-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية المؤامرة بقلم منة محسن - الفصل الخامس

مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة منة محسن ؛ وسنقدم لها اليوم الفصل الخامس من رواية المؤامرة بقلم منة محسن هذه القصة مليئة بالعديد من الأحداث والمواقف المتشابكة والمعقدة من الرومانسية والتشويق .

رواية المؤامرة بقلم منة محسن - الفصل الخامس

إقرأ أيضا: قصص قبل النوم 
رواية المؤامرة بقلم منة محسن

رواية المؤامرة بقلم منة محسن - الفصل الخامس

 كريم قاعد ف الديسكوا وبيشرب وباله شارد..

امينه راحت وقعدت جانبه هى وكارم ومحمود.

كاريم:ايه يا بطل ...عملت ايه ف موضوع الجواز ؟؟

كريم بصله وبعد نظره عنه ..فهموا أنه مش عايز يتكلم.

امينه بصتله ومسكت دراعه:متضغطوش عليه...شكله تعبان.

محمود بصلها بغيره وبأستهزاء:وهو انتى بتحسى بيه؟؟

امينه وهى باصه لعيونه كريم :طبعآ ..

كريم بعد أيدها عن دراعه ووقف..

كارم بصله:على فين؟؟

كريم:هقوم اقلب رزقى بدل الخنقه دى..

كارم:ايوه كده يا كيمو ..

امينه وقفت ومسكت دراعه:انا ممكن ارقص معاك ..

كريم بعد أيدها:انا مش عايزها للرقص عايزها لحاجه تانيه..تيجى انتى؟؟

ويسيبها ويمشى.

امينه بصاله وهو ماشى وبصت لكارم اللى بيضحك عليهم.

كارم:يااا قصف جبهه ايه ...طير جبهتك.

محمود ضربه على رأسه:اتلم بقى .

وقف وبص لامينه :تعالى اوصلك فى سكتى بدل ماتمشى لوحدك.

امينه بصتله وهزت راسها بإيجاب:امم...

كارم:ماصدقت انت ..

محمود بصله بتواعد:راجعلك..

كارم ضحك وهما مشيوا..

فى قصر عزام..

انجى بصدمه:مامى انتى بتقولى ايه ...نقتل!!...احنا صحيح عايزين الفلوس وعايزين نأمن مستقبلنا بس...متوصلش للقتل..ومع مين بنت خالى عزام!...تعرفى لو عرف حاجه زى كده او اتكشفنا هيكون ايه مصيرنا؟؟

عايده:بطلى غباء بقى انتى مبتفهميش احنا مستحيل ننكشف وبعدين انتى مفكرتيش لو عزام مات دلوقت هيكون ايه مصيرنا؟..هنترمى ف الشارع...عارفه ليه؟؟..عشان هى اللى هتستولا على كل حاجه..ومش كده وبس دى هتبقى صاحبه شركات وانتى اللى قيلالى كده بنفسك...الأخطر من قتل روسندا هو موت عزام دلوقت...وعشان كده لازم نتسرع ونتصرف...

انجى بصالها بقلق وتفكير:انا بس مش عايزه يكون فى دم ف الموضوع..

عايده بنفى:ومين قالك أن هيبقى فى دم !!..احنا هنقتلها بطريقه طبيعيه جدا..مش وارد تاكل حاجه مسممهه وتروح فيها؟؟...احنا مش هنعمل حاجه غير أننا هنقدم موتها ..فهمت بقى!!..سيبى عليا الموضوع ومعالكيش اكتر من انك تنفزى اللى هقولك عليه .

انجى بصالها بقلق :ربنا يسترها...

عزام قاعد على مكتبه وباصص لكرم اللى واقف قدامه وبداء يتكلم بنبره مهزوزه..

عزام:انا طلبت اشوفك دلوقت عشان روسندا زمنها نامت ولأن اللى هقولهولك ده لازم محدش يعرف بيه..

كرم باصصله وبيسمعه

عزام اتنهد بعمق وبيتكلم بنبره هاديه :انا كتبت املاكى كلها بأسم روسندا...ده اللى انا كاتبه ف الوصيه ..واخترتك انت تحتفظ بالسر ده لان مصلحتك هى مصلحتى واحنا الاتنين عايزين روسندا تكون احسن وعايزين مصلحتها ..انا مش هثق ف حد اكتر مابثق فيك...وعايز اطمن على روسندا انا مش ضامن عمرى ..انت مش هتسيبها مش كده؟

كرم بصله بتفكير وتردد حس أنه بيشيله حمل مش عارف هو قده ولا لا .

عزام:كرم انا عارف انى بربطك بسئوليه كبيره ..بس انا بعمل كده عشان عارف ومتأكد انك قدها ...انا مش هلاقى حد زيك يحافظ عليها وياخد باله منها...انا عارف انى بضغط عليك لكن صدقنى غصب عنى..

كرم بصله وهز رأسه بإيجاب وبيطمنه:انا هحاول ماهزش ثقتك فيا ...وهخلى بالى منها..

عزام ابتسم بخفه كلام كرم طمنه شويه على مستقبل روسندا وحسسه بأمل اكتر من الاول..

فى اليوم التالى..

مؤمن بيخبط على باب بيت عيله الصياد.

خديجه بصوت عالى وهى رايحه تفتح الباب:جاااايه حااضر ياللى يتخبط..

راحت فتحت وهو زأها ودخل:ايه ساعه عقبال ماتفتحى.

خديجه:انت رايح فين انا قاعده لوحدى و امى نايمه.

مؤمن قعد على الكنبه وفرد أيده على ظهر الكنبه وبصلها من غير اهتمام:اعمليلى فطار

خديجه رفعت حاجب واحد وحطت أيدها ف وسطها:انت جاى هنا عشان اعملك فطار؟؟!..يعنى كمان مش جاى عشان تشوفنى.

مؤمن وقف وقرب منها وهو حاطت أيده ف جيبه:الصراحه بقى انا جاى اتأكد اللى اسمه رامز هنا ولا لا.

خديجه:وانت مالك برامز هنا أو مش هنا انت حيالله خطيبى

مؤمن ضحك اوى:حيالله ايه ياختى؟!!..ده انا اكسر دماغك.

خديجه ضربته على دراعه:طب برا بقى.

مؤمن يصلها ورفع حاجب واحد :مش خارج .

خديجه:امم...طييييب يا حب..

وتسيبه وتدخل المطبخ.

مؤمن بيضحك:عنيفه اوى خطيبتى دى

خديجه خرجت وهى ماسكه السكينه وحطتها قدامه:يلا بقى يا حلو ورينى عرض كتافك.

مؤمن باصص للسكينه ومبرق ورافع أيده لفوق:يا نهار ازرق..بترفعى عليا السكينه يا خديجه!

خديجه:ايوه برفع عليك السكينه ولو مامشيتش من هنا هوريك انا هعمل ايه.

مؤمن:خلااااص ماشى...يا ساتر عليكى ..تعرفى يا خديجه انتى مفيش خوف عليكى بتاتآ..يعنى لو اتخطفتى وحد حاول يقربلك هيلاقيكى زيه مفيش فرق بينكوا .

خديجه شاورتله بالسكينه على الباب:طب يلا من هنا.

مؤمن مشى وهو بيتمتم :فظيعه...حقيقى فظيعه.

ويمشى من البيت

خديجه ضحكت وسابت السكينه على الترابيه:جبان.

فى قصر عزام

رحيم بيمشى هو وكرم ف حديقه القصر وبيتكلموا

رحيم:ايه مش هتنزل معايا الصعيد؟؟

كرم :انت هتروح النهارده؟؟

رحيم:امم النهارده اجازتى ..خد اجازه انت كمان وتعالى معايا اكيد سوسو مفتقداك

كرم:ميتهيقليش هقدر اخد اجازه ..انا كده كده هطلب اجازه اخر الشهر عشان كتب الكتاب ..

رحيم:امم مبروووك يا كروم..

كرم ابتسم وبصله:ايه مش ناوى انت كمان تحصل اخوك؟؟

رحيم ضحك:لااااا لسه ملقتش الشعنونه اللى تستحملنى..

كرم ضحك:اه والله على رأيك ولا هتلاقيها انت مفيش حد يستحملك اصلا..

رحيم ضحك :مقبوله يا عم كروم...انا هروح على الشركه اشوف وشك على خير ..

كرم أبتسم وسلم عليه:ف امان الله..

رحيم ابتسم ومشى

روسندا نازله على السلم ونادت لفاطمه لما شافتها:ااا...عزام بيه...هنا؟؟

فاطمه بصتلها وهزت راسها بنفى:هو فطر الصبح بادرى وخرج على الشركه..

روسندا هزت راسها بإيجاب:طيب حضريلى الفطار

فاطمه:امرك يا هانم..

وتروح على المطبخ

روسندا خرجت للحديقه اللى قدام القصر وقفت وبتستنشق الهوا براحه ..

روسندا غمضت عيونها براحه وبتاخد انفاس عميقه...فتحت عيونها ولفت لما سمعت صوت كرم .

كرم وقف جانبها وأتكلم بأبتسامه ومن غير مايبصلها:الجو جميل النهارده..

روسندا فتحت عيونها ولفت وبصتله

كرم بصلها بأبتسامه ورفع حواجبه:بيقولوا كده عشان يفتحوا مجال للحديث مش كده؟؟؟

روسندا ابتسمت وبتحاول تخفى ابتسامتها وبصت قدامها تانى:اممم..دايمآ اليوم بيبقى على حسب الشخص اللى هتصطبح بيه...وشكل يومى النهارده اسود..

كاظم اتكلم ببرود:ليه بصيتى ف المرايه اول ماصحيتى!؟؟

روسندا بصتله اوى لسانها عجز عن الرد افتكرت أن هى لوحدها اللى تقدر ترد على قصف الجبهات ...لكنها اتأكدت ان كرم مش سهل وده بسبب قصفته لجبهتها من ثوانى..

كرم بصلها وبيدارى ابتسامته:النهارده فى عند حضرتك تدريب ...

روسندا بعدت نظرها عنه :امم..عارفه..

فاطمه بصوت عالى:روسندا هانم الاكل جاهز.

روسندا بصت لكرم :طيب ...

دخلت القصر وبتدوس على قبضه أيدها بغل وبتستحلفله .

روسندا بهمس :إن ماوريتك يا كرم الكلب انت ميبقاش اسمى روسندا البحيرى.

قعدت تاكل وفاطمه بتحولها الاكل على السفره..

انجى دخلت المطبخ وبصت لفاطمه واتكلمت بتوتر:اا..ده فنجان الشاى بتاع روسندا هانم؟؟

فاطمه:ايوه..

انجى:طيب ودلها انتى الاكل وانا هحطلها سكر ...واودهولها..

فاطمه: روسندا هانم مابتحطش سكر ف الشاى..

اجى بصتلها وبتحاول تلاقى اى حجه مقنعه تخليها متشوكش ف تصرفاتها:اا...صح..صح روسندا مابتحطش سكر..ااا اصل الحقيقه روسندا مضايقه منى شويه وانا عايزه اصالحها وماكنتش حابه حد يعرف يعنى...عشان كده كنت عايزه اودهولها انا..

فاطمه:طيب مفيش مشاكل اتفضلى ودهولها..

انجى ابتسمت بخفه وتوتر وهزت راسها بإيجاب:امم..

خرجت من المطبخ ونفخت بارتياح بصت لروسندا اللى قاعده بتاكل

روسندا بصوت عالى:فاااطمه الشاااى.

كرم دخل وبصلها وهى بتاكل وبيكتم ضحكته

انجى حطت قدامها فنجان الشاى وبصتلها بأبتسامه بتصطنع عليها الرقه:اتفضلى ..

روسندا بصتلها وضحكت بسخريه:انا مش هشكرك..عارفه ليه!!؟..عشان ده واجبك..

انجى بصتلها وكانت هتتكلم بعصبيه لمحت كرم واقف بعيد وده اللى خلاها كملت ف لطفها المصطنع:قصدك انى خدامه؟؟

روسندا ضحكت بأستفزاز:كل واحد عارف نفسه

انجى بتمثل العياط:شكرا يا روسندا على تهزيئك ليا ...انا جبتلك الشاى بس لانى كنت عايزه اصلح علاقتى معاكى..بس شكلى كنت غلطانه..

وتمثل أنها بتمسح دموعها

روسندا سابت فنجان الشاى وصقفتلها:وااااو حقيقى واو ممثله بارعه..بس ياخساره عزام مش هنا عشان يقيم مجهودك

انجى بصتلها بكيد وغل مخفيين وسابتها وراحت لئوضه عايده

عايده بصتلها فضول:ايه عملتى ايه؟؟..حطتيلها السم ف الشاى زى ماقولتلك؟؟

انجى بصتلها وهزت راسها بنفى :ماقدرتش

عايده بأنزعاج وغضب:ليه!؟؟

انجى:فاطمه كانت لازقه فيا ومسابتنيش واكيد كان هيبقى الموضوع مكشوف اوى لو طلبت منها تسيبنى وتخرج.

عايده حطت ايدها على جبينها بتفكير وأنزعاج

انجى:فى قدامنا فرص تانيه اكيد لازم نحاول مره واتنين وعشره عشان نوصلل للى عايزينه..

عايده:انا مش عايزه الموضوع ياخد وقت ونديله اكبر من حجمه..

انجى:هى كانت ف البدايه صعبانه عليا ...بس تعرفى هى تستاهل الموت والعن من كده كمان

عايده بصتلها بتفكير :على العموم سيبيهالى انا وروحى على الشركه ...خليكى ف الطريق اللى كنتى بتعمليه العبى انتى على عزام وانا ههتم بوضع المدلله...روسندا هانم.

انجى بصتلها وهزت راسها بإيجاب خدت شنطتها وباست خد عايده:بااى..

عايده ابتسمت وانجى خرجت من اوضتها

انجى بصت لكرم اللى واقف عند باب القصر وباصص لروسندا اللى بتتكلم ف التليفون وبتضحك

انجى بصتلهم وراحت لكرم وقفت قدامه وهو بصلها .

انجى:احم...كرم مش كده؟!!!

كرم ابتسم بمجامله وهز رأسه بإيجاب:كرم عمران الصياد...عشان متنساهوش تانى..

انجى ضحكت وهنا روسندا بصتلهم ورفعت حواجبها:ايه المحن ده ؟!!

شاهيناز بصت لشمس بأستغراب: روسندا حبيبتى انتى بتكلمينى انا!!!؟

روسندا بعدت نظرها عنه بإنتباه:لا ده كان مشهد مقرف كده..انسى المهم انا عايزه اشوفكوا مش ناويين تزورون وانا عامله زى المسجون..

شاهيناز:حبيبتى ومن قبل ماتقولى احنا برا..

روسندا بأستغراب ومن غير فهم:برا فين؟؟

ف الوقت ده حد خبط على باب القصر.

روسندا ضحكت:بتهزرى!؟

فاطمه راحت فتحت الباب وهما دخلوا .

روسندا قفلت الخط وشمس راحتلها جرى وحضنتها:يا روحى انتى متعرفيش وحشينى قد ايه.

روسندا ابتسمت وحضنتها:انتى اكتر.

شاهيناز وقفت جانب شمس وبتبص حواليها:فين الهضبه؟؟

روسندا بصت مكان مكان واقف ملقتهوش:كان هنا .

شمس: شاهيناز جايه مخصوص عشان تشوفه..

روسندا: امم...ماهو لو كنتى مكانى كنتى هتغيرى كل ذره حب جواكى اتجاه الكأن ده للكره ..

شاهيناز:تؤتؤتؤ ملكيش حق..ده نظره من عيونه بس تعمل العجايب.

فاطمه راحتلهم:اى خدمه يا روسندا هانم؟؟

روسندا:اه هاتى لشمس وشاهيناز فطار واعملى كبايتين شاى.

شاهيناز:لا انا عايزه بيبس

روسندا:هاتى واحد شاى وازازه ببس.

شاهيناز:ضايت.

فاطمه:امرك يا هانم.

كرم رايح جاى قدام القصر وبيتكلم ف التليفون

شاهيناز سانده خدها على أيدها وبصاله بغرام:خيالى..

روسندا بصتلها بغل:ربنا يجعله من نصيبك يا روحى.

شاهيناز:يابخت اللى هيتجوزها..اللى هى انا انشاء الله

روسندا:ده انتى حلمك واسع اوى.

وتبص لشمس:وانتى يا روحى مش منمره على حد!؟

شمس بصتلها وبتاكل الاكل اللى جابته فاطمه:انا معنديش وقت أنمر على حد

شاهيناز:يا سلاااام...ووليد؟؟!

شمس شرقت وروسندا خبطتلها على ضهرها:ده شكل الموضوع بجد بقى.

شمس اتعدلت بكسوف :احم..بطلوا سخافه..ده مجرد صديق..

شاهيناز:صدييييق ...بأماره تسبيلك ليه كل ماتشوفيه عيونك بتطلع قلوب

روسندا هاصت مع شاهيناز:اووووووبس صاحبتى عيونها بتطلع قلوب وانا ماعرفش..

شمس:انتوا فاضيين بقى ومش لاقيين حد غيرى تحفلوا عليه ...ماهو اهتمام عم ماذن مش شويه .

روسندا بصتلها ورفعت حاجب واحد:اهتمام مين يا نور عينى.

شاهيناز:لا كلوا كوم وعم ماذن ده كوم تانى...ياختاااااى عمل عمل يعنى مفيش كلام..

ويضحكوا.

روسندا بصتلهم بغل :تصدقوا انكوا عيال واطيه ايه السماجه اللى انتوا فيها دى..يلا برا ومفيش اكل.

شمس:اخلص السندوتش طيب .

روسندا زأتهم فى اتجاه الباب:يلا من هنا نقصاكوا هى..

وتزأهم برا القصر وتقفل الباب:ايه اليوم اللى شبهه وششكوا ده.. كرررررم..ياللى اسمك كرررم انت..

كرم دخل القصر وبصلها ببرود.

روسندا وقفت بكبرياء وراحت وقفت قدام كرم وحدفتله مفاتيح العربيه وهى بتكلمه من طرف مناخيرها:جهز العربيه لحد ماغير هدومى...

كرم مسك المفاتيح وبصلها وهى طلعت على اوضتها..

روسندا غيرت هدومها لبست اللبس المخصص للتمرين ونزلت من اوضتها لكنها وقفت مكانها وكانت شبه مندهشه لما شافت كريم..

كريم بصلها ووقف قدامها ومدلها أيده بأبتسامه:عامله ايه يا روحى؟

روسندا لسه بصاله لكنها بعدت نظرها عنه وبتحاول تقاوم دهشتها ..سلمت عليه ورسمت ابتسامه خفيفه على وشها بتعبر عن ضيقها وأنها منسيتش اللى حصل ف اليوم ده..

كرم باصصلهم وملاحظ جدا تعبيرات روسندا .

روسندا:ازيك يا كريم..

كريم:على فكره انا اللى المفروض اضايق انك ترفضينى بالطريقه دى وقدام الكل انا اللى ليا الحق اضايق مش انتى .

روسندا بصتله بضيق :كريم الموضوع خلص انت ابن عمى وقرارى ف موضوع الجواز مش هيغير ده...

كريم اتنهد بعمق وبصلها:طيب...انا مش هضغط عليكى...بس هسيبلك فرصه تفكرى

روسندا بأسف ورفض:كريم ..

كريم مسك أيدها وقاطعها:متتسرعيش ف قرارك انا مش مستعجل...يمكن لما تقعدى مع نفسك وتفكرى تلاقى أن مصلحتك معايا..وارد يحصل

روسندا اتنهدت بعمق وأنزعاج

كريم:طيب انا همشى دلوقت وهبقى اجيلك ف وقت تانى امم..

باس خدها ومشى وهى فضلت بصاله وهو ماشى وكلامه بيدور ف بالها..

بعد ماركبوا العربيه ووصلوا للنادى اللى روسندا بتدرب فيه..

روسندا بتبص حواليها بأستغراب :فين المدرب!!؟؟

كرم وقف قدامها وهو لابس لبس المدرب(واللى عباره عن شورت وتيشرت)

كرم فتح دراعه وبصلها:انا المدرب..

روسندا بصتله سكتت للحظات وضحكت افتكرته بيهزر:نعم؟؟...هو عزام كال دماغك ولا ايه؟!

كرم باصصلها وتعبيرات وشه بتقول أن الموضوع مش هزار

روسندا بصتله بترقب:ده مش هزار هااا؟!!!

كرم هز رأسه بنفى

روسندا اتعدلت فوقفتها واتكلمت برسميه:احم...لحظه بس...يعنى ايه انت المدرب؟!؟

كرم:كل اللى فالموضوع ان عزام بيه محبش يكون فى مدرب وهو مش هيطمن عليه معاكى وكمان مايعرفش هو كويس ولا نيته ايه..ف قرر يعينى مكان مدربك ولانه شاف مهارتى ولياقتى البدنيه ولانى محترم وابن ناس ..اتعينت مدربك.

روسندا ضحكت بسخريه:هو بيهزر ولا بيخرف!!...ايه التخلف والهبل ده!

كرم بيتكلم ببرود:تؤتؤتؤ مش من الأدب والتحضر أبدا أن بنت زيك تشتم.

روسندا بعصبيه:مش انت اللى هتعلمنى الصح والغلط..

كرم :ده وقت التدريب..

روسندا:مش هدرب معاك ..ياريت تفهم كده

كرم رفع أكتافه بقله حيله وهز رأسه بإيجاب:طيب...لو انتى مصره يبقى هتصل بعزام بيه أبلغه انك مش عايزه تدربى ..

روسندا ضحكت بسخريه:بلغه هيعمل ايه يعني!!؟

كرم ببساطه وبرود:ولا حاجه...هيمنعك تدربى بس وهتقعدى ف القصر وجسمك يترهل زى اى ست مصريه .

روسندا بغيظ وغل:انت بتهددنى؟!!!

كرم هز رأسه بنفى:انا بقولك بس اللى هيحصل وانتى اللى سئلتى...على العموم مفيش مشاكل انا هتصل بعزام بيه وهقوله انك مش راضيه تتدربى..

مسك تليفونه جى يتصل بعزام لكن قاطعه صوتها.

روسندا بغل وغضب:هتدرب...

كرم بصلها وأبتسم بأستفزاز.

روسندا بصتله من طرف عيونها وبغل :بطل ...تضحك..الضحكه دى..

كرم بنفس الابتسامه المستفزه:حاضر.

روسندا دورت وشها للجهه التانيه وبهمس مسموع وغل:باااارد..

كرم بأستفزاز:ربنا يسامحك .

روسندا بصتله بغل وغضب وصوتت من كتر غيظها..

كرم كتم ضحكته وبداء يدربها ..

كرم:أنهى مدرب فاشل اللى كان بيدربك؟؟!

روسندا بصتله بغضب:وانت مالك!!

كرم:مش القصد بس ادائك ضعيف جدا.

روسندا رفعت حاجبها وبصتله بعند:ضعيييف!!

ضربته ف رجله بعنف وهو مسك رجله بألم وضحك:انتى عنيفه اوى على فكره.

روسندا:أداء مين اللى ضعيف بقى!

كرم بصلها بأبتسامه:بالنسبه لأدائى طبعآ ضعيف

روسندا ضحكت بسخريه :اممم...طبعآ لازم يكون ضعيف ماهو حضرتك الاحسن ف كل حاجه..

كرم ابتسم بأستفزاز:ده من ذوقك..

روسندا بصتله بعصبيه وغضب:قولتلك متضحكش الضحكه دى.

كرم ضحك وبصلها وهو رافع حواجبه:هو انا بضحك فوق دماغك لمؤاخزه

روسندا بتريقه:هاهاها ...طب مش مكمله تدريب..

سابته ومشيت وهو ضحك وراح غير هدومه ولحقها ...

شمس وشاهيناز واقفين عند البار ..

ماذن راحلهم :فين روسندا؟؟؟

شمس بصتله:ياااا اخيرا الباشا اتكلم..

ماذن بنفاز صبر:ردوا على سؤالى فين روسندا؟؟؟!!..انا بتصل بيها ومبتردش عليا ..

شاهيناز :هى مش هنا واكيد انت عارف انها مبتجيش عشان جوز امها ..

ماذن بصلها وبعد نظره عنها بعصبيه وتفكير:يعنى هى ف القصر؟؟؟!

شمس:لا هى ف النادى بتدرب.

شاهيناز بتريقه:انا مش فاهمه هى روسندا عملالك عمل ولا سحره عيونك ؟؟؟

ماذن بصلها بنفاز صبر :مش شغلك..

ويسيبهم ويمشى

شاهيناز بصاله وهو ماشى بغضب:باااارد .

شمس ضحكت:بلاش تشبكى مع ماذن لمصلحتك يعنى.

عند روسندا وكرم..

بعد مراحوا لنادى التينس .

روسندا بتبص حواليها بعد ماغيرت هدومها وهى ماسكه المضرب...

روسندا:انا هتدرب لواحدى النهارده ولا ايه!

سكتت للحظات وكانت عاجزه عن التفكير والكلام لما شافت قدامها كرم بلبس المدرب ..

روسندا بصاله وفاتحه بؤها بصدمه متملكاهه:انت ..بتهزر صح؟!!

كرم ابتسم ورفع حاجبه وهو ماسك مدرب التينس :عزام بيه وظفنى اكون المدرب الخاص بيكى ف كل حاجه ..

روسندا ضحكت بسخريه وعدم تصديق:لا ماهو عزام بيه كده بيحفر قبره بأيده..

ايه التهريج ده؟؟!!

كرم:اصل عزام بيه شاف انى..

روسندا قاطعته وكملت كلامه :شاف انك محترم وابن ناس وبلا بلا ويجى كل ده على دماغ اهلى انا!!؟

كرم:دى أوامر مقدرش اعارضها..(وبهمس مسموع) والحقيقه بقى الموضوع عاجبنى جدا.

روسندا بصتله ورفعت حواجبها:قول كده...

كرم بصلها بأبتسامه وشاورلها على المضرب :مش هتدربى ولا هتلغى التدريب ده كمان؟!!

روسندا بصتله بغل وبتستحلفله: لااا..اكيييد هلعب..

مسكت المضرب وبصاله بغل وهو حدفلها الكوره بالمضرب وهى صدتها

كرم ابتسم بأعجاب وبيهز راسه :شكلك بتعرفى تلعبى تينس.

روسندا:اماال ...ده انت هتشوف العجب..

بدئوا يلعبوا التينس وكل ماروسندا تحدفله الكوره بغل يصدها وده اللى بيجننها اكتر.

خلصوا لعب وركبوا العربيه عشان يرجعوا للقصر .

كرم بيسوق وروسندا بتلعب بتليفونها..

كرم بيبصلها ف المرابه من وقت للتانى:هو انا ممكن اسئلك سؤال؟؟؟

روسندا ماتحركتش ولا حركه بسيطه رفعت عيونها وبصتله ف المرايه:لا..

كرم أبتسم بأستفزاز:انتى هتوافقى تتجوزى كريم؟؟!!

روسندا فضلت بصاله للحظات وبعدت نظرها عنه:وهى دى حاجه تخصك ف ايه؟!!

كرم:طبعآ تخصنى مش لازم اعرف وأمن مستقبلى..

روسندا ضحكت بسخريه :ولما تعرف هيفيد مستقبل حضرتك ف ايه!!!؟

كرم:اكيد هيفيدنى هعرف انا هفضل حارسك انتى بس ولا هحرسكوا انتوا الاتنين ومرتبى يزيد..

روسندا بصتله بغل وغيظ:امم...يعنى انت بتسئل عشان مرتبك..

كرم ضحك وبأستفزاز:اكييد...امال عشان اغير مثلا!!...انتى دماغك شمااال..

روسندا بصاله بغل وغضب وبعدت نظرها عنه وهو بصلها فى المرابه وكتم ضحكته ..بيحب جدا يستفزها وبينبسط اكتر لما يلاقى محاولاته جابت نتيجه..

روسندا بصت للديسكوا وشاوتله عليه:اقف هناك..

كرم بصلها ف المرايه بأستغراب:احنا مش هنروح على القصر؟!!

روسندا:انت شغال عندى..ف ياريت تقف هناك من سكات ومتناقشنيش..

كرم بعد نظره عنها وبيفكر يتصل بعزام ولا يتصرف ازاى :امرك..

فاطمه خبطت على باب اوضه عايده ..

عايده: مين؟؟

فاطمه:انا يا عايده هانم ..فى شخص بيطلب يقابل حضرتك..

عايده بصت قدامها بأستغراب :شخص مين!!

فاطمه:معرفش يا هانم هو مارضيش يقول اسمه وقال انك اول ماتشوفيه هتعرفيه..

عايده:طيب روحى انتى وقوليلو جايه.

فاطمه:امرك يا هانم..

وتمشى من قدام أوضتها .

عايده خرجت برا الاوضه وراحت للصالون .

فاطمه راحتلها:اى طلب يا عايده هانم؟؟!

عايده بصتلها:شوفتيه يشرب ايه؟؟

فاطمه:ايوه وقال اعمله قهوه.

عايده:طيب اعمليلى انا كمان ..

فاطمه:امرك يا هانم.

مشيت وفاطمه كملت مشى لحد ماوصلتله وكان قاعد بضهره:احم..

.......وقف لما سمع صوتها ولف وهى اتصدمت وسكتت لما شافته.

هانى بصلها بأبتسامه:ازيك يا عايده...

عايده نظرها فضل متعلق بيه للحظات وبعدته عنه بسرعه لما اتكلم وبرسميه:ايه اللى جابك؟؟

هانى قرب وقف قدامها:جاى اشوفك..

عايده:جاى تشوفنى!!!!!...واحنا بينا ايه عشان تيجى تشوفنى!؟

هانى:عايده..

عايده بصتله وقاطعته:رد على سؤال..

هانى:انتى بتنكرى العشره اللى بينا!؟؟

عايده:مفيش عشره بينا عشان أنكرها اصلا ..العشره اللى بينا انتهت وماتت لما أطلقنا وبعدنا عن بعض ...فياريت تنساهه زى منا نسيتها وتتفضل تمشى من غير مطرود..

هانى:عايده اللى بتعمليه ده غلط احنا عندنا بنت على وش جواز وانا قدرت اوفرلكوا العيشه اللى هترتاحوا فيها وبقى معايا فلوس ومبطلبش منك اكتر من انك ترجعى لبيتك ونرجع عيله زى ماكنا.

عايده ضحكت بسخريه:عيشه ايه اللى قدرت توفرهالنا؟؟؟...هانى ياريت تصحى من الوهم اللى انت عايش فيه ده وتتأكد انى لا انا ولا بنتى هنرجع نعيش معاك ...ومش هسيب عيشتى هنا وارجع اعيش ف الفقر اللى كنت عايشه فيه معاك ..أما العيشه اللى قدرت توفرها دى وفرها لنفسك..وتتفضل تمشى قبل ما انجى ترجع وتشوفك

عايده بصوت عالى: فاااطمه...

فاطمه راحتلها بسرعه: نعم يا هانم؟

عايده شاورتلها براسها على هانى ومن غير ماتبصلها: وصليه لحد الباب.

هانى بصلها وبيحاول يقنعها بكلامه: عايده طريقتك دى هى اللى هتدمر بيتنا....وهتدمرى بنتنا.

عايده من غير ماتبصله: انا عارفه مصلحه بنتى فين ف ياريت تتفضل والا انا هنادى الحراس يخرجوك ..

وتسيبه وتمشى .

هانى باصصلها وهى ماشيه واتنهد بحزن وتفكير ..

فاطمه بصتله:اجيب لحضرتك القهوه؟!؟

هانى بصلها وهز رأسه بنفى:ملهاش لزوم...

ويمشى

فى الصعيد فى محافظة المنيا...فى بيت عيله الصياد بالتحديد.

حد خبط على باب البيت

خديجه بصت للباب وراحت فتحت..

خديجه فتحت الباب وابتسمت اول مشافت رحيم اتكلمت بأنبهار:رحيم!!

رحيم بصلها بأبتسامه:وحشتنى يا ابو سريع..

خديجه ضربته على كتفه بأنزعاج :رخم..

رحيم ضحك وحضنها.

سميره بتبص برا وبتحاول تشوف مين اللى جى:مين يا خديجه؟؟

رحيم دخلهم:يا مرحبا يامرحبا والله ليكوا واحشه..

سميره ابتسمت :حمدالله على السلامه يا حبيبى..

رحيم حضنها :وحشتينى يا سوسو ووحشنى أكلك..

خديجه:ده انت جيت عشان تأكل بقى

رحيم:ابو سريييع اسكت انت.

سميره:كرم مجاش معاك ليه !؟..هو مبياخدش اجازه من شغله؟؟

رحيم :والله انا قبل ماجى روحتله وسألته هتيجى معايا قالى ماينفعش اخد اجازه دلوقت ف سيبته وجيت.

سميره بحزن وافتقاد: والله واحشنى ..

رحيم:وبالنسبه للكأن اللى واقف قدامك مبوحشش حد انا؟!؟

سميره ابتسمت وبصتله:انت قلبى كله..

رحيم:اااه كلى بعقلى حلاوه يا سوسو..ماشى يا ست الكل ...بقولك ايه يا خوخه متعمليلى كبايه شاى وحضريلى لقمتين اخوكى جاى واقع.

خديجه:دلوقت بقيت خوخه عشان عايز حاجه بس.

رحيم ضحك: ده انتى احسن خوخه يا خوختى..

خديجه:ده انت ممثل ايه..بس ماشى هطلع اجدع منك وهعملك اكل.

رحيم ابتسم وبصلها:وعشان انتى شطوره تستاهلى دى..

ويفتح شنطه هدومه ويخرجلها علبه هدايه.

خديجه خدت العلبه بسعاده:دى هديه ليا انا؟؟!

رحيم:افتحيها.

خديجه فتحتها لقت سماعه بيست ابتسمت بسعاده وبصتله:دى السماعه اللى كان نفسى فيها..انت احسن اخ بجد.

وتحضنه جامد

رحيم بص لسميره بأبتسامه :واطيه..

عزام جاله اتصال مسك تليفونه ورد..

عزام:الو..

..........:عزام بيه معايا؟؟

عزام:ايوه مين انت!؟؟؟

...........:مطلوب استدعائك لمحكمه٭٭٭٭..

عزام بأستغراب:استدعائى للمحكمه!!...ليه؟؟

..........:رجل الأعمال عادل بيه رافع على حضرتك قضيه..

عزام فهم سبب القضيه وافتكر كلام عادل وتهديداته ليه.

عزام:طيب ..انا جاى..

قفل الخط واتنهد بعمق ووقف يعدل بدلته وبيلم حاجته اللى على المكتب بيحطها ف جيبه ...خرج برا المكتب وبيبص حواليه

امير راحله:عزام بيه فى ورق عايز حضرتك تمضى عليه..

عزام بصله:فين رحيم؟؟

امير:هو مش قايل لحضرتك النهارده يوم إجازته اللى بينزل فيه الصعيد..

عزام افتكر وهز رأسه بإيجاب:صح انا نسيت خالص..

جى يمشى امير وقفه:الورق .

عزام بصله بعدم تركيذ:بعدين أجله انا ورايا مشوار مهم دلوقت ..

ويمشى

انجى خرجت برا المكتب وبصتله وهو ماشى وبصت لامير بترقب:هو عزام بيه راح فين؟؟

امير بصلها وقبل شفايفه ورفع اكتافه.

انجى :طيب ممكن تخلى بالك من المكتب لحد مارجع..وياريت لو عزام بيه سئل عليا تقوله اى حاجه..بس متقولش انى مشيت...ده من مصلحتك لو عايز تكمل شغل هنا.

وتسيبه وتمشى.

امير باصصلها وهى ماشيه :لو كان رحيم هنا كان عرف يرد عليكى .

فى الديسكوا.

روسندا جات تدخل بصت لكرم اللى وقف مكانه ومرافض يتحرك خطوه.

روسندا رفعت حاجبها وبصتله وبأستهزاء:ايه مش ناوى تدخل معايا؟؟!

كرم هز رأسه بنفى وبهدوء:ده مكان كله مليان بالمعاصى وانا طريقى مختلف عن الطريق ده.

روسندا ابتسمت بأستهزاء:يااا اخيرا لقيت حاجه واحده مش هتلازمنى فيها.

كرم بصلها:بس فى حاجه صغيره مش واخده بالك منها.

روسندا كشرت وميلت راسها وبتسمعه.

كرم رفع حواجبه وشاورلها بعيونه على هدومها.

روسندا بصت لهدومها وأفتكرت أنها لابسه هدوم التدريب

كرم أبتسم بأستفزاز:ايه مش هتدخلى؟؟؟

روسندا بصتله بغضب وزأته بعنف :انت بنى ادم بارد ورخم..

كرم رفع حاجبه بأستفزاز :ياااا هو انا اللى قولتلك ماتدخوليش!!

روسندا زأنه بعيد عن طريقها وراحت ركبت العربيه بأنزعاج وغضب

كرم ابتسم بأنتصار وراح ركب العربيه وساق

روسندا قاعده مكشره وهو ملاحظها من اول ماركب.

روسندا جالها اتصال من عزام...مسكت تليفونها وردت.

روسندا:يا نعم..

عزام اتنهد بعمق:انتى فين؟؟

روسندا:ف داهيه ...الا قولى يا عزومى مش عيب بردو اللى عملته ده...بس كلامنا مش دلوقت لما اشوفك..

عزام: روسندا مش وقته الكلام ده..انا دلوقت رايح المحكمه ابوكى المحترم رفع عليا قضيه.

روسندا بصت قدامها بدهشه وقلق:اا..انت بتقول ابويا ليه ده مش ابويا وبعدين يرفع عليك قضيه بتهمه ايه؟؟!!

عزام:واللهى علمى علمك...انا دلوقت رايح المحكمه وهفهم كل حاجه...بس أنا عايز اقولك لو اتصل بيكى وطلبك ف المحكمه متروحيش.

روسندا بتحاول تفهم اللى بيفكر فيه بطريقه غير مباشره واتكلمت بترقب:اا..وليه هو انا صغيره مش هعرف اتصرف؟؟!!

عزام بأنزعاج من مجادلتها:مش مسأله صغيره وكبيره انا بس مش عايز وشك يظهر ف المحاكم دى حاجه مش كويسه يا رسوندا .

روسندا بأبتسامه:امم..يعنى انت خايف عليا..

عزام:اكيد مش بنتى.

روسندا:يااا رومانسى

عزام:انتى فاضيه بقى..يلا سلام عشان وصلت المحكمه..

روسندا:طيب لما تخرج ابقى اتصل قولى ايه اللى حصل..

عزام:حاضر..

روسندا:متنساش هاا..

عزام:طيب خلاص عرفت يلا سلام..

ويقفل الخط ..حط التليفون ف جيبه ونزل من العربيه دخل المحكمه..وبعد مادخل لمكان وجود عادل ومصطفى .

القاضى:عادل بيه رافع قضيه عليك بيقول انك واخد منه بنته ولما حاول يتفاهم معاك وياخدها تعيش معاه انت رفضت واعتديت عليه بالضرب..

عزام بصله وبص لعادل اللى بيتجاهله.

عزام بص للقاضى تانى:تسمحلى اتكلم؟

القاضى:اتفضل..

عزام:انا فعلا موافقتش اسلمله بنته ..وفعلا ضربته.

مصطفى بص لعادل وبص لعزام

عزام:بس حضرتك مسألتش نفسك ليه اصلا بنته عايشه معايا؟؟...بنته عايشه معايا عشان هى عايزه كده ...بنته مبقتش قاصر وهى بتاخد قراراتها بنفسها ..ووجودها معايا ده قرار منها ...وبعدها عنه ورفضها للعيشه معاه ..ده بردو قرار منها..انا فعلا رافض أنها تعيش معاه ورافض وجودها معاه...بس لو انا عايز أو مش عايز كده ..القرار ف الآخر ليها هى وانا مضربتهاش على أيدها وقولتلها ابعدى عنه أو متبعديش...وهرجع واقول لحضرتك انا لو عايز اجيب بنته هنا هتقول نفس الكلام اللى انا قولته ده بس أنا مش حابب تواجدها هنا ومش حابب اشحطتها ف المحاكم...(لف رأسه وبص لعادل واتكلم) زى ماباباها عايز كده..

عادل باصصله بكيد ووقف فجاه:انت بتحاول تستفزنى واللى بتعمله ده مش لمصلحتك يا عزام ..

القاضى:عادل بيه اللى بتعمله ده مخالف للقانون اتفضل اقعد

عادل بصله:انا عايز بنتى ترجع تعيش معايا انا بطلب من المحكمه ترجعلى بنتى حتى لو هعيشها فالشارع دى بنتى وانا حر فيها..

القاضى:عادل بيه بالطريقه دى هتخرج برا المحكمه...اتفضل اقعد ارجوك.

مصطفى شد عادل قعده

عزام بص للقاضى:حضرت القاضى انا بس عايز اقول كلمتين ...عادل ساب روسندا معايا من وهى صغيره ..كبرت واترتب ف بيتى ...وبعد العمر ده كله ..جاى بيطالب أنها تعيش معاه وكمان من غير رضاها!

القضاه بصوا لبعض وبيتشاوروا :هيتم استدعاء روسندا للاستماع لرأيها...رفعت الجلسه..

عزام بص للقاضى وكان باين على ملامحه الانزعاج

مصطفى همس لعادل بأنزعاج وغضب:غلط كل اللى عملته ده غلط..

خرجوا من المحكمه وعزام راح وقف مع عادل.

عزام:عادل ملوش لزوم اللى بتعمله ده عيب اوى روسندا تقف ف محاكم...والعيب الأكبر أن الناس يعرفوا أن ليها جوز ام ...انت كده بتدمر حياه بنتك.

عادل ضحك بسخريه وبصله بعند:صح عيب أن الناس يعرفوا أن ليها جوز ام بس على الاقل يعرفوا انى انا ابوها ..مش انت..

عزام بيحاول يقنعه:وايه اللى هيتغير لو عرفوا انك ابوها!..اللى متغيرش من سنين مش هيتغير دلوقت..اسحب القضيه وكفايه اللى بتعمله ده انا عامل على مصلحه روسندا ولو انت فعلا عايز مصلحتها اسحب القضيه واقفل الموضوع لحد كده وقبل مايكبر.

عادل:انا اللى اقول يتقفل ولا يتفتح..وانت ملكش الحق تحكم ف حاجه خاصه بيه وف موضوع انا اللى بدأته...ووقت ماحب انهيه هينتهى.

عزام:المواضيع دى مفيهاش عند ...ولو فى اشكال بينى وبينك نحله مع بعض ..حرام لما تدخل روسندا ف مشاكل زى دى وتبوظلها مستقبلها..

عادل :انا مش هتنتزل عن قرارى...زى منا مش هتنهتنازل عن القضيه ...وحضرلك محامى يخرجك منها..

ويسيبه ويمشى

عزام اتنهد بأنزعاج وغضب

بعد معادل وصل لفلته ومصطفى معاه..

سمر بفضول:ايه عملتوا ايه؟؟

عادل قعد على الكنبه براحه وفرد أيده على ظهر الكنبه:هيستدعوا روسندا للمحكمه.

مصطفى بأنزعاج وعتاب:غلط وأكبر غلط اللى عملته ده ..مكنش ينفع ترفع قضيه على عزام بيه ..لان هو اللى هيكسبها ف النهايه روسندا عمرها مهتقول أنها عايزه تبقى معاك وده بناآ على كلامها قصادنا..لو روسندا راحت المحكمه انت اللى هتخصر انا مش فاهم دماغك كانت فين وانت بترفع عليه قضيه زى دى!؟؟

عادل بصله بتفكير:اهو اللى حصل انا كنت مغلول منه وكنت مستعد اعمل اى حاجه يتأذه بيها..

مصطفى:هو مش هيتاذه ولا حاجه انت اللى هتشيل مصاريف على الفاضى وف الاخر هو هيطلع منها بمنتهى السهولة...ولا هتفرق معاه ف حاجه...وعلى رأيه مش هتاخد غير شحطته بنتك ف المحاكم

عادل:انت معايا ولا معاه؟؟؟

مصطفى بيحاول يقنعه بكلامه:مش مسئله معاك ومعاها ...انا بقولك مصلحتك انت واللى عملته ده لا هيقدم ولا هيأخر..

عادل بعصبية:مهما كان تصرفى اتسرعت أو لا بس أنا مش هسكت ومش ههدى الا لما ادى عزام اللى طالعلى فيها اوى درس مينساهوش واقرص ودن روسندا المستئويه بيه..واعرفها انى سايبها بمزاجى .

مصطفى:انت تسرعك ده مش هيكسبك حاجه بالعكس هيضرك ..لازم تفكر مع نفسك...وبعدين انا شايف عن عزام عنده حق بعد كل العمر ده وانها اتربت معاه من وهى صغيره لحد ماكبرت تيجى انت ف النهايه عايز تاخدها منه..

سوسن:مصطفى بليز أخرج انت برا الموضوع ده كلنا شايفين أن عادل معاه حق وكمان دى بنته هو حر فيها انت مش شايف بقت عامله ازاى عيارها فلت على الاخر والاسم أنها مع جوز امها..

مصطفى:سوسن ياريت متدخليش انتى ..زى مابنبص للموضوع من جهة وشايفين ان عادل عنده حق ف لازم نبصله من كل الجهات ..زى ماروسندا غلطانه من وجهه نظر الكل وزى ماشوفنا غلطها لازم نشوف ايه سبب غلطها...ماظنش ان حد منكم هيفكرلها كده لأنكوا بتطلعوها زى مانتوا عايزين...انا معاكوا هى غلطت لما ردت على عادل بطريقه مش كويسه وهانته قدام الكل ...بس هى ليه عملت كده!..مفكرتش انت يا عادل تتكلم معاها وتشوف ايه سبب كرهها اتجاهك؟؟..لا لأنك عارف وحتى محاولتش تغير من نفسك أو من فكرها اتجاهك.

سمر ضحكت بسخريه:حتى لو هو مش عايزها تقعد معاه...عرف غلطه وبيقولها دلوقت تيجى تقعد معاه ...كفر؟؟

مصطفى قاطعها بصرامه:سمر ممكن متدخليش دى مشكله عائليه .

سمر بصتله بغل ومسكت السيجاره بتولعها .

عادل بصله:سمر من العيله هى ف مسابه امها وليها الحق تتكلم

سمر بتنفخ دخان السيجاره بغل وهى باصه لمصطفى ومتعصبه من طريقته معاها..

مصطفى:عادل انت بتتكلم وكأنك متعرفش بنتك ... روسندا مبتنساش مش روسندا بس ..اى حد مر بظروف صعبه ف حياته مهما كانت الظروف اللى هيمر بيها بعدين بس مبينساهاش....وروسندا فاكره كل حاجه حصلت وهى صغيره وفاكره لما كانت بترجع من المدرسة بتلاقى امها تعبانه ومرميه على الأرض وانت مش موجود تتصل مبتردش او ترد وتقولها مشغول وهى بتكون عارفه انك مع سمر روسندا مابتنساش ولحد دلوقت اللى ف قلبها وعقلها بيظهر مع معاملتها ليك .. روسندا مكرهتكش من يوم وليله انا اكيد مش هقول الكلام ده قدامها...بس على الاقل لازم تكون عارف غلطك ومعترف بيه..

الكل ساكت ومش عاجبهم كلام مصطفى.

مصطفى:عارف ان كلامى مش هيعجب حد فيكوا ..بس هو ده الصح...انا وجهتك للطريق وانت معلكش غير انك تمشى فيه..يلا يا سوسن..

مشى وسوسن وقفت وسلمت على سمر:عادل سيبك من كلام مصطفى واعمل اللى انت شايفه...

سمر بصتلها وبصت لعادل.

سوسن مشيت وعادل حط أيده على جبينه بحيره وتفكير

سمر بصاله :ناوى على ايه؟!...هتسحب القضيه زى ماعزام بيه عايز؟؟

عادل بصلها بحيره وتفكير

سمر بتسخنه:هو شاكك انك ضعيف ومتقدرش تعمله حاجه...ولما تسحب القضيه انت كده هتثبتله انك فعلا كده.

عادل بصلها وبيشاور عقله يعمل ايه!!

*********************
إلي هنا ينتهي الفصل الخامس من رواية المؤامرة بقلم منة محسن
تابعوا صفحتنا على الفيس بوك للمزيد من روايات كاملة
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة