابنى
الدكتور لو حصل اى حاجه ياريت تكلمونى
شاكر : ماشى يادكتور اتفضل معايا
فيروز : الحمد لله ياربى
يوسف : مايا بقت كويسه
فيروز: هتفوق كمان شوى
هايدى : كله من المصيبه ال اسمها روح
يوسف : وبعدين بقى ..انا مسافر
هايدى : مسافر فين
يوسف : لندن .. مش قادر افضل هنا
شاكر : هتسافر واحنا منعرفش عن البنت اليتيمه دى حاجه
يوسف : بابا انا هحكيلك ال حصل ..عشان تبقى فاهم ان عملت كده غصب عنى
بص ...........
مايا : خ ط ط ه
شاكر : مايا حبيبتى انتى فوقتى
مايا : يوسف ..جنى وشادى ضحكوا عليك صدقنى
يوسف : انا شفتها بتديله الاسكارف وبيقولها احلى تذكار
هايدى : بليز بقى يامايا ..يوسف اخد قرار خلاص
مايا بدموع : روح ال مش عجباكى دى وال انت طلقتها ياسى يوسف هى ال انقذتنى وانقذتكوا كلكوا
انا لازم اتكلم ..هى عملت كل حاجه عشان تستر عليا
انما انتوا مصممين تفضحونى
يوسف : ايه ال بتقوليه ده انا مش فاهم حاجه
مايا : شادى وجنى لما كانوا هيجوزوا روح لشادى بالعافيه انا منعتهم
وعرفت بعدها ان روح مظلومه وشادى كداب
ولما عرفوا انى هقف ف سكتهم ..خدرونى وصورونى صور مش كويسه
وشادى هددنى قدامها لما اغمى عليا ف الكليه
ويومها راحت عشان تجيب من الصور ومدخلتش الشقه
وهو غرق الاسكارف بتاعها دم وجه يدهولها رمته ف وشه
فهمت يااستاذ فهمت
يارتنى كنت قادره اتكلم من يومها
شاكر : مايا متخبيش عليا يابنتى انتى كويسه
مايا بدموع : ايوه يابابا والله اعلم من غير روح كان هيحصلى ايه
فيروز : روح المسكين ..انت ضيعته يوسف
يوسف : يعنى ايه ...يعنى روح مخنتنيش صح
يعنى روح لسه روحى
يعنى بعد كل ده اطلع انا ال غبى ومبفهمش
يعنى انا كنت السبب انها كانت هتموت
وهى بتقف جمب اقرب الناس ليا
هى قالتلى اسمعنى يايوسف
بس انا مديتهاش فرصه
انا ضيعتها من ايدى
شاكر : انا مش عارف اقولك ايه ...ها ياهايدى هانم ساكته ليه
لولا روح تخيلى كده كان ممكن يحصل ايه
يوسف : انا لازم ادور عليها
شاكر : انسى يايوسف ..روح دى تنساها انت متستاهلهاش
يوسف : يابابا
شاكر: قولتلك اخرس ..هانت عليك ازاى
ده انت ضربتها واتهمتها ف شرفها وكنت هتبقى السبب ف موتها
ومهنتش عليها تحبسك او تبلغ عنك
انت ايه يااخى
فيروز .: اهدى شاكر ..اهدى
يوسف انتى غلطانه ..ياريت تحاولى تصلحى غلطك
يوسف : هلاقيها ... والله هلاقيها وهفضل وراها لحد ماتسامحنى
......................
جنى : اقف هنا واسمعنى
شادى : ها يانعمين
جنى : بقولك انا حامل
شادى : وانا مالى
جنى : يعنى ايه انت مالك هو مش ابنك
شادى : ههههههههه مش عاوزه ..اقولك رجعيه
جنى : طيب شادى بس نتجوز ..وبعد كده هاخده واسافر والله مش هتشوفنا خالص
شادى : هو حد قالك عليا عبيط يابت انتى
جنى : شادى انا اول مره اتكسر كده ارجوك
شادى : جنى دماغى يااما بيوجعنى يخربيت دى اصطباحه
جنى .: والله ياشادى لو ماتجوزتنى هبلغ عنك وفيه مليون طريقه اثبت بيها انه ابنك
شادى : ياسلاااااااام
ده هتبقى احلى فضايح ....فضيحه الموسم
انما بقى لو عقلتى ونزلتيه
هنبقى زى الفل وعلاقتنا ببعض حلوه وهتفضلى حبيبتى
جنى بانهيار : انت معندكش دم ومبتحسش
شادى : هههههههههههه انتى لسه جايه تكتشفى ده
جنى : هقتلك ياشادى والله هقتلك
شادى : ولا تعرفى تعملى حاجه
وف ثوانى كانت سكينه الفاكهه تنغرز ف رقبته
ليسقط زبيحه ع الارض
وسط صرخات جنا المتتاليه التى وصلت لمسامع الجيران
شاكر: لا حول ولا قوه الا بالله
مايا : ف ايه يابابا
شاكر : شادى اتقتل ...والغريب ان جنى ال قتلته
هايدى : معقوووول
فيروز : ربنا بيبعت ناس تاخد حق ناس تانى
شاكر : بيقولك شادى كان عامل الشقه دى لاعمال مش مظبوطه وطلعوا صور البنات ال كانت عنده
هايدى : ياخبر على الفضايح
شاكر : ادعى لطليلقتك يايوسف ..لولاها كان زمانا مفضوحين
يوسف : روح مراتى يابابا
شاكر : لا انت طلقتها
يوسف : انا ردتها امبارح ..هى لسه ف عدتى ..وهلاقيها ..وهتسامحنى
غادر يوسف السفره بعصبيه شديده وعقد عزمه على عدم العوده للمنزل الا وروحه بداخله
وفى نفس الوقت قام شاكر باتصال تليفونى
شاكر : ايوه ياحبيبتى
روح : ايوه ياعمو ازيك
شاكر : الحمد لله ..قوليلى مش محتاجه حاجه
روح : لا هنا كل حاجه
شاكر : ع فكره يوسف ردك لعصمته امبارح
روح : وهو ليه عمل كده مش المفروض ياخد راى
شاكر : ياحبيبتى اهدى انتوا الاتنين بتحبوا بعض ..وبعدين انتى ف عدته وده من حقه
روح : وال حصل فيا ياعمو
شاكر : ياحبيبتى انا هجبلك حقك ..ده انا مسويه ..مفهمه انى معرفش مكانك خليه يدوخ شويه ويتربى
روح : ماشى يابابا بس مدوخوش اوى يعنى هههههههه
شاكر : شوف البت يااخويا
ههههههه ...خلى بالك ع نفسك ياحبيبتى
روح : حاضر يابابا متقلقش
انقضى اكثر من اسبوع تحولت مايا ال مشفى الامراض العقليه
...واستمر اطمئنان شاكر ع روح باستمرار
وعادت مايا لحياتها الطبيعه وتصادقت مع جميله هى الاخرى
...بينما يوسف كان يوجوب بين المستشفيات واقسام الشرطه وكل الامكان التى من المتوقع ان تذهب اليها روح
ولكنه لم يجدها
لم يجدها على الاطلاق
ما الذى ينبغى عليه فعله
اين انتى روح
اين انتى ياموجتى وبركانى
اين انتى يامعذبتى
اعلم اننى استحق واستحق المزيد ولكن رفقا بقلبى فانا لم اعد اتحمل
وف وسط شروده
كريم(ابن عم يوسف ) : ايه ده يوسف معقول
يوسف : كريم ..ازيك ياحبيبى عامل ايه ..انا نسيت انك راجع
كريم : انت خليت فيها حبيبك ..هو انت بتسال اصلا
يوسف : معلش بس عندى ظروف صعبه والله
كريم : ولا يهمك ها عامل ايه مع روح ... كان نفسى اتكلم معاها من كتر ماكلمتنى عنها بس اتحرجت لانها كانت لوحدها
هقولها ايه ..انا عرفتك من صورتك ههههههههههه
يوسف : كريم ثانيه واحده كده ...هو انت شفت روح امتى
كريم : من 3 ايام كده
يوسف : شفتها فين
كريم : هو فيه ايه
يوسف : ماتنطق ياكريم
كريم : ف اسكندريه ...ف المعموره ...تقريبا ف الشاليه بتاعكوا
يوسف : انت متاكد
كريم : ايوه ياعم متاكد والله
يوسف : طيب ياكريم بقولك ..آآآآآ ..بص ...انا مسافر ها
انا سافرت سلام
كريم : ايه ياخواتى الجنان ده
بعد 3 ساعات كان يوسف يطرق بابا شاليه المعموره الخاصه بهم للبحث عن روح
فاذا بها تفتح الباب لتراه هو
يقف بعينه الكثير من اللهفه والحب والشوق
يحمل باقه من الورود تكاد تكفى لزرع حديقه باكملها
حتى انها لم تنتبه لما كانت ترتديه
شورت اسود قصير وتيشرت احمر
يوسف : حلاوتك ياامريكانى
روح : انت ايه ال جابك هنا
يوسف : جاى لمراتى
روح : انا مش مراتك
يوسف : لهون ماقولتلكيش مش انا رديتك لعصمتى تانى
روح : وانا مش موافقه
يوسف وهو يتخطاها ليدخل : مش مهم
روح : يعنى ايه
يوسف : يعنى مش مهم ..اقفل الباب يااحمر عشان ملبهاش دم اليلادى وخشى اما نتفاهم بام الهوت شورت ال انتى لابساه ده
...ده حلو اووووووى
روح : اتلم واحترم نفسك
يوسف : بالحضن ياشويشنا
روح : يوسف انا مبهظرش
يوسف بنحنه : وحشتينى اوى
روح : طيب
يوسف بحنيه وقف قصادها : لسه رابطه دماغك ياقلبى
روح : البركه فيك
يوسف : انا حمار
روح : طيب
يوسف : طيب
روح : والله كل واحد ادرى بنفسه
يوسف : روح ياحبيبتى ممكن تقلعى أاأااااا قصدى تلبسى تلبسى عشان انا مش اعرف انكلم جد كده
روح : اللهم طولك ياروح
يوسف : لا مهو انا حاسس انك طولتى
روح : شوف ازاى ليك نفسك تضحك وانت ظالمنى ومطلقنى
يوسف : هههههههههه ظالمنى ومطلقنى ..لا عندك حق بس اقسم بالله انا مانمت بقالى اسبوع
روح : ان شاء الله ماتنام خالص
يوسف : يارب اموت
روح مقاطعه : تتك الارف ف الفاظك متقولش كده
يوسف : شوفتى بقى انك بتخافى عليا
روح : يوسف انت شكيت انى بخونك فاهم ده معناه ايه
يوسف : فاهم والله فاهم وانا غلطان ومحقوقلك ومش معذور
بس الشيطان ياروح لعب ف دماغى
ودى اول مره اغلط ف حقك
روح : لا وانت ماشاء الله الغلطه عندك بارتجاج ف المخ علطول
يوسف بحنيه : يارب ايدى كانت تتقطع
روح : يارب بقى ها
يوسف : برده مش مسمحانى طاااايب
وجرى فتح البلكونه ع الاخر
يانااااااااااس
البت ال بحبها مش راضيه تسامحنى
روح : ادخل يامجنون
يوسف : ياناس اسمعونى انا غلطان والله بس بحبهاااااا
روح : يوسف حرام عليك الناس طلعت البلكونات
يوسف : سامحينى وانا ادخل
احد الجيران : سامحيه بقى يابنتى
واحده تانيه : شفت الحب يااخويا
واحد تالت : ماتنشف ياض
شله بنات : الله ده امور اوى سو كيوت
روح : ياختاااااااى عجبك كده
يوسف : مسمحانى
روح : مسمحاك ..مسمحاك يامجنون
يوسف بسرعه اغلق النافذه
بيقولك بقى ايه
روح : ايه
يوسف وهو بيقرب : التفاح الامريكانى ده
روح : ماله
يوسف قرب اكتر : بيتاكل
روح : يوسف سبنى ...يوسف بقولك
يوسف بهمس : ششششششششش ... بحبك ..انا اسف
روح بهدوء : تقبلته
يوسف : ها
روح : تقبلته
وسرحا معا طويلا ال انا قطعهم صوت صغير
شمس : انتوا بتعملوا اييييييه
يوسف : يافضحتشى
شمس : انت بتعمل ايه ف البيت وانا مش موجوده
يوسف : الله ياشمس ببوس الواوا
شمس : على ماما
يوسف : على ماما
*********************
إلي هنا ينتهى الفصل التاسع عشر من رواية حكاية روح للكاتبة شهوزان الشريف 
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة