مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية كاملة جديدة للكاتبة دنيا صابر والمليئة بالعديد من الأجداث المثيرة والمتشابكة فى إطار إجتماعى , وموعدنا اليوم علي موقع قصص 26 مع الفصل الحادى عشر من رواية غيث بقلم دنيا صابر .
رواية غيث بقلم دنيا صابر - الفصل الحادى عشر
رواية غيث بقلم دنيا صابر - الفصل الحادى عشر
لكل منا نقطه ضعف تتجسد علي هيئة شخص ما.
اوقف سيارته في هدوء وتنهد
نظرت له والى المكان الذي وقفا به وتحدثت بتعجب وتسال: انت وقفت هنا ليه ؟!
تحدث بهدوء : هطلبك اكل نتعشي الاول وبعد كدا اروحك
منه : نعم نعم يا عنياا تطلب اي ؟! اكل اه عشان تحطلي منوم وتخدرني وتغرغر بيااا لا كله الا السمعه دي الي انا عايشه بيها والله لا اصوت والم عليك امة لا اله الا الله انت مفكر مفيش نخوه ولا شهامه اكمنك يعني معندكش ربعهم
مراد بصوو عالي : هووووش بس اسكتي انتي اي بالعه راديو خلاص عملتيني معنديش نخوه ولا شهامه وكمان هخدرك واتغرغر بيكي ثم تعالي هنا اي اتغرغر بيكي دي كمان معناها اي هااا انتي اي يخربيت دماغك الحق عليا قلت اعشيكي بدل ما تروحي جعانه والساعه داخله علي سبعه ونص ولسه هتروحي تعملي البحث بتاعك وهتتعبي فيه وانا الي بفكر في مصلحتك وصحتك انا غلطان
منه بابتسامه وهي تنظر للمطعم : هتاكلني في المطعم دا
مراد برفعة حاجب : انتي غيرتي رايك ولا اي راح فين كلامك يا بتاعة اغرغر بيكي؟!
منه بضحكه : معلش اصل جعانه وانا لما بجوع بقول اي كلام المهم انا عايزه سندوتش برجر حجم كبير
مراد بابتسامه : ماشي هجيبلك ومعاه كولا كمان عشان انتي فرحتي امي النهارده فهكأفاك
________________
_ لا حول ولا قوة الا بالله صاحب الرقم دا عمل حادثه علي الطريق
ادهم ووجهه انقلب وبعدم تصديق : بتقول اي
_ الاسعاف علي وصول هتاخده وتروح علي المستشفي ال...... فانت روح علي هناك علي طول
اغلق ادهم الهاتف ونظر لاخته بعدم تصديق وعيونه تملأها الصدمه
ريهام بخوف وقلق ونبره مهزوزه : ادهم فيه اي مالك اي الي حصل اسامه فين !؟
نظر لها وكانه كتله جليد لا حياه بها تحدث بنبره مهزوزه : عمل حادثه، انا لازم اروح له المستشفي حالا
ريهام بصدمه والدموع بدات بالسقوط واحده تلو الاخرى : انا هاجي معاك، خدني معاك وحياتي عندك يا ادهم يارب انا لو حصله حاجه انا هموت خدني ليه يا ادهم
نظر لها ادهم وراها منهاره وشهقاتها تعلو تحدث وهو ممسك يدها : اهدي وانا هطمنك انا مستحيل اخدك وانتي في الحاله دي، خليكي هنا وادعيله انا مش ناقص يحصلك حاجه هناك
_______
الكل متجمع امام غرفه العمليات ينتظرون علي احر من الجمر القلق ينهش بقلوبهم خوفا وفزعا من القادم واخيرا خرج الطبيب والجميع هرول اليه
ام سما (ابنت اخ اسامه) وهي تبكي : طمني يا دكتور سما عامله اي
الطبيب بعمليه : الحمد الله جت بسيطه كسر في الساق ومجرد كام خدش بسيط في الكتف
ام سما : الحمد الله الف حمد وشكر ليك يارب
تحدث ادهم بقلق : طب واسامه الي جي مع الطفله دي عامل اي
كان سيجيب ولكن سمع احد الممرضين يناديه من غرفه العمليات فاسرع حتي يرى ماذا حدث .
والد اسامه بقلق : اي الي حصل ماله ابني محدش طمنى عليه ليه
ادهم محاول تهدئته : اهدي يا عمي ان شاء الله خير
دقائق وخرج الطبيب مره اخري
ادهم بسرعه وهو متجهه نحوه والقلق يغزو صوته : طمنا يا دكتور حد يفهمنا اسامه فيه ايه ليه محدش لحد دلوقتي قال حاجه عنه
الطبيب بعمليه وصوت هادئ : انا مش عارف اقول اي بس ابنكوا عنده اصابات طفيفه والسبب بعد ربنا الحمايه الكويسه الي في العربيه بس في اصابه عند عصب وهنحتاج نرممه والعصب شبه متدمر واي غلطه هيتضرر اكثر لا سمح الله
ابو اسامه بقلق وفزع : طيب وفين دكاترة الجراحه
الطبيب : الدكاتره الي هنا عملوا الي عليهم النوع دا من العمليات محتاج دكتور متخصص لان العمليه دقيقه جدا وفي عصب مهم مضطرين نستنى
ادهم بعصبيه : والدكتور دا فين ؟! ليه مجاش لحد الوقتي
الطبيب : احنا اتصلنا بيه وهو علي وصول الوقتي احنا محتاجين حد يتبرع بالدم
ابو اسامه بسرعه : انا خدو مني انا
ادهم : استني يا عمي انت ارتاح مش هتستحمل انا نفس فصيله اسامه هروح معاهم واجي لحضرتك تاني
_____________
في مكان اخر بعيدا عن المستشفي تجلس منهاره حزينه ترتجف من الخوف والقلق علي حبيبها تبكي بحرقه وتتحدث بشهقات متتاليه : ماما بالله عليكي وديني عنده اطمن عليه ووعد مش هعمل اي حاجه ومش هعيط ارجوكي يا امي
الام ( سحر ) وهي تحاول تهدئتها : يا بنتي متوجعيش قلبي عليكي انتي مش شايفه نفسك عامله ازاي انا لو اخدتك هناك اخوكي هيزعق
ريهام ببكاء : هموت من الخوف والقلق يا ماما اسامه لو حصله حاجه انا مش هقدر اعيش ولا تقدر اكمل حياتي من غيره
نظرت لها الام بقلق عليها فحالتها تزداد سوء بدل من ان تهدا تبكي اكثر واكثر تنهدت فهي ليس بيدها شي لتفعله فهي تعلم مدي حبهما وتعلم مدي تعلق ابتنها بأسامه
الام ( سحر): انا هتصل بسمر تيجي تشوف حالتك دي
___________________
الجد سليمان وهو يتحدث في هاتفه : فينك يا ابو اسامه بتصل عليك مش بترد ليه هي دي الصحوبيه وعشره السنين بردوا
ابو اسامه بنبره حزن : مشاغل الدنيا اعذرني يا سليمان
لاحظ الجد نبرة صوته : مالك في اي صوتك مش عاجبني
ابو اسامه : اسامه ابني عمل حادثه وفي اوضة العمليات لسه محدش طمني عنه
الجد سليمان : اي حصل امتي الكلام دا وليه مقولتليش انا جاي حالا
ابو اسامه : ملوش لازمه يا سليمان متتعبش نفسك
الجد سليمان : ازاي يا علي تقول كدا ومقفش جنبك في الوقت دا دا انت اكتر من اخويا يلا مسافة الطريق وجاي
ابو اسامه ( علي ) بتنهيده : طيب هو دا العشم بردوا، توصل بالسلامه
__________&&&&&&&&&روايه غيث ( دنيا صابر )
يحيى بهدوء : لو سمحتي يا جوهره هاتي من الكفتربا عصير لاستاذه مها تعبت معايا النهارده وشكلها مخضوضه
مها بعدم تصديق : انت عايز تسممني صح؟!
يحيى بصدمه : اسممك اي بس؟! انا بقول اجيب لك عصير يهديكي من شكلك كدا باين انك تعبتي جامد
مها بارتباك وهي تحاول هندمت ملابسها : طيب
جوهره وهي تنظر لهم بابتسامه : ارتاحي يا استاذه مها وانا حالا هجيب عصير
غيث وهو يمشي معها : استني هاجي معاكي
جوهره : ليه هو انا عيله صغيره
غيث بغيظ وهو ينظر لاخته : ارتاحي هنا هنجيب عصير واشوف دكتور الاشعه موجود ولا اي
نظر لها يحيى بعدما خرج غيث وجوهره وتحدث بهدوء وفضول : اشعه اي الي محتاجه تعمليها ؟!
نظرت له مها برفعة حاجب : وانت مالك
يحيى بتوتر : انا بسال فضول مش اكتر
مها بضيق : ريح فضولك انا مش هجاوب.
يحيى وهو يتصنع الامباله : مش مهم اعرف اصلا
مها بضحكه : واضح
يحيى وهو ينظر لها ببلاهه قال بدون انتباه : ضحكتك حلوه علي فكره
مها بحمحمه وعقدة حاجب : افندم
يحي حمحم بانتباه : احم ولا حاجه متاخديش في بالك
________________
اجاب علي هاتفه وهو يضغط علي زر المصعد لينزل بهم الي الاسفل : الو يا جدو
الجد : انت فين
غيث بهدوء : انا في المستشفي انا وجوهره مع مها بنشوف الاشعه بتاعتها
الجد بهدوء : في مستشفي اي ؟!
غيث : مستشفي ال...
الجد : تمام عندك التاجر علي ابو اسامه يا غيث صاحبه شركة ال.... عايزك تروح عند العمليات اطمن عليه واقف جنبه لحد ما اجي انا في الطريق اهو
غيث : حاضر يا جدي اطمن وانا هروح له حالا
جوهره وهي تسمع له ولتلك المكالمه تكلمت بفضول وهي تراه يضغط علي الزر ليتجهه المصعد للاعلي متوجه للطابق الخامس : هو في اي خير ان شاء الله، خليت الاصانصير يطلع تاني ليه
غيث بهدوء : جدو عنده صديق ابنه عمل حادثه ولحسن الحظ انه في نفس المستشفي هنا وطلب مني اروح اشوفه فأنتي هتيجي معايا عشان مترجعيش الاوضه لوحدك وتقعدي مع يحيى ودا شي انا مش مرحب بيه
جوهره بتذمر : معقد
غيث بغموض : مش معقد، في حاجات كتير انتي متعرفيهاش فمتحكميش علي شي بدون ما تعرفي خباياه
جوهره بعدم فهم : يعني اي ؟!
غيث وهو يخرج من المصعد : مش وقته الكلام دا
خرجا من المصعد متوجهين الي غرفه العمليات لاحظ وجود ادهم توجه نحوه وتحدث بلباقه : ادهم !؟ انت بتعمل اي هنا
ادهم نظر له وتذكره علي الفور : غيث العطار انت جيت من السفر امتي ؟!
غيث : هبقي اححكيلك بعدين المهم طمني مين ليك في اوضه العمليات هو اسامه دا يقربلك؟!
ادهم بحزن : اعز صاحب ليا عمل حادثه عمل اكتر من عمليه ولسه الدكتور المتخصص جاي بقالو ساعتين ومنتظرينه يخرج يطمنا
غيث بتنهيده : خير ان شاء الله ثم اشار الي جوهره متحدث : جوهره خطيبتي
ادهم بلباقه وترحيب : اهلا وسهلا يا فندم تشرفنا
جوهره بتوتر : اهلا بحضرتك
غيث : هروح اكلم استاذ علي وارجع ليك
ثم تحرك خطوتين : علي بيه طمني
علي بصوت منخفض يكاد يسمع من التعب : لسه يابني محدش خرج تعبت نفسك ليه بس انا مش عارف جدك دا غاوي تعب ليه
غيث بابتسامه : ولا تعب ولا حاجه انا كنت هنا اصلا بعمل تحايل وقلت اجي اطمن
علي : كتر خيرك يابني
غيث مربت علي كتفه بهدوء : ان شاء الله خير هروح اشوف النتيجه واجي تاني بعد اذنك
ادهم بهدوء : تحاليل اي الي بتعملها طمني عليك يا صاحبي
غيث بتنهيده : مش انا دي مها
ادهم بقلق : ليه حصل حاجه اوعا يكون ..
غيث بتايد : انا شاكك في دا الاغراض رجعت تاني انا عملت لها اشاعات وتحاليل وهروح اشوف النتيجه الوقتي وان شاء الله خير يارب ميكونش رجع تاني عشان انت عارف مها هتعمل اي وردت فعلها هتبقي اي
ادهم بتنهيده طويله : عارف يا صاحبي انا شوفت وحضرت فتره علاجها برا انت هتقولي عليها ان شاء الله خير ابقي طمني
غيث : ماشي انا همشي الوقتي وهرجع تاني، سلام
جوهره وهي تمشي خلفه تحدثت بفضول : هي استاءه مها مالها في اي الي مرت بيه هناك وهي مسافره
غيث بهدوء : في حاجات كتير حصلت يا جوهره انتي متعرفيهاش
جوهره : حاجات زي اي
غيث بهدوء وعتاب: انتي ليه اتغيرتي؟!
جوهره بعدم فهم : اتغيرت في اي ؟!
غيث وهو مكمل عتابه : انا قلتلك استنيني ومتخليش الايام تغيرك
جوهره بتعجب : هو انت بتكلمني انا ؟!!! انا مش فاهمه استناك ازاي ومتغيرش ؟؟!
غيث وهو ينظر امامه مره اخرى : مش مهم تعرفي الوقتي كل حاجه في وقتها حلو
_____________
مر الوقت وخرج الطبيب من غرفة العمليات بوجه لا يطمئن اقترب ادهم وابو اسامه بخطوات خائفه من المجهول ليس لديهم اي طاقه ان يسمعوا خبر يوجع قلوبهم
تحدث ادهم بخوف : طمنا يا دكتور
الطبيب بهدوء : الوقتي حالته مستقره الحمد الله بس ....
ابو اسامه بخوف وقلق : بس اي اتكلم
الطبيب : بس عصب العين تضرر
ادهم بعقدة حاجب : يعني اي تضرر تقصد اي ؟!
الطبيب : فقد البصر
ابو اسامه ( علي ) : ابني ..... اتعمى، مبقاش يشوف ابني نور عيني، لا حول ولا قوة الا بالله
ادهم بعدم تصديق : طب في امل ان النظر يرجع له
الطبيب : الامل موجود بس كل شي بأيد ربنا
ادهم باستفسار : طيب كم؟! كم الوقت عشان نظره يرجعله ؟!
الطبيب : مش هقدر احددلك وقت معين ممكن سنه سنتين الله اعلم خلي املكوا في ربنا كبير
ادهم بصدمه : سنه !؟ انت بتتكلم بالسنوات ؟!!!!
___________
تجلس محتضنه صديقتها بعد ان جاءت سريعا فور ما قالت لها ان ريهام لم تتوقف عن البكاء جاءت وهي تموت رعبا علي اعز صديقاتها تحدثت بهدوء: اهدي يا ريهام يا حبيبتي ان شاء الله خير اسامه قوي وهيفوق منها
ريهام ببكاء : لو حصله حاجه يا سمر انا هموت انتي عارفه اني بحبه ومقدرش اتخيل حياتي من غيره
جاءت والدتها وهي ممسكه بهاتفها ووجهها لا يبشر بالخير
رفعت ريهام راسها وتحدثت بقلق ولهفه : طمنيني يا ماما ها ادهم كلمك قالك اسامه عامل اي الوقتي ؟!
الام ( سحر ) بحزن : هو كويس حالته استقرت الحمد الله
تنهدت ريهام بارتياح وهي تمسح دموعها : الحمد الله طيب مالك بقا يا ماما وشك حزين ليه في حاجه حصلت تانيه
سحر بحزن وتوتر وهي تضمها : قالي انه فقد البصر
ريهام ضحكت بصدمه وبعدم تصديق : بتهزري صح يا ماما دا مقلب صح لا لا دا حلم بس حلم وحش اوي وبدات تبكي بأنهيار
سمر وهي تحتضنها وتربت علي ظهرها : اهدي يا حبيبتي
ريهام بهيستريا وتشهق : ليه يا سمر ليه اسامه ليه هو ليه حبيبي
سمر : استغفري الله يا ريهام دا مكتوب له احمدي ربنا انه حي
ريهام ببكاء : الحمد الله
سمر بعقلانيه : اهدي كدا يا ريهام الي بتعمليه في نفسك دا مينفعش اسامه لما يفوق مينفعش يشوفك كدا لازم تبقي قويه عشان يستقوى بيكي
ريهام : خايفه دا لو عرف ممكن ينهار انتي عارفه انه ظابط وشغله مهم جدا في حياته حاجه زي دي هتاثر علي شغله ومش هيمارسها تاني خايفه ينهار، خايفه اوي عليه
سمر : عشان كدا بقول لك خليكي قويه عشان لما يفوق هيعدي بأكتر من صدمه لازم تبقي قويه جمبه
ريهام : حاضر ارجوكي خلي ماما تخلينا نروح لهم المستشفي انا محتاجه اروح ارجوكي يا سمر
سمر : حاضر
______________
اسراء بتوتر : لا مش مضايقني ولا حاجه علي العموم شكرا علي سوالك
عمر بابتسامه : طيب حيث كدا بقا اعرفك علي مروة خطيبتي
اسراء بضيق وهي تنظر الي القادمه نحوهم مردده بنبره ساخره : اكيد طبعا اهلا وسهلا بيها
مروة وهي تلوح بيدها : اهلا انا مروة خطيبة عمر انتي بقا اسراء
اسراء برفعة حاجب : ايوا انا اسراء بس اي دا هو انا مشهوره قوي كدا لدرجه انك تعرفيني !!
مروه بتكبر : لا مش للدرجه دي بس عمر كان حكالي عنك
اسراء باستفزاز : وعمر يتكلم عني عاساس اي
مروه : اصل قال انك زميلتو في الشغل وعيله اوي
اسراء بغيظ : عيله ؟!! اي عيله دي يا عنيااا
عمر بتوتر : خلاص اهدي انا مقصدش كدا علي العموم احنا اسفين ، يلا يا مروه
اسراء وهي تراهم يبتعدون : رخم وبارد
شمس : وحليوه الا هو دا عمر الي ....
اسراء بتنهيده : ايوا هو
شمس : الوقتي عرفت انتي بتحبيه ليه الصراحة يتحب يعني
اسراء : وياريته حاسس بيا يا شمس، انا من زمان وانا بحبه وبخترع حجج عشان ياخد باله اني موجوده علي الكوكب وهو ولا هو هنا
____________
ادهم بهدوء: نقدر نشوفه الوقتي يا دكتور
الطبيب : ايوا بس واحد بواحد
دخل ادهم بخطوات غير متزنه خائف من ردة فعل صديقه
انتبه اسامه من دخول احد ولكن لم يعرف هويته فتحدث بغضب : مين مين الي دخل
ادهم اقترب منه وتحدث وهو يحتضنه : حمد الله علي سلامتك الحمد الله انك حي يا صاحبي
اسامه وهو يتمسك بادهم : حي؟! فين الحياه الي مش شايفها دي
ادهم : متقولش كدا يا اسامه هترجع وهيرجع نظرك زي الاول، بس اصبر
اسامه بحزن : خلاص يا ادهم كلام الامل دا مش عايز اسمعه، انت عارف احساس انك تفتح عينك وتلاقي انك مش شايف حاجه فاتحهم وقفلهم زي بعض مفيش فرق بينهم
ادهم : اصبر يا اسامه اصبر
اسامه بيأس : اطلع يا أدهم، ومدخلش حد .......
تابع من هنا: جميع فصول رواية أرض زيكولا بقلم عمرو عبدالحميد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا