هذا الموقع محمي بموجب اتفاقية حماية حقوق المحتوي العالمية

رواية لست عاهرة بقلم محمود زغلول الفصل الثاني

يسعدنا من خلال موقع قصص26 أن نقدم لكم الفصل الثاني من رواية لست عاهرة بقلم محمود زغلول وهي واحدة من قسم روايات رومانسية مصرية  والتي تدور أحداثها في قالب خفيف من الدراما والمتعة باللهجة العامية المصرية.


رواية لست عاهرة بقلم محمود زغلول - الفصل الثاني


رواية لست عاهرة بقلم محمود زغلول
رواية لست عاهرة بقلم محمود زغلول

رواية لست عاهرة بقلم محمود زغلول - الفصل الثاني

آنسة دنيا ممكن كلمة لو سمحتي ؟؟
نفس الشاب بتاع الكلية ...!!
طب ارد ولا لأ..؟؟
بصراحة رديت وقولتله ...؟؟
بتنادي عليا حضرتك ..؟؟
ايوه بناديلك ممكن كلمة لو تسمحي ..؟؟
وحضرتك تعرفني منين عشان أقف اتكلم معاك ..؟
وعرفت اسمي منين ..؟؟
بص حواليه واتلغبط في الكلام .. ااانا انا
انا زميلك في الكلية وسمعت صحابك بيقولولك يا دنيا ..
هو مش دنيا برده ..؟؟
رديت عليه وقولتله ..؟؟
وافرض يا أخي زميلي في الكلية توقفني كده في الشارع وتتكلم معايا ..؟؟
دي مش طريقة يا دكتور هاه مش طريقة عيب كده ..!!
بعد مبص تاني شمال ويمين وعدل نضارته ومسح عرقه رد عليا وقال ...؟؟
اااانا اسف والله العظيم اسف بس انا كنت عاوز ...
قاطعته وقولتله..؟؟
هتعوز مني ايه يا دكتور ..؟؟
سلام وسيبته واديته ضهري وكتمت ضحكتي من منظره وهوه بيشر عرق وواقف ملبوخ مش عارف يعمل ايه ...!!
وقفت ميكروباص وركبت ورجعت علي البيت ..
مش عارفه كنت مبسوطه ليه طول الطريق وعماله اضحك ...
كل مفتكر شكله اضحك لدرجة الناس اللي في الميكروباص فكروني عبيطة ..!!
وانا اكدتلهم الإحساس ده وبقيت اطلعلهم لساني وقلبت الميكروباص مسخرة وكل الناس بقت تضحك ههههههههه..!!
كنت بحب الضحك والهزار ...!!!!
كنت بحب الحياة ...!!!
كنت بحب ...!!
كنت ...!
رجعت البيت وانا مبسوطه ...
خبط علي الباب عبير فتحتلي..
قولتلها : ايوه بقا يا بيرو كنتي مع المز خطيبك النهارده وخلاص هتتجوزي وهخلص منك وتجبيلي نونو صغنن العب بيه ويقولي يا خالتوا ..!!
عبير :اسكتي بقا يا دنيا دي مش باينلها جواز ولا نيلة ..؟؟
دنيا :ليه كده يا حبيبتي يخربيتك يا فقرية ايه اللي حصل ..؟؟
عبير :مفيش القاعات غالية جدا وفلوس كريم خلصت كلها علي الشقة ومش عارفين نعمل ايه ..؟؟
شكلنا هنأجل شويه ..!!!
دنيا :وقعتي قلبي يا عبير بقا هيا دي المشكله ..؟؟
خدي يا ستي الغويشتين دول بيعيهم وادي فلوسهم لكريم خليه يحجز ونخلص منكم بقا ..!!
عبير :لا يا دنيا انتي عبيطه دول الغويشتين اللي بابا كان جايبهملك وانا عارفه انتي بتحبيهم اد ايه وبعدين كريم عمره مهيرضي ياخدهم ..!!
دنيا : لا انتي اللي عبيطه انتي فاكراني مش هاخدهم تاني ولا أيه دانا أقتلك ساعتها انتي وكريم والنونو ..!!
بعد الجواز لما ربنا يفرجها كريم جدع هيبقا يجبلي احسن منهم انا عارفه ..
وبعدين سيبيني أقنعه انا انه ياخدهم وربنا يتمملكوا بخير يا مزتي ..
ماما مااااااما انا جيييت عملالنا غدا ايه جعانه مووووت ...؟؟
بصارة يا روح ماما ..!!!
يا نهار اسود ...؟؟
بتقولي حاجه يا دودو واتكت علي الدال ..!!
لا يا حاجه مفيش بقول حلوه البصارة ..!!
اتغديت وقعدت شويه مع ماما وعبير نرغي ونتفرج علي التليفزيون وبعدين قومت راجعت شويه علي محاضراتي ونمت ...
تاني يوم روحت الجامعة كالعادة..
خلصت محاضراتي وزي كل يوم قعدت شويه مع صحابي في الكافتريا ...
دنيا الواد جاي علينا ...!!
واد مين يا هبله منك ليها ..؟؟
المز بتاعك يا دكتورة هههههعععه...
هاهاهاها دمكم تقيل علي فكرة ....

رواية لست عاهرة بقلم محمود زغلول - الفصل الثاني

قرب من الكافتريا وبيبص عليا من بعيد بعين واحده عشان مشوفهوش وهوه بيبص عليا ...!!
وأول ما عيني جت في عينة اتكهرب واتلفت وبص قدامة وكمل مشي ومقعدش علي الكافتريا وخرج بره الجامعه ....
أصحابي فضلوا يضحكوا عليه وقالولي الواد ده فيه حاجه غريبة النهارده ازاي مجاش وقعد يتنحلك زي كل يوم ....؟؟
انا طبعا مقولتلهمش علي اي حاجه من اللي حصلت امبارح ...
ولما مشي ومقعدش اضايقت بصراحة مش عارفه ليه ..؟
يمكن حسيت بالذنب اني كلمته وحش ..؟؟
او يمكن كنت عاوزه اشوفه زي كل يوم ..؟؟
مش عارفه ..!! بس حسيت اني اتضايقت ومقعدتش معاهم كتير وبعدين روحت علي البيت ..
فضل علي الحال ده فتره كبيره ..!!
يبصلي كل يوم من بعيد لبعيد ويمشي ..!!
وانا كل يوم بضايق اكتر من اليوم اللي قابله ..؟
منا لازم اعرف انا ايه اللي مضايقني ..؟؟
داخله الكلية في يوم الصبح لاقيتة قاعد مع بنت علي الكافتريا وبيضحكوا ...!!؟
بنت شكلها وحش وملغبطه في بعضها كده..!
امممم احم احم لا بصراحة كانت بنت زي القمر ..!!
بصتلهم بصة اشمئزاز وكملت طريقي..
وهوه اول ما شافني كتم ضحكته وعدل نفسه ووده وشه الناحية التانية ...!!!؟
قاعده في المحاضرة مش مركزه وحاسه بغيرة غريبة ...!!
بكلم نفسي : لا مش للدرجادي يا دنيا مالك في ايه انتي عبيطة انتي تعرفيه منين اصلا عشان تغيري عليه ..؟؟
دانتي حتي متعرفيش أسمة ايه ..!!!
وبعدين منا ياما اعجب بيا واتقدملي كتير اشمعنا ده اللي بفكر فيه كده ..؟؟
منا لازم اوضع حد ونهاية للموضوع ده كده مش هينفع انا مبقتش عارفه اركز في دراستي ...!!
بعد المحاضرة خرجت وانا اللي فضلت أدور عليه في الكلية كلها لحد ما لقيته قاعد علي السلم وبيلعب في الفون ..؟
ومن غير مفكر لاقيت نفسي داخله عليه ..!!!؟؟
وبخبط علي كتفه ..!!!
انت يا أخ يا أخ ..؟؟
هاه ..؟؟
عدل نضارته وبص وراه ...؟؟
وأتلفت حواليه ...!!؟
وبكل ارتباك قالي ..؟؟
اااانتي بتكلميني اااانا ..؟؟؟
ايوه يا عم المرتبك بكلمك انت مالك في ايه ..؟؟
ولما أحب أناديك اقولك ايه !!؟؟
لا مفيش حاجه يا دكتوره دنيا ...!!
وانا اسمي أش أش ..!!
نعم أش ايه يا دكتور...؟؟
أشهد .. أشهد .. اسمي "أشهد"
دنيا :أشهد ..؟؟ وماله ميضرش ..!!
كنت عاوزه كتاب دكتور "اشرف برهامي "عشان
مش لاقياه في المكتبة ملقهوش معاك يااا "أش أش..؟؟
أشهد :أأأه معايا طبعا اكيد معايا اتفضلي اقعدي ...!!
لا مش معايا بصراحة وبعدين انا مش في القسم بتاعك اصلا يا دنيا ...!!
دنيا : اممممممم طيب عموما هوه معايا
أشهد : نعم أمال بتسألي عليه ليه لما هوه معاكي يا دكتوره ..؟
دنيا : رخامة يا أخي وبعدين تعالي هنا وقولي انت كنت موقفني بره الكليه ليه هاه ليه ...؟؟
أشهد : الارتباك راح منه وحس انه أتمكن وبيتكلم بكل ثقة بعد مكان بيتهته في الكلام : مفيش كنت عاوز أسالك علي كتاب دكتور "أشرف برهامي" وبيتكلم بتناكة ...!!!
دنيا : مسكت الكتاب وجزت علي سنانها وقالتله:
اممممم اشرف برهامي هاه اللي هوه ده وهوب رزعته بالكتاب علي دماغه ..
كنت عاوز ايه ياض اخلص قول ..وبتضحك ..؟؟
اشهد :خلاص خلاص وابتسم ..
كنت عاوز اقولك بصراحة احم ..اني معجب بيكي من اول السنة وكان نفسي اتكلم معاكي من زمان ...!!!؟؟
دنيا : بسخرية..
اممممم يا حراااام دانت حالتك صعبة اوي وده من ايه ده يا دكتور أش أش ..؟؟
أشهد : بعصبية..
انتي مستفزه علي فكره وسابها وماشي..!!
دنيا : خد هنا رايح فين تعالي..؟؟
وبكسوف وطريقتها كلها اتغيرت 180درجة..
انت قولت ايه يا دكتور أشهد ..؟؟
أشهد : بقول اني معجب بيكي من اول مشوفتك واليوم اللي مش بشوفك فية بيبقا ناقصني حاجه تقريبا كده أنا بحبك ...!!
ها ..؟؟ احم احم وشها أحمر واتكسفت جدا ولفت وشها وكانت ماشية !!!
بس شافت حاجة خلتها غضبت ورجعتله تاني وقالتله ...؟؟؟؟
*********************
إلي هنا ينتهي الفصل الثاني من رواية لست عاهرة بقلم محمود زغلول
تابع من هنا جميع فصول: رواية معشوق الروح بقلم آيه محمد 
تابعوا صفحتنا على الفيس بوك للمزيد من القصص والروايات الأخري 
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات رومانسية مصرية

إرسال تعليق