-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية غرام حمزة بقلم ميرا إسماعيل - الفصل السادس

 مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة ميرا إسماعيل ؛ وسنقدم اليوم الفصل السادس من رواية غرام حمزة بقلم ميرا إسماعيل هذه القصة مليئة بالعديد من الأحداث والمواقف المتشابكة والمعقدة من الرومانسية والإنتقام والكراهية

رواية غرام حمزة بقلم ميرا إسماعيل - الفصل السادس


رواية غرام حمزة بقلم ميرا إسماعيل
إقرأ أيضا: قصص قبل النوم 

رواية غرام حمزة بقلم ميرا إسماعيل - الفصل السادس

 فى منزل غرام


غرام برعب ... لا اكيد لاء


خالد بحزن ... مش هنخسر حاجة نتطمن لازم تكشفى

غرام كانت فى دنيا تانية معقول تكون حامل طب ازاى توجه الناس ازاى تجيب الدنيا إبن حرام

خالد ... غرام بقولك البسي يلا ننزل نطمن

غرام ... انا خايفة قوى

خالد بقوة مصطنعة .... متخافيش ربنا معانا وكله خير ان شاء الله

غرام دخلت غيرت. الاتنين دعاء صامت يارب ميكنش حمل ويكون دور برد فعلا


خالد خد غرام للدكتورة وطلبت منهم تحليل

وفعلا عملو التحاليل واقفين مستنين النتيجة وكل واحد غرقان فى افكارة

خالد .... ياريت وافقتى نعمل محضر ياريت يا غرام كنت اقوى من كده لو طلعتى حامل هتعملى ايه ؟؟؟؟!!!!!

غرام ... يارب انت عامل بحالى بلاش اطلع حامل أنا مش هستحمل يارب ارحمني وارفع عنى الهم يارب

وخرج الممرض واعطى خالد النتيجة

خالد فتح الظرف بأيد بتترعش وطبعا النتيجة كانت صدمة

غرام برعب ... مش حامل صح خالد انا مش حامل

خالد ... لارد

غرام .... رد يا خالد عليا إيه النتيجة

خالد بيحرك راسه بمعنى لاء

غرام ... لاء ايه لاء إيه وبعصبية رد عليا

خالد ... حححامل

غرام حست بدوار .مكنتش قادرة تقف وبتردد بهمس حامل ليه ؟ بيحصل ده انا عملت ايه علشان يحصل فيا.كده انا سكت علشان الفضيحة تقوم الفضيحة تيجى اقوى يارب

خالد سندها وقعدت على الكرسي

غرام .... هعمل ايه ؟ هعمل ايه يا خالد اروح فين ؟

خالد .. عمرو لازم يعرف لازم لازم يا غرام انكم

غرام بخوف ... لازم ايه يا خالد ها لازم يصلح غلطته هو اللي بياخد حاجة فى الضلمة يوافق علي النور أنت اكتر واحد عارف اخوك وعارف كام بنت راحت بسببه أنا هنزله ايوة دا الحل الوحيد

خالد كان موجوع عليها ومنها رد عليها بعصبية

خالد .... لوكنت سمعت الكلام كان زمان كل حاجة انتهت لكن دلوقت عايزة تموتى روح ملهاش ذنب فى اى حاجة غير ان ابوه مستهتر وامه ضعيفة

غرام بصدمة ودموع.... ضعيفة أنا ضعيفة انت مش عارف حاجة لو أنا ضعيفة كنت موت نفسي أو اقل حاجة اتجننت من اللي حصل عارف انا حصل فيا إيه ابوى وشرفى راحو فى اقل من ثانية أنا كنت بجهز ل كتب كتابى أنا وحمزة عارف حسيت ب ايه واخوك بياخد منى عمرى مش شرفى بس حسيت ب الكسرة و القهر حسيت أنى اتعريت غرام اللي كانت بتتخانق مع حمزة علشان مسك ايدها ودموعها تجرى علي خدها جى اخوك وسمح لنفسه مش انه يلمسنى وبس لا عمل اللي اسوء من اللمس عارفة أن لغاية دلوقت شايفة أن مش نضيفة ومش عايزة اقرب من حد علشان ميتوسخش منى عارف إن لغاية دلوقت بدخل الحمام أحاول اشيل اى اثر لانى مقتنعة انه اثار ايده على جسمى كل دا وتقول ضعيفة لا يا خالد انا مش ضعيفة انا لوحدى يا خالد مفيش عندى سند ولا ضهر الناس كانت هتاكل لحمى وتنهش سيرتى عمرو مش هيعرف لأن هو بالنسبة ليا حرامى واللي فى بطنى هنزله ودا اخر كلام واه خرج نفسك من الموضوع اصلا انسا اللي سمعته وعرفته انسا غرام أصلا لأن غرام انتهت من يوم ما اخوك كسرها وعراها

ومشيت من قدام خالد

خالد كان كل كلمه منها بتكسره هو بتكسر خالد الحبيب اللى حارب مشاعره ليها علشان حمزة علشان يجى عمرو ويعمل كده

وبتكسر خالد الراجل لان رجولته مش سامحه ليه أن يشوف غرام بالشكل دا كان من أكتر احساسه بالضعف عنده يقين لو شاف عمرو حاليا هيقتله فعلا ومشى هو كمان ومش عارف يفكر

وفضل يتمشى يمكن يلقى حل

أما غرام فضلت تلف علي الدكاترة وكان الرد انه حرام او لازم موافقة الزوج لغاية اما ممرضة قالت ليها علي دكتورة تحت السلم بتعمل العمليات دى وفعلا راحت ليها غرام واتفقت انها تيجى.تانى يوم بليل علشان العملية وراحت غرام على بيتها


😯😯😯😯😯😯😯😯😯😯😯😯.😯😯

فى دمياط

فى قسم الشرطة

حمزة بغضب .. أنا لازم آخد اجازة لازم أنزل حتى لو 24ساعة

ياسين زميل حمزة ... انت عارف راى الباشا متخيل وأنه كده بيحفزنا علشان نشتغل اكتر

حمزة ... يحفزنا انا مش عارف اشتغل اصلا مش قادر اركز لو حصلت هسافر من غير اذن

ياسين ... معقول بتحبها قوى كده

حمزة ... واكتر دى حلم عمرى نفسي ربنا يجمعنا على خير يا ياسين مع أن من يوم عم محمد مات وانا قلقان ماما بتقول تصرفتها غريبة

ياسين .... اعذرها انت بتقول هو اللي فاضل ليها دا طبيعى بكرة تسافر وتخدها فى حضنك يا عم الحبيب

حمزة .... هههههه ضحكتني

ياسين ... اللي يضحك فى اللي قولته

حمزة ... انا لو مسكت ايد غرام يبقا خير وبركة انت مش عارف بتخاف من ربنا ازاى وديما اى تصرف فى تجاوز علي طول تعيط وتقول انه حرام و صاحبك بيضعف قدام دموعها

ياسين ... معقول فى بنات كده دا البنات اليومين دول اعوذ بالله ناقص يتحرشوا ب الواحد فى الشارع

حمزة ... مش كلهم يا ياسين قولى وانت عملت ايه

ياسين بيأس ... هعمل إيه هى متعلقة ب واحد مش بيفكر فيها والمصيبة الأكبر انى بسمع كلامها عنه وبسكت والحجة أننا اخوات معرفش هتعرف امتا أنى بعشقها مش بس بحبها

حمزة ... معلش بكرة تروق محدش عارف الخير فين يلا نجهز ر

وقام ياسين وحمزة علشان يجهزوا للعملية

👊👊👊👊👊👊👊👊👊👊👊👊👊👊

انتهى الليل بعذاب علي الكل اللي اتعذب من الكسر واللي اتعذب من الفراق واللي اتعذب بحب من طرف واحد

وجاء اليوم التانى وفضلت غرام تصلى وتدعى ربنا يسامحها علي اللي ناوية تعمله وهى بتصلى الباب خبط قامت تفتح كانت فكرة ان فاطمة هى اللي علي الباب بس اول ما فتحت كانت الصدمة اللي اتحولت ل رعب وخوف

عمرو ... غرام اذيك وحشتينى

غرام برعب ... اااانت عععايز ايه اممممشي من هنا اااطلع بررره

عمرو ... غرام أنا جاى اتكلم معاكى فى حاجة مهمة لو جاى اذيكى مش هاجى ل النهار

غرام بشجاعة مصطنعة .. انت عايز منى ايه تانى مش خدت اللي عوزه

عمرو بندم ... غصب عنى كنت هموت لو اتجوزتى حمزة كان لازم تبقى ليا وعموما مش مهم اللي حصل انا هنسيكى اللي حصل أنا جاى اقولك أنى هكلم الحج وبليل هاجى ونتجوز

غرام بصدمة ... أنت بتقول ايه انت شارب حاجة

عمرو ... لاء يا غرام انا بطلت شرب وهبقا إنسان تانى أنا إللي عملته علشان اضمن انك تبقى ليا

وبيقرب عليها بيحاول يمسكها غرام بتبعد برعب

غرام ى... ااابعد وإلا وربنا هقتلك اطلع بره وأنا مش هتجوزك سامع بره

عمرو بشراسة ... طب اسمعى بقا لو متجوزناش هقول اللي حصل بنا للكل وابقى خلى حضرة الظابط ينفعك

غرام ... محدش هيصدقك

عمرو ... أما اقول علي العلامات اللى فى جسمك علامة علامة هيعملو إيه ؟

غرام .... ااانت ايه حرام عليك أنت عايز ايه تانى منى ارحمني مش كفاية بسببك ابويا مات وقتلتنى ارحم يا عمرو وسبنى فى حالى

عمرو ... اعملى حسابك عندك فرصة لاخر الاسبوع لو موافقتيش يبقا هتجوزك بس بعد ما اعملك فضيحة متعرفيش ترفعى راسك بعدها 100سنة قدام ودا اخر كلام عندى يا غرام حرم عمرو المنياوى قريب

وسابها وخرج

غرام .... اعمل إيه اروح فين ولمين يارب ليه بيحصل فيا كده انا عمرى ما عملت حاجة غلط وفضلت تعيط لغاية ما جت ليها فكرة


غرام .... أيوة أنا لازم امشى أنا أعمل العملية و بعدها ابعد عن هنا خالص


😭😭😭😭😭😭😭😭😭😭😭😭😭😭

عند خالد فى مكتبه


خالد ... سهر أنا هقبل الشغل بتاع بور سعيد

سهر بصدمة.... إيه ؟ طب وانا والمكتب

خالد ... سهر المكتب هيفضل زى ما هو أنا هكون معاكى لو فى حاجة صعبة

سهر ... بتهرب من إيه يا خالد ومن مين ؟

خالد ... انا مش بهرب يا سهر انا خدت قرارا وهنفذه مهما كان التمن

سهر ... قرار إيه ؟

خالد بغموض ... قريب هتعرفى

سهر ... واهلك عرفوا

خالد... لسه هروح اقول ليهم بس فى مشوار مهم الاول لازم اعمله

سهر بدموع ... يعنى خلاص انت مصمم

خالد ... سهر أنت عارفة أنى كنت هعمل كده

سهر .... بس اجلت لحد ما غرام تتجوز ليه السرعة دلوقت

خالد ... دا انسب وقت وعد يا سهر هحكى ليكى بس دلوقت صعب جدا


سهر .... اللي يريحك يا خالد

وخرج خالد وهو واخد قرار مفيش منه راجعة لازم ينقذ غرام مهما كان التمن وساب وراه قلب بينزف من حبه

👊👊👊👊👊👊👊👊👊👊👊👊👊👊

جاء الليل سريعا

جهزت غرام اشياءها فى شنطة وخرجت من البيت حيث اللاعودة اتجهت الي العياده

خالد كان وصل وشاف غرام وهى خارجة بشنطة هدومها واستغرب وقرر يمشى وراها


وصلت غرام للعيادة ودخلت ودفعت الفلوس وطبعا اول ما دخلت الرعب اتملك منها

وخدتها الممرضة للعملية

فى الخارج

خالد .. جاية ل مين هنا يا غرام ؟ وناوية علي ايه؟ ونزل من العربية يسأل اى حد عن العمارة لكن لفت نظرة لوحة صغيرة مكتوب عليها عياده نسا

وعرف غرام ناوية علي ودخل جرى يمكن يلحق المصيبة قبل حصولها

فى الداخل

غرام دخلت مع الممرضة اللي شكلها لوحدها يرعب كانت سيدة ثمينة بشكل مبالغ فيه دخلت غرفه العمليات اللي كان آثار الدم علي الارض وعلي السرير

غرام اول ما شافت كده بدأت فى العياط

الممرضة ... اطلعى يا اختى خايفة دلوقت مخفتيش وانت بتعملى العمله يا اختى هو دا اللي انتم فالحين فيه تعملو المصيبة وترجعو تعيطوا

طلعت غرام علي السرير وهى ميته من الرعب ودخلت الدكتورة

الدكتورة ... هى لسه متخدرتش اخلصى خدريها

الممرضة .... حاضر اصل هى اول مرة فكانت خايفة

الدكتورة ... دلوقت خايفة فكى حجابها و خدريها خلينا نخلص

وفعلا بدات فى تخديرها وبدأت غرام النوم بسبب المخدر وعلامات الرعب علي وجهها

*********************
إلي هنا ينتهي الفصل السادس من رواية غرام حمزة بقلم ميرا إسماعيل
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة