مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية ذات الطابع الإجتماعى مع رواية رومانسية جديدة للكاتبة يسرا جمال علي موقعنا قصص 26 وموعدنا اليوم مع الفصل الخامس عشر من رواية بعد النهاية بقلم يسرا جمال .
رواية بعد النهاية بقلم يسرا جمال - الفصل الخامس عشر
إقرأ أيضا: رواية غرام
في فيلا كمال
في غرفة مازن طرق أحمد الباب ودخل
أحمد:وحشتني قولت اجي اشوفك
فوجد كمال
أحمد بإحراج:اسف يا عمي معرفش انك هنا؟
كمال بتوتر:كويس انك جيت مازن دخل الحمام ومبيردش عليا
اقترب أحمد وطرق الباب :مازن انت كويس؟
خرج مازن ويبدو عليه التعب من القئ
كمال بخوف:مالك يا حبيبي؟
مازن:مفيش يا بابا عندي برد
كاد أن يسقط فأسنده أحمد إلى فراشه
أحمد:انا هجبلك دوا علشان البرد
مازن بسرعة:لا يا أحمد انا اخدت دوا خلاص
أحمد بشك:اكيد؟؟
مازن:اه حتى الحرارة نزلت
أحمد بعدم اقتناع:طيب
مازن:انت كنت جاي ليه؟
أحمد:ابدا جيت اتفق معاك على خروجة بس واضح انك تعبان
مازن:لا انا كويس خلينا نخرج النهاردة
أحمد:ليه خليك مرتاح
مازن:يا عم انا كويس
أحمد:طيب تحب نخرج امتى؟
مازن:لما اصحى هكلمك
أحمد:طيب تصبح على خير يا صاحبي
مازن:وانت من اهله
وذهب أحمد وكمال
وفتح مازن الدرج بجواره واخرج احدى المسكنات ليسيطر على ذلك الألم الشديد برأسه والذي اصبح يزيد
_________________________________
في شركة عماد
انتبه فارس لصوت هاتفه الخليوي
فارس:الو
شادي:فارس حبيبي ازيك؟
فارس بإنزعاج:الحمد لله ..ازيك انت؟
شادي:مال صوتك؟
فارس:ابدا مخنوق
شادي:من ايه؟
فارس:مفيش بابا لسه مرجعش من السفر ومتصلش
شادي:كلمه انت
فارس:يعني دي هتفوتني مثلاً يا شادي
شادي:يعني يمكن جالك زهايمر ولا حاجة
فارس:انا تقريبا هقفل علشان عندي معاد مهم
شادي:خلاص يا فارس انت مالك بقيت بتقفش بسرعة كده ليه؟
فارس:انت اللي دمك تقل في شهر العسل
شادي:احلى أيام حياتي يا فارس
فارس:ربنا يسعدك
شادي:ربنا يخليك يا حبيبي .... طب ما تبعتله رسالة طيب
فارس:هشتم بجد
شادي:انت عملت كل حاجة يعني خلاص
فارس:اكيد مش هسيب حاجة يعني
شادي:طب مفيش حد هناك معاه انت تعرفه تكلمه تسأله عنه
صمت فارس وبدأ يفكر
شادي:دي كمان عملتها
فارس:لاء بس بفكر مين ممكن يكون معاه لاني مش فاكر حد الصراحة يعني
شادي:طب فكر بس كده وانت اكيد هتلاقي
فارس:هحاول
شادي:اكيد مشغول
فارس:ما هو بينشغل وبيكلمني عادي يعني
شادي:متقلقش يا ابني
فارس:مش قلقان هو كده كده مفيش حاجة وحشة الحمد لله وده في حد ذاته حاجة كويسة هو بس مستغربه
شادي:اها ... طب بقولك انت شوفت الرسالة اللي بعتهالك النهاردة
فارس:اه شوفتها تيجوا بالسلامة
شادي:هتيجي ولا ايه؟
فارس:اه ان شاء الله جاي
شادي:فارس متكسفنيش وتلطعني في المحطة
فارس:ههههههههه لا متقلقش جاي
شادي:طيب سلام
فارس:سلام
واغلق فارس الخط ونهض متجها الى مكتب عماد فقابل وليد في طريقه
فارس:وليد
وقف وليد:نعم؟؟
فارس:انت مكنتش بتيجي الفترة اللي فاتت دي ليه؟
وليد:مشغول شوية
فارس:طب بص بالنسبة للموضوع اللي كنت كلمتني فيه قبل كده علشان المطعم انا بعتذر لك
وليد:حصل خير
فارس:وعلى فكرة انا هشتغل على الموضوع
وليد:انت مش مجبور
فارس:عارف ده كويس بس انا عاوز
وليد بإبتسامة:طيب شكرا
فارس بإبتسامة:العفو
وليد:طب خلينا نتواصل
فارس:طيب هات رقمك
وتبادلوا الأرقام
_________________________________
في فيلا فؤاد الحكيم وقت الغداء
وضعت علياء اخر الاطباق على الطاولة
فؤاد:آمال فين تامر ودارين؟
علياء:دارين هانم قالت هتتغدا في اوضتها وتامر بيه في اوضته
وذهبت علياء الى المطبخ
نزل تامر من الطابق الثاني وبيده حقيبة سفر ففوجئ فؤاد
فؤاد:ايه الشنطة دي؟
تامر:انا سايب الفيلا من امبارح وجيت النهاردة اخود حاجات نقصاني
فؤاد: هتروح فين بس؟
تامر:سبني اعمل اللي يريحني وبلاش أسئلة كتير علشان غالبا مش هتلاقي إجابة
فؤاد بإستسلام:طب اقعد اتغدا قبل ما تمشي
تامر:مليش مزاج اتخانق مع حد على الغدا هتغدا برا احسن
فؤاد:قصدك دارين؟
تامر:مظبوط
فؤاد:هي هتتغدا في اوضتها اقعد بقى يا تامر
بعد تفكير جلس تامر لتناول الغداء
____________________________________
ذهبا سويا لركوب الخيل وقت غروب الشمس
أحمد:انت متأكد انك كويس؟
مازن:مالك يا ميدو ما قولتلك انا تمام
أحمد:طيب ولو اني مش مقتنع
مازن:انت حر انا شخصيا جاي استمتع بركوب الخيل ومنظر الغروب
أحمد:طيب يا سيدي يلا نركب خيل
واختار كل منهما حصاناً وانطلق كل حصان يقفز الحواجز بصاحبه على ظهره
وبينما هما يستمتعان تعلق نظر مازن بالغروب وشرد فيه وفجاءة اصطدمت ارجل الحصان بإحدى الحواجز فسقط مازن على رأسه فأوقف أحمد حصانه ونزل الى مازن سريعا فوجده يتشنج
_____________________________________
وصل فارس الى المحطة وقابل شادي وليلى
فارس:حمدا لله على السلامة
شادي:الله يسلمك
فارس:العربية من هنا تعالو
شادي:استنى استنى
فارس:ايه ؟
التفت شادي الى ليلى واخذ حقيبتها منها:هاتي يا ليلى
واعطاها الى فارس:شيل يلا
فارس:اه معلش مخدتش بالي
ليلى:خفيفة على فكرة مفيش داعي
فارس:لا ازاي انا بس اللي مخدتش بالي
شادي:طب شيل يا سيدي
فارس:ههههههههههه ورايا
شادي:طيب
وتقدمهم فارس وهم خلفه
ليلى:ايه اللي انت عملته ده ؟
شادي:ده الطبيعي انه يحصل
ليلى:ايوه بس مكنش المفروض نتعبه كفايا انه جه
شادي:عادي عادي مزعلش متقلقيش
وركبوا سيارة فارس فركب شادي بجوار فارس وركبت ليلى بالخلف
وفي الطريق:اوعى يكون حد عرف اننا جايين؟
فارس:حد ذي مين؟
شادي:ذي اهالينا
فارس:هما يعني مش عارفين ؟
شادي:لاء احنا فهمناهم اننا جايين بكرا
فارس:اه طيب عموما انا معرفش حد علشان اقوله
شادي:فارس انت جاي المحطة ببدلة
فارس:انا جاي من الشركة عاوز يكون شكلي عامل ازاي؟
شادي:لا انا متأكد ان لبسك كله بقى كده
فارس:اه انت هتتريق بقى على لبسي مش كده
شادي:يا فارس انا مش بتريق انا بس بفوقك وبعرفك ان ده مش سنك
فارس:مش سني ؟
شادي:اه طبعا مين يصدق انك في العشرينات
فارس:كتير طبعا اولهم انا
شادي:يا عم بلاش الكآبة دي بقى اقولك فك الكرفتة بس
وحاول شادي فكها فأبعد فارس يده
فارس:بس يا شادي
شادي:سبلي نفسك بس انت وانا هظبطك
فارس:بس يا شادي مش في العربية
حاول شادي مرا أخرى
فارس:يا شادي بسوق بطل
شادي:هو انا بقولك حاجة غلط بس فك الخنقة دي
فارس:يا عم انا مرتاح
ليلى بخوف:حااااااسب
ينظر فارس الى الطريق بفزع
___________________________________
في المشفى
اقترب أحمد من صديقه و ربت على كتفه ففتح مازن عينيه ونظر حوله فوجد نفسه بالمشفى
مازن بتعب:عرفت؟
أحمد يهز رأسه إيجابا
مازن:انا عاوز امشي
أحمد:ارتاح الدكتور قال لازم ترتاح ومتقلقش لو اهلك اتصلوا هقلهم انك معايا علشان ميقلقوش حاول انت بس تنام
استسلم مازن لكلمات صديقه فقد كان حقا يشعر بالتعب
وذهب أحمد للتحدث مع الطبيب
__________________________________
شادي:انا اسف يا فارس مكنتش اقصد
فارس:انت ممكن تسكت خالص وتخليني اركز في الطريق بقى
شادي:خلاص يا عم مكنتش اقصد
نظر فارس في المرآة فوجد ليلى تبكي
فارس لشادي:اتفضل عجبك كده ؟
شادي ينظر لليلى:خلاص يا ليلى متخافيش محصلش حاجة
فارس:الله يكون في عونها
شادي:هي مين؟
فارس:أي مخلوق عايش معاك واولهم المسكينة اللي ورا دي
شادي:ههههههههههه انتو قلبكوا خفيف اوي كده ليه؟
فارس:خفيف يا أبو دم تقيل
شادي:على فكرة انتو خوافين اوي
فارس:خوافين ايه احنا كنا هنعمل حادثة
شادي:وقدر ولطف ولا ايه؟
فارس:انا عارف لا هأخد منك لا حق ولا باطل
شادي:خلاص يا عم انا هسكت خالص
فارس:يستحسن
شادي:ولو عاوزني اسوق مفيش مشكلة
فارس:لا انا مرتاح كده
شادي:طب شد شوية بقى عاوزين نلحق
ليلى:ما تسيبه يسوق على مهله يا شادي انا بخاف
فارس:سامع قوم اقعد ورا احسن ونقطنا بسكاتك
شادي:يا بنتي علشان نلحق نوصل
ليلى:احنا مش مستعجلين يعني
فارس:اخري هربطك على السقف
شادي:هههههههههههه خلاص يا عم عاوزين نوصل بكرا الظهر تمام كده
فارس يبتسم
شادي:الله المستعان ____________________________________
في صباح اليوم التالي
في فيلا فؤاد الحكيم استيقظت دارين على صوت جوالها
دارين:خير يا نور
نور:انا كتب كتابي النهاردة بليل
دارين:ايه الجنان اللي على الصبح ده
نور:ما انا بقالي أسبوع بدور على بابا علشان اعرف امتى لقيته كان بايت في البيت النهاردة وقالي هنكتب الكتاب الليلة
دارين:طيب يا حبي مبروك
نور:الله يبارك فيكي مش عارفة دلوقتي المفروض يكون احساسي ايه
دارين:افرحي طبعا
نور بقلق:افرح ايه الموضوع جه بسرعة اوي انا خايفة بجد
دارين:عادي يا حبي توتر ما قبل الزواج
نور:يمكن بس في النهاية مش مرتاحة
دارين:هو مزعلك ولا ايه ؟
نور:والله ما مسكت عليه غلطة واحدة
دارين:طب كويس ليه خايفة بقى
نور:معرفش بس في حاجة مش مريحاني في مصطفى
دارين:ايه؟
نور:بيغيب كتير وفجاءة ومش بيقولي على مواعيده خالص
دارين:يمكن شغل يا نور ...اااه
نور:مالك؟
دارين:مفيش تعبانة اوي الأيام دي
نور:الف سلامة عليكي
دارين:الله يسلمك
نور:اخر سؤال بقى قبل ما اقفل ..هتيجي تحضري كتب كتابي
دارين:لا يا نور انا مش قادرة اتحرك الأيام دي
نور بحزن:بجد؟
دارين:معلش الحمل تاعبني اوي
نور:طيب خلاص ولا يهمك سلام
دارين:سلام
وأغلقت نور الخط والتفتت لعملها
في منزل سناء سمعت رنين الجرس ذهبت وفتحت الباب فوجدت شادي
سناء تحتضنه بفرحة:شادي وحشتني
شادي:وانتي كمان وحشتيني اوي
تبتعد سناء فجاءة:بس انت ايه اللي جابك النهاردة وفين ليلى
شادي:احنا أصلا المفروض نيجي النهاردة بس احنا قولنا بكرا علشان نعملكوا مفاجاءة ...وليلى وصلتها بيت أهلها علشان تسلم على والدها
أغلقت الباب :طب تعالا ادخل
شادي:وحشتني
سناء:بس كنت هات ليلى معاك وحشتني اوي
شادي:ما هي كمان والدها وحشها ان شاء الله انا عازمكو النهاردة على الغدا في احسن مطعم ونقعد مع بعض
سناء:لا وعلى ايه انا هعمل غدا النهاردة وييجوا يتغدوا عندنا
شادي:بلاش تتعبي نفسك
سناء:بلاش انت تصرف فلوسك كلها كفايا اللي صرفته في شهر العسل
شادي:عادي يا ماما ده غدا
سناء:لا انا اللي هعمل غدا كلم ليلى وقولها
شادي:طيب على راحتك
_____________________________________
فارس يفتش مكتبه
فارس:ديانا ...دياناااا
جاءت ديانا:yes
فارس:some files were here …where are them ?
تحركت ديانا وفتحت احد الادراج واعطته الملفات
اخذها فارس:انا مش هينفع معايا الأسلوب ده
دياناwhat?:
سمعوا رنين الجرس
فارس:روحي افتحي الباب
دياناwhat?:
فارس بإنزعاج:open the door
ذهبت ديانا وفتحت الباب واخذ فارس حقيبته وغادر الغرفة فوجد والده قد وصل فعانقه
فارس:حمدا لله على السلامة وحشتني
إبراهيم:الله يسلمك ...مين دي؟
فارس: حد يوضبلي الفيلا بتيجي 5 أيام في الأسبوع
إبراهيم:وجايبها اجنبية ليه؟
فارس:علشان تكون في حالها ومتتكلمش معايا
إبراهيم:طب كويس انك جبت حد انا قولت انا هرجع الاقي الفيلا مبهدلة
فارس:لا تمام انا اتصرفت
إبراهيم:طب كويس ....انت رايح الشغل ؟
فارس:اها
إبراهيم:طب خود بالك من نفسك
فارس:طيب
ووجه كلامه الى ديانا:he is my father ok?
ديانا:ok
إبراهيم:أبوك ايه بقى قولها صاحب البيت
فارس:صاحب البيت مين بس يا هيما ده بيت جدي الله
وذهب فارس الى عمله
____________________________________
دخل أحمد الى صديقه فوجد الممرض يغادر
أحمد:صحيت؟
مازن:اه صحيت
أحمد:انت احسن؟
مازن:اه احسن الحمد لله
أحمد:طب الدكتور عاوز يتكلم معاك
مازن ينهض من على الفراش ويرتدي حذائه:انا مش هتكلم مع حد لاني عارف الدكتور هيقول ايه كويس
أحمد:مازن ارجوك
مازن:انا عارف هيقول ايه
أحمد:وليكن برضو اسمعه
مازن:انا ماشي هتيجي معايا ولا اروح لوحدي
واخذ جاكيته
وغادر الغرفة
ذهب أحمد خلفه:مازن استنى ارجوك
لم يجبه مازن
أحمد:ارجوك اسمعني اللي بتعمله ده مش في مصلحتك
مازن:يا أحمد ده انت اتكلمت مع الدكتور وفاهم هيحصلي ايه لو عملت عملية ذي دي
أحمد:انا علشان فاهم فأنا عارف كويس اوي ان متابعتك مع دكتور مختص هيخليك احسن
مازن:لاء يعني لاء
وصلا الى خارج المشفى
وتوقف مازن ليوقف سيارة اجرة
امسك أحمد ذراعه:طب خلاص تعالا هوصلك
مازن:مش عايز أتكلم في الموضوع ده
أحمد:طب انا بقولك تعالا اوصلك مبقولكش تعالا نتكلم
مازن:هتوصلني وانت ساكت
أحمد:طيب حاضر بس تعالا
مازن:طيب
أحمد:طب هتخسر حاجة لو ادتنا ربع ساعة من وقتك
مازن:تاني يا أحمد ؟؟
أحمد:خلاص خلاص انا اسف
مازن:وصلني من سكات
أحمد:طيب لينا قعدة تانية مع بعض
مازن:انت بتحلم
أحمد:يلا يا مازن
مازن:يستحسن توصلني عند عربيتي
أحمد:أخاف عليك تسوق
مازن:حد قالك اني مش شايف ؟
أحمد:لاء بس انا عارف انك تعبان فهوصلك البيت وهبقى اجبلك عربيتك
مازن:انا كويس يا أحمد
أحمد:بلاش عند وتعالا اوصلك
مازن:هتوصلني لعربيتي يا أحمد
أحمد:مالك بقيت عصبي كده ليه؟
مازن:انا مش عصبي بس بتخنق بسرعة
أحمد:طيب ماشي يلا
مازن:ولعربيتي
أحمد:حاضر يا مازن حاضر يلا بقى
وذهبا وركبا سيارة أحمد معا
___________________________________
وفي فيلا فؤاد الحكيم
سمعت دارين طرقات على باب غرفتها
دارين:اتفضل
دخل فؤاد:صباح الخير
دارين:صباح النور يا بابا
فؤاد:آمال فين شريف؟
دارين بإنتباه:يعني ايه فين شريف؟ هو مش مسافر سفرية تبع الشغل؟
فؤاد:سفرية تبع الشغل؟؟
دارين:هو مفيش سفرية تبع الشغل ؟
فؤاد:معتقدش بس هسأل تامر
دارين:طيب وابقى قولي
فؤاد:طيب
امسكت دارين هاتفها الخليوي واتصلت بشريف فقد لفت انتباهها الموضوع
لكنه لم يجب اتصلت مرة أخرى وأيضا لم يجب فانشغل بالها
____________________________________
اوصله الى السيارة فنزل مازن فتبعه أحمد
مازن:شكرا امشي انت خلاص
أحمد:طب ممكن سؤال؟
مازن:لو في نفس الموضوع لاء
أحمد:معلش استحملني هو انت عرفت امتى؟
مازن:من مدة
أحمد:اليوم اللي اختفيت فيه صح؟
مازن:صح يا أحمد ممكن تسبني بقى
أحمد:هتقول لأهلك امتى؟
مازن:انت اتجننت يا أحمد انت عاوزني اقولهم
أحمد:انت لازم تقولهم حقهم يعرفوا
مازن:يعرفوا علشان يتعبوا ويزعلوا مش كده ؟
أحمد:لاء علشان يقنعوك بالعملية
مازن: أحمد احفظ السر اللي انت عرفته ومتقولش لحد
أحمد:مش قبل ما اعرف هتعمل ايه؟
مازن:مش هعمل حاجة هرجع البيت وانام
أحمد:انت اكيد بتهرج انت لازم تعمل العملية
مازن بعصبية:مش هعمل يا أحمد مش هعمل مش هعيش عاجز او اكمل حياتي في غيبوبة
أحمد:طب اهدا يا صاحبي
مازن:أحمد انا ماشي ومتجيش ورايا ولا نتقابل الأيام الجاية
أحمد:ايه الكلام ده ؟
مازن:مش عاوز اشوف حد الفترة الجاية انساني ولكأنك عرفتني تمام كده
وهم أن يذهب فأمسكه أحمد:انت اكيد مش في وعيك
مازن:لا انا في وعيي واحفظ سري يا صاحبي
وسحب ذراعه وذهب
وأحمد في حالة صدمة
_____________________________________
عائشة:مبروك يا حبي
نور:الله يبارك فيكي عقبالك
عائشة:ربنا يسهل
نور:هتيجي ؟
عائشة:طبعا هي دي عاوزة كلام
نور:خلاص هستناكي يا حبيبتي
عائشة:ماشي سلام
نور:سلام
تابع من هنا: جميع فصول رواية أبو البنات بقلم رهف سيد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا