-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية غرام حمزة بقلم ميرا إسماعيل - الفصل السابع عشر

 مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة ميرا إسماعيل ؛ وسنقدم اليوم الفصل السابع عشر من رواية غرام حمزة بقلم ميرا إسماعيل هذه القصة مليئة بالعديد من الأحداث والمواقف المتشابكة والمعقدة من الرومانسية والإنتقام والكراهية

رواية غرام حمزة بقلم ميرا إسماعيل - الفصل السابع عشر


رواية غرام حمزة بقلم ميرا إسماعيل
إقرأ أيضا: قصص قبل النوم 

رواية غرام حمزة بقلم ميرا إسماعيل - الفصل السابع عشر

 في منزل حمزة الشهاوي

حمزة صحي،من النوم علي صوت الفون ورد

،،،،، يا باشا انا عملت اللي طلبته مني،واتحطوا كلهم تحت المراقبة

حمزة: تمام عينك عليهم واي حاجة حتي لو صغيرة بلغني علي طول

،،،،، تحت امرك يا باشا

وقفل معاه وبص جنبه وكانت غرام نايمه في حضنه ومتمسكه بيه كانه طوق النجاه

حمزة فضل يلعب في شعرها وسرحان فيها وقد ايه اتظلمت فجاءه جاله سؤال وجعه قوي غرام كانت مرات خالد علي الورق ولا

غرام صحيت وشافته سرحان. : مين واخد عقل حبيبي

حمزة: انت حتي،وانت في،حضني،واخده عقلي

غرام بخجل: انا معاك مفيش،داعي للتفكير

حمزة: عندي سؤال نفسه اسأله وخايف من اجابته

غرام: خلاص متسالوش،طالما عارف انه هيجيب وجع بلاش

حمزة: انا عايز اسأل وارتاح وخايف الاجابة توجعني وخايف الاجابة تكسرني

غرام اتعدلت: تكسرك ايه السؤال دا؟

حمزة: هتجوابي،بصراحة؟

غرام: انا اتعلمت الدرس كويس،عمري ما هكدب عليك لانك اماني

حمزة اتنهد: انت وخالد علاقتكم كانت ازاي

غرام: احم كانت عادية

حمزة: عادية ازاي كان جوزك فعلا

غرام: سكتت لان فعلا معندهاش اجابة هتقول ايه ايوة كان جوزها بس،عمرها ما حست معاه اللي حسته مع حمزة امبارح انها كانت بترد جميل ل خالد اللي عمله فيها

حمزة سكوتها فهمه: قرب عليها ومسك وشها واذا قلت مش فارق،معايا عارفة ليه؟

غرام: تؤ ليه؟

حمزة: علشان امبارح كنتي معايا لسه كانك اول مره فاهمة

غرام بخجل: فاهمة يلا نقوم بقا شكلنا وحش يقولو علينا ايه

حمزة: انفجر من الضحك شكلنا وحش عند مين امي وابويا دول من امبارح مسمعناش ليهم نفس لو حد اتكلم هقوله بعمل زيكم هههههههههه

غرام: حححمزة كده عيب ارجوك

حمزة: خلاص سكت مش هتكلم وفعلا سكت ومرة واحده قالها ايه دا

غرام بخضة: ايه في ايه؟

حمزة: انا ازاي انسا الموضوع دا؟

غرام: موضوع ايه ؟

حمزة: موضوع مهم كان لازم تعرفيه امبارح ولازم تعرفيه بسرعة

غرام لسه هترد حمزة كان خدها ل عالمه عالم غرام حمزة

يلا بره يا اختي عندنا روايه عايزين نكملها 😂


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


في منزل ياسين:

ياسين: يا صباح الفل علي احلي سهر ومليكة في الدنيا

سهر: صباح الفل يا قلبي

مليكة: ب با ب با

ياسين بفرحة: ايه دا دي قالت بابا بتنادي،عليا

سهر: بغيظ اه شفت انا احمل واولد واتعب واول متنطق تقول بابا وانا ايه مرات ابوكي

ياسين وهو بيشيل بنته: انت احلي ام بس البنات كده يا قلبي عندهم ميل ل ابوهم مش اكتر لكن انت احلي ام وبكره تبقوا صحاب وانا اطرد بره

سهر: لا مقدرش دا انت حبيبي

ياسين: ادعي عليك ب ايه يا حمزة

سهر: ليه

ياسين: لو كان موجود في،الشغل كنت خدت اجازة وبعد حبيبي دي كنا جبنا ل مليكة اخ حلو كده

سهر: هههههه قربت عليه بدلع طبعا حبيبي وروحي انت دنيا عيشتها بعد ما كنت فاكره ان خلاص ضعت

ياسين: ايام وراحت بلاش نفتكرها بقولك ايه ما تيجي نسيب القسم والمجرمين ونطلع فوق

سهر: تؤتؤ مش هينفع علشان انت الامن والامان

ياسين :وهو بيحط بنته في السرير بلا امن ولا امان وشال سهر وطلع علي غرفتهم

يلا يا قطة عيب احنا محترمين بلاش كده 😂

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


في منزل عمرو

عمرو كان خارج

زينب بلهفه: عمرو استنا هاجي معاك

عمرو: تيجي فين ؟

زينب: عند ماما حسنات

عمرو: ودا من امتا بقا

زينب: من النهارده هنزل معاك نروح هناك افضل طول اليوم هناك وانت راجع نرجع سوا

عمرو: بشك ناوية علي ايه يا زينب

زينب: انا مش ناوية الاول غرام كانت هناك وشايله ماما دلوقت غرام مشيت وانا اللي موجودة وهفضل دايما موجودة

عمرو: غرام هترجع كلها كام يوم وترجع

زينب: تبقا غبية وغرام هبله صحيح بس مش غبيه

عمرو: ززززينب

زينب: خلاص سكت يلا ننزل ومن غير كلام لان هروح يعني هروح تحب بقا نروح سوا ولا تستعد ل اسألته ماما مجبتش مراتك ليه بعيد عنها ليه

عمرو: اكتمي نفسك خالص امشي قدامي ربنا يخدك ويريحني منك

زينب: دا بعدك انا علي قلبك يا قلبي

عمرو: كت وجع في قبلك

ونزلوا الاتنين وراحوا بيت فرج

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

في مكان مجهول

،،،وبعدين يا معلم عايزين نخلص بقا ونقيض احسن الحال واقف والدنيا ناشفه

؛؛؛؛؛ نعمل ايه جوزها طلع مصيبة مش عارفين نوصل ليهم خالص بس لازم حل وقطع كلامهم صوت الفون

؛؛؛ اتحركوا عند البيت القديم هتظهر هناك بس،باريت تفلحوا هبعت ليكم المطلوب في رساله

؛؛؛؛ تحت امرك مع السلامة

؛؛؛؛ يلا يا واد شكلها هتفرج وهنقبض

؛؛؛؛ دا القبض المره دي كبير دول راسين

؛؛؛يلا قدامي

وخرجو المجهولين ل مقابله، ،،،،،،،،،،،،

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


في منزل حمزة

غرام الصغيرة: انا هموت من الجوع وانت

حمزة: وانا كمان مش،انا بكره اللبن بس مستعد اشربه من الجوع ماما عمرها ما اتاخرت

غرام: ولا تيتا

حمزة: تعالي نخبط انت علي تيتا فاطمة وانا علي ماما

غرام: يلا

واتحركوا علشان يصحوا اللي في البيت

عند غرفه حمزة

حمزة الصغير: ماما يا ماما

غرام من جوه: ححمزة نعم

حمزة: انا جعان يا ماما وغرام كمان وتيتا فاطمة مصحيتش،

غرام ب تانيب: انا اسفه يا حبيبي خارجه علي طول

حمزة: ماشي

حمزة جنبها: طيب ليه الدموع

غرام: اول مره يقول انه جعان واضح ان نسيته خالص

حمزة: انت جميله قوي يا غرام قوي وانا بعشقك يا غرام

غرام: والولاد هيموتوا من الجوع وقامت علشان تجهز وتخرج

عند غرفة وجيه

غرام: يا تيتا يا تيتا انت فين؟

فاطمة من جوه: ااااايوه يا غرام

غرام: انتو خليتوا فيها غرام ولا انقتام(انتقام )

فاطمة: انا طالعة يا مقصوفه الرقبه انت هعلقك

غرام: المهم اخرجي انا جعانة

وجيه: من علي السرير وابوكي فين ان شاء الله

غرام: بيئة قوي اسم بابا وهو كمان جوا وطنط غرام وحمزة بيصحيهم

وجيه: قطعتوا عليهم منكم لله

غرام بعدم فهم: ايه عملنا ايه

فاطمة: مفييش حاجة روحي انا جاية وراكي

غرام: طيب

وجيه: ابنك شكل غرام سيطرت عليه

فاطمة: غلبانة وكويس انها اتعلمت من الدرس

وجيه: طب وانا سماح ول لسه زعلانة

فاطمة: انا ازعل منك دا انت رجعت لينا و نورت بيتك يا ابوحمزة

وجيه بمكر: لا حاسس انك زعلانة لازم اتأكد بنفسي

فاطمة فهمت: لا العيال جعانة وامهم مش فاضية

انا هخرج وفتحت الباب وخرجت

وجيه بغيظ: اوووف العيال جعانة وانا ايه ما انا ميت من الجوع برده وقام يجهز علشان يخرج

خرجت فاطمة ودخلت المطبخ غرام كانت بتحضر الفطار الاتنين كانوا مكسوفين من بعض،قوي وكل واحده بتهرب بعنيها من التاتية وبعدين بصوا لبعض مره واحده وفتحوا في الضحك

فاطمة: شكلنا وحش صح ههههههههههههه

غرام: ههههههههه قوي،خصوصا الابن وامه صباحيه واحده ههههههههههههههه انت كويسه يا خالتي انا بطمن بس

فاطمة: ملكيش دعوه بيا يلا جهزي الفطار

غرام: حاضر هههههههه

وبدات في تجهيزات الفطار وهما هيموتوا من الضحك

فاطمة: غرام

غرام: نعم

فاطمة: تعالي قي حضني يا بت

وخدتها في حضنها مبرووووك يا مرات ابني

غرام بخجل: الله يبارك فيكي

حمزة وغرام الصغيرين: هو في ايه؟

قاطمة: مفيش يلا علي السفرة علشان تتفطروا


الكل اتجمع علي الفطار وبعدها الولاد دخلوا يلغبوا وفضل الاربعة مع بعض

وجيه: حمزة انت هتفضل زعلان مني،

حمزة: انا مش،زعلان منك انا زعلان من ضعفك وتهونك في حقك عمرك ما تقدر،تقول احنا شفنا ايام شكلها ايه اما انت اختفيت وطلع الناس تقول انك نصبت عليهم

وجيه: ممكن اكون اتصرفت غلط بس،انا لازم ارجع حقي وحقك وحق غرام

حمزة بشده: حق غرام دا انا اللي،ملزوم بيه مش حد تاني

وجيه: انا مش حد انا ابوك وغرام قبل ما تبقا مراتك هي بنت محمد صاحب عمري

حمزة: ومراتي سامعين مراتي محدش هيجيب حقها غيري

فاطمة: خلاص يا وجيه قولنا ناوي علي،ايه؟

وجيه: الفوضي

فاطمة: دا اللي هوا ازاي

وجيه: ظهوري هيعمل ايه فوضا ومع الفوضا الاخطاء تكتر والحقيقة تبان اسرع

غرام: وحق ماما يرجع

وجيه: هيرجع كل الحقوق هترجع

حمزة: كان مشغول بالفون كل شوية يبعت رسايل

غرام: هو في ايه يا حمزة مشغول في ايه؟

حمزة: ولا حاجة ها هتظهر ليهم ازاي

وجيه: اتصل اعزمهم علي الغدا

غرام: ايه لا انا مش عايزة اشوفهم وخصوصا عمرو مش عايزة علشان خاطري يا حمزة

حمزة: بوجع عليها وعلي اللي شافته غرام اهدي دلوقت انت معانا وفي حمايتي، ووجه كلامه ل وجيه نعزمهم هنا لا انا مش عايز حد يعرف العنوان الجديد

وب انتباه صحيح انت عرفت البيت علشان بتراقبنا لكن الغرفة الفاضية عرفتها ازاي

وجيه: هههههههه ابدا خدت نسخة مفاتيح من السمسار وبعد ما فرشت الشقة حددت الغرفة الزيادة وصلت يا حضرة الظابط

حمزة: وصلت انا هعزمهم بس بره ومش النهارده اكيد يلا يا غرام

غرام ب استغراب: يلا فين؟

حمزة: بعدين هتعرفي يلا يا ماما

الولاد امانتك بقا

فاطمة: في عنيا قومي مع جوزك

غرام ب استسلام: حاضر

وخرجو الاتنين

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

في منزل فرج

زينب: عملت ليكي الغدا يا ماما

حسنات: استغفر الله العظيم عارفة يا زينب اما بشوف وشك كاني شفت ابليس نفسه

زينب ببرود: شكرا يا ماما يلا علشان الغدا

حسنات: يلا يا اختي جوزك جه

زينب: اه هو عمي فرج

وخرجو والكل علي السفرة

حسنات بدموع: حمزة وحشني قوي كان عامل حس،للبيت

فرج: هيرجع قريب وقريب قوي

زينب في نفسها: هيرجعوا في خشبه

وخلصوا اكل

وعمرو خد فونه وخرج البلكونة علشان يكلم غرام

في منزل حمزة

وجيه: ايه الصوت دا

حمزة: دا فون ماما هجيبه ورد الوو

عمرو بفرحة انه سمع صوت حمزة: حبيبي ازيك

حمزة: عمو عمرو وحشتني قوي

عمرو: وانت كمان يا حبيبي ماما فين؟

حمزة: ماما خرجت مع انكل حمزة من شوية

عمرو: راحوا فين وانت لوحدك؟

حمزة: معرفش خرجوا فين وانا مع تيتا وغرام

عمرو: اما ترجع قولها بشويش تكلمني ضروري سامع يا حمزة متعرفش حد

حمزة: حاضر مع السلامه

وجيه: كان عايز ايه؟

حمزة: عايز ماما وقال اقولها تكلمه ضروري بس معرفش حد واقولها بشويش

فاطمة : روح العب مع غرام

وبعدين يا وجيه هنعمل غرام مش قدهم دي ضعيفة يا عيني

وجيه: بتهيألك غرام بعد اللي شفته بقت غرام تانية

فاطمة: ربنا يستر عليها من عمرو وانت من فرج احنا مصدقنا اتجمعنا ولسه موال حمزة اما يعرفوا الحقيقة

وجيه: بلاش نكركب الدنيا الدنيا براحة بعد الغزومة هنعرف اللي هيحصل

نرجع لعش الدبابير

حسنات: ناوي علي ايه يا فرج فهمني

فرج: كل خير انت عايزة حمزة وابنك عايز امه وانا هنفذ دا وفي سره مش كفايه امها زمان تيجا بنتها تكسر ابني دا بعدك يا غرام

زينب: في سرها هو العلاج مجبش نتيجه ليه وقطع تفكيرها صوت وقوع حسنات

عمرو: امي ماما في ايه

فرج: كلم الدكتور بكلمها ومره واحده وقعت

زينب بلهفه مصطنعة: ماما ايه اللي حصلك واستغلت الدربكة ومسكت فون فرج وبعتت رساله ل غرام ان حسنات بتموت وعايزة تشوف حمزة وبعدها مسحت الرساله وقفلت الفون خالص

زينب: الله يرحمكم انتم التلاته لا ههههه قصدي الاربعة حسنات وغرام وابنها ويتهموا فرج في موتها هى وابنها ويفضل عمرو ليا انا وبس،وفلوسه ليا وبس

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

عند غرام وحمزة:

في،العربية

غرام: ممكن تقول رايحين فين انا مش،فاهمة حاجة

حمزة: الصبر الصبر يا غرام

غرام: اوووف هو انا عندي غيره

حمزة: بس نهايته حلوه بقينا سوا اهو وصلنا

غرام بتبص حواليها: وصلنا فين دي صحراء

حمزة: اه يلا خدي الشريطة دي اربطيها علي عينك

غرام بقلق: ليه؟ ! واحنا هنا ليه؟

حمزة: يلا ولا اربطها انا واجابة الاسئلة دي شوية قولنا ايه الصبر

غرام: حاضر وربطت عيونها

حمزة نزل ولف ونزلها وفضل ماشي بيها وهي متذمرة ونفسها تفهم ايه اللي بيحصل

حمزة وقف: بس اقفي كده جاهزة

غرام: اه بس لو حاجة ترعب هموت منك

حمزة: ههههههه لا مترعبش

وشال الرباط من علي عيونها وهي

انبهرت مش مصدقة مكان مبني بالخشب وفيه انوار بالشموع و ورورد علي شكل قلب في الارض. وبلالين كلها علي هيئة ILOVE YOU

غرام ب انبهار: ايه دا ها

حمزة: عجبك؟

غرام: عجبني دا يجنن حلو قوووووووي

حمزة: مبسوط انه عجبك دي اقل حاجة اعبرلك عن فرحتي انك معايا واقولك اسف

غرام ب استغراب: اسف ليه؟

حمزة: اسف علي شكي فيكي اسف علي شكي في حبي جوا قلبك اسف علي شكي في برائتك اسف ان في يوم خنت زكراكي بكلمه وحشه اسف علي اي وعد وانتقام كنت بفكر اعمله فيكي اسف اني مش جنبك وقت محنتك اسف انك مكنتيش في خضني طول السنين اللي فاتت اسف يا غرام بجد اسف


غرام بدموع: انا اللي اسفه اسفه اسفه علي بعدي اسفه علي وجعك اسفه علي اللي عملته بس والله بحبك بحبك وب جرأه قربت عليه وباسته وبدات ملحمه جديده بين غرام وحمزة اسمها غرام حمزة

*********************
إلي هنا ينتهي الفصل السابع عشر من رواية غرام حمزة بقلم ميرا إسماعيل
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة