U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية حنين بقلم لولو الصياد - الفصل الثالث والعشرون

مرحباً بكم أصدقائي وأحبابي عاشقي القراءة والقصص الرومانسية مع قصة جديدة من قصص متزوجين للكاتبة لولو الصياد علي موقعنا قصص 26 و موعدنا اليوم مع الفصل الثالث والعشرون من رواية حنين بقلم لولو الصياد. 

رواية حنين بقلم لولو الصياد - الفصل الثالث والعشرون

تابع من هنا: تجميعة روايات رومانسية مصرية
رواية حنين بقلم لولو الصياد
رواية حنين بقلم لولو الصياد

رواية حنين بقلم لولو الصياد | الفصل الثالث والعشرون

صعدت حنين الى الغرفه برفقه خالد وحينما وصلوا الى داخل الغرفه سحبت يدها منه بغضب ونظرت له نظره صاعقه ولم تتحدث....بل التفت لتأخذ ملابسها وتدخل الحمام لتغير ملابسها...
خالد بعصبية. ..حنين ....
وقفت حنين مكانها تنظر له ولم تتحدث. ..
خالد بغضب ....هتفضلى عامله زى الصنم معايا كده اتكلم ومترديش ...
لم ترد...
خالد. ..مقتربا منها بغضب وامسك يدها بقوه ...مبترديش عليا فالحه بس تتدلعى وتتكلمى تحت كويس اوى وكمان ضحك ومسخره وحاجه تقرف...
حنين ....ببرود ...وانت مالك....
خالد...مالى انى جوزك يا هانم مش كيس جوافه قاعد معاكم ولا كنتى عاوزه اجيب شجرة واتنين لمون....
حنين....اظن انك قلت ان جوزانا غلطه وكلها شويه ونطلق وقلت كل واحد حر فاظن انك ملكش دعوه باى حاجه تخص حياتى ....
خالد....متعصبنيش يا حنين متخلنيش اقلب على الوش التاني لانه مش هيعجبك ابدا....
حنين ...وبعدين. ...
خالد...يعنى ايه وبعدين. ...
حنين ...يعنى عاوز ايه انا تعبت وعاوزه انام....
خالد. ..عاوزه تحترمينى ومتهزريش مع حد وخصوصا محمود وتوصيل الجامعه انا اللى هوصلك واجيبك من الجامعه...
حنين ...حاجه تانى ....
خالد...وهو يبعد يده عنها...لا وياريت كلامى يتنفذ ....
لم ترد حنين بدل دخلت الى الحمام وخرجت منه واتجهت الى الكنبة الموضوعة بالغرفه لتنام عليها....
خالد...انتى بتعملى ايه...
حنين ...زى ما انت شايف هنام...
خالد. ...ماله السرير انتى ناسيه انك مراتى ومكانك جنبى ...
حنين...ههههههههه واضح انك بحالات الصبح حاله وبالليل حاله بس بصراحه انت مش بحب تقلبات مزاجك دى وقلتلك الصبح انى مش هنام جنبك تانى ....
خالد...براحتك انا كل اللى بقوله علشان متتعبيش ....
حنين ...هههههههه لا متخفش ...
ونامت حنين على الكنبه واغلقت عيونها وهى تشعر بسعادة لغيره خالد عليها ولسعادتها غطت فى نوم عميق. ....
...........
فى منزل حسين .....
فى غرفه نوم حسين وبدر.....
بدر....انا موافقه على جواز شهد ومحمود....
حسين ...سبحان مغير الاحوال وانتى ايه اللى غير رايك...
بدر...سبحان الله اوافق مش عاجب وموافقش برده مس عاجب عجبت لك يا زمن....
حسين ...لا اصلى مستغرب كنتى مصممه على الرفض ودلوقتى موافق....
بدر...بصراحة اصلى سالت على الولد وطلع كويس جدا ادب وموكز ومال واى بنت تتمناه علشان كده غيرت رايى ....
حسين....كويس جدا الولد فعلا ميتعوضش والعيله دى كبيره وليها سمعتها فى السوق....
بدر...وانت هترد عليه امتى ....
حسين. ..بصراحه الولد ملهوف ومستعجل اوى واضح ان شهد عجباه اوى فانا مش هتاخر عليه وهكلمه بكره وابلغه موافقتنا ونحدد ميعاد لقراءة الفاتحة. ...
بدر...هى حنين طبعا هتيجى ...
حسين. ..طبعا بس بتسالى ليه ...
بدر بتوتر...بصراحه انا مش قلقانه غير من ابنك يعمل مشكله ولا حاجة. .
حسين. ..متقلقيش انا هتصرف وهتكلم مع جمال والا والله لو عمل حاجه لا يبقى ابنى ولا اعرفه ......
بدر....طيب تمام بعد ما تكلمه ابقى اتصل بيا قولى على الميعاد لان فى حاجات كتير هتتعمل وهتحتاج وقت ...
حسين ...حاضر ....
بدر....تصبح على خير. ..
حسين...وانتى من أهله. ....
..............
فى احدى الكافيهات.....
اسر .....بس انت اتسرعت اوى يا جمال فى الطلاق انا عارف انه غلط انها ضحكت عليك بس انت عارف انها عايشه فى امريكا وحياتها متحرره مش زى هنا فى مصر ...
جمال...بصراحه مقدرتش ودماغى كل تفكريها فى حنين وبس....
اسر ...بس حنين اتجوزت خلاص ومعنتش هتشوفها....
جمال مبتسما ...ماهى جت من عند ربنا وهشوفها كتير اوى وهعمل المستحيل علشان ارجعها ليا تانى واقنعها بكده....
اسر ...مش فهمك ازاى ....
جمال...اصل ابن خال حنين خطب اختى شهد ....
اسر بصدمه...وشهد وافقت ...
جمال...ايوه وافقت والكل موافق بس ماما بس معترضه بس متاكد انها هتغير رايها....
اسر بحزن ...مبروك. ..
جمال ...الله يبارك فيك عقبالك يا كبير....
اسر ....بقولك نصيحه منى يا جمال ابعد عن حنين بئه وشوف حياتك دى بقت خلاص ست متجوزه....
جمال....بقولك بحبها انتى ازاى مش فاهمنى ...
اسر...انت مش بتحبها يا جمال صدقنى انت عاوز حنين لانها النقيض بتاع تولين وشايف حنين حاجه مختلفة علشان كده عاوز ترجعها وتمتلكها وبس لان حد تانى خدها منك وانت بتعتبرها حق ليك فى دماغك ان المفروض كانت تستناك مهما اتاخرت ومهما عملت بس لما رجعت وعرفت انها اتجوزت طبعا حسيت ان حد خد حاجة انت بتعتبرها ملكك بس حنين مس لعبه هترجعها بعد ما اتاخدت منك وصدقنى بكره هتحب يا جمال وتعرف يعنى ايه حب وعذابه والم فراق حبيبك ......
جمال....ايه يا عم اللى يسمعك كده يقول الواد حبيب. ...
اسر ...يا سيدى ده كلام بنسمعه فى الافلام ...
جمال...بس انت مالك كده مش طبيعى ....
أسر. ..مفيش بس ضغط شغل ...
جمال ...الله يعينك يا معلم. ...
.............
فى صباح اليوم التالى ابتدى خالد يفيق من نومه على صوت المنبه كان يشير الى الساعه العاشرة. ...
انتفض خالد بسرعه نظر حوله لم يرى اى اثر لحنين اعتقد انها بالاسفل تنتظره على طاوله الفطار حتى يوصلها الى الجامعه...
دخل خالد الحمام مسرعا وارتدى ملابسه ونزل الى الاسفل كان الجد وليلى يشربون الشاى ...
خالد....صباح الخير ...
الجد...صباح النور يا ابنى ..
ليلى ..صباح النور ايه نموسيتك كحلى ...
خالد...امال فين حنين ....
ليلى ...حنين راحت الجامعه من بدرى ...
خالد...راحت الجامعه ازاى ومع ومين ...
الجد. ...انا خليت محمود يوصلها فى طريقه لانك كنت نايم وهى مرضتش تصحيك ...
خالد...وانا يعنى ماليش لازمه مصحتنيش ليه وانا قولتلها امبارح انى هوصلها...
ليلى. ..وهتغرق ايه يا خالد اذا كنت انت ولا محمود...
خالد...هتفرق انى انا جوزها ومسؤوله منى ....
وانهى كلامه وكان يتجه الى باب الفيلا...
الجد...على فين يا ابنى ....
خالد بغضب ...رايح لمراتى اشوف ازاى تخرج من غير ما اعرف....
وخرج من الفيلا مثل العاصفه ....
ليلى ...جدو شكل خالد متعصب اوى وهيعمل مشكلة مع حنين. ..
الجد...ملناش دعوه ده راجل ومراته ومحدش يدخل بينهم ....
ليلى ...ربنا يستر .. ........
فى الجامعه كانت حنين تقف مع احدى زمايلاتها وتضحك وتمرح ....
سيلين ...والله انت واطيه طيب مش تعزمينا على الفرح. ..
حنين ...معلش بئه كل حاجة جت بسرعه...
كارمن...مبروك يا مزه بس عاوزين نشوف صور الفرح...
حنين. ..ان شاء الله اول ما اجبها هوريهالكم ....
كانت حنبن تتحدث معهم حتى قطع حديثهم صوت كامل....
كامل...حنين ....
التفت حنين تنظر خلفها وجدت كامل يقف خلفها ...
حنين ....اهلا ازيك يا كامل خير...
كامل...ممكن نتكلم سوا على انفراد...
البنات....طيب يا حنين هنروح احنا كافتيريا الجامعة هنستناكى هناك....
حنين ...اوك ...
ذهبت الفتيات ووقفت حنين برفقه كامل وحدهم. ...
حنين ...خير يا كامل فى ايه ...
كامل....انتى عامله ايه عرفت انك اتجوزتى ....
حنين ...اه الحمد لله بس اظن دى حاجه تخصنى انت عاوز ايه...
كامل....حنين انا عارف إنك لسه بتحبينى زى ما انا بحبك وعارف انك اتجوزتى علشان تعندى معايا وانك زعلتى من الكلام اللى كان على النت انا عارف انى غلطان بس سامحينى يا حنين. ..
حنين...كامل خلاص الموضوع انتهى ...
كامل...لا منتهاش احنا لسه بنحب بعض وانتى بتحبينى ...
حنين ...انا........
وجدت حنين صوت خالد خلفها الغاضب والذى سمع حديثهم بالكامل....
خالد....بغضب ....حنين .........
*********************
إلي هنا ينتهي الفصل الثالث والعشرون من رواية حنين بقلم لولو الصياد
تابع من هنا: جميع فصول رواية حنين بقلم لولو الصياد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة