-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية غيث بقلم دنيا صابر - الفصل الثالث عشر

 مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية كاملة جديدة للكاتبة دنيا صابر والمليئة بالعديد من الأجداث المثيرة والمتشابكة فى إطار إجتماعى , وموعدنا اليوم علي موقع قصص 26 مع الفصل الثالث عشر من رواية غيث بقلم دنيا صابر .

رواية غيث بقلم دنيا صابر - الفصل الثالث عشر

رواية غيث بقلم دنيا صابر

رواية غيث بقلم دنيا صابر - الفصل الثالث عشر

 ربما الغيث ياتي بشده ويغرق الاجواء ويحدث فوضي في بعض الاحيان ولكن الاكيد انه ياتي رحمه ومنفعه للارض وما عليها.


جوهره وهي تنظر لغيث : جدو كنت عايزاك عشان اقولك اني موافقه


غيث برفعة حاجب : موافقه علي اي


الجد وهو مبتسم : يا الف هنا وسعاده بعد موفقتك يا جوهره يا بنتي


غيث بتسال : هو اي الحوار


جوهره بتحدي : علي الجواز، انا موافقه ابقي حرم غيث بيه العطار بعد اذنك يا جدو عشان عندي محاضرات وخرجت وبعدها بثواني خرج خلفها ممسك بذراعها متحدث بحده : بتفكري في اي ؟!


جوهره : هو مش دا الي كنت عايزه اني اوفق علي الجوازه


غيث بحده : اي الي غير رايك يا جوهره وخصوصا بعد ما سمعتي كلامي في المستشفي ليحي ؟!!!


جوهره بنظره حنونه محبه : عشان بحبك


غيث برفعة حاجب وهو يضغط علي ذراعها : انت هتستعبطي يا جوهره انتي ناويه علي اي؟! اي الي فى دماغك بتخططي لاي؟! بعد ما كنتي رافضه وبعد ما سمعتي كلامي، تيجي تقوليلي موافقه وعشان بتحبيني انتي بتضحكي علي مين


نظرت جوهره له بتحدي وتحدثت وهي تبعد يده : تمام انا وافقت عشان فكرت كويس ولقيت ان ليه لا دي فرصه حلوه حد يطول يبقي حرم غيث العطار صاحب اكبر شركه استيراد وتصدير مال وجاه وكل دا في لحظه واحده ها بقا يا حبيبي ناوي علي الجواز امتي عشان الحق اضبط حاجتي بص يا روحي انا شايفه ان ممكن نخليه بعد اسبوعين عشان اكون خلصت امتحانات اي رايك


غيث بنظرات ناريه وقد اشتغل من العصبيه اطلق زفير طويل وتحدث وهو يضغط علي اسنانه : بقا كدا تمام انتي الي جبتيه لنفسك خلصي كليتك وتعالي متتاخريش عشان ورانا كلام كتير عايزين نتكلم فيه وكمان يا حبيبتي في حاجات لازم نتفق عليها عشان نضبظ الشقه بتاعتنا


جوهره بسخريه : من عيوني يا روحي سلام


تمتم بغضب وهو يراها تخرج من باب المنزل : بقا كدا يا جوهره بتتحديني ومفكره انك هتقدري تكسبيني دا انا غيث العطار قال بتحبيني قال هه


تحدثت بهدوء من خلفه : وانت متعصب ليه يا غيث مش دا الي انت كنت عايزه


غيث : لا يا مها الي انا عايزه اني امسكها من ايدها جامد انا الي ابقي المتحكم انا الي اقول نعمل اي ومنعملش اي مش تيجي هي في دقيقه وتوافق وكمان تقول بعد قد اي الفرح مش بمزااجها اي حاجه تحصل لازم انا الي اقولها ويا انا يا هي


مها بضحكه : شكلها هي الي هتقلب قاعده غيث العطار يا اخويا


غيث بعقدة حاجب : لسه متخلقش الي يقلب قاعده غيث قواعدي هي هي ومش هتتغير وهي الي بدات اللعبه تستحمل عواقبها بقااا


_______________________


قرر وبدون اي مبررات انه سيعيش بشقته بعيد عن بيت اهله بدون اي مساعده من احد وحده وهو والوحده فقط واتفق مع والده انه يبعث له البواب لينفذ لها احتياجاته والاطمنئنان عليه قرر بهدوء الابتعاد عن الناس قرر ان يبتعد لعله يجد في الوحده راحته


أدهم بهدوء وهو يدخل الشقه : بقا انت كدا هتبقي مرتاح انا عايز افهم فين الراحه ف كدا


اسامه بهدوء : بطل تتعب نفسك في الكلام يا ادهم انا كدا مرتاح


ادهم بتنهيده : انا لولا ما عارف ان دماغك نشفه والي في راسك بتعمله كنت رزعتك بوكس في وشك يرجعلك مخك دا انت عمال تتعب نفسك بس يا اسامه


اسامه : خلاص يا ادهم بقا


ادهم وهو يمسك هاتفه وينظر اليه ويعبث به ومن ثم تحرك بهدوء وهو يخرج من الغرفه مدعي انه ذاهب للمطبخ لجلب بعض الماء وفتح باب الشقه بهدوء وادخلها اشاره لها ان تلتزم الصمت ودخلو الغرفه مره اخري وتحدث ادهم : قولي لو محتاج حاجه اعملهالك قبل ما امشي


قبض اسامه علي يده وهو جالس علي الاريكه، اغمض عينيه وهو ياخذ تنهيده طويله، شعر بوجودها احس بها رغم صمتها وعدم اصدار اي صوت الا انه عرف بتواجدها معه في نفس الغرفه كيف لا وهي قطعه من روحه حبيبته هنا بالتاكيد ايستغلون عدم قدرته علي الرؤيه ويتصرفون كما يشاءون ؟! تنهد مره اخري وتحدث بهدوء ونبره جاهد نفسه حتي تخرج قويه ولا تهتز : لا يا ادهم مش محتاج حاجه ياريت تاخد بالك من نفسك ومن ريهام ومتدخلهاش هنا تاني لو سمحت احترم رغبتي


سمعت كلماته وحاربت دموعها حتي لا تسقط ولكن بدون جدوى سقطت رغما عنها كانت ستذهب لتتحدث معه ولكن اوقفتها يد ادهم وهو يشير لها ب لا


حمحم ادهم وهو يمسك باخته ويخرجا : احم اشطا ماشي يا صاحبي


___________________


دخل علي اخته الغرفه وهو يتمتم بضيق : بقول لك اي اصلا انا هطق من الفضول هو تفتكري اي المرض الي كان عندها ورجع تاني ها


تحدثت منه وهي ترفع راسها عن كتابها وتنظر له برفعت حاجب : هو في حد بيدخل كدا بدون ما يخبط وبعدين هي مين دي الي كانت تعبانه ومرض اي الي رجع تاني


ضربها يحي علي راسها : انتي هبله انا ادخل براحتي في المكان الي انا عايزه ثانيا اقصد علي استاذه مها، اما مرض اي فدا الي هموت واعرفه


منه بصوت عالي : اهااااا استاذه مهااا قولتيلي وانت مالك مهتم كدا ليه


توتر يحي وتحدث بصوت متوتر : ها ولا مهتم ولا حاجه انا قلت لك فضول مش اكتر


منه بخبث وهي تنظر له : فضووول برضووو ماشي هعمل نفسي مصدقه بس انا عندي الحل


يحي : اتحفيني بالحل يأم العوريف


منه وهي تمسك بهاتفها وتعبث بالاقام بهدوء وتتحدث ببطء لأغاظت اخياها : احنا ممكن نتصل بجوهره نشوف اذا تعرف حاجه ولا لا


يحي بحماس : صح تاهت عن بالي فين وبسرعه اقترب من هاتف منه حتي يسمع المكالمه وما هي الا ثواني حتي اجابت جوهره


جوهره بعصبيه : فينك يا ست زفته انتي مش قولتي هتروحي الكليه مجتيش ليه وسايباني لوحدي كدا وانتي عارفه اني بكره اروح لوحدي المحاضرات


منه بغباء : اه صح تصدقي يلا مش مهم المحاضره الاولي هبقي اجي في المحاضره الي بعدها المهم كنت عايزه اسالك سوال اثار فضول يحي اخويا الغلبان


جوهره وهي تضحك بصوت عالي بعض الشي : يحي والفضول دا مستحيل بس قولي اي الي اثار فضوله


امسك يحي الهاتف من يدها متحدث بنرفزه وهو يضرب منه علي راسها : انا هقول لك اي الي اثار فضولي ومتبقيش رخمه زي البت الي جمبي دي استاذه مها واستاء غيث لما كنت في المستشفي كانوا عمالين يتهامسو ويتكلموا بصوت واطي وانا بالصدفه سمعتهم


منه بجانبه وهي تضحك: بالصدفه برضوا ياخويااااا


جوهره وهي الاخرى تضحك : سيبك منها يا غلبان وقولي وبعدين لما سمعتهم


يحي بهدوء : الي فهمته من كلامهم انهم بيتكلموا عن ان استاذه مها كان عندها مرض وتقريبا المرض دا ممكن يرجع انا كنت طالبك بقا عشان لو عندك اي معلومه عن المرض دا واي هو وهل رجع لها فعلا ولا ؟!


جوهره بخبث : وانت مهتم ليه


يحي وهو عاقد حاجبيه : برضوا هتقولي مهتم يابنتي قلت لكوا فضول هتقوليلي ولا اقفل


جوهره : خلاص خلاص هقولك وامرى لله


يحي بتنهيده : قولي


جوهره : انا كل الي اعرفه اننا وقت ما خرجنا علي اساس هنروح غيث اخد استاذه مها ووداها علي قسم الاشعه والتحايل في المستشفي وبعدها لقيته بيستلم ورق واشعه ولما فتحه والدكتور اتكلم معاهم وانا واقفه قال انها كان عندها كانسر والكانسر دا رجع تاني وانهم نسبه انها تحاربه وتتغلب. عليه اقوى بكتير من الاول لانه لسه في اوله كل الي محتاجينه انها تلتزم بمواعيد الكيماوي والجلسات وتاخد الادويه في مواعيدها بالضبط.


يحيى بذهول وهو ينظر لاخته الواقفه وعلامات الصدمه والحزن تملى وجهها : كانسر!!!!


جوهره بحزن : للاسف ايوا والظاهر ان في حاجات كتير حصلت لها هناك واتعرضت لازمات كتير انا معرفهاش صعبت عليا اوي وهي بتسمع كلام الدكتور تخيلوا انها عاشت وحاربت المرض المميت دا لوحدها بدون لا اب ولا ام ولا صحاب ازاي قدرت تحاربه كدا قد اي هي قويه الوقتي عرفت ليه معتزه بنفسها وشايفه ان هي احسن من الناس كلها


يحي بنفور : دا مش مبرر لتكبرها يا جوهره


جوهره بدفاع : لا مبرر يا يحي بتتكبر عشان محدش يقرب لها وهي تتعلق بحد وتتجرح او تتوجع دي بتخوفها


منه بضحك : ايوا يا جامد يا فيلسوف انت


يحيى : اخرسي انتي بتطبليلها وخلاص المهم يا جوهره والعمل


جوهره بعدم فهم : عمل اي ؟! ما انا قلت لك كل حاجه


يحي : اقصد هنساعدها ازاي


جوهره بانفعال : هن... هن اااي لا لا انا مليش دعوه بالحوار داا


يحي بتفكير : خلاص يا جوجو شكرا جداا خدي الهبلة معاكي اهي


منه بابتسامه : اهلا يا جوجو


جوهره بانفعال : يلا يا زفته هانم اجهزي وتعالي عشان المعفنه الي عامله عليها الرهان سالت عليكي اكتر من مره وزهقتني


منه بعقدة حاجب وشهقه : ودي عايزه اي مني دي


جوهره : وانا ايش عرفني


منه : خلاص اشطا هلبس واجي اهو سلام


__________________


انسه اسراء ازيك


التفت له وهي تعقد حاجبيها متعجبه : نعم


احم انا مراد زميلك هنا في الشغل وشوفتك اكتر من مره وبصراحه كنت حابب اتعرف عليكي ونبقي صحاب


نظرت له اسراء بهدوء وعلي وجهها ابتسامه : اهلا وسهلا استاذ مراد اتشرفنا... قاطع كلامها صوته وهو يزمجر بضيق واضح


معلش يا استاذ مراد انسه اسراء مش بتصاحب حد


توتر مراد اثر الموقف : تمام بعد اذنكو


اسراء بضيق : انت مين سمحلك تتكلم بالنيابه عني


عمر بغضب : انتي ازاي تسمحي لنفسه يا انسه يا محترمه انك تقفي معاه كدا وسط الموظفين وتتكلموا وعادي كدا ؟!


اسراء بنرفزه : وانت مالك


عمر بتوتر : صحيح وانا مالي


اسراء بضحك : خلاص صعبت عليا اسفين


عمر بصدمه من تحولها : نعم


اسراء بابتسامه : اصل شكلك مسخره وانت متوتر كدا


عمر بتوهان : هو انتي ازاي بتتحولي كدا بسرعه


اسراء باستغراب : بتحول ازاي ؟!


عمر : اصل انتي مختلفه يا هبله


اسراء برفعه حاجب : هبله!؟


عمر بتبرير : مقصدش انا اقصد انك مش بتسمحي لنفسك تضايقي علي طول بتصفي بس اصل خطيبتي فظيعه عكسك تماما بفضل كتير اراضي فيها وفين عما بترضي وتتصافا


اسراء بحزن : تفتكر هي كدا بتحبك ؟!


عمر بعقدة حاجب : تقصدي اي


اسراء : اقصد ان الي بيحب مش بيعرف يزعل من الي بيحبه ولا انه يفضل شايفه محتار عشان يراضيه بيتراضا وبيصفى بسرعه مش بيعرف يعدي وقت وهما مش صافين مع بعض بيحس ان في حاجه ناقصه


عمر بعقدة حاجب : وانتي بقا بتحبي ولا اي


هزت راسها بايجاب وهي تردف بحب يغمر عيناها : بحب !! دي اقل كلمه ممكن تتقال علي الي جوايا اتجاه اللي بحبه من زمان اوي كنا شبه صحاب اصلا اصل كنت صاحبة اخته وعملت حادثه واختفيت فجاء ورجعت....وياريتني ما رجعت لاني اتوجعت لما هو ماخدش باله من وجودي ملاحظنيش اصلا


عمر بهدوء وكانه يفكر بشي : طب وانتي مقولتلوش ليه انك رجعتي


اسراء وهي تنظر له بهدوء لعلها تلتمس انه قد تذكرها : ممكن عشان اتفجأت انه ارتبط وخلاص مبقاش ليه فايده انه يعرف بوجودي


عمر : ما ممكن يكون تعب من الانتظار


اسراء بهدوء وقد خيب ظنها برده هذا : ممكن بعد اذنك عندي شغل


اجاب علي هاتفه بنرفزه : ايوا ..... قلتلك عندي شغل مش فاضي للشوبنج انا ... يا ستي مش متعصب ولا حاجه .... يوووه بطلي زن في ام الحوار دا مش كيس جوافه انا عشان تطلعي مع صحابك للسخنه عادي كدا ....لا لازم يبقي في حدود .... ايوا هو دا الي عندي .... بقا كدااا طيب .........سلام . ..


________________


منه بتهليل : جوجووووو


صوته من خلفها : وطي صوتك


منه بابتسامه : مراد اي الي جابك


مراد بهدوء وهو ينظر لجوهره : جوهره كلمتني وقلت ان الزفته الي متراهنه معاها سالت عليكي اكتر من مره قلت اجي اشوفك ونشوف هي بتسال ليه


جوهره بحمحمه : احم حيث كدا بقا هروح اجيب عصير من الكفتريا


منه وهي تنظر لمراد : عامل اي يا حبيبي


مراد برفعة حاجب : حبيبي


منه بسذا3جه : ايوا عشان اسبك الدور الله


مراد بخبث : حيث كدا انا كويس يا حياتي وحشتيني


منه بتوتر وخجل : اي دا انت هتصدق نفسك ولا اي


مراد وهو يتحدث بصوت هادي وبنبره عاشق وصوت رجولي : انا مش مصدق فعلا نفسي يا منه انا بحبك جدا وانتي وحشتيني بجد وقلت لازم اجي اشوفك واطمن عليكي بنفسي لما لقيتك مش بتردي علي تلفونك وقلقت عليكي ارجوكي حتي واحنا زعلانين من بعض لما ارن عليكي طمنيني عليكي عشان ببقا هموت من القلق عليكي


منه بتوهان وخجل : هااا


مراد بضحكه : اي رايك في ادائي التمثيلي


منه بحمحمه وتوتر وخدين متوردين : احم لو سمحت متعملش كدا تاني


اقترب مراد منها وتحدث بنبره هادئه : ليه خايفة لتقعي في حبي ؟!


______________$$$$


بعد مرور اسبوع واليوم يشبه ما بعده وما قبله امتحانات وروتين عمل لا مثيل له في الملل اشرقت شمس يوم الجمعه تسطع بهدوء واثبات علي ان يومها سيكون رائع مع نسمات الهواء الهادئه تحرك اوراق الشجر محدثه نغمه موسيقيه رائعه فتحت عيناها بضيق فاليوم مختلف عن باقي الايام اليوم هو يوم تتويجها لغيث العطار ستتزوج من بٌهرت امام صوره تنظر له وتسرح في ملامحه ولكن هي تشعر كانها مقيده حبيسه حزينه ومغلوب علي امرها كانت تتمني ان تتزوج كباقي الفتيات يتقدم لها وهو مرحب بالامر يبتسم لها ويردد انه سعيد بقبولها عرضه لتصبح علي اسمه وتحت رعايته قاطع تفكيرها صوته وهو يتحدث من خلف الباب : جوهره اصحي يلا عشان الكوافيره تحت وطالبه تشوفك والديزاين عايزاكي تضبط الفستان عليكي وانا متاخر وعايز اشوفك وانتي فايقه قبل ما اروح اجهز


خرجت له جوهره وهي متوتره وعلي ملامحها الحزن : هو انا ممكن اطلب منك طلب قبل ما اجهز ونتجوز


عقد حاجبيه بتعجب واردف بهدوء : اكيد طبعا اطلبي


نظرت له تبحث عن بعض الامان في عينيه والعجيب انها كل مره تنظر الي عينيه تجد بها الدفئ والامان معا كيف ذلك رددت : كنت حابه ازور قبر بابا قبل ما اجهز للفرح


نفخ بضيق من تلك المجنونه وتحدث وهو ينفخ وكان اعصار سيتحدث : هو دا وقته يا جوهره


اغرقت عيناها بالدموع وتحدثت بنبره مؤشكه علي البكاء....

*********************
إلي هنا ينتهى الفصل الثالث عشر من رواية غيث بقلم دنيا صابر .
تابع من هنا: جميع فصول رواية أثواب حريرية بقلم إلهام رفعت
تابع من هنا: جميع فصول رواية أرض زيكولا بقلم عمرو عبدالحميد
تابعوا صفحتنا على الفيس بوك للمزيد من روايات رومانسية
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة