رواية فصيلتي القوية بقلم ريناد يوسف - الفصل الرابع والعشرون
رواية فصيلتي القوية بقلم ريناد يوسف - الفصل الرابع والعشرون
تابع من هنا: روايات رومانسية جريئة
ريناد :قمر أمووورتي اصحي عشان تف...سكتت لما فتحت باب اوضة قمر ولقتها فاضيه جالها صوت مهاب من وراها
مهاب :صحي النوم ياروحي قمر منامتش من امبارح هي وربيع وبدر بيحرتو ويجهزو في الارض
ريناد :يالهوي ازاي ده!! ازاي تخليهم ميناموش يامهاب مش هيجي عليهم تاني يوم يخلصو فيه الشغل ولا ايه ؟
مهاب :تصدقي انك مطيوره وكل ماتعدي عليكي السنين عتتهوسي بزياده يارناد ....
يبه انا من ميته عقول لحد اشتغل ولا ومتشتغلش ومن ميته العيال فموضوع الزرع ديه والارض عيسمعو كلامي هاه ؟
لكن اقول ايه فيكي دايما ظالمه ومستبده وعتستغلي اني بقيت عضمه كبيره وعتتحكمي فيا وتبهدليني 😢
ريناد :ايه دا ياراجل تصدق صدقتك ..مين بقا قولتلي اللي بيستغلك ويتحكم فيك ...انا ..؟ وبعدين اه انت بقيت عضمه كبيره وعجزت لكن مخك لسه صغير وعقلك عقل نمله ومش ناوي تكبر ولا تعيش سنك ابدا ...
حسن طالع من اوضته :صباح الخير يابشر... ايه مش هتبطلو شغل ناقر ونقير دا ابدا مش هتكبرو انتو الاتنين اطفال ياربي خلفونا ؟
ريناد :صباح العسل يااحلي دكتور في العالم
مهاب :صباحك اخضر بلون البرسيم يادكتور البهايم
حسن :والله يابابا كل متقولي كده بحس انك بتشتمني ووبعدين مش انتو اللي خليتوني اكون دكتور بهايم عشان اشتغل في المزرعه ومبعدش عنكم هاه؟
مهاب :اقعد ياد انتا وافطر وبلاش غلبه عشان تشوف اللي وراك ..يادكتور البهايم
حسن رفع حواجبه ومط شفايفه ورفع ايديه وقعد يفطر
ريناد :معلش يبني ابوك محدش بيسلم من لسانه هنعمل ايه قدرنا بقا
قمر جايه من بره :نعم نعم نعم ياست ماما مستفردين بالراجل انتي وابنك ليه عالصبح كده وهو ياعيني مش عارف يرد عليكم مالكم بمهابي وقربت منه وباست دماغه
مهاب :حبيبت ابوها جاتلكم اهي هتوريكم شغلكم ...من الصبح ياقمر عمالين بهديل فأبوكي وانا مراضيش ارد عليهم واقول يافتاح ياعليم ربنا يسامحكم مهردش عليكم
ريناد وحسن بصو لبعض وبصوله
وقمر بتزغرلهم
مهاب :😔😔
ريناد :بقولك ايه انتي عارفه ابوكي يلا ادخلي خديلك شاور من التراب اللي علي جتتك ده عامله زي متكوني طالعه من قبر اجري
قمر :طيب طالعه اهو بس ملكمش دعوه ببابا اديني بقولكم اهو مش تلاقوه لوحده تستفردو بيه
ريناد :بقولك ايه يابت ابوكي انتي ابوكي ايه اللي نستفرد بيه دا يستفرد ببلد بحالها لوحده ...امشي من قدامي الا اطلع غلب ابوكي فيكي
مهاب :روحي يابنيتي روحي وخافي من امك ..اوعي يغرك شكلها الحلو ديه شفتيهاش زمان انتي ايام مكانت بتتحول عند منتصف الليل ... تعرفي اني كل لما افتكرها زمان عخاف منيها 😢ايييه ايام
ريناد :مش هرد عليك عشان المراره خلاص علي سنه وهتنفجر
قمر سابتهم وطلعت لفوق عشان تاخد شور بسرعه
في اللحظه دي دخلت بدر وربيع وهما كمان كانو كلهم تراب من حرث وتقليب الارض
بدر وربيع :صباح الخير
الكل :صباح النور
حسن :ذومبي ياخواتي جاين يفطرو عندنا عبشكلكم المعفر ده عالصبح اللي يسد النفس !!!
مهاب :اقعدو يابشمهندسين اقعدو وسيبكم منه داكتور البهايم ديه وتاخدوش عليه اصله متوتر النهارده عشان اول طفل ليه هينولد ..
ربيع وبدر برقو لحسن
حسن بنرفزه :يبابا بقى...
مهاب :يلا ياد اانت افطر وروح عشان تولد ابنك بنفسك
ربيع فهم وضحك بصوته كله
حسن : اضحك منت طالع لعمك انت كمان نسخه طبق الاصل
بدر بتبصلهم مش فاهمه
مهاب :افهمك انا بدال معنيكي تبظ من كتر منتي مبرقه اكده بصي ياستي
كانت حدانا في المزرعه بقره مش بتحمل ابدا مهما حصل وعملنالها تلقيح كذا مره وفيوم حسن لقحها وقال انا متأكد المره دي انها هتطلع حامل ..وفعلا اخر الشهر طلعت عُشر 😂😂
السؤال اهنه عاد :هو لقحها من انهي عجل واحنا حدناش غيره واحد وهي ليها سنين مبتخلفش منه الا اذا كان عجل تاني دخل حياتها 😂😂
حسن :يوووووه وقام مشي
مهاب :متنكرش ال DNA هيبين كل حاجه 😂😂
حسن وهو خارج بص لمامته :خليكي شاهده علي جوزك عشان انا خلاص فاض بيا منه وغلبت افهمه ان التلقيح كان بيحصل فيوم غلط وبرضو مش فاهم
ريناد :سيبك منه يبني وروح انت لازم تكون جمب بقرتك في اليوم دا ومتسبهاش لوحدها وخلي عجلك يفتح عنيه عليك اول واحد 😂😂
الكل ضحك :😂😂😂
حسن :لا دا الحجه كمان بقت تقلش قلش رخيص زي جوزها .؟ انا سايبهالكم خالص ... وخرج وسمع صوت البقره اللي كان جايبها قريبه من البيت عشان لو ولدت بالليل تكون قريبه منه :ايوه ياروحي جايلك اجمدي ياقلبي وجري عليها 😂
الكل بيضحك بصوت عالي 😂😂😂😂😂
قمر نزلت بعد مااخدت شاور وقعدت معاهم عشان تفطر وبتبص لربيع نفس نظرة العشق والهيام اللي بتبصهاله من سنين من وهما صغيرين من اول مافتحت وفهمت كبرت علي حبه وبتبصله بالنظره اللي الكل ملاحظها وحاسس بحبها ليه الا هو الوحيد اللي علي رأي قمر ..حلوف 😂
ريناد بصتلها واتنهدت وحطت ايدها علي خدها وبتهز في دماغها بأسي وبتتكلم فسرها :
اه يابنتي اه ..اه ياقمر عليكي وعلي حظك اللي خلي قلبك يدق لواحد مش حاسس بيكي ولا بيحبك وكأن الايام بتعيد نفسها تاني ...
وكأني بشوف ريناد ومهاب من تاني بنفس العذاب مع اختلاف الاسباب بس الفرق بيني وبينك يابنتي ان ابوكي مكنش فيه وحده فحياته لكن ربيع عنده اللي شاغله عقله وفكره وقلبه وملكيش معاه ولو فرصه صغيره ...
ريناد فاقت من سرحانها علي صوت مهاب اللي من نظرتها لقمر عرف هي بتفكر فأيه
مهاب ميل عليها وبيكلمها بهمس :بطلي تفكير يارينو اصل للقلوب احكام وحكم القلوب عيكون واعر قوي ومحدش عيقدر يخالفه واصل ...وحط ايده علي ايدها وطبطب عليها
ريناد مسكت ايده بأديها الاتنين وهزت دماغها بأسي
قمر :ربيع
ربيع :احكي ياشهرزاد
قمر :هنزرع الحوض الغربي ايه
ربيع :مكرونه اسباكتي ونرويه بصلصه
قمر :يالهوي عالظرف واللطف عالصبح ابو الرخامه
ربيع بدون انتباه:يعني يابشمهندسه يامتعلمه يابتاعت المدارس دلوقتي اوان زرع ايه ؟
قمر :حجات كتير اووي
ربيع :ومن بين الحجات دي ايه اللي ينفع مع تربة ارضنا وجوها؟
قمر :كذا حاجه علفكره
ربيع :صبرني يارب ...طب قولي حاجه من الحجات دي كده
قمر :بعيدا عن هزارك الرخيص وقلشك ومكرونه اسبكتي وهزار وبتاع
احب اقولك ان التربه والارض انسب حاجه للزراعه فيها اليومين دول ....مكرونه بشاميل هههههه
ربيع رمي الملعقه في الطبق وكشر تكشيره عادل امام دي عرفينها بتاعته وهو قرفان من حد 😂😂
وسابهم وخارج
مهاب :رايح فين ياولدي
ربيع :رايح اكمل شغل ياعمي فيه كام حاجه كده هشيك عليها اصل الجو هنا بقا يلطش
قمر :لطشتك لطشت شمس يابعيد تقور نفوخك
ربيع :عارفه ايه احلي حاجه عجباني فيكي يابت عمي
قمر بحب :ايه
ربيع :لسانك
قمر :😏اشمعنا
ربيع :عنده قدره انه يتدلدل ٣ امتار ولما تحبي تحطيه جوا بقك تاني بتلفيه زي لسان الكلب وبقك بيكفيه سبحان الله
قمر لسه هتتكلم ربيع خرج يجري وهو بيضحك علي قمر اللي هتنفجر من الغيظ بعد دقائق معدوده
مهاب بص لقمر اللي كانت مكشره زي العيال الصغيره :
مهاب :قمري
قمر :امممم
مهاب :فكي بوز البطه وافطري محدش هينفعك غير الوكل صدقيني يابنيتي...
واقطعي الحبال الدايبه اللي متعلقه بيها دى بنفسك وبأيدك ...بدال متتقطع بيكي وانتي متشعلقه بيها وتنزلي علي جدور رقابتك
قمر بصت لطبقها بأسى وهزتله دماغها بقلة حيله وبتقلب فطبقها بالمعلقه
بدر :كفايه تقليب خليتي المربي بقي شكلها فظيع
قمر :كلي وانتي ساكته يابدر بدال مأظرفك بطبق المربي دا فوشك
بدر بصوت واطي :ياعيني علي اللي حب ومطالشي 😂😂
قمر قرصتها من تحت الطربيزه خلت بدر صرخت
ريناد :بطلو شغل العيال ده بقا ويلا خلصو فطار عشان ورانا شغل كتير في المطبخ عشان عمتك قمر وجدك وجدتك جايين النهارده
بدر :ورهف كمان 😂😂😂😂😂
قمر رمت المعلقه في الطبق وقامت وهي متعصبه ومشيت علي الباب
انا مش هطبخ ولا هعمل حاجه وبعدين انتي وعمتو سلمي اعملو الاكل احنا مش فاضيين وبصت لبدر وزعقت :قوووومي
بدر اتخضت واخدت حتته جبنه وقامت جريت بسرعه علي قمر اللي زقتها قدامها ومشيو عالارض
مهاب :اهي هتفضل متكهربه اكده طول ما رهف اهنه والله عتصعب علي بتي قوي ...
ريناد :طب ورهف بتعملها ايه وزنبها ايه يعني وبعدين محنا كلنا عارفين رهف عينها علي مين بس هو ربيع حمار مش فاهم ..
مهاب :تقوليش عليه حمار بزعل عليه ... قولي جحش 😂
ريناد:اه نسيت انه لسه موصلش لمرتبه حمار دي اصل مش اي حد يوصلها بسهوله ....الله يصبحك بالخير ياقمر يامرات اخويا 😂
مهاب :طب عشان بقا الظرف واللطافه دي عالصبح ...وقام عليها وهو مبرقلها
ريناد :هتعمل ايه ياراجل انتا انا بضحك معاك علفكره
مهاب :منا كمان هضحك معاكي وقرب منها ...فاكره دي وعضها فنص ضهرها فنفس مكان زمان 😂
ريناد صرخت : مش هتكبر ابدا ياهباب ابدا وبتعافر عشان توصل لمكان العضه مش عارفه
مهاب شالها وهو بيضحك عليها استنى ههرشلك فيها انا ...
ريناد :اوعي سيبنى مش عاوزاك تهرشلي
فجأه جه صوت من وراهم :
مشا الله مشا الله لسه فيك حيل تشيل ياولد ابوي ؟
مهاب وقف مره وحده ورمي ريناد عالارض ومسك ضهره بتمثيل :اه ضهري اه عمودي الفقري قفش مره وحده ايفقراتي ...
ريناد بتضحك عليه وقامت وراحت علي قمر اخدتها بالحضن وسلمو علي بعض
ريناد :امال فين الباقي ؟
قمر :امك وابوكي عاوزين نص يوم عشان ينزلو من العربيه وسبت رعد ينزل فيهم ومهاب واحمد في شغلهم انتي عارفه الشغلانه المهببه اللي ورثهالهم ابوهم دي معيفضوش منها واصل...
بس ممكن يجو علي بكره اخر النهار يسلمو ويقعدو ساعتين تلاته ويمشو ورهف في الارض جريت علي عيال خالها وعمتها
قمر بصت لمهاب اللي لسه ماسك ضهره :عقولك ايه مش هتسيب فقراتك وتيجي تسلم علي اختك وكفايه حركات ...وبعدين هتمثل علي مين منا شفتك وانت لافحها وعترمح بيها كيف الحمار الحصاوي
تعالا تعالا انا عغير معحسدش
ريناد ضحكت جامد عليه وهي بتقوله حمار حصاوي 😂😂
مهاب :عجبتك قوي يابت الجزمه
جت عالجرح
جالهم صوت من وراهم
طيب ماحدا بدو يسلم علي الجزمه؟
الكل بص
ريناد :ماما حبيبتي وجريت عليها
مهاب :حماتي حبيبتي العسل وراحلها
رهف :عسل ؟....لساتها رينو كانت بنت جزمه من قليل ؟
مهاب :ياحماتي عاد متخديش عالكلام ديه انا بدلعها ...وبعدين تعالي اهنه انتي كل ماتكبري عتحلوي ليه هاه ...ارجوكي ادي سر الخلطه لريناد
رهف :رينو حبيبتي مامحتاجه خلطه ولا شي رينو قمر
مهاب :هي قمر ايوه بس انتي قمر وشمس ونجوم والمجموعه الشمسيه والكواكب وكل الفضاء
احمد من وراهم خبط مهاب علي دماغه بالعكاز خبطه خفيفه :
انتا ياولد مش هتبطل تعاكس في مراتي كل ماتشوفها ولا ايه ؟
مهاب :غصب عني ياحماي وبعدين شوف مرتك اللي يشوفها يقول بت ريناد والله
رهف :والله كتير بحبه هالمهاب
مهاب :يأبرني الحلو
الكل ضحك ودخلو علي الصالون وانضملهم رعد وسلمو علي بعض سلام حار وبعد كده جاتلهم سلمي ومحمود وكانت قعده اسريه جميله
في الارض :
قمر :ربيع معلش ممكن تطلع الشجره دي تجيبلنا تين مستوي معلش انا وبدر نفسنا فيه
بدر :لا انا مبحب.. قمر زغدتها بكوعها
بدر :اه والله ياربيع هاتلنا تين
ربيع :تين عالصبح دانتو عالم سئيله وبعدين احنا فاضيين لطلوع الشجر والتنطيط ده ؟
قمر :معلش ياربيع نفسي فتين عشان خاطرى ..
ربيع طلع الشجره بسرعه وبقا يحدفها بالتين وهي مش عارفه تلقفه :خدي تين كلي تين جاكي الطين لوغي عالصبح لوغي
قمر :يبني نشن كويس واستنا القف عشان التين كله باظ ولا اقولك حطهم فجيبك وابقي انزل بيهم
ربيع :ربنا يشحور قلبك عالصبح زي مامشحوراني يابعيده
بدر بصت لقمر بتسأول قمر شاورتلها علي رهف اللي جايه عليهم من بعيد بطلتها الساحره وعلي وشها ابتسامه جميله بدر فهمت قمر هتعمل ايه
بدر :حرام عليكي فمره هتتقطم رقابته
قمر :احسن عشان يتربي
رهف قربت علي البنات ولسه هتسلم
قمر بصوت عالي :
رهف بنت خالي واحشاني
ربيع اول ماسمع اسم رهف اتلخبط وساب ايديه ووقع من علي الشجره تحت رجليهم 😂
رهف :يي كل مره ربيع اجي اشوفك عمتوقع من فوء شجره ؟
قمر :قرد ياحبيبتي طول النهار والليل فوق الشجر كده وكل شويه يقع لما كتر الوقايع اثرت علي دماغه وعاوز عمليه زرع مخ فاقرب وقت
رهف :ياحرام
ربيع قام وضرب قمر بتينه كانت فأيده جت في وشها
قمر :عبوشكلك
ربيع بص لرهف بحب واضح واتقدم منها وسلم عليها وهو سرحان فعنيها
رهف :كيفك ربيع
لسه هيتكلم
قمر :كيف القرود
رهف ضحكت وربيع داب فضحكتها وطلع تين من جيبه واداه لرهف
رهف :يسلمو ربيع ..بس فيك تغسلهن بلا غلاظه
ربيع :انتي تؤمري واكيد هغسلهملك امال انتي تاكلي من غير غسيل زي الحيوانات وبص لقمر اللي بتاكل فتينه بغيظ
رهف :يسلمو ربيع تؤبرني
ربيع :بعد الشر عليكي اقبر قمر يارب وانتي لا انتي اللي تؤبريني
قمر : بعد الشر عليا قبر يقبركم انتو الاتنين... وسابتهم ومشيت بالخطوه السريعه وبدر وراها بتضحك عليها ومش قادره تحصلها
قمر بتبرطم وهي ماشيه :كل شهر حرقة الدم دي وعلي مايجي الدم يتجدد ويتصفي يكون الشهر اللي بعده جه
بدر :استني يام دم محروق قطعتي نفسي اه ياني
قمر :مدي انتي كمان بدال مااطلع حرقة دمي فيكي دلوقتي
بدر :😂😂طب وانا عملت ايه
قمر مسكتها من هدومها :من غير ماتعملي عاجبك ولا
بدر :😂عاجبني عاجبني
رهف بتتلفت يمين وشمال بلهفه وربيع فهم عنيها بتدور علي مين
ربيع في سره :اه يارهف اه كل ماتيجي عنيكي بتدور علي واحد انتي ولا فباله وسايبه القلب والعيون اللي بيتمنو نظره وحده منك وابتسامتك بالنسبالهم هي العالم ومافيه ...يعني يارهف معقوله مش حاسه بحبي ليكي وعيوني اللي فضحاني كل مااشوفك ؟
فاق من سرحانه علي صوت رهف :
أاا فيك ربيع تخبرني وينو حس...
ربيع جاوبها قبل ماتكمل :
حسن مش كده ؟ حسن بيولد فبقره هناك اهو 😔 وشاورلها عليه وهي جريت عليه بسعاده وربيع متابعها بعنيه وبص للتين اللي فأديه وابتدا ياكل ويهز دماغه بأسي وقلة حيله
رهف وصلت عند حسن اللي كان بيسحب في العجل من البقره وفلحظه وصول رهف العجل اتولد
رهف :يي شوووو حلو... هالو يازغير ويلكم
حسن ابتسملها :رهف ..؟ وشك حلو البقره ولدت اول ماجيتي مع انها كانت ولاده متعثره
رهف قربتله :شكلك يجنن وانت عم تشتغل حسن ولسه بتقرب
حسن ارتبك :ايه هي هو رايحه فين ياعم القطر انتي فرملي مش شايفه الدم والقرف اللي علي هدومي
رهف :شكلك كتير مثير بهالدم والقرف
جالها صوت ربيع من وراها :احممم
حسن :تعالا ياربعه ساعدني نقوم العجل يرضع السرسوب عشان تعب في الولاده مش قادر يقوم
ربيع :لا ساعده انت انا ميقربليش 😂
حسن :اتلم ياربيع وتعالا ...جاله صوت من وراه
بدر :انا اساعدك يبن خالي وقربت معاه للعجل ومسكو ايديهم من تحت بطنه بعد ماحسن نضفه كويس وقوموه مع بعض وابتدا العجل ياخد اول رضعه من مامته
ربيع :طبعا محدش قدك وانت وسط اسرتك الصغيره السعيده
حسن بيضحك عليه بتمثيل :يه يه يه يه يه ياظريف الدم ياخفيف الروح ...يلا ياد انت من هنا مش مرضتش تساعدني قاعد هنا ليه
ربيع :انا اقعد في اي حته تعجبني
حسن بعد مااطمن علي العجل ومامته :طب خليك ياخويا انا ماشي سلام ..وقلع البالطو بتاعه ورماه علي ربيع وهو كله دم
ربيع رماه بقرف :الله يقرفك يامعفن
رهف وهي متابعاه بعنيها :ياويلي شفتو كيف كان بيولد البقره ياالله شو جذاب
ربيع قربلها :هو انتي فاكره توليد البقر دا صعب؟ ..هه ..شفتنيش انتي وانا بولد كل انواع الحيوانات ..
يالهووووي ...وخدي دي بقا انا بعرف اولد النمله 😎
جالهم صوت قمر من وراهم :ايوه شفتيهوش انتي وهو بيولد النمل فاتك نص عمرك
رهف :😂😂بس انا بعرف النمل عميبيض
قمر :لا مهو بيولدهم غصب ومنعهم من البيض اصله جاحد
ربيع بيهز فدماغه بخيلاء
قمر ماشيه وهي بتخبط ايديها فبعض
ربيع :رايحه فين يازفته ورانا شغل
قمر :رايحه اسخن ميه عشان فيه نمله بتولد وطالبينك تولدها ... يااهبل
رهف :استني قمر جايه معك
قمر :لا خليكي انا رايحه اشتغل هتعملي معايه ايه انتي ...؟ اقعدي احسن شوية تراب يعفرو عليكي يسدو رأتينك وتفيصي مننا يافافي يانايتي وسابتها ومشيت
رهف الصغيره راحت البيت ودخلت سلمت علي عمتها وخالها ودخلت مع امها وسلمى وعمتها المطبخ
رهف :فيني اساعدكن
قمر الكبيره :ايه ديه ست الهانم البرنسيسه بزات نفسيها عارضه المساعده ....؟ استر يارب الا امبوبة البوتجاز تفرقع فينا
رهف :انا غلطت بجيتي هون عن اذنكن وسابتهم وخرجت وقعدت فالصالون مع بباها والباقيين وحضنت جدتها رهف الكبيره واتكت علي كتفها ورهف فضلت تطبطب عليها بحنيه
ريناد :يبنتي فيه وحده بنتها تقولها ادخل المطبخ اساعدك وتقولها لا؟
قمر الكبيره :اسكتي انتي متعرفيش حاجه دي دخلتها المطبخ يعني كارثه هتوحصول مناقصينش مرار دلوكيت
قمر الصغيره وبدر وربيع هما كمان بعد شويه رجعو البيت مع بعض وحسن جه وراهم بعد شويه والكل اجتمع علي الغدا ولما قربو يخلصو اكل وصل سليم ابن محمود وسلمي اللي كان بيودي الحساب البنك
سليم :اه لو اعرف حماتي اللي مش بتحبني دي ومخلياني دايما بحضر فآخر الاكل دايما وامصمص مصمصه 😢
سلمي :مش بتحبك يبقا متحبش بتها خلصانه يعني
سليم :مقدرش محبهاش امال هعيش معاها ازاي ؟ وفي سره :بس الاقيها بس
ربيع لاحظ همسه :عتقول حاجه ياواد عمتي
سليم :قلبت صعيدي ؟ لا يخويا مبقولش وراح علي خالته وسلم عليها وعلي الكل وقعد علي السفره ياكل
مهاب :عملت ايه يابو اخته
سليم :.........
مهاب :ياه كل ديه عميلتو طب والله براوه عليك ياولا ..طب والموضوع التاني
سليم بياكل :...........
مهاب :كنت عارف انك كدها والله بس يلا كل ..كل وبطل رط الا الرط وحش قوي وخصوصا عالوكل
سليم بياكل :...........
الكل :😂😂😂😂😂😂
مهاب :طب خلاص ياولدي كل وكفايه كلام فالشغل
سليم رزع الفرخه اللي كانت فأيده وبص لخاله :باكل ياخال حرام عليك خليني اعرف الاكل بيروح فين؟.. الف مره اقولكم مبحبش اتكلم عالاكل هاكل واقوم احكيلك كل حاجه الصبر ..الصبر ياخال
مهاب سكت شويه وبص لسليم تاني :
ياد ياساليم
سليم :.........
مهاب :طب رد علي دي بس ...هو انتا الوكل ممكن يروح عندك فمكان تاني غير بتاعنا الطبيعي ديه؟ ....طب ياتري بيروح علي فين 🤔🤔
سليم :...........
سلمي :يامهاب سيب الواد ياكل شقيان وطول النهار بيلف علي كعوب رجليه حرام عليك
مهاب :انتي شفتيني اتكلمت يعني ياسلمي؟ مهو اللي كل مااسكت ينكشني بسؤال يخليني اتكلم تاني
وه ايه الظلم ديه!!!
الكل ضحك عليه
قمر الصغيره :تضحكوش علي بابا حبيبي ....خد ياباباتي كل وسيبك من الناس الوحشين دول
سليم :اهو دلعك ليه ده اللي مبوظه علي فكره
مهاب :نطقت دلوكيت ...خفتش الوكل يروح علي دماغك ؟
قمر :بابا وبدلعه محدش له دعوه بينا وطلعتله لسانها
ربيع بص لسليم واتكلم :بسرعه غز لسانها بالشوكه واقطع حته منه جمبك دي فرصه مش هتتكرر انا لو جمبي كنت عملتها
قمر :يه يه يه يه يه .....ودي كانت الضحكه المعتمده ليها هي وحسن لما ربيع يغيظهم وهما عارفين انه بيتنرفز منها 😂😂
ربيع :بصي يامرات عمي شايفه الهوهوه بتاعت عيالك اهم علطول يهوهولي كده
حسن 😂 :مهي دي لغة التفاهم معاك يابني
الكل ضحك عليه حتي رهف اللي اول ماربيع شاف ضحكتها نسي الكل وركز معاها والكل انتبه بس فيه اشخاص مكنش عاجبهم الوضع ولا راضيين عن حب ربيع لرهف بالمره
بعد مالكل خلص اكل ومجتمعين في الجنينه بيشربو الشاي ربيع جاله تليفون :
ربيع قام بعد عنهم :ايوه ياحسنه
حسنه :ايه ياواد حمد الحكايه طوالت ومسخت هتنفذ ميته
ربيع :سيبي التنفيذ ديه بعدين براحته خليكي فحالك انتي وبعدين انتي يعني ناقصك ايه مش كل طلباتك مجابه وكل شهر بجيبلك فلوسس تكفيكي وزياده ؟
حسنه :ناقصني ياولد حمد ناقصني حرق قلبهم كلهم ...ناقصني مالهم كله يبقا تحت يد...ي هو ديه اللي خلاني وديتك حداهم من وانت فرخ صغير هو ديه اللي كل يوم بطلبه منيك ياولد بطني وان اوانه ودلوكيت وكته
ربيع:طيب ياحسنه انا جايلك بعد يومين اجيبلك فلوس ونتكلم سلام دلوقتي احسن حد يلاحظ
حسنه بفرح :سلام ياولد بطني ربنا يحميك ويحرسك ويقدرك علي اللي داخل عليه
ربيع قفل السكه واتكلم بغيظ :ايوووواه ادعيلي كده افضلي ادعيلي كتير لغاية لما تجيبي اجلي اصل العمار بينك وبين ربنا واصل لاخره ياحسنه الكلب
مهاب كان متابع ربيع بعنيه وشاف الديق علي وشه
مهاب :ياتري ياربعه ايه اللي عكر صفو وشك اكده
رهف الكبيره :عم تلاحظ كل البشر حولك مهاب انت مافي منك ولا من الحب يلي بقلبك
مهاب :انا اصلا كل اللي حواليه اهلي وعيلتي وحبايبي ولازم اخد بالي منهم وربيع ده بالزات له معزه خصوصي جوا قلبي عشان لقيت فيه اللي ملقتهوش في اخواتي لقيت فيه اخ لعيالي وسند ليهم وراجل يعتمد عليه فأي وكت وبصراحه من غيره مفيش اي حاجه تمشي
رهف :الله يخليلك ياهن كلهن ويخليك الهم ويديمك بحياتهم وحياتنا كلنا يارب
الكل امين يارب
ربيع قرب عليهم :رافعين ايديكم ليه
قمر الصغيره :بندعي عليك
ربيع :طب قومي بس وسعي كده بظورف امك ده عاوز اقعد جمب عمي ...لامؤاخذه يامرات عمي بس القلش لو مش عالام مش بينفع
بدر :تعالا اقعد هنا انا قايمه هلف لفه اشيك علي الارض والمزرعه وقامت مشيت
ريناد :لا ياحبيبي متعوده انا علي الزفت ده من عمك ومنكم كلكم خد راحتك جتتي نحست مش بزعل منكم
مهاب التفتله :عاوز تسافر صوح؟ ...والتلفون ديه كان من حسنه عاوزه فلوس مش اكده ..ّ ؟
عشان اكده ياولدي وشك جاب الوان كان لازم افهم لحالي ..
طب خد من سليم الفلوس اللي انت عاوزها وسافرلها ياولدي دي مهما كان امك جنتك ونارك
ربيع في سره :عمرها مكانت جنتي طول عمرها ناري ومش عارف هتوصلني لفين لكن برضو اديني معاها....
واتنهد بصوت عالي وقام عشان يتمشي وقمر الصغيره قامت عشان تتمشي وراه تحت انظار كل الموجودين اللي كانو كلهم مدايقين علي قمر من الحب من طرف واحد
رعد قاعد بيتكلم مع مهاب وفجأه سقف بأديه خلي الكل اتخض
مهاب :مالك يارعد الهواس قام ياجوز اختي ولا ايه؟
قمر :له هو اكده سلوكه اتلمس يشتغل ويسقف ويغني وكل حاجه تبعد السلوك يبطل 😂😂
مهاب :انا عن نفسي عاذره ومقدر اي حاله واصلها دا جوزك ياماما انتي مش حاسه بقدراتك ولا ايه؟
رعد :ممكن تفصلو فقره الارجوزات دي عشان اعرف اتكلم ياعيله مناخوليا
مهاب وقمر شاورو علي بقهم :🤐🤐
رعد :شريف صاحبي كان كلمني عشان بنته الصغيره دنيا اعصابها تعبانه شويه وكان عاوز يجيبها ويجي يقضو يومين هنا وسط الخضره والزرع يمكن اعصابها ترتاح
ريناد :طبعا يشرفو يارعد ياخبر ومش بس هو ودنيا لا دول يجو كلهم ...دا بعد اذن مهاب طبعا
مهاب :اكيد طبعا يارينو واحنه من ميته عنقفلو بابنا فوش حد يخبط عليه وبالنسبالك ياسيادة اللوا انت تجيب اي حد من طرفك فاي وقت ومن غير استئذان دي ارضك قبل ماتكون ارضنا
رعد :تسلملي يابو نسب
رعد بص لقمر لقاها مبرقاله
وبتبصله نظرات مريبه
رعد بتوجس :خييير مش مطمن للبصه دي انا فيه ايه ؟
قمر ميلت عليه وهمستله من بين سنانها :تعرف انا دخلت علي مهاب لقيته عامل ايه
رعد :ايييه
قمر :لقيته شايل اختك ورايح جاي بيها في البيت ..ولازمن ولابد ومن كل بد زي ماشال اختك تشيله اخته
رعد ديق عنيه وبص لمهاب :فيك صحه للشيل ياجاحد؟ ...طب انا زنبي ايه دلوقتي ربنا يهدك ياشيخ
مهاب وريناد ضحكو عليه وقمر قامت وفردت دراعاتها عشان رعد يشيلها
رعد :اقعدي ياماما عيب اقعدي واحترمي شعري وشعرك الابيض ده واحترمي وضعنا ومكانتنا في المجتمع الناس تقول ايه لو حد شافنا ...
طب دول مهزقين احنا مالنا
قمر :طب والله مقاعده غير لما اتشال وبعدين مين قالك اني مش مهزقه دا انا كبيره المهزقين ورئيستهم
رعد بص لمهاب وزغرله بغيظ وغلب
مهاب :متشيل ياعم انت من سكات ايه الخراعه دي
رعد قام ورفع قمر علي كتفه وخلاها زي العصايه الرجلين علي كتف والدماغ علي كتف ومشي بيها
قمر :مش اكده يافقري دي حركه واحد عاوز يقسم عصايه نصين جاك الغلب
رعد :مبعرفش اشيل غير كده عاجبك ولا ارميكي
قمر :له ترميني ايه دانا في الدور التاني تتقطم رقابتي ....ايه يلا الحمد لله علي اكده
احمد ورهف الصغيره ورهف الكبيره وحسن ميتين عليهم من الضحك وخصوصا علي عمتهم اللي كل ماتجيلهم ميبطلوش ضحك عليها وعلي كلامها وتصرفاتها
مهاب بص لحماته وبعدين بص لحماه اللي برق عنيه قوي وقفلهم مره وحده وعمل نفسه نايم
مهاب :هربت انت من الشيل يانمس
احمد شخر بصوت عالي خلي الكل ضحك عليه حتي رهف مراته
مهاب :طب بلاش تشيلها عشان السن واكده نومها ع الارض وبرجلك كيف امبوبه البوتجاز ودحرج اهو اي حاجه
احمد فتح نص عين وزغد مهاب بالعكاز فجنبه خلي الكل ضحك عليه
حسن :بابا كنت عاوز اقولك حاجه
مهاب :قول يادكتور البهايم
حسن :مالك صاحبي ودفعتي منتا عارفه
مهاب :ايوه طبعا ماله مالك
حسن :كنت عاوزه يجي يشتغل معايه في المزرعه هنا عشان انا مش ملاحق علي شغلها لوحدي ايه رأيك
مهاب :ايوه ومالو اهو حتي يساعدك في التلقيح 😂
حسن :يووووووه وقام سابهم ومشي علي المزرعه ورهف قامت وراه
حسن التفت لرهف اللي كانت بتندهله وطبعا هو عارف هي كل مره بتتكلم فأيه وهو معندهوش اي مشاعر من ناحيتها وبيعتبرها زي اخته ....وغلب يفهمهاكده وقرر انه هيتكلم معاها بأسلوب ناشف المرادي عشان تبعد عنه وتشوف حياتها
حسن بيلف لرهف ولسه هيتكلم لقي رجلها اتزحلقت في ميه كانت عالارض وهتوقع جري عليها لكن للاسف رجلها كانت اتلوت تحتها
حسن قرب منها وشالها وهي بتتألم من رجلها ودخل بيها المزرعه
ربيع كان بيتكلم مع قمر عن الارض ولما التفت لورا شاف حسن شايل رهف وداخل بيها المزرعه وهنا الدم غلي في عروقه وزق قمر وجري بسرعه عالمزرعه
ياتري ربيع هيتصرف ازاي ورد فعل حسن هيكون ايه وهل وقت الغيره الشخص بينسي نفسه واللي قدامه فعلا ؟
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا