-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

روايه بنت الاكابر بقلم مها جعفر- الفصل الرابع

مرحباً بكم أصدقائي وأحبابي عاشقي القراءة والقصص والروايات مع روايات رومانسية مصرية ورواية رومانسية جديدة للكاتبة المتألقة مها جعفر علي موقعنا قصص 26 و موعدنا اليوم مع الفصل الرابع من رواية بنت الاكابر بقلم مها جعفر. 

رواية بنت الاكابر بقلم مها جعفر - الفصل الرابع

رواية بنت الاكابر  بقلم مها جعفر
رواية بنت الاكابر  بقلم مها جعفر

رواية بنت الاكابر بقلم مها جعفر - الفصل الرابع

يوسف:يا ابني ادخل
مهاب:لا همشي وهجيلك وقت تاني تكون ارتاحت
يوسف:خلاص زي ما تحب
مهاب:هو انت هتقعد هنا
يوسف بأستغراب:اه ..ليه
مهاب:هي تالا تقربلك ايه
يوسف:تالا تبقي...
تالا:احم ..ايه يا چو مش هندخل
يوسف يبصلها ويضمها ويبوس رأسها:حاضر يا توتي
مهاب:طيب همشي انا بقي
يوسف:اشطا يا معلم
مهاب يبتسم:سلام
ويمشي مهاب ويركب عربيته وطول ما هو سايق سرحان
مهاب لنفسه:مالك يا مهاب... ايه اللي مضايقك... ليه اصلا الاحساس اللي جواك ده... ويفضل يسأل نفسه اسئله كتير ويفضل بيفكر لحد اما يتعب ويخبط الدركسيو بعصبيه ك محاوله انه يخرج الطاقه اللي جواه او اللي هو حاسه
نرجع ل تالا
يوسف:وحشتيني يا توتي
تالا بطفوله:خدودي يا استاذ
يوسف يضحك:يوغتي
تالا تضحك:اطلع بقي خد شاور وارتاح كده وانا هروح الشركه ارجع اصحيك نعمل الغدا سوا
يوسف:ايه يا بت النداله دي.. يعني هتسبيني وتروحي الشغل وكمان هتخليني اعمل اكل
تالا:ما انت اللي جيت ف الوقت الضايع وملحقتش اخد اجازه
يوسف:مش صاحبتك تبقي صاحبه الشركه
تالا:لا فريده معندهاش صحاب ف الشركه
يوسف:انتي هتقوليلي...
تالا تضحك:اطلع انت نام بس وانا متاكده اني اما اجي هلاقيك لسه نايم
يوسف:اه والله انا جعان نوم
تالا:اكيد مكنتش بتعرف تنام وانا مش ف البيت
يوسف يضحك:مغروره
تالا تضحك وتقوم تبوسه م خده وينتهي حوارهم انها تروح الشركه وهو يطلع ياخد شاور وينام
°°°°°°°°°°°°°°°°°°°°°°°°°°°
Maha gaffer
دانا:لا خلاص تعبت
فريده:فرفوره
دانا تضحك:لا انتي اللي ماشاء الله مبتتهديش
فريده تضحك:حسبي الله
دانا:بس والله نفسي جسمي يبقي زيك كده... ماشاء الله رياضي ولا أجدعها راجل
فريده:يا بت
دانا:بس تعرفي بردو رغم انه رياضي كده بس بردو بنوته لا وايه مزه وتغمزلها
فريده:دانا
دانا:يالهوي انتي بتتحولي... انصرف
فريده:امشي يا دانا م وشي
دانا تضحك:خلاص يا ستي براحه
فريده:رايحه الجامعه
دانا:مش عارفه بس ما تيجي نروح النادي
فريده:لا مليش مزاج اخرج النهارده م البيت
دانا بتفكير:طيب ايه رأيك نشوي ونعمل قعده حلوه كده ف الجنينه
فريده:اممم هي فكره حلوه بس
دانا تقاطعها بتصميم:والنبي يا فريده بلييييز
فريده تبتسم وتستسلم لرغبه اختها:خلاص موافقه
دانا تفضل تتنطط بفرح وفريده تضحك ع جنانها ويحضروا حاجات الشوي والقعده ف الجنينه
•••••••••••••••••••••••••••••
Maha gaffer
تالا:هي فريده مجتش ولا ايه
حنان:لا اتصلت الصبح وقالت مش هتيجي النهارده
تالا:مقالتش ليه
حنان:اكيد لا
تالا:تمام
نادر:حنان ممكن تجبيلي التصاميم اللي مسيز فريده خدتها امبارح
حنان:اه يا نادر هي اما اتصلت قالت انها خدتهم
نادر:ايه طب وانا هكمل شغل ازاي م غيرهم
تالا:استني اتصل بيها تبعت حد بيهم
نادر:ياريت
تالا تطلع موبايلها وتتصل ب فريده وقبل ما ترد يقاطعها
......:ميس تالا.. مستر مهاب مستني حضرتك ف مكتبتك
تالا عنيها توسع:ايييه
البنت تعيد الكلام تاني
تالا:نادر رد عليها انت وانا ثواني وهرجع وترمي الموبايل وتجري ع مكتبها
نادر:يخربيت الجنان ويمسك الموبايل يلاقي فريده ردت ف يحط الموبايل ع ودنه ومش عارف يقول ايه
فريده:الو ...يا تالا
نادر:احم ..انا نادر
فريده تتوتر بس تعرف تداري ده:ايه يا نادر فيه حاجه ولا ايه
نادر:انا كنت عايز التصاميم عشان أكمل شغلي
فريده:انا قولت ل حنان انهم هنا وانا مش جايه
نادر:انا عارف بس اكيد هتعرفي تبعتيهم مع حد
فريده بجمود:اممم ..السواق مش هنا
نادر بمكر:خلاص اجي انا اخدهم
فريده بنفس الجمود:ابعت اي حد م الشركه مش لازم انت
نادر يبتسم:طيب تمام
ويقفل نادر
°°°°°°°°°°°°°°°°°°°°°°°°°°°
Maha gaffer
فريده تقفل وتتنهد
وفاء:مين يا فريده
فريده تنتبه:ده ..نادر المهندس اللي ماسك مشروع الغردقه
وفاء:فيه حاجه طيب..
فريده:لا ده كان محتاج التصاميم اللي انا اخدتها
وفاء:اممم..طيب
دانا:انا جيييييت
وفاء:مجنونه والله
فريده تبتسم وتسرح بعيد عنهم وتبقي دانا ووفاء بيتكلموا بس وفاء عنيها ع فريده ومبتسمه
•••••••••••••••••••••••••••••
Maha gaffer
تالا بثبات:مهاب
مهاب يقف:اسف اني جيت م غير ميعاد
تالا:ولا يهمك اتفضل
مهاب يقعد وهي كمان
تالا:خير فيه حاجه
مهاب:انا كنت جاي بس نحدد ميعاد السفر عشان احنا متأخرين جامد
تالا:اممم ...طيب شوف حضرتك يناسبك امتي
مهاب:هينفع معاكي ع الاحد
تالا:هو النهارده الاربعاء صح
مهاب:اه
تالا:طيب تمام جدا
مهاب:معلش هاخدك م يوسف بقي بس ده شغل
تالا تستغرب كلامه:لا عادي ولا يهمك چو هيقدر انه شغل وغصب عني
مهاب:علاقتكوا حلوه اووي
تالا تبصله بأستغراب:اه ...
مهاب:هو انتوا تبقوا لبعض ايه
تالا بمكر:نبقي ايه لبعض ازاي
مهاب:يعني انتي بالنسبه ليه ايه
تالا تسرح وبعدها تلمع ف دماغها فكره:اوووف انا نسيت موبايلي ف مكتب فريده..انا اسفه جدا يا مستر مهاب ثواني وهرجع
مهاب:لا لا ولا يهمك انا اصلا خلصت
تالا:مشربتش حاجه طيب
مهاب:مره تانيه بأذن الله.. ع اذنك
تالا:اتفضل
ويمشي مهاب وتالا تضحك ب فرح هستيري
.......:مبسوطه كده ايه
تالا:ايه يا عم خضتني
نادر:الموبايل اهو انا هروح اجيب التصاميم
تالا:انت اللي هتروح
نادر:طبعا
°°°°°°°°°°°°°°°°°°°°°°°°°°°
Maha gaffer
وفاء:مين صاحبه الفكره دي
دانا:انا طبعا يا مامتي
وفاء تضحك:شاطره حبيبه ماما
فريده تبتسم
دانا:طب ايه احنا مش هناكل بقالك ساعه بتشوي يا ديدا
فريده:بس يا بت
دانا تضحك:حبيبتي
.......:وفاء هانم.. عاطف بيه بره
وفاء:دخليه طبعا يا ولاء
ولاء:حاضر يا هانم
وتخرج ولاء وبعدها يدخل عاطف
وفاء:وانا اقول ايه النور ده كله
عاطف يضحك:منوره بيكوا يا فوفا
وفاء تسلم عليه:ايه الاخبار
عاطف:الحمد لله وانتي
دانا:ازيك يا اونكل
عاطف:الحمد لله يا حبيبه اونكل
فريده تمسح ايدها وتروح تسلم عليه
عاطف:حماتي بتحبني ولا إيه
فريده تبتسم:اكيد
وفاء:هتقعد تتغدي معانا بقي يا عاطف
دانا:اه والنبي يا اونكل
عاطف يضحك:حاضر مش هكسفكوا
ولاء تيجي:فريده هانم فيه واحد مستني حضرتك بره
فريده:طيب روحي دخليه الصالون يا ولاء واطلعي هاتي التصاميم اللي ع الكومدينو ف اوضتي
ولاء:حاضر يا هانم
فريده:ع اذنكوا
عاطف:اتفضلي
وتخرج فريده بره وتتفاجئ ب نادر وتتوتر بس تعرف تداري ده
فريده:مبعتش حد تاني ليه
نادر:هتفرق معاكي يعني
فريده:لا عادي
نادر:حتي ف البيت بتتظاهري ك راجل
فريده تلف ضهرها ليه متجهه لباب الاوضه:التصاميم هتجيلك دلوقتي ...نورت
نادر:هو ده بسبب وفاة والدك يا فريده ولا قصه حب معقده
فريده تتجمد عند جملته دي
نادر:فريده انتي كويسه
فريده دمعه تنزل م عنيها وتطلع م الاوضه بسرعه قبل ما يلاحظ وتدخل الحمام وتقف قدام المرايه وهنا تنفجر ف العياط(متخيلين ان فريده تعيط.. متخيلين انها بتحس.. متخيلين ان الشئ الجامد طول الوقت ده بيعيط وبينهار)
شويه وتهدي وتمسح دموعها وتسترجع شخصيتها الجامده م تاني وتخرج وتلاقي نادر مش موجود
فريده:اخد التصاميم
ولاء:اه يا هانم
فريده:طيب روحي شوفي شغلك وترجع فريده لعيلتها م تاني ويقضوا اليوم مع بعض وعاطف معاهم وفريده سرحت ف عالم تاني بعيد عنهم
•••••••••••••••••••••••••••••
Maha gaffer
تالا:چو...يا چو
يوسف:ايه يا حاجه حد يصحي حد كده
تالا:وقال مكنش عايزني اروح الشغل
يوسف:ايه اللي جابك اصلا
تالا:بقي كده
يوسف يضحك:خلاص بحبك
تالا:وانا بموت فيك يا چو ...قوم يالا خد شاور حلو كده يكون الاكل اللي طلبته جيه
يوسف:كويس انك طلبتي اكل والله احسن مش قادر خالص
تالا:اي خدمه
يوسف يضحك ويقوم ياخد شاور وتالا تغير والاكل يوصل وتحاسب عليه
تالا:يا چو
يوسف نازل:يخربيت الزن
تالا تضحك:حبيبي
يقعدوا ع التربيزه ووسط ما هما بياكلوا
تالا:چو ...حياتي
يوسف:اخلصي عايزه ايه
تالا تضحك:حبيبي اللي فاهمني
يوسف:تربيتي بقي
تالا:تربيه واطيه
يوسف:كلبه ..اخلصي قولي
تالا:هحكيلك وانت قول رأيك
يوسف:اشطا
تالا:عارف مهاب
يوسق:مهاب مين
تالا:صاحبك
جمال:اه ماله
تالا تحكيله ع مهاب وعلاقتها بيه واللي حصل النهارده
يوسف يحط ايده ع قلبه بشكل كوميدي:اه قلبي.. صاحبي واختي ف بيتي و
تالا تقاطعه:ايه يا باشا الدراما دي
يوسف يضحك:وبعدين كملي
تالا:بس هو زي ما حكيت
يوسف:خلاص كده
تالا:تخيل
يوسف:ايوه يعني عايزه ايه
تالا:عايزه اعرف كان بيسأل ليه وهل فعلا هو اضايق ولا انا بس اللي لاحظت ده
يوسف:بصي انا لاحظت انه اتضايق الصبح بردو حتي سألني وكده ع علاقتي بيكي بس كنت كل اما اجاوب حاجه تقاطعني
تالا:واحسن حاجه انك مجاوبتش
يوسف:مفهمتش
تالا:بص يا سيدي انت طبعا بما انك مبتدخلش حد ف حياتك الشخصيه حتي اقرب الناس ليك ف هو اكيد ميعرفش اني اختك
يوسف:ع فكره مهاب عارف ان عندي اخت بس طبعا مشافكيش لاني مش عايش معاكي او مش بنتحمع ف مكان واحد لفتره كبيره وكمان لاني طول الوقت بسافر
تالا:يعني هو ميعرفش اختك عايشه فين
يوسف:اه
تالا:حلو ..ومعني اسالته الصبح انه ميعرفش ان انا اختك
يوسف:اخلصي طيب
تالا:مش هتعرفه اني اختك
يوسف:ازاي
تالا:اما يسألك يا تتهرب يأما لو معرفتش قوله حبيبتك
يوسف:نعم يا روح امك
تالا:اسمع بس يا چو
يوسف:يا بت انتي عبيطه
تالا:كده يا چو مش هتساعد اختك
يوسف:عشان اختي مجنونه ومتخلفه
تالا:يا ابني انا عايزه اخره وبعدين انتقم ع تقله عليا ده
يوسف:يا بنتي غلط الطريقه وكمان ده صاحبي
تالا:مانا اختك وصاحبتك وكل حاجه ليك
يوسف:اكيد يا توتي
تالا:يبقي هتساعدني ومتناقشنيش انا مش هعمل حاجه غلط انا بس بحب وانت لفيت كتير ومتعلم وعارف ان الحب مش غلط ومش ضد الحب وانا عايزه أجيب اخره بس
يوسف يستسلم بعد زن كتير م تالا:خلاص ماشي بس مش هنطول
تالا تصفر:ايوااااه يا چو
يوسف يضحك:يا بنت المجنونه
تالا تضحك ويكملوا اكل
••••••••••••••••••••••••••••
فريده سرحانه ف عالم تاني بعيد عنهم
فلاش باك
دانا:فريده حاولي تباني عاديه
فريده:متقلقيش عليا
......اهلا وسهلا...وحشتيني يا فوفا
وفاء تحضنها:وانتي كمان يا صفاء
صفاء:اخبارك ايه
وفاء:الحمد لله
صفاء تسلم ع البنتين:هو انتي يا فريده زي ما انتي بردو بتلبسي لبس رجاله كده
فريده تبتسم
دانا:احم ...مبروك يا خالتو
صفاء:الله يبارك فيكي يا دانا عقبالك
دانا:ربنا يخليكي
ويدخلوا يقعدوا ويفضلوا يدردشوا
.......:ماما فين ويقطع كلامه اما يشوفهم
وفاء:مبروك يا مجدي
مجدي:احم ..الله يبارك فيكي يا خالتي
دانا ببرود:مبروك
مجدي:الله يبارك فيكي عقبالك ويبص ل فريده
فريده تقوم وتبتسم وتسلم عليه:مبروك ...ربنا يهنيك يارب مجدي بأستغراب:الله يبارك فيكي... عقبالك
فريده تبتسم وتقعد وتتجاهله وتدخل ف الحديث مع مامتها وخالتها
صفاء:كنت عايز حاجه يا مجدي
مجدي:متعرفيش فين الورق اللي كان ع المكتب
صفاء:منار خطيبتك وتدوس ع كلمه خطيبتك وتبص ل فريده:خدتهم
فريده تبتسم ل خالتها:اسمها حلو اوي
مجدي يبصلها بأستغراب ومحتار هي ازاي بالثبات ده وازاي جامده كده
مجدي:ع اذنكوا
وفاء:اتفضل يا ابني
صفاء:قوموا يالا اوريكوا اوضكوا
وفاء ودانا وفريده يقوموا معاها
صفاء:معلش يا ديدا بقي الاوضه اللي كنتي بتقعدي فيها منار حاطه حاجتها فيها ف اقعدي مع دانا بقي
فريده تبتسم:ولا يهمك يا خالتو ربنا يتمم ع خير
صفاء تخرج وهنا فريده اما تصدق وتنفجر ف العياط
دانا تحضنها:عيطي وخرجي كل اللي جواكي طالما محدش شايفك
فريده:حسبي الله ونعم الوكيل
دانا تفضل تمسح ع شعرها لحد اما تهدي
فريده:خلاص انا بقيت كويسه يالا نغير وننزل
دانا:متأكده
فريده:اه
ويغيروا هدومهم وينزلوا
وفاء:دانا تعالي ساعدينا انا وخالتك
دانا:حاضر
يقوموا وفريده تدخل البلكونه وتفضل سرحانه
....:انا اسف
فريده تبصله وتبتسم:ع إيه
مجدي:مش قصدي اجرحك بس انا كنت عايز احس اني مرتبط ب بنت يا فريده اسف اني بقول الكلام ده بس انا كنت حاسس اني مرتبط بواحد صاحبي وحاولت اغيرك كتير ومفيش فايده ...
فريده تقاطعه:ولا يهمك
مجدي:انتي ازاي باينه بالثبات ده
فريده:والمفروض اعمل ايه....اعيط؟؟
مجدي:معرفش بس ع الاقل متبقيش كده
فريده ببرود:اصل انت متستاهلش يا مجدي
مجدي:مستاهلش !!
فريده:اه ..اصل مش انت اللي يتزعل عليه... وع فكره عندك حق احنا مننفعش لبعض.. انت بتقول اني راجل وانا اتفق معاك.. ع الاقل حد فينا طلع راجل يا ابن خالتي ولا اقول يا بنت خالتي
مجدي ب عصبيه:انتي اد الكلام ده
فريده:تؤ تؤ براحه ع اعصابك انت داخل ع جواز بردو ولا ايه
مجدي:هتندمي يا فريده
فريده تضحك:مش فريده اللي تندم وانت بالذات عارف كده... وبعدين متزعلش اوووي كده اصل الراجل االي بيوعد ب حاجه وميوفيش بيها يبقي كلمه راجل دي هو ميستحقهاش يعني انا مغلطتش ف حاجه
مجدي يمسكها م دراعها:احترمي نفسك
فريده تشد ايدها:تاني مره متمسكش ايدي كده وتمشي تطلع ع اوضتها وع وشها ابتسامه نصر
دانا بفرح:سمعت كلامك مع مجدي يخربيتك جبهته طارت فريده تبتسم:صفحه مجدي كده اتقفلت ومش عايزه اتكلم فيها تاني
دانا:حاضر يا حبيبتي المهم تكوني مرتاحه
فريده:متقلقيش عليا
دانا تحضنها وينزلوا ويحضروا خطوبه مجدي ويرجعوا بيتهم تاني قافلين صفحته(طبعا دانا ووفاء صدقوها عشان هي عرفت تخليهم يصدقوها كالعاده لكن هي الموضرع لسه متقفلش جواها)
باااااك
وفاء:فريده يا حبيبتي
فريده:ها ..فيه حاجه يا ماما
وفاء:اونكل عاطف بيسألك ع المشروع
فريده تبتسم:الحمد لله ماشي تمام
عاطف:بالتوفيق ان شاء الله
فريده:ان شاء الله
وقعدتهم تخلص وعاطف يقوم يمشي والكل يطلع ينام
•••••••••••••••••••••••••••••
Maha gaffer
ف صباح اليوم التالي
تالا:صباح الخير يا چو
يوسف:صباح النور يا توتي
تالا:تشرب نسكافيه
يوسف:ياريت
تالا:اشطا وتقوم تالا تعمل نسكافيه وترجع
يوسف:مش رايحه الشغل ولا ايه
تالا:لا رايحه واصلا المفروض النهارده هروح ل مهاب نضبط حاجات ف التصاميم
يوسف:اممم
تالا:انت ناوي تعمل ايه
يوسف:والله مش عارف يا تالا
تالا:طيب ما مش انت كنت بتشتغل مدير إعلام بره ما تشتغل هنا بردو
يوسف:بره غير هنا يا توتي وكمان لسه مسيبتش كل شغلي بره
تالا:ايه ده يعني ايه مش انت قولت انك ناوي تستقر
يوسف:ايوه بس لسه مأخدتش الخطوه
تالا:هتاخدها وتمسك السكينه:وإلا
يوسف:يا بنت المجنونه
تالا تضحك:يالا هروح الشغل وانت شوف هتعمل ايه
يوسف:اشطا ..خلي بالك م نفسك
تالا:حاضر
وتمشي تالا
°°°°°°°°°°°°°°°°°°°°°°°°°°°
Maha gaffer
فريده تقوم تلبس وتنزل
فريده:صباح الخير
وفاء:صباح النور
فريده:اخدتي علاجك
وفاء:اه يا حبيبتي
فريده تقعد ع السفره:فين دانا
دانا:انا جيت اهو
فريده:صباح الخير
دانا:صباح النور يا ديدا
فريده:هتروحي الجامعه
دانا تقعد:اه...وكنت عايزه اخد رأيك ف حاجه
فريده تنتبه ليها:قولي
دانا:حسن بيبقي ف الجامعه وبيحاول يكلمني كتير وانا كنت بصده ف دلوقتي اعمل ايه
فريده:زي ما قولتلك اتكلموا عادي بس ب حدود يا دانا لحد اما ياخد خطوه
دانا بفرح:حاضر يا حبيبتي
فريده:السواق بره
دانا:ماشي
فريده تقوم:عايزين حاجه
وفاء:سلامتك يا حبيبتي
دانا:سلامتك يا ديدا
وقبل ما فريده تمشي وفاء توقفها
وفاء:فريده
فريده تبصلها:نعم
وفاء:متنسيش انك هتردي عليا النهارده
فريده تتنهد:حاضر وتمشي فريده وتتحرك بعربيتها وتنطلق بأقصي سرعه وتوصل الشركه وتدخل مكتبها وبعدها تدخل حنان تقول جدول المواعيد
فريده:خلاص يا حنان..
حنان:اي خدمه تاني يا فندم
فريده:ابعتيلي تالا
حنان:حاضر... ع اذنك
وتخرج حنان وتدخل تالا بعدها
تالا:اخبارك ايه
فريده:تمام ...مهاب بلغني انكوا هتسافروا الاحد
تالا:اه ان شاء الله
فريده بأستغراب:ايه الهدوء ده
تالا تضيق عنيها:بخطط
فريده:بتخططي لايه
تالا:اعرف مهاب اتضايق ليه
فريده تبتسم ع تعبيرات وشها:مش فاهمه منك حاجه
تالا تضحك:انا محكتلكيش صح
فريده:هببتي ايه المره دي
تالا تضحك وتبدأ تحكيلها م لحظه المطار لحد النهادره
فريده:اولا حمد الله ع سلامه يوسف وبغض النظر ع انك مقولتيش بس تمام
تالا:يا بنتي انا نفسي اتفاجئت وانتي امبارح كمان مجيتيش ف كنت هحكيلك امتي اصلا
فريده:ولا يهمك كملي
تالا:بس اتفقت مع يوسف انه يمثل انه خطيبي وانه ميجاوبش ع مهاب ف موضوع انا اقربله إيه
فريده:انتي اخوكي دماغه ضاربه ذيك كده
تالا:الحلو ف يوسف انه صااحبي قبل ما يكون اخويا
فريده:ربنا يخليكوا لبعض
تالا:يارب ..المهم ايه رأيك ف اللي حصل
فريده:بصي الصراحه رد فعل مهاب غريب وكمان سؤاله المتكرر ده غريب
تالا:يس انا قولت كده بردو..وهجيب اخره
فريده تبتسم
تالا:المهم انا هروح اكمل شغلي بقي
فريده:اقعدي بس
تالا تقعد م تاني:ف ايه
فريده بضيق:انا شكلي اتدبست فعلا
تالا:اتدبستي ف ايه
فريده:موضوع الجواز يا تالا....ماما المره دي مصممه اوووي وبتخيرني بين اني اتجوز وانها تمشي لا وكمان جايبه عريس
تالا:البس
فريده:اوي
تالا:قولتلك نفذي اللي قولتلك عليه
فريده:انا شكلي هعمل كده فعلا
تالا:مفيش حل غير ده
فريده:تفتكري هجيب الشخص منين
تالا:اي حد غلبان.. ممكن موظف م الشركه هنا ...اي حد متعين جديد مامتك متعرفوش
فريده:زي مين يعني
تالا:زي ويقطع كلامها خبط الباب وفريده تأذن بالدخول والشخص يدخل
تالا تبص ل فريده ب مكر وفريده تفهم نظرتها وبسرعه تفضل تحرك راسها بالنفي كذا مره كانها بتنفض الفكره م راسها وانها رفضاها
نادر:انا كنت عايز موافقتك ع التصاميم دي عشان نبدأ
الاتنين يبصوله ومحدش يرد
نادر:مالكوا
فريده تتعدل ف قعدتها:احم ..سيبهم هنا وانا هبعتهم مع حنان
نادر:تمام ويخرج نادر
تالا تكمل:زي نادر
فريده:لا طبعا انتي اتجننتي.. ده لو اخر واحد
تالا:اشمعني يعني
فريده:لا لا.. حد غيره
تالا:محدش اتعين جديد غيره ومامتك متعرفرش
فريده:مش مهم م الشركه
تالا:خلاص انزلي دوري ف الشارع قولي عريس للايجار يا نااااس
فريده تخبطها بكشكول ع المكتب:فيه واحد ف اخر الشركه مسمعش
تالا تضحك:ما انتي غريبه
فريده:بجد مش عارفه ايه اللي الواحد فيه ده
تالا:هو انتي هتردي ع مامتك امتي
فريده:المفروض بعد اما ارجع
تالا:يبقي مقدمكيش غير نادر
فريده:اطلعي بره يا تالا
تالا:طيب متزقيش.. انا اصلا عندي ميعاد مع مهاب
فريده:شاطره ...يالا
تالا تضحك:باي وتخرج م المكتب وفريده تغرق ف التفكير
*********************
إلي هنا ينتهي الفصل الرابع من الرواية
تابع من هنا: جميع فصول رواية بنت الاكابر بقلم مها جعفر

تابعوا صفحتنا على الفيس بوك للمزيد من روايات رومانسية مصرية
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة