-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تزوجت طفلة بقلم ريناد - الفصل الرابع عشر

مرحباً بكم أصدقائي وأحبابي عاشقي القراءة والقصص الرومانسية مع رواية اجتماعية واقعية ومثيرة جديدة للكاتبة ريناد علي موقعنا قصص 26 وموعدنا اليوم مع الفصل الرابع عشرمن رواية تزوجت طفلة بقلم ريناد

اقرأ أيضا: روايات إجتماعية

رواية تزوجت طفلة بقلم ريناد
رواية تزوجت طفلة بقلم ريناد

رواية تزوجت طفلة بقلم ريناد - الفصل الرابع عشر

ياسر كانت احوال العياده مش ولا بد ومحدش بيجيله كتير
علشان مكنش معروف يعنى العياده يدوب تكفى مصاريفها

وف يوم دخلت عليه جيسى بتعيط
ياسر :واتس رونج
جيسى :هيلب مى ياسر
ياسر :فيه ايه
جيسى كارثه كارثه كبيره انا خسرت كل فلوس فى بورصه
احنا بقينا زيرو ياسر بقينا زيرو

ياسر :ياما قلتلك ياجيسى كفايه لكن انتى طماعه اديكى خسرتى كل حاجه هنعمل ايه دلوقتى البيت لسه عليه
اقساط والعربيه كمان والعياده مش شغاله

جيسى :مش عارفه مش عارفه وبتعيط وفجأه انا لاقيت حل
للبروبلم
ياسر :ايه هو
جيسى :استلف من اخويا روبرت
ياسر :لا روبرت لا انا بحسه مش بيحبنى دا منيوم متجوزنا
مقعدش معايا غير مرتين ودايما زياراته ليكى لما بكون
مش موجود

جيسى :روبرت هو كده مش اجتماعى هو طبعه من صغرنا
كده ومش بيكون صداقات كتير بس هو مش هيرفض
يساعدنى انا أرفه

ياسر :اعملى اللى تشوفيه بس انا مليش دعوه
جيسى راحت لروبرت ورجعت حزينه
ياسر :عملتى ايه
جيسى :قالى انو مش معاه انى مانى خالص هنعمل ايه ناو

ياسر :مش عارف دماغى هتنفجر
بعد تفكير طول الليل ياسر
انا لقيت حل جيسى
جيسى :وات
ياسر :انا هقفل العياده واشتغل اى حاجه
جيسى :اى حاجه ازاى
ياسر :اى شغله تكفى مصاريفنا والاقساط
جيسى انا هتحمل مصاريفى ونص الاقساط هنسدد مع بعض

ياسر :لا انا راجل شرقى يعنى مصاريف بيتى ومراتى عليا انا

وفعلا ياسر قفل العياده ودور على شغل واخيرا اشتغل فى بنزينه
وكان اللى بيكسبه يدوب مكفيهم اكل وشرب واقساط

ويصبر نفسه بأن الاقساط هتخلص والامور ترتاح

فى مصر صفاء خلصت دبلوم زراعه وجابت تقدير عالى ودخلت كليه الزراعه ودرست علم نباتات

وبقت استاذه فى امور الارض الامر اللى خلى الارض تجيب

اضعاف المحاصيل وكانت كل قرش يجى من الارض تشترى

بيه ارض تانى لغايه مبقا عندها فدادين كتيره
جات فى يوم البيت

صفاء :يلا ياسوسو
سعديه :يلا فين
صفاء محضرالك مفاجأه
صفاء اخدت امها ودخلتها فيلا جميله جدا هاه ايه رأيك
سعديه :رأييى فيه بيت مين ده

صفاء :بيتك ياست الكل بيتنا
سعديه :انا بيتى فى البلد ووسط ناس البلد ايه يخلينى
اعيش لوحدى اهنه
صفاء :ياسوسو انا هفتح مشروع جديد وهضطر اقعد هنا

كتير عاوزه تسيبينى لوحدى
سعديه :ياسلام مانتى هتشتغلى وتسيبينى لوحدى
صفاء :شايفه المبنى الكبير اللى ورا الفيلا ده

سعديه؛ ايوه
صفاء ده مشغل هدوم وفيه مدربين وعماله هيبقو من اهل

البلد بس يعنى هجيبلك البلد هنا وانتى هتبقى مسؤله عنه
يعنى احنا اللى مش هنعرف نشوفك

سعديه :ومين من اهل البلد هياجى يشتغل فى مصر ويروح
كل يوم
صفاء :طب شايفه العماره دى دى بقا سكن العمال اللى هيجو عائلات بحالها
سعديه :دانتى عامله حساب كل حاجه اهو

جه صوت من ورا طول عمرها مبتسبش حاجه للظروف ابدا

قرده بنتك ياحجه
الاتنين بصو
صفاء :اهى علا جت اهى اهلا بالقراره

علا :بس يارخمه خلينى اسلم على ماما الحجه

سعديه بصت وراها اهلا يابتى عامله كيف اخبارك
وخدتها فحضنها
علا :تمام ياماما الحجه بس بنتك دى هالكانى معاها ومش
مديانى فرصه ارتاح
صفاء :يبنتى دا وقت التعب بعدين نرتاح
علا كانت اقرب صديقه لصفاء وهما تقريبا مش بيسيبو بعض
من ايام الدبلوم اتعرفو على بعض وصفاء لقت فيها الاخت
الوفيه الطيبه وعلا حبت صفاء جدا ومبقوش يفترقو
ونظرا لظروف اهل علا اللى على اد حالها صفاء شغلتها معاها

صفاء :يلا ياسوسو ادخلى اتفرجى على بيتك الجديد
ومن بكره اهل البلد هيهلو عليكى ياقمر
صفاء دخلت سعديه الفيلا اللى كانت روعه من جوه اثاث
بسيط ومتناسق وحاجه مريحه وقدام الفيلا فيه
جنينه فيها نافوره على شكل كام وحده فلاحين شايلين
بلاصات وبيكبو ميه

صفاء وهى داخله :بصى كمان لقيت الستات دول ببلاليصهم
جبتهملك عشان مبقاش حرماكى من حاجه
بصراحه النافوره وسط الجنينه كان منظرها خرافى

وكل حاجه فى اللبيت والجنينه كانت هاديه ومريحه للعين

سعديه قعدت فى الجنينه هى وعلا وصفاء
سعديه :هاه مقولتليش مشروع ايه ده اللى هتفتحيه هنا

صفاء :بصى ياست الكل انا فى الفتره الاخيره ومن دراستى
للسوق لقيت ان الناس دايما بتشتكى من الخضروات والفواكه اللى بتكون مش اورجنك يعنى مدخلين فيها
مواد كيماويه عشان حجمها يتضاعف بسرعه

وفنفس الوقت مستعدين يدفعو اى فلوس عشان يأكلو ولادهم حاجه متكونش مضره

فأنا عملت مشروع الزراعه العضويه يعنى بتكون معتمده على
السباخ الحيوانى وبس من غير كيماويات

بحثت على النت لقيت شركات كتير كبيره بتتعامل فى الحجات الاورجنيك دى وفعلا بعت المحصول بمبلغ وهمى

طبعا بعد ماالشركات اتأكدت ان منتجاتنا عضويه ١٠٠%

بقا الطلب بالحجز ودا خلانى اعمل مبلغ مش بطال
أستأجرت بيه كله ارض من الفلاحين فى البلاد اللى حوالينا

وزرعتها ودلوقتى المحصول بيتصدر وعامل مكاسب رهيييبه

لقيت شركات بتاخد منتجاتنا بكميات كبيره ولما سألت
لقيتها شركات دايت يعنى بتعمل وبتوفر اكل صحى وطبيعى
للطبقات المرفهه من الشعب ورجال الاعمال
واكتشفت ان الشركات دى بتكسب جدا

فقلت ليه معملش شركه دايت وتكون قايمه على محاصيلنا

وكمان زرعت مساحه كبيره من الارض نباتات عطريه
وجبت الات لاستخلاص الزيوت منها وبنتج زيوت خام بجوده عاليه جدا دى بقوم بتصديرها وهنا بيستخدموها
فى العلاجات والكريمات الغاليه جدا

وكمان اخدت انا والهبله دى ٢٥٠ فدان استصلاح فى الصحرا

وكلفنا ناس تستصلحهم وزرعناهم اشجار زيتون

علا :مش بقولك بتنك قرده دى فى فتره صغيره بقت سيده
اعمال والاولى فى مصر ويمكن فى الشرق الاوسط فى
التصدير
سعديه :مشاء الله ربنا يزيدك يارب ياريت ابوكى كان عايش

وشاف اللى بتعمليه ده كان فرح بيكى قوى
صفاء :الله يرحمه هو اكيد شايفنى وفرحان بيا
سعديه قامت ومنعت دمعه تنزل من عنيها
سعديه طيب انا هاروح اشوف المطبخ
وراحت المطبخ ودموعها نزلت غصب عنها

سعديه :الله يرحمك يااسماعين ملحقتش تفرح بخلفتك
منك للاه ياهنيه
صفاء بصراحه كان نفسها حد تانى يفرح بيها وبنجاحها

ويفرح معاها شردت لفتره
علا بتطقطق بصوابعها قدام وشها فوقتها

علا :مش هتنسى
صفاء : انسى انسا ايه ياعلا انسى حب عمرى والراجل الوحيد اللى اتمنيته من الدنيا دنا حتى على زمته
سعديه كانت فى المطبخ وجايه

سعديه :جميل قوى المطبخ وواسع قوى قوى

سكتو هما الاتنين
سعديه :كنتو بتوشوشو فيه ولما جيت بطلتو
صفاء بصت لعلا عشان متتكلمش

بس علا مسكتتش
علا :
لا مش هسكت عشان انا متضايقه عليكى جدا
حرام عليكى بجد نفسك مانعه اى حد يقرب منك وبتصدى
اى حد بيحاول وتقولى انك متجوزه

سعديه :دى دماغها ناشف كذا مره ياسر يتصل اقولها اقوله يجى يكتب عليكى ويطلقك تقولى له

وكمان منعانى انى اقوله هى ناجحه كد ايه وافرحه بيها
وتقولى متقوليلوش اى حاجه عنى واصل

وكمان مش بترضى تكلمه وهو زعلان منها قوى
مش عارفه هتفضل اكده لميته

صفاء :هانت كلها سنه واتخرج واشوف هاعمل ايه
وكمان موضوع جوازى ده خدمنى جدا عشان بعد عنى مدايقات وحوارات انا فغنى عنها

صفاء :عن اذنكم
طلعت فوق فى اوضتها فتحت شنطتها طلعت كوفيه رجالى
وقزازه بارفان ورشت من البرفان على الكوفيه وشمتها
وغمضت عنيها ونزلت منها دمعه

علا :كنت عارفه انك هتيجى هنا وتعيطى يابنتى ارحمى ام
الكوفيه اللى دابت من كتر مسكت ايدك دى ومدت ايدها تاخدها منها بس صفاء حضنتها ونامت

صفاء :دى كوفيه حبيبى ياسو دى اللى باقيالى تصبرنى على
غيابه ودا برفانه كل مشتاقله اشم ريحه البرفان افتكر ريحته

علا :يابنتى انا مستغرباكى ازاى انتى عقلك يوزن بلد وبتفهمى كل حاجه ومش قادره تفهمى ان حبك ده مستحيل

يابنتى غير انه اكبر منك ب١٨ سنه الا انو متجوز ومستقر
ومبسوط يعنى مفيش امل معاه عيشى حياتك بئا

صفاء :انتى مش فاهمه حاجه اسكتى
علا :طيب لما بتحبيه اوى كده رافضه تكلميه ليه او يعرف
حاجه عنك

صفاء رجعت بالذاكره لورا

سعديه :ليه امريكانيه ياياسر
ياسر :بتفهمنى ياأمى وعقلها كبير وبزنس ومن شاطره جدا

صفاء :هيعرف كل حاجه بس مش دلوقتى

ياسر فى اميركا بعد مااشتغل فى بنزينه فتره اشتغل فى مكتب محامى اشتغل سكرتير واستقر فى الشغل ده

وجيسى بعد كام خساره ورا بعض خسرت العملا بتوعها
ومبقاش حد بيثق فيها تضارب باسمه فى البورصه

اشتغلت جرسونه فى مطعم
بقا فيه فراق بينها وبين ياسر وياسر بقا محبط لانه محققش

ولا حاجه من احلامه وعايش بلا هدف

روبرت راح لجيسى الشغل

روبرت :جيسى مش كفايه كده
جيسى :كفايه ايه
روبرت :لوك آت يو انتى ازاى مستحمله كده شوفى كنتى ايه
وبقيتى ايه مش كفايه من ياسر ده

جيسى :نو نوت اينف

وروح عشان ياسر هيجى ياخدنى يروحنى ومش عاوزه تعملو
مشاكل مع بعض اترفد بسببها واحنا خلاص باقى كام قسط
ونسدد اقساط البيت ويبقا عندى بيت ملكى

روبرت :انا ماشى بس ابقى عدى عليا
جيسى :كنت هعمل كده لوحدى على فكره

روبرت:ابتسم لها ومشى

صفاء خلصت السنه الاخيره واتفرغت لمشاريعها
بعد ماعملت المشغل ودربت البنات على ايد اساتذه وبقو شطار جدا تحت اشراف سعديه وشغلهم بقا ينطلب بالاسم

صفاء فتحت مجموعه محلات تعرض فيها شغل المشغل
وده خلاها تكسب اكتر
وعملت محالج لحلج القطن اللى بتزرعه ومصانع للاقمشه بتغزيها المحالج بالخيوط ومصانع للهدوم والمفروشات

بتغذيها مصانع الاقمشه وطبعا فتحت منافذ للبيع

ومحلات تعرض فيها شغل المصانع وكل ده كانت ممسكاه
لعلا
وهى كانت متفرغه للزراعه والتصدير وبقت امبراطوره

فى السوق وصاحبه اكبر شركات بعنوان( صوفى E.S.Y )
*********************
إلي هنا تنتهي الفصل الرابع عشر من رواية تزوجت طفلة بقلم ريناد
تابعوا صفحتنا على الفيس بوك للمزيد من روايات حب
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة