-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية المؤامرة بقلم منة محسن - الفصل التاسع عشر

مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة منة محسن ؛ وسنقدم لها اليوم الفصل التاسع عشر من رواية المؤامرة بقلم منة محسن هذه القصة مليئة بالعديد من الأحداث والمواقف المتشابكة والمعقدة من الرومانسية والتشويق .

رواية المؤامرة بقلم منة محسن - الفصل التاسع عشر

إقرأ أيضا: قصص قبل النوم 
رواية المؤامرة بقلم منة محسن

رواية المؤامرة بقلم منة محسن - الفصل التاسع عشر

 روسندا قعدت على الكرسى بألم:ااااااه...رجلى ربنا ياخدك يا انجى.

انجى بصتلها وهى رافعه حاجب واحد: مانتى قومتى جريتى زى الحصان ولا هى رجلك بتوجعك اوقات واوقات!!؟

روسندا بصتلها بغضب وحدفت عليها المعلقه اللى جات فى عايده اول ماخرجت من الاوضه والكل ضحك.

روسندا برقت وكتمت ضحكتها:sorry..

عايده بصتلها بغضب وبصت لانجى:عايزاكى.

انجى هزت راسها بإيجاب وهى بتضحك وراحت مع عايده.

عادل بيخبط على باب قصر عزام.

فاطمه راحت فتحت الباب وبصتله:اا..اتفضل يا عادل بيه.

عادل بصلها وابتسم بخفه.. دخل وبص لروسندا اللى قاعده بتأكل عزام وكرم مش باصصلهم وبيحاول يكتم ضحكته وعزام بيزعقلها عشان بؤه مليان وهى بتأكله بسرعه.

عزام بعد ايدها وهز راسه بنفى ومش قادر يتكلم من كتر الاكل اللى فى بؤه.

روسندا ضحكت ولفت نظرها عادل اللى واقف مكانه وباصصلهم.

روسندا بصتله وملامحها اتغيرت لملامح جديه بعدت نظرها عنه.

عزام بصله:تعالى يا عادل اقعد كل معانا..

عادل هز راسه بنفى وبص لروسندا:انا جيت اطمن عليها.

روسندا مش بصاله وكرم لاحظ كده وخاد تليفونه وانسحب:عن اذنكوا.

مشى وعادل راح قعد جانب روسندا وابتسم بحنيه ومسك ايدها:عامله ايه؟؟

روسندا بعدت ايدها وبتتجاهل تبصله:انا كمان شبعت.

قامت بس رجليها وجعتها ومسكت فى التربيزه وعادل وقف ومسكها بلهفه:حبيبتى مالك فى ايه؟

روسندا بعدت ايده عنها وبصتله بتحذير:ايدك..

عادل باصصلها وبعد ايده بحزن وضيق:طيب ممكن نقعد نتكلم شويه؟...بعيد عن البيت..

روسندا:مفيش بينا حاجه عشان نتكلم

عادل:روسندا ارجوكى انا فى الاول وفى الاخر ابوكى.

روسندا:يا ريت ماتعدش نفس الأسطوانة اللى ملهاش اى لازمه..عزام ممكن تساعدنى؟

عادل سبق رد عزام:انا هساعدك.

روسندا غمضت عيونها بضيق وجات تتكلم بس هو قاطعها بمسك ايدها وحطها على كتفه وأيده التانيه عند ضهرها وبيسندها:ممكن افهم مالها رجلك؟...وايه الدم ده!!

روسندا بضيق:اتصابت.

عادل بصلها بلهفه وبصدمه: من ايه؟

روسندا بسخريه:وهو انت تعرف عنى حاجه عشان اقولك من ايه؟...من ماذن تعرف مين ماذن؟...ولا سمعت عنه.

عادل باصصلها بحزن وهز راسه بإيجاب:انا مستعد اسمع كل حاجه عنك...بس ادينى فرصه انا مش طالب منك اكتر من انك تسمعينى تقعدى معايا ونتكلم.

روسند:انا مش عيزاك تسمعنى مش عايزه منك اكتر من انك تبعد عنى وتسيبنى فى حالى.

عادل بصلها وبيحاول يقنعها: طيب هنتكلم بس ادينى فرصه واحده اعملى زى مابقولك ونقعد انا وانتى على انفراد مش هتخسرى حاجه.

كرم بيكلم هبه: انتى زعلتى ليه!... وقفلتى الخط فى وشى..

هبه بغضب وضيق: عشان انا ماينفعش ابقى بكلمك وانت عمال تضحك معاها دى قله ذوق وقله احترام منك.

كرم اتضايق من طريقتها معاه واتكلم بوش عابس: قله احترام منى!!؟... تمام شكرآ يا هبه على تقديرك وعلى تفهمك لزوجك.. شكرا انا هقفل.

هبه غمضت عيونها بضيق: كرم انا ماقصدتش انا بس اضايقت لما سمعتك بتضحك معاها ومن حقى اغير انا زوجتك.

كرم بعصبيه: بس انا مكنتش بضحك معاها لو كنتى صبرتى شويه وماقفلتيش الخط كنتى فهمتى... على العموم يا هبه انتى المفروض تكونى عندك ثقه فيا اكتر من كده لانى لو كنت عايز ابقى مع روسندا هانم انا مكنتش نزلت الصعيد مخصوص عشان اصالحك لما عرفت انك زعلانه منى... المفروض تحطى ده فى اعتبارك.

هبه بصت لحور واتضايقت من نفسها.

كرم: على العموم انا هقفل لانى مايصحش اكون سايب شغلى وواقف اتكلم فى التليفون.. مع السلامه هبقى اكلمك تانى.

ويقفل الخط.

هبه بصت للتليفون بضيق وبصت لحور: هو زعل منى

حور: انتى غلط اللى عملتيه ده اصلا مكنتيش المفروض تصالحيه هو كان لازم يعرف انه غلك معاكى... انتى فاكره ان وجوده فى الشغلانه دى غصب عنه؟!... حبيبتى هو بيستغباكى وفاكرك مش هتعرفى تفكرى وتوصلى للى هو فى دماغه.. لازم تثبتيله انك مفتحه وبدل ماتكتمى غيرتك وتموتى مقهوره لا ده انتى تفضلى تظهرهاله لحد مايبعد عنها خالص ويقطع كل علاقته بيها.

هبه بصتلها بتفكير: بس ده شغله.

حور ضحكت بسخريه: انتى شكلك هبله فعلا هبه حبيبتى اعملى اللى انتى عيزاه دى حياتك وانتى حره فيها انا نصحتك وخلاص.

وتسيبها وتخرج من الاوضه سابت هبه فى حيرتها وغيرتها اللى بتزيد يوم بعد التانى.

عادل قاعد مع روسندا فى الفرندا.

فاطمه حطت قدامهم الشاى على التربيزه: روسندا هانم ده الشاى بتاع حضرتك من غير سكر.

روسندا بصتلها: انا عايزه معلقتين سكر زى ماكرم بيشربه

عادل بصلها وكان مستغرب ايه اللى يخليها عايزه تحلى حياتها حتى لو بعيد عنها يعنى دى حاجه مش فارقه معاها؟!!

فاطمه ابتسمت الانبساط باين جدا على ملامحها: ايوه كده ربنا يجعل حياتك كلها سكر..هروح اجبهولك فورآ

روسندا ابتسمت بلطف: تسلمى داده فاطمه.

فاطمه ابتسمت ومشيت وروسندا بصت لعادل اللى باصصلها وهنا انجى راحتلها وبأبتسامه لطيفه وخبيثه:روسى كام معلقه سكر؟

روسندا بصتلها وابتسمت بغل:اتنين.

انجى حطتلها معلقتين:اهو يا روحى زى ماطلبتى.

كرم واقف باصصلهم من بعيد.

روسندا بغل:شكرا يا جوجو.

انجى بصتلها بنفس الابتسامه الخبيثه:بالهنا يا روحى.

مشيت راحت وقفت بعيد عنهم فى مكان وراهم من بعيد وبصالهم وكرم باصصلها وحس ان فى حاجه مش طبيعيه.

روسندا بصت لعادل جات تشرب من الشاى قاطعها بكلمته.

عادل باصصلها ومستغرب: غريبه!!

روسندا حطت الكبايه على التربيزه وبصتله بأستغراب: ايه اللى غريبه؟؟

عادل: بقالك ٨ سنين بتشربى الشاى من غير سكر.. ايه اللى اتغير دلوقت!

روسندا بصتله بغموض: مش يمكن جى اللى يحليلى حياتى؟

عادل بصلها بأستفهام وبيحاول بفهمها: كرم؟!!

روسندا اتكلمت بنفس غموضها: ليه مايكونش عزام؟

عادل: عشان عزام عايش معاكى بصى بقاله كام سنه اشمعنى دلوقت فى حاجه هتتغير!؟

روسندا:مش يمكن لانى عقلت وعرفت حبه الكبير ليا وخوفه عليا.. على الاقل هو محاولش يدمرلى حياتى ويعرنى قدام الناس.

عادل باصصلها وفاهم انها بتتكلم عليه اتنهد بعمق وبحزن: روسندا اقسملك انى مش انا اللى عمل كده انا فعلا كنت عايزك ترجعى تعيشى معايا بس اكيد مش هعمل حاجه زى كده واحاول اشوه صورتك قدام الناس.

روسندا: متقولش بس كنت عايزنى اعيش معاك مش من حبك فيا.. انت كنت عايزنى اجى اقعد عندك يوم اتنين عشان اكون فى بيتك ويكونك الحق عليا تتصرف فيا زى مانت عايز وبعدها ترمينى رميه الكلاب فى بيت كريم اللى حتى مخدتش رأيى فيه بحبه ولا لا عيزاه ولا لا انت عاملتنى وكأنى كلمه ملهاش سعر عايزها يا كىريم خدها ماهى كلبه.. ده حتى الكلاب ليهم اسعار.

عادل باصصلها بحون وهز راسه بإيجاب: انا فعلا غلط لما اتصرفت معاكى كده.. بس فعلا مش انا اللى نشرت الكلام ده سمر هى اللى نشرته ومن غير ماتقولى.

روسندا بصاله وبتسمعه: وهى سمر دى مش مراتك؟.. مش انت اللى فضلتها على امى و... وعيشتها فى نعيم وفى عز مع ان الوقت ده كانت امى بتموت فيه بس حضرتك كنت مشغول بمراتك التانيه رامى بنتك ومراتك العيانه واللى كنت المفروض تقف جنبها فى محنتها و... وبس عشان اللى..

سكتت وبتمسح دموعها اللى بتحاول تمنعها من النزول: انا مش هسامحك وهتفضل فى نظرى الشخص اللى قتل امى..

عادل باصصلها بحزن وجى يتكلم قاطعهم وقوف كرم معاهم.

روسندا دورت وشها للجهه التانيه وبتمسح دموعها وعادل بصله.

كرم خاد فنجان الشاى وبصلهم بأبتسامه: روسندا هانم اعذرينى الداده فاطمه مش فاضيه وانا مصدع جدا اسف انا مش هشرب كتير.

انجى بصاله ومصدومه وبهمس وضيق: لا لا لا..

كرم بيقرب الكبايه من بؤه بمنتهى البطئ وفى نفسه: لو اللى فى دماغى صح هتيجى وتمنعنى قبل ماشرب منها ولو مش صح هى اكيد هتسيبنى.

فى اىوقت ده قاطع شروده رزع انجى للكبايه بعنف وقعتها على الارض بقت عباره عن قطع صغيره.

كرم بصلها والكل كان مصدوم ومستغرب فى نفس الوقت معاده كرم اللى كان فاهم كل حاجه.

انجى بصتله وبصتلهم لما لاحظت سكوتهم اللى بيعبر عن صدمتهم: اا... انا.. انا اسفه جدا بس... شوفت حشره غريبه بتطير ووقعت فى الفنجان.. انا بجد اسفه هقول لفاطمه تعملك واحد تانى وانت كمان ياكرم...

مشيت وكرم عيونه بتبص فى كل مكام والضيق والغضب سيطروا عليه.

روسندا بصت لكرم نظرتها كانت كفيله تعرفه الاسئله اللى فى عيونها..

بعد نظره عنها وانسحب:اا..عن اذنكوا..هنادى الداده فاطمه تنضف الشاى.

مشى وهو عارف ان عايده وانجى بيغلو فى نفسهم.

عايده:كنتى تسيبيه يشربه اهو كنا خلصنا منه وخلاص.

انجى:واللهى عشان نتكشف لا ومش كده وبس هو اللى كان هيكشفنا بنفسه انتى مش عرفاه؟

عايده حطت ايدها على جبينها بضيق:كانت مصيبه ايه دى بس يا ربى.

فى الوقت ده كرم خبط على باب الاوضه ودخل وهما بصولو وعايده عيونها بتدق شرار.

كرم بص لانجى ببرود وبأستعياط:ممكن افهم ايه اللى عملتيه برا؟

عايده اتكلمت بغيظ وقبل مانجى تتكلم:ايه اللى انت عملته احنا كنا خلاص هنخلص منها بس بغبائك وباللى عملته بوظت كل حاجه.

كرم ببرود:امم...وانا اعرف منين انشاء الله انه كان مسموم!...انتوا بتخططوا وترتبوا من ورايا وبعدين تقولى كنا خلاص انا واخد شيك بنص مليون جنيه ويحق الشيك ده هشتغل بتعبى انا مباخدش فلوس ببلاش...وغير كده فكره السم فى الشاى دى معموله مليون مره قبل كده زى السم فى الخمره يا اغبيه..

ويضحك.

عايده بغضب وعصبيه:بس كانت هتنجح.

كرم:انا عندى فكره احسن..ايه اكتر فاكهه روسندا هانم بتحبها؟

عايده بصتله بتفكير:الموز والمانجو..بس ليه يعنى؟!

كرم:حلو..احنا نحطلها السم فى الموز..

انجى وعايده بصوا لبعض بتفكير وابتسموا على ذكاء تفكيره.

كرم حط ايده على ذقنه وبيبص لفوق بتفكير:كانت اسمها ايه الاميره اللى اتحطلها السم فى التفاح؟

عايده غضب من تفاهته:مش مهم المهم اننا ننجع فى الخطه دى عشان انا زهقت.

هبه بتسقى الورود اللى حوالين بيتهم وحست بحد وراها..بصت قدامها بتردد وقلق اول مالفت مالقتش حاجه..

هبه رجعت بصت قدامها تانى وكملت سقى الورود وهنا قاطعها صوت شخص وراها مسك الورود وبيشمها بأبتسامه:حلوه اوى الورود دى.

هبه بعدت عنه بسرعه وبخضه وبلهجه صعيديه:اا..مين انت؟!!!

اسامه بصلها بأبتسمه (شاب من القاهره طويل القامه عضلاته بارذه مهتم بلياقته البدنيه لابس قميص اسود ومفاتح اول زرارين وبنطلون جينز اسود...حاطت السماعه البيست حوالين رقابته ).

اسامه:مالك اتخضيتى كده ليه؟!!

هبه بعدت نظرها عنه وجات تمشى بسرعه مسك ايدها:استنى بس انا عايز اتكلم معاكى.

هبه سحبت ايدها بسرعه وجريت وهو باصصلها وهى ماشيه وابتسم.

هبه دخلت بيتها بسرعه وقفلت الباب واقفه ورا الباب وبتبص عليه من فتحه الباب اتكلمت بأستغراب وبلهجه صعيديه:ده شكله مجنون.

جمال وقف وراها وبصلها بأستغراب:هبه..

هبه لفت بسرعه وبصتله:ااا..نعم يا بابا.

جمال:بتبصى على ايه؟!

هبه هزت راسها بإيجاب وبتوتر:اا..لا...ولاحاجه...عن اذنك يا بابا.

جريت بسرعه على اوضتها وجمال كان مستغربها.

فى الليل.

كارم قاعد فى الكباريه بيشرب وسرحان.

........وقفت قدامه ومكت ايده وبصتله بأبتسامه:كوكو مش هترقص معايا؟

كارم بصلها بضسق ومزاجه معكر:لا مليش مزاج.

........:لااا انت حالك متغير بقالك كام يوم ومش عاجبنى.

كارم:معلش انا فعلا مش رايق اليومين دول..عن اذنك.

مشى وهنا شاف وليد واقف مع شمس برا الكباريه..بص للمفاتيح بتاعتها واللى مش عارف يدهالها ازاى.

وليد:ابوس ايدك بطلى اكل هى صاحبتك دى اخرت ليه؟!

كارم باصصلهم وجى يمشى وقف لما شاف شاهيناز راحتلهم ومعاها بنت تانيه لابسه فستان قصير ماسك على جسمها ومن غير اكتاف وجسمها نوعآ ماباين.

شاهيناز:طيب اشوفك بكره.

البنت مشيت وشمس بصتلها بضيق:مين دى!!

شاهيناز: واحده اتعرفت عليها جديد.. يلا نمشى.

كارم باصصلها وهى ماشيه اتنهد بضيق مايعرفش هو ليه مضايق من اللى عمله معاها.

مشيوا بعربيه وليد وشاهيناز استغربت لما شافته ماشى فى نفس الطريق اللى كارم كان ممشيها فيه: اا.. وليد هو ايه الطريق ده؟!!

وليد:ده طريق اسرع لبيتك.

شاهيناز بصتله وفى نفسها: يعنى هو مكنش قصده زى منا كنت فاكره... بس فى الاول و فى الاخر هو انسان زباله .

روسندا قاعده على الكنبه سرحانه نادت لكرم اللى شافته قدام القصر.

كرم راحلها بصلها وهى حطت ايدها جانبها: اقعد.

كرم قعد قدامها وهى بصتله بترقب: عايزه اعرف ايه اللى خلاك تعوز تشرب من كبايتى المره دى مع ان عمرك ماعملتها..

كرم بصلها وبعد نظره عنها وبيحاول يتهرب من سؤالها: اا... انا بتكسف واكيد مش هقولك ليه..

روسندا بصتله واستغربت طريقته مسكت ايده وهو بص لايدها وبصلها بدهشه.

روسندا: انت كذاب... انا بعرفك لما بتكذب... كرم ممكن تقولى فيه ايه وماتحورش عليا.

كرم سحب ايده وبيتجاهل يبص لعيونها اللى بتجبره يقول الصراحه: اا.. انا شايف انك مكبره الموضوع و...انا اسف مش هتتكرر تانى.. انا هروح اشرب من المطبخ عن اذنك.

مشى وهى بصاله تهو ماشى ومش مرتاحه بردو.

انجى واقفه فى المطبخ وهو بصلها: هاا..

انجى: انا حقنت الموز تفتكر هينفع!؟؟

كرم بثقه ممزوج بخبث: اكيد مش انا اللى قولتها؟

انجى: طيب انت اللى هتديلها الموز لانها بتثق فيك هى دى الموزه الكبيره اللى فى النص.. كرم ركذ ارجوك واوعى تاخدها وتاكلها دى كمان فرصتنا اوحيده النهارده لان فاطمه واخده اجازه بعد كده مش هينفع ندخل المطبخ ولا نعمل حاجه.

كرم بصلها وقرب من ودنها وهمس: متخافيش عليا انا بسبع ترواح.

انجى غمضت عيونها بأبتسامه وذوبان من انفاسه اللى بتصطدم بخدودها وهو خاد الطبق ومشى وهى فتحت عيونها بأبتسامه وبصاله وهو ماشى.

كرم راح حط طبق الموز قدام روسندا: روسندا هانم تحبى تاكلى موز!

روسندا بصتله بأبتسامه: واشمعنى بقى عايزنى اكل موز؟!!

كرم بصلها وبعد نظره عنها بأرتباك: اا... مش عارف الصراحه.

روسندا ضحكت وهزت راسها بإيجاب: احب اوى.

كرم ابتسم ومدلها موزه: دى مخصوصه ليكى.

روسندا ابتسمت وخادتها: انت مش هتاكل معايا؟

كرم بصلها وابتسم: اكيد هاكل.

روسندا ابتسمت وانحى بصابهم من بعيد بخبث اتسحبت وخرجت من المطبخ جات تدخل اوضتها بس وقفت وبرقت لما كرم نادى عليها.

كرم: انحى هانم..

انجى وقفت وبصت قدامها بضيق لفت وبصتلهم بأبتسامه غل: اا... نعم!

كرم:تعالى كلى معانا موز.

انجى بصتله وبصت لروسندا وابتسمت ابتسامه مصطنعه: اا.. اوكى.

راحت قعدت معاهم وكرم مدلها موزه وبصلها بأبتسامه: اتفضلى.

انجى بصاله ومش قادره تنزل عيونها من عليه: ش.. شكرآ..

روسندا بصاله بضيق وبتحرك رجليها بسرعه تعبيرآ عن الغضب والغل اللى جواها.

كرم بعد نظره عن انجى اللى بتاكل وبصت لروسندا وابتسمت لما لقتها خلصت الموزه بتاعتها.

روسندا باصه لانجى بغل وهو ملاحظ كده وبيتجاهل يبصلها وساكت.

روسندا بعدت نظرها عنها بضيق:كرم طلعنى اوضتى.

كرم هز راسه بإيجاب ووقف قرب شالها وانجى بصالهم للحظات اتمنت رجليها تتكسر عشان يسيلها وتقدر تلمسه وتكون قريبه منه كمان...

كرم طلع روسندا على اوضتها ونزلها على السرير.

روسندا بصتله بتحذير:كرم ابعد عن انجى عشان دى واحده زباله.

كرم بصلها وبيخفى ضحكته:امم...وهو انتى فاكره انى ممكن ابصلها؟

روسندا هزت راسها بنفى:بس هى هطورتك معاها الاحسن تبعد عنها وتتجاهلها.

كرم بصلها وابتسم على خوفها وغيرتها اللى بتخفيها عليه: امم.. لو احتجتى اى حاجه ناديلى.

روسندا ابتسمت وهزت راسها بإيجاب وهو نزل من اوضتها.

كرم جى يخرج برا القصر بس اللى وقفه شد انجى ليه وهو اختل توازنه واتخبط فى الحيطه وانجى انتهزت الفرصه وحاوطته وهو باصصلها ومبرق.

انجى بتبص لعيونه ولشفافه بأبتسامه: كل ماده وبتثبتلى ان اختيارى كان صح.

كرم بيحاول يتخلص من صدمته دور وشه للجهه التانيه وضحك: هتغيرى رأيك بعد دقايق...

جى يمشى بس هى مسكت وشه وبصاله بأبتسامه: تعالى اوضتى عايزه اوريك حاجه..

كرم ضحك وهو مصدوم من كلامها: لا يا روحى مش انا...ممكن تبعدى بقى لانى مش عايز استخدم العنف معاكى ولان شكلنا كده مش لطيف ابدا

جى يمشى بس هى مسكت ايده حطتها حوالين خصرها وملكت وشه بين ايدها وبصاله وبتقرب من شفايفه: بس انا مش هسيبك الا لما تكون ليا..

كرم بعد وشه بضيق وزأها بعنف وبعصبيه: خلاص بقى تعرفى انتى لو...

سكت لما لاحظ تغير فى ملامح انجى ومسكت بطنها بألم: اااااه..

كرم بصلها وبعد نظره عنها وفى نفسه:وينقلب السحر على الساحر...

انجى بتتألم من بطنها:ااااه...ايه اللى حاصلى!

كرم بصلها ببرود وبيفكر:امم...يمكن كالتى الموزه المسممه!

انجى بصتله وبرقت بصدمه وبصراخ:انت بتهزر!!؟

جريت على المطبخ بتشرب لبن بسرعه وكل ماده ووجع بطنها بيزيد.

كرم راح وبصلها بلؤم وبيضحك:شوفته جزات اللى كنتى عايزه تعمليه!..ربنا مابيسيبش حق حد.

انجى بصتله بغضب وماسكها بطنها بألم ومش قادره تسند نفسها.

كرم وخبث:مصيبه لاتكونى فعلا خدتى الموزه المسممه..هو سم قوى مش كده!...طب ايه هتموت كده ولا ايه!

انجى بصراخ والم:بطل استفزاز يا بارد واتصل بالدكتور.

كرم هز راسه بقله حيله:مفيش فايده بدل ماتقوليلى بعد اذنك اتصلى بالدكتور تقوليلى يا بارد..

كارم بيخبط على باب بيت شاهيناز وباصص للمفاتيح بتردد وفى نفسه: هى راحت مع صحابها واكيد مش هترجع دلوقت.. دى فرصتى اديلها المفاتيح.

خبط على الباب وهنا فتحت شاهيناز وبصتله بصدمه وغضبها زاد: انت ايه اللى بتعمله هنا ليك عين تورينى وشك تانى؟؟!

كارم باصصلها: انا مجيتش عشانك انا جيت اديكى المفاتيح اللى كنت جاى اديهالك المره اللى فاتت.

شاهيناز بأستغراب: مفاتيح ايه؟!!

كارم باصصلها ومايعرفش ايه اللى خلاه يسرح فيها وكأنه فى عالم تانى: هاا... اا... اصدى.. مفاتيح نسيتيها فى عربيتى وقتها.

مدهالها وهى خادتها منه وبصتله والضيق والغضب واضحين على وشها: اا... طيب خلاص امشى.

كارم بصلها و بص جوا لما سمع صوت جده شاهيناز:حبيبى عامل ايه تعالى ادخل.

كارم بص شاهيناز ودخل وشاهيناز بصتله بغضب وشدته من دراعه: غور اطلع برا والا انا هتصلك بالبوليس.

جده شاهيناز: شاهيناز عيب اللى انتى بتعمليه ده الشاب اللى ساعدنى.

شاهيناز: انت سمعت انا قولت ايه!... ب.. را...

كارم بصلها مسك دراعها وهى بتحاول تشده وبغضب: انت اتجننت يا زباله انت ابعد..

كارم: عن اذنك ثوانى يا جده.

شد شاهيناز معاه لبرا البيت وهى بتحاول تشد ايدها بغصب: ابعد بقى يا سافل انت.

كارم لصقها فى الحيطه وهى بصاله ومستغربه من اللى بيعمله المفروض يخشاها ويكون خجلان من اللى عمله.

كارم باصصلها واتكلم بأسف:انا اسف.

شاهيناز بصاله وبعدت نظرها عنه بدموع:أبعد.

كارم باصص لعيونها قرب ايده منها مسحلها دموعها:انا غلط ...سامحيني.

شاهيناز بصتله وبعدت عنه .

كارم قرب وشه منها وهز رأسه بإيجاب:اضربينى بالألم أنا موافق.

شاهيناز لسه بصاله وهو بعد وبصلها :شاهيناز انا...

شاهيناز ضربته بالألم بعنف وهو فتح بؤه بدهشة وبألم بصاله وضحك كان فاكرها مش هتضربه :انتى فعلا صدمتينى.

شاهيناز بصتله بثقه:انت تستاهل ..

كارم بعد نظره عنها وبيضحك:صافى يا لبن؟

شاهيناز ابتسمت وبعدت نظرها عنه:حليب يا قشطه.

كارم ضحك وبصلها:تعرفى انى فى اليومين دول كنت مفتقد مناكشتك وكنت مضايق انى بشوفك ومابجرش شكلك.

شاهيناز بصتله وابتسمت :يعنى؟

كارم ابتسم ولأول مره يحس بكسوف مع واحده:احم...بيتى فاضى هاا..

شاهيناز بصتله بغضب ووشها اتقلب تانى:تعرف انت مافيش فايده فيك.

جات تمشى بس هو شدها بضحك:انتى دماغك راحت فين؟...انا قصدى تملى حياتى عليا يعنى نعيش انا وانتى سوا.

شاهيناز بصتله ولسه وشها زى ماهو:ده نيل.

كارم هز رأسه بنفى:تتجوزينى؟

شاهيناز بصتله اوى وملامحها اتحولت لصدمه كبيره:اا...ايه؟؟؟؟

فى المستشفى.

الدكتور:انا ادتها حقنه تسمم وعملنالها غسيل معده على الصبح تقدر تخرج عشان نتأكد من سلامتها.

عزام هز راسه بإيجاب:شكرآ يا دكتور.

الدكتور مشى وعزام حط ايده على جبينه بقله حيله: انا مش عارف ايه اللى بيحصل ده!

عايده بصتله وبتفكر ايه اللى ممكن يكون حصل عشان تتسمم!

عايده:انا هدخلها.

عزام:طيب وانا هروح ادفع تكاليف المستشفى..

مشى وعايده دخلت لانجى اللى ساعدتها تقعد على السرير وهى بتتالم.

عايده:ممكن اعرف ايه اللى حصل هو انتى بدل ماتسمميها هى سممتى نفسك؟!!

انجى:كرم هو اللى ادانى من الموز وانا متأكده انه قاصد يدينى المسممه.

عايده بصتلها بتفكير وبغضب:هو كده اتعدى حدوده معانا وانا هعمل اللى فى دماغى وهينجح..هو وهى هيتنفوا من على وش الارض..

فى قصر عزام روسندا بتنادى على كرم اللى سمعته بيكلم رحيم فى التليفون:كرررررم... كررم.

كرم: طيب يا رحيم اكلمك بعدين.

وقف ودخل القصر وهى بصتله: اا... ممكن اطلب منك طلب؟

كرم باصصلها: ائمرى.

روسندا ابتسمت وبصتله بلطف:عايزه فشار..

كرم بصلها بأساغؤاب:وايه المطلوب منى!

روسندا بصتله بلطف وبتحاول تخليه يتعاطف معاها:انت طباخ ماهر و..عيزاك تعملى فشار..

كرم باصصلها وفهم سبب ملامحها اللطيفه واللى بتحاول تسطعتفه:امم..لا..

جى يمشى مسكت ايده بسرعه وبصتله بترجى:please...وهقف معاك فى المطبخ.

كرم باصصلها وبيشاور عقله وهى بصتله بأبتسامه لطيفه:please

كرم دوروشه للجهه التانيه وضحك: بتعرفى ازاى تجيبينى..

روسندا ابتسمت ومدتله ايدها عشان يشيلها وهو قرب شالها وهى بتلقائيه حضنته وغمضت عيونها وبتستنشق ريحه البرفيوم بتاعته يمكن دى كانت وسيله منها تقدر تاخد بيها الطاقه اللى انعدمت عنها لفتره لحد ماهو رجعلها..

كرم بص قدامه بدهشه وبعدها عن حضنه: اا.. انتى نسيتى القواعد؟؟!

روسندا بصتله بضيق وبترجى: طب ماتيجى نكسر القاعده دى النهارده وبس؟؟

كرم ضحك: الاحسن تفضلى هنا.

جى يسيبها على الكنبه مسكت فيه جامد: لا خلاص انا اسفه.

كرم بصلها وراحوا على المطبخ قعدها على الرخامه: ثوانى هجيبلك كرسى و..

روسندا هزت راسها بنفى: لا انا هقعد هنا.

كرم بصلها وهز راسه بإيجاب: اللى انتى عيزاه.

بداء يعملها الفشار وكل ماالفشار يقرف يفرقع روسندا بتقلد صوته: بوه..

كرم بصلها وابتسم على طريقتها الطفوليه عكس اول مقابلها تمامآ لاحظات يرح وفوقه صوت روسندا اللى اتكلمت بتسرع وزغيق: كرم الفشار هيتحرق..الحق..

كرم طفا النار بسرعه وفتح الحله فضا الفشار وعمل تشكيله من التوابل وبصلها بأبتيامه خفيفه: الفشار جاهز.

روسندا بصتله بأبتسامه وفتحتله بؤها عشان يأكلها.

كرم بصلها وقرب اكلها بتردد وهو بيتجاهل يبصلها وهى ابتسمت وتمتمت من لزته: اممم... رائع.

خدت من الطبق وشاورتله يفتح بؤه عشان تأكله.

كرم بعد وءه وهز راسه بنفى: لا انا مش عايز.

روسندا مسكت وشه وبصتله بأحكام واصرار: لا هتاكل من ايدى..

كرم بصلها وكل ماعيونه بتتلاقه مع عيونها بيحس بخطر وكأن كأن غريب ظهر قدامه مكنش ينفع يتواجد معاه.

روسندا اكلته وابتسمت للحظات سرحت لو كان الشخص اللى حطت فيه كل حبها وعرفت انه مصدر للحنيه ليها ولامانها لوكان قدره اجتمع بقدرها وعاشوا طول عمرهم سوا.. اتخيلت مدى السعاده اللى هتبقى فيها... معقول السعاده بتتحدانى بالطرق المختلفه وبأصعبها كمان!

كرم شالها وقعدها على الكنبه وهى بصتله بأبتسامه: يلا تعالى اقعد عشان تاكل معايا.

كرم بصلها وهز راسه بنفى: لا انا مش عايز... انا هروح استنى عزام بيه برا لحد مايجى.

روسندا هزت راسها بنفى ومسكت ايده بتسرع: لاااا انا عيزاك تفضل معايا please يا كرم please كل معايا..

كرم اتنهد بعمق وجى يتكلم سكت لما سمع كلامها: انا مش عايزه اقعد لوحدى ومش عايزه احس انى وحيده انت قولت انك سامحتنى وانا وعدتك انى مش هقولك اى حاجه عن الحب ومش هتصرف معاك بمشاعر واكيد انت ملاحظ انى حتى باتصرف معاك بطريقه عايده ف...انت ليه مش عايز تبقى معايا!؟

كرم باصصلها هو فعلا مش عارف ليه مش عايز يبقى معاها... هو مش عايز يتعلق بيها اكتر يمكن دى الحاجه اللى هو بيتهرب من التفكير فيها مع انه لو ماوجههاش عمره ماهيلاقى حل..

كرم سحب ايده وهز راسه بإيجاب: اا.. المسئله مش انى عايز ابقى معاكى ولا لا انا مجرد حارس عندك ف دى حاجه المفروض ماتنساهاش انا بعمل زى ماعزام بيه طلب منى بساعدك فى اى حاجه تطلبيها بحرسك بخلى بالى منك.... بس غير كده انا مش مسئول..

روسندا بصاله وعيونها اتملكتها الدموع بعدت نظرها عنه وابتسمت ابتسامه مزيفه وبتدارى دموعها منه: اا... انا.. اسفه.. طيب يا كرم ممكن تروح لو حبيت انا... هتفرج على الفلم يكون عزام جى و... واشوفه وانام.

كرم بصلها وبعد نظره عنها هز راسه بإيجاب وخرج برا القصر اتنهد بضيق وفى نفسه: هو ده اللى كنت عامل حسابه بتجزبنى ليها وانا مش حاسس...لا انا مش هعيد نفس الغلط تانى.

روسندا بتمسح دموعها اللى بتنزل غصب عنها سابت الفشار وبتعيط بصوت مكتوم غمضت عيونها مفيش ثوانى وراحت فى النوم وهى قاعده وسانده راسها على ضهر الكنبه.

شاهيناز دخلت بيتها والصدمه مسيطره عليها بتفتكر ومش قادره تتحكم فى رده فعلها.

Flash back

كارم:تتجوزينى؟

Back

جده شاهيناز خرجت من اوضتها وهى على الكرسى المتحرك.. بصتلها وعلى علم بأللى بتفكر فيه: انتى تعرفى الشاب ده منين؟!

شاهيناز بصتلها ومش قادره تجمع الكلام من الصاعقه اللى نزلت عليها من شويه:اا..هو..انا شوفته كام مره كده واولهم كان فى خطوبه روسندا..بس مكناش متفقين و..هو طلب منى الجواز.

جدتها بصالها وهزت راسها بإيجاب:ده اللى كنت مستنيه اسمعه منك...انا سمعتكوا وانتوا بتتكلموا...بس اللى انا عايزه اعرفه يعنى واحده زيك ماشاء الله بتروح كباريهات وملهاش كبير زى مابيقولو...هيتجوزك ليه؟!!!

شاهيناز بصالها:انتى قصدك ايه!..هو عارف انى مش كده..وبعدين هو كمان بيسهر..

جدتها ضحكت بسخريه:ااااه قولى كده بقى...حبيبتى اسمعى ولو مره واحده منى الجوازه دى مستحيل تكمل..هو واخدك كده واخدك زى اى واحده بيسهر معاها...ده الموضوع طلع انيل منا كنت فكراه.

شاهيناز بصالها وبضيق: اا.. انتى بتتكلمى ازاى هو بيحبنى ولو مكنش بيحبنى مكنش هيطلب يتجوزنى ومكنش هيجى يصالحنى انتى بس اللى مش عيزانى اتجوز حد بحبه انتى اللى عايزه تجوزينى على مزاجك عيزانى اتجوز شيخ بس انسى انا مش هسمع كلامك وهعمل اللى فى دماغى.

جدتها: وهوانا ايه مصلحتى لو جوزتك شيخ او غيره؟!!

شاهيناز: اهو يكون غنى وتلهفيلك قرشين.

جدتها بصتلها بأسف على ظنها السئ فيها وعلى مناهدتها فى الغلط: عيب يا بنتى لما تقوليلى كلام زى ده...انا مش صاحبتك ولا مرات ابوكى عشان تقولى عليا كده.. انا لو كنت عايزه منك حاجه كان زمانى مجوزاكى من وانتى عيله بس انا ماعملتش كده لانىمش عايزه كده ف عيب اوى كلامك ده..انا نصحتك يا شاهيناز وسيبتك تختارى زى مانتى عايزه... ربنا يهديكىيا بنتى.

مشيت وشاهيناز بصالها وهى ماشيه وبتفكر فى كلامها اللى ظهرت عدم اقتناعها ورضاها بيه بس حست ان فعلا فى جزء غريب فى الموضوع... يعنى شخص زى كارم دههيبقى عايز يتجوز واحده مختلفه تماما مش بتسهر وبتشرب... وغير كده ايه اللى هيخليه يشيل مسئوليه وهو عايش بيعمل اللى عايزه فى حياته المرفهه على الاخر.. كانت بين نارين ومش عارفه تعمل ايه ولا تتصرف ازاى لو طلع تفكيرها غلط... طب ولو طلع صح!

اسئله كتير بتراوضها ومش عارفه اجابتها..

فى اليوم التالى..

روسندا فاقت من نومها لقت نفسها على السرير فى اوضتها وعزام قاعد جانبها وبيملس على شعرها:روحى صباح النور.

روسندا قعدت وهو ساعدها وبصتله:انت هنا من امبارح؟

عزام ابتسم وهز راسه بنفى:انا جيت اناديكى بس محبتش اقلقل لما شوفتك نايمه ف قولت اديكى شويه حنان.

روسندا ابتسمتوباست خده:هو انا قولتلك قبل كده انك احسن عزوم فى العالم؟

عزام ضحك:يااا كتييير..

روسندا ابتسم وهو قرب جى يشيلها عشان ينزلها بس هى بعدت وهزت راسها بنفى:لا انت تعبان..

عزام هز راسه بنفى وشالها:انا مش تعبان.

روسندا ابتسمت وحضنته.

نزلها لتحت وبعد مادخلت الحمام وطلعت وقعدوا على التربيزه.

روسندا بتبص حواليها:هو...كرم فين!؟!

عزام:هو قاعد مع الشاب اللى اسمه وليد فى الفرندا.

روسندا بأستغراب:قاعد مع وليد؟!!

وليد:انا كان قدامى طريقينى يعنى انا اتولدت محدش وجهنى لطريق معين ولا قالى امشى هنا او اختارده ماتخترش ده... انا خالى هو اللى جابلى الشقه وكان بيدين مصروفى هو مختصر معايا بردو ملوش دعوه بعمل ايه ومابعملش ايه... انا مكنتش عارف اختار انهى طريق بس...ده كان اسهلهم مكنش فيه اى شقاء ولا تعب وبقسملك انى مابصيت لاى واحده كل اللى كنت بعمله انى بشرب ومس لما بقابل الشله ولنسهر فى الكباريه وبس..

كرم: انت فاكر ان ده سهل!... الخمره دى لوحدها من الكبائر.. وانا شايف انك شخص كويس ونفسك تكون احسن... وانا يشرفنى جدا اخد بأيدك للطريق الصح.

وليد بصله وابتسم:وانا مستعد لاى حاجه تطلبها منى انا فعلا زهقت من الحياه اللى انا عايشها دى وعايز اجرب طريق العباده الطريق اللى يوصلنى لربنا..

كرم: يبقى تسمع النصايح دى من اخوك الكبير.. وبتمنى تعمل بيها.. اهم حاجه المداومه على الصلا مهما يحصل ماتسيبش فرد عليك وت

القرأن لازم تحفظ قرأن ومش مجرد حفظ نفهمه وتفهم تفسيره..تبحث على النت وتجيب احاديث عن الرسول ﷺ..فى الاول اعملك منبهات تذكير فى توقيت الصلا وخصص لنفس وقت لحفظ القرأن الكريم والاحاديث دى انت هتدرسها وقت ماتكون فاضى لان دى حاجات عن الرسول ﷺ ولازم تكون عارفها وعارف سبب نزولها وأقراء كتب شرعيه كتير انا عندى كتابين فيه واحد منهم عن الانبياء والتانى احادث بسلما انزل اصعيد اكيد هجيبهوملك.

وليد ابتسم وهز راسه بإيجاب:شكرا بجد شكرآ يمكن لو مكنتش قابلتك مكنتش هلاقى حد يوجهنى للصح انا ععمل زى ماقولت وهبقى اكلمك واقولك عملت ايه..

كرم ابتسم وهز راسه بإيجاب:هستنى اتصالك.

وليد وقف ومدله ايده:مع السلامه..

كرم وقف وسلم عليه بأبتسامه:مع الف سلامه.

بعد مامشى وكرم دخل للقصر على صوت مناديه عزام ليه.

عزام:وليد مشى؟!

كرم هز راسه بإيجاب:ايوه.

روسندا بصتله بأستغرابة:هو جى مخصوص عشان يشوفك؟!!

كرم هز راسه بإيجاب:امم..هو كان عايزنى فى موضوع..

عزام:طيب يا حبيبى تعالى اقعد كل معانا.

هبه قاعده فى الارض بتاعتهم وسط الورود وبتقراء روايه قاطع شرودها صوت حد اتكلم من جانبها: حب داخل المافيا مش كده؟!!

هبه بصتله ووقفت بسرعه وبأرتباك وغضب وبلهجه صعيديه: اا.. انت ايه اللى جابك هنا تانى!!... تعرف انا لو قولت ل..

اسامه: انا قرأت الروايه دى بتاع تلت مرات.. حلوه اوى.. طب انتى قرأتى ارض زيكولا؟

هبه بصتله ومستغربه من طريقته مش طريقه واحد مجنون بس تصرفاته ماتوحيش على واحد عاقل.

هبه رفعت صباعها وبصتله بتحذير والتوتر باين على وشها وبلهجه صعيديه: انت لو مابطلتش تضايقنى انا هقول للحج جمال وشوف هو هيعمل فيك ايه.

جات تمشى وقف قدامهاوبيتكلم بسرعه عشان ماتمشيش: طب ادينى دقيقه بس انا فى كلام كتير عايز اقولهولك انا مراقبك بقالى كذه يوم وكنت مستنى القرصه المناسبه بس عشان اكلمك واقولك الكلام اللى انا عايز اقوله..

هبه مشيت بسرعه وهو قاطعها بصوته العالى: هبه انا بحبك..

هبه وقفت بصدمه ومش عارفه ايه رده الفعل اللى المفروض تاخدها حست ان تفكيرها اتشل كلامه مش معقول ومستحيل كمان..

جريت على البيت وهو حط ايده على جبينه بضيق.

هبه دخلت اوضتها وقعدت وهى لسه فى نوع من الصدمه... ازاى يقولها كده وهى متجوزه يعتبر!

هبه فى نفسها: اكيد ده شخص مجنون بس... بس هو يعرفنى منين!

مسكت تليفونها واتصلت بكرم وهى حاسه ان انفاسها بتتسارع بشكل غير طبيعى حاسه بسخونه خارجه من قلبها بتعبر عن تفكيرها المستمر والدهشه اللى مسيطره عليها من كلام الشاب ده.

كرم مسك تليفونه ورد:الو ازيك يا حبيبتى.عزام بصله بس روسندا مارفعتش نظرها عليه سابت الغيره تاكل فيها بصمت.

هبه:اا...انت بتعمل ايه؟

كرم:طب مفيش صباح الخير الاول وحشتنى اى حاجه.

هبه: هى قاعده معاك مش كده!

كرم اتنهد بضيق: هبه..هخلص اكل وابقى اكلمك.. سلام.

قفل الخط

روسندا بصتله ولاحظت نظراته التايهه وتعبيرات وشه العابسه: اا... انا زهقانه وعايزه اخرج.. بقالى كتير ماتدربتش ومشتاقه للعب.

عزام: حبيبتى رجلك تخف واعملى كل اللى انتى عيزاه.

روسندا: طب على الاقل اخرج.

عزام بصلها بتفكير: امم.. طيب ايه رأيك اجيبلك كرسى متحرك وتخرجى؟

روسندا بصتله بتفكير وبصت لكرم هزت راسها بإيجاب: موافقه..

كارم قاعد مع صحابه وبيشربوا: اتجوز مين يا عم انا بس بقرس ودنها هوريها انها زى اى واحده يتمص دماها وتترمى فى الشارع... وهوريها ان اللى عايزه باخده.

........ بضحك: لابطل.

كارم بصله وهو ماسك الكاس بأبتسامه وتفكير.

فى الصعيد فى المنيا فى بيت عيله الصياد بالتحديد.

مؤمن خبط على باب بيت عيله الصياد.

خديجه فتحت وبصتله.

مؤمن دخل وبيبص حواليه: فين عمتى؟

خديجه: فىاوضتها ليه؟

مؤمن: جاى اديها حاجه وامشى.

سميره بصوت عالى: حبيبى تعالى انا هنا.

مؤمن دخل الاوضه وهى كانت نايمهعلى السرير وباين عليها التعب: ايه ياحبيبى؟

مؤمن قعد جانبها على الكرسى ومدلها ظرف: خدى يا عمتى الحمدالله ربنا فرجها وكرم كلمنى وقالى انه بعتلكوا فلوس وانا روحت استلمتهالكوا.

سميره ابتسمت وخادت الظرف: ربنا يفتح عليه ويوسعها عليك انت وهو شكرا يا مؤمن.

مؤمن: شكرآ على ايه احنا اهل..يلا انا همشى دلوقت ولو فىاى حاجه ماتتكسفيش وكلمينى.

سميره بأبتسامه ربنا يباركلك يا بنى.

مؤمن وقف وخرج برا الاوضه بص لخديجه وراح مدلها مفتاح: خدى خلى ده معاكى انا معايا نسخه منه.

خديجه خدت المفتاح وبصتله بأستغراب: لأيه ده؟!!!

مؤمن: ده مفتاح شقتنا فى القاهره.. بس لسه بوضب فيها اول ماخلصها هاخدك انتى وعيلتك تروحوا تشوفوها.

خديجه بصتله: صح انت مش قولت انك هتسافر القاهره!

مؤمن بأبتسامه: وهو ده معقول اسيبكوا فى الازمه دى واسافر!... انا رايح مشوار دلوقت هخلصه وهجيلكوا تانى.. سلام.

مشى وخديجه بصت للمفتاح ودخلت لسميره: هو قالك ايه؟

سميره:جابلنا فلوس كرم اخوكى بعتها ا

*********************
إلي هنا ينتهي الفصل التاسع عشر من رواية المؤامرة بقلم منة محسن
تابعوا صفحتنا على الفيس بوك للمزيد من روايات كاملة
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة