مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية اجتماعية واقعية وصعيدية جديدة للكاتبة ريناد يوسف والتى سبق أن قدمنا لها العديد من الروايات علي موقعنا قصص 26 وموعدنا اليوم مع الفصل الخامس والعشرون من رواية فصيلتي القوية بقلم ريناد يوسف.
رواية فصيلتي القوية بقلم ريناد يوسف - الفصل الخامس والعشرون
رواية فصيلتي القوية بقلم ريناد يوسف - الفصل الخامس والعشرون
تابع من هنا: روايات رومانسية جريئة
حسن دخل المزرعه برهف اللي بتتألم من رجلها وقعدها بالراحه علي كرسي ومد رجلها علي رجله بعد ماقعد قدامها وشافتهم بدر وجت عليهم جري
بدر :فيه ايه مالها رهف؟
حسن :اتزحلقت والظاهر رجلها انجزعت ...بسيطه مفيش كسر ولا ورم هدلكهالها وتتلف برباط ضغط وتبقي تمام
حسن بيضغط علي رجل رهف وبدر متابعاه بعنيها وميته من الغيره جواها لكن بدر من النوع اللي بتخبي مشاعرها ورا ابتسامتها الصافيه ومحدش ابدا يقدر يعرف هي بتحس بأيه
ربيع وصل عند المزرعه وقمر بتجري وراه حصلته وهي بتنهج
رهف :اه شوي شوي حسن مافيني اتحمل اكتر شوي شوي
حسن :خلاص اجمدي قربت اخلص اهو
ربيع بص لقمر اللي هي كمان مزبهله من اللي بتسمعه ودخل المزرعه بسرعه ووقف لما شاف المنظر قدامه وابتسم ابتسامه بلهاء واتنهد 😁
قمر ضربته علي كتفه :إن بعض الظن إثم ياجدع
حسن بصلهم هما الاتنين ورفع حاجبه :ايه مالكم بتنهجو زي اللي بيجرى وراكم كلب سعران ليه؟
قمر :لا ابدا دا بس ربيع تعب شويه
حسن :تعب ازاي يعني
قمر :لا دول شوية تعب في مخه بيفكرو عليه كل شويه متاخدش فبالك منتا عارف اكيد...
حسن بص لربيع وديق عنيه
ربيع :😁 لا متصدقش انا زالفل
حسن : بدر هاتي رباط الضغط ده اللي عندك علي الرف
بدر جابته وكان طويل جدا
رهف :شو هاد؟!!
حسن :ده رباط لسه الصبح فاكه من عجل صغير اتزحلق زيك كده لكن ربنا سترها معاه زيك برضو وخف... الرباط ده وشه حلو ...ونفضه فوشها طلع تراب عليها
رهف بقرف :لا مابدي ماراح اربطه
حسن ا:انتي حره خليكي كده شوفي مين يوديكي البيت وانتي مش هتقدري تدوسي علي رجلك!!
ربيع ابتسم بخبث وقمر فهمته
قمر :اكيد هنتصرف يعني مش كده يابدر وغمزتلها
بدر فهمت واتلفتت حواليها وجابت عربانه صغيره خاصه بنقل العلف وتوزيعه علي العجول وحطتها قدام رهف
حسن ضحك علي اخته وعلي بدر وتصرفهم
ربيع :ايه دا يامجنونه ؟
قمر :والله ....شوف والله ....محد هيروح بت خالي غيري ...امال انتو فاكرين ايه هنرموها هنا وسط البقر ونسيبها تموت؟.... ابداااا وزقت رهف علي العربانه وابتدت تخرج بيها
رهف :لا مابدي مابدييييي نزليني قمر بالله عليكيييي ...
قمر :بس يابت هوس خالص انتي مريضه وما علي المريض حرج امسكي كويس عشان هنطلع امريكاني وجريت بيها بسرعه ورهف ماسكه في العربانه وبتصرخ
بدر وحسن فطسانين من الضحك وربيع بيجري وراهم :استني ياقوقه خضيتي البسكويته الهي يخضك ديب ويخطف دراعك يابعيده
قمر بتبصله لورا وبتزود في السرعه وبتزعق وهي مبرقه عنيها :عن عن عن عاااااااان ....وسع طريق للاسعااااااف معانا مصابه حالتها خطررررررر
ربيع :شاله انتي يابعيده بعد الشر عنها
رهف داخت من الخوف وبيغمي عليها في اللحظه دي قمر وصلت الجنينه ومره وحده فرملت ورفعت العربانه قلبت رهف تحت رجليهم كومتها
الكل جري عليها وامها حضنتها :بتي حبيبتى مالها ...وليه محملاها اكده زي ماتكون زباله وبتكبيها يابت رهف؟!!
قمر :انا غلطانه اللي جيبالك بنتك برجلها المكسوره دي ولا مجزوعه ومهنش عليا اسيبها في المزرعه وسط العجول ؟ صحيح خيرا تعمل شرا تلقي !!!
رعد :معلش يابنتي كتر خيرك بس يعني طريقه التوصيل صعبه شويه والدألجه اللي في الاخر دي كمان !!!
وبعدين البنت مالها كده ؟
رهف فاقت وبتبكي وبتشاور علي قمر
قمر :😁😁ايوه انا اللي جبتك هنا ومش عاوزه شكر ولا اى حاجه... الشكر لله ومسكت ربيع من هدومه وجرته معاها
قمر :يلا ورانا شغل مفيش وقت للتتنيح ده ...قدااامي
ربيع بيحاول يبص علي رهف اللي بتبكي ووشها احمر من الخوف والبكا وكور ايده واخد قمر قدامه ضرب بواني فكتفها لغاية ماوصلو الارض
قمر :اه خدلت كتفي جتك ضربه فمعاميعك
ربيع :مسكها من هدومها :حد يعمل في المهلبيه كده؟ حد يرمي النعمه في الارض!!! بتكبي البت كب جاتك قلبه فمكب نفايات بعد ماقاتل متسلسل يخلص عليكي وتكوني ضحيته الاولي عشان يتفنن فيكي ويموتك بأبشع الطرق...
قمر :بس يلا بطل ولوله وقدامي يالا اركب جرارك وهات الحوض الغربي وانا هجيب الشرقي ومتنزلش من عليه غير لما تخلص خالص فاهم.. وبرقتله
ربيع :طب غوري من وشي غوري ..
قمر اتحركت وربيع بيرطم عليها بدون صوت وبيجز علي سنانه من حركاتها المعتاده وتفريقها بينه وبين رهف فأي فرصه تجمعهم
قمر :بتقول حاجه
ربيع :لا مبقولش تك خابط ولف علي الجرار ...واتنهد ..ياتري يامهلبيه عامله ايه دلوقتي ؟ شاله قمر اللي كانت انكسرت وانتي لا !!!
قمر بصوت عالي :شاله انت وهي يابعيد
ربيع بص لقمر اللي كانت علي مسافه منه المفروض متسمعش منها هو بيقول ايه... واستغرب ازاي سمعته!! وحك دماغه بمفتاح الجرار وكرمش نص وشه وركب الجرار وابتدا شغل
في الفيلا سنيدو رهف ودخلوها جوا
رهف :انا قمر تعمول فيني هيك تحطني بالعربايه وتمشي بأقصي سرعه وما يهما بكيي ؟!!
مهاب وريناد بصو لبعض ومهاب كاتم ضحكته من عمايل بنته وفنفس الوقت ريناد صعبانه عليها قمر قوي عشان حاسه بالنار اللي مولعه فقلبها وكمان صعبانه عليها رهف من عمايل بنتها فيها...
قمر الكبيره :معلهش ياحبيبتي هي قمر قلبها اوبيض وعتحبك غيرش هي بس هبله شويه ومعترفش فالاتيكيت ...اهو انا كنت زمان شويه زيها اكده بس يعني انا على اخف ..
الكل برق عنيه وبص لقمر فوشها :
قمر :😁 بس عقلت... صوح ..صوح ..متنكروش
رعد :لا حوشي العقل اللي من كتر ماهو كبر طلع من الجمجمه خلاها انفجرت ...دا كفايه عملتك الصبح اللي خلت ضهرى لسه مقسوم نصين ؟..انا اشيل في السن ده انا !!!....لكن العيب مش عليكي العيب علي الشايب العايب ده ...انتو عيله عمرها مبتعقل ...الحمد لله ربنا نجي عيالي من اللعنه دي
مهاب وقمر :😁😁 وضربو كف ايدهم ببعض ✋✋
جوا المزرعه حسن بيكشف علي المواشي وبيتفقدهم وبيمارس روتينه اليومي وبدر معاه وبتساعده
حسن :خلاص يابدر من بكره هترتاحي من شغل المزرعه وهتفضي للارض وبس.. لشغلتك اللي بتحبيها انا عارف انك بتيجي المزرعه عشان تساعديني لكن انا كلمت دكتور زميلي يشتغل معايا مكانك ...
بدر سابت العلاج اللي فأيدها بعد ما حطت منه فأكل عجل تعبان وقعدت علي حرف الحوض بتاعه وبصت للارض واتنهدت ..
حسن :ايه دا بالراحه طيرتي التبن من المخول من شده التنهيد والنفخ 😂 وبعدين انا بقولك هترتاحي من المزرعه فهمتي غلط ولا ايه ؟
بدر بنرفزه :لا فهمت صح وصح جدا كمان ...وبعدين مين قالك ان شغل المزرعه بيتعبني ياعم انت... انا بحب شغل المزرعه جدا علفكره وحتي لو جبت مليون حد غيري انا برضو هجي هنا كل يوم واصبح عالعجول واتكلم معاهم
حسن :اله دا عشق بقا !!...مكنتش اعرف انك بتحبي الحيوانات اوي كده ؟
بدر :ليه يعني منا بحبك من زمان 😂
حسن :😕😨 الله مهو الحلو بيقلش ...اتعلمتي القلش امته يبت ....عمتي ؟
بدر :مهو اللي يعرفك لازم يتعلم القلش عشان يعرف يتعامل معاك وقامت وهي متنرفزه وبتخرج لبره
حسن :رايحه فين
بدر:مروحه
حسن :طب خدي.. بدر رجعتله فاكراه هينوالها حاجه تروحها :خدي بالك من نفسك ...
بدر مسكت حبة تبن من قدام البقره وحدفتهم فوش حسن وخرجت من قدامه جري
حسن :ماشي ياهبله هوريكي لما ارجع البيت ...
علي اخر النهار قمر خلصت شغلها وربيع كمان وركنو الجرارات ومروحين مع بعض
ربيع مبتسم مع نفسه وهو ماشي عشان راجع وهيقعد مع رهف شويه
قمر :اقفل بوقك احسن حاجه تدخل فيه تطلع روحك
ربيع :ليكيش دعوه ببقي وخليكي فنفسك ومتبصيش عليا
قمر كشرتله وبصت النحيه التانيه
ربيع :غوري تك داهيه تاخدك كمان بتكشريلي ..انتي ناقصه تكشير مهو شكلك يسد النفس لوحده
قمر نطت قدامه ومسكته من هدومه وحطت رجلها ورا رجليه بحركه مفاجئه وقعته علي ضهره وحطت رجلها على بطنه وقربت منه وهى ومكشره عن سنانها ومبرقه عنيها جامد وبتتكلم من غير ماتفتح بوقها
شكل مين اللي يسد النفس يلا هاه؟. شكلي انا يمعفن انتا ،،متبص علي نفسك،، ومسكت دماغه وفضلت تخبطها فالارض كذا مره ورا بعض :
وبعدين شايف نفسك عليا ليه هاه ليه مش عجباك ليه ..؟ يعني عاجباك رهف الملزقه دي ؟؟دي يبني ...
وقبل ماتكمل ربيع كان عاكس الوضع ومكتف قمر وراكس بركبه جمبها وايد مثبته ايديها الاتنين لفوق والايد التانيه واخده وضع البونيه ونزل عليها ضرب جمب بوقهها كذا بوكس ورا بعض ومع كل بوكس كلمه ..
ربيع :بتجيبي سيره المهلبيه علي لسانك ليه... بتشبهي نفسك بالملبن ياقالب الطوب انتي ؟ وبعدين ابصلك من انهي ناحيه يمقشفه دانتي الشق فرجلك من شغل الارض يخبي عقربه ميبانش منها حاجه ؟
قمر برقتله
ربيع اداها روسيه :ايه بتبرقي ليه مش مصدقه ولا مبتبصيش علي نفسك
قمر :طب سيب ايدي ياكلب البحر ثواني كده سيب
ربيع :اه اسيب ايدك عشان تضربيني عاوزاني احبك وانتي بتضربيني يبت الجزمه .؟ بتقارني نفسك برهف ؟ بالبسكوته ؟ اللي لما بتتخض بيغمي عليها ...
وبعدين تعالي هنا ايه اللي عملتيه فيها الصبح ده ؟
رهف تحطيها فعربانه وفضل يخبط دماغها فالارض بعد ماساب ايديها ومسك دماغها بأديه الاتنين
العربانه ..دي ...يتحط ...فيها ...
امثالك ...
قمر مسكت تراب من الارض بأديها الاتنين وحدفته فوشه خلته غمض عنيه وكح تراب من بوقه فوشها
ربيع مسك تراب هو كمان وحطه علي وشها وفضل يدعك فيه زي مايكون بيغسلهولها ..
وابتدت حرب التراب مابينهم لما مبقتش بينالهم ملامح 😂😂
الاتنين تعبو وقامو روحو ودخلو من باب البيت واول وحده شافتهم قمر الكبيره اللي كانت قريبه من الباب ومديهاهم ضهرها ولما لفت لقتهم اتخضت ورجعت لورا :
قمر :اعوذ بالله من الخبث والخبائث انصرفو
الاتنين ابتسمو :😁😁 دا احنا متخافيش
قمر : ايوه انتو مين يعني عرفتكم انا اكده ؟
قمر :ياعمتو انا قمر ودا ربيع
قمر الكبيره :والله اللي شيفاه انك لا قمر ولا دا الربيع
انا شايفه نيزك وخريف واقفين قدامي 😞 ايه عيمل فيكم اكده
ربيع :كنا بنلعب الغبيره
قمر :طب خشو استحمو جاكم الغلب
ومشيت وبصتلهم تاني :
دا حتي خشمكم وسنانكم كلها تراب ياقزانه كنتو بتسفو تراب ياحززني ؟
قمر الكبيره دخلت المطبخ وربيع هيدخل الحمام اللي تحت بتاع الفيلا
وقمر الصغيره هتطلع السلم لاوضتها لكن رجعت لما شافت رهف قاعده لوحدها على كنبه ومندمجه فالتليفون بتاعها اووى ..
قمر اتلفتت يمين وشمال ونزلت تتسحب علي رهف 😂
ربيع شافها قبل مايدخل الحمام ورجعلها تاني عشان فهم انها ناويه تخض رهف لكن ملحقهاش قبل ماتوصلها
قمر قعدت جمب رهف علي الكنبه من سكات وبصالها ومبتسمه وسنانها كلها تراب وملامحها مش باينه 😁
رهف بصت بعدم انتباه وبصت للتليفون تانى وفجأه كشرت وبصت لقمر تاني ووقعت الفشار وصرخت وجت تقوم مقدرتش تحمل علي رجلها ووقعت علي الارض وهي بتصرخ
قمر بتضحك عليها بصوت عالي
ربيع جالها وبيقرب منها عشان يطمنها لكن رهف اتخضت اكتر من شكله اللي ميقلش عن قمر وزودت في الصراخ لغايه مااهل البيت كلهم جم علي صوتها
ربيع مسك قمر من هدومها وبيضرب فيها فكنبه الانتريه ويقومها تاني 😂
ربيع :دي قمر يارهف متخافيش استني هنفضهالك اهو وهتلاقيها قمر والله
قمر بتبعد ايديه :اوعي جك ضربه كسرتلي عضمه العصعوص
ربيع :دانا هكسر عصاعيصك كلها ياجزمه
ريناد :ايه فيه ايه ايه اللي حصل يارهف بتصرخي ليه ؟
رهف بتبكي ومش بتتكلم
ربيع :خضتها القوقه بشكلها العكر ورماها من ايده عالكنبه
قمر الكبيره :فيه ايه يابت يارهف متجمدي اكده مالك كل شويه تبكي وتتشهوني متخليكي جامده كيف امك اكده فزمانها...
مش عارفه جايبه الخراعه دي من وين منا شفتهم عالباب ومخفتش منهم ولا حاجه ؟
وبعدين فيهم ايه يخوف المقندلين دول شفتيش حد طالع من القبر قبل اكده صوح خرعه زي ابوكي !!!
قالت كلمتها واتخضت لما لفت لقيته واقف وراها ..وبسرعه دخلت المطبخ وهو وراها...
خدي هنا بتقوالي علي مين خرع ؟
الله يرحم فطير زمان ولا نسيتي افكرك
قمر :😁بهزر معاك استر علي قدام العيال يارعودي انا ماصدقت نسيت العاده المهببه دي عتفكرني ليه انت دلوكيت ؟
رعد بغضب :قمر اتلمى واحترمى سنك واختارى الفاظك انتى مش صغيره ..
قمر : خلاص يارعد متكبرش الموضوع عاد ..
رعد : لا لما تقولى للبنت خرعه زى ابوكى يبقى الموضوع كبير ياهانم ..
قمر :يعم خلاص ..انا خرعه واخرع خرعه في الخرعين كلهم ...ارتحت
رعد :ايوه كده ارجعي ...قال طالعه لابوها قال ...اما اروح اشوف البت اللي بنت اخوكي هتموتهالي مرعوبه دي
حسن جه من بره وبدر وسلمي كمان ومحمود
سلمي :ايه الصراخ ديه دحنا سامعينه من بعيد ؟!!
حسن بص لربيع وقمر : ايه ممرمطين بعض تاني ليه...هو كل شويه كده ...؟ طب احنا زنبنا ايه فمنظر امكم ده وبعدين ايه الصراخ ده
قمر : البت التوتو دي بتصرخ قال ايه خافت مني ..انا القمر حد يخاف مني
حسن بصلها وكشر نص وشه :بصراحه ملهاش حق حد يخاف من السحن دي ...عبوشكلكم انتو الاتنين ..وبص لرهف :معلش يابت خالي بيت الرعب ده اعملي حسابك علي كده واستحملي
رهف بدلع :راح اتحملهن مشان انت طلبت مني هيك حسسن
قمر بصت لبدر اللي باصه لرهف ومتنحه ورافعه حواجبها ومبتسمه ابتسامة غيظ
قمر :ايه يابدر نفسكيش تردمي حد بالتراب انتي كمان ؟
قمر بسرحان :اه نفسي ..وبعدين انتبهت لنفسها .. لا لا منفسيش هردم مين يعني وليه؟
قمر :😂😂معندناش ادني فرصه يابت عمتي انسي
الكل بص لقمر مش فاهم معني كلامها غيرها هي وبدر وحسن اللي ابتسم ابتسامه خفيفه وبص الناحيه التانيه
ريناد :مش كفايه نبطل شغل العيال ده ونقوم نستحمي ولا عاجبكم شكلكم ده ... متقول حاجه يامهاب
مهاب كان متابع التلفزيون بأهتمام وباين عليه التأثر وملامحه بتتغير كل شويه
ريناد :مهااااب ...مهاااااب
مهاب :ايه ياشيخ الغفر عاوزه ايه
ربناد :قول حاجه لبنتك وابن اخوك
مهاب بصلهم وبعدم تركيز :غورو اتسبحو
ريناد :لا ياشيخ هو ده اللي ربنا قدرك عليه وبعدين ايه اللي شادك قوي كده في التلفزيون ..؟ لفت قصاد التلفزيون لقت هيفاء وهبي ومهاب مركز معاها اوى 😂😂
ريناد مسكت الريموت وطفت التلفزيون
مهاب صرخ فيها :لييييه بتطفي ليييه يامستبده قفلتى عالصارروووخ
ريناد :ياراجل اعقل وعيش سنك خليت ايه للعيال الصغيره ؟
مهاب بصلها كتير ومره وحده رفع اديه وابتدا يشوح قدام عنيها ويغني : اديتهم كل حاجه وهما استغنو عني ان ان ..هما استغنو عني
ومش وهو بيدندن ويعيد ويزيد 😂😂😂
ريناد بصاله وبتضرب ايديها فبعض :
ان ان ؟ اذا كان رب البيت بالدف ضارب ؟ وسابتهم ومشيت
قمر قامت وهتمشي ولما وصلت عند ربيع وقفت :اديتهم كل حاجه وهما استغنو عني ان ان ..وطلعت بعدها على فوق
ربيع هز دماغه بقلة حيله وبص لرهف اللي صعبانه عليه اوي ومدلها ايده عشان يساعدها تقوم
رهف بصت لايده المتربه وكشرت
ربيع لم ايده :هغسلها وترجع جديده والله دا تراب مش حاجه وحشه
رهف :يسلمو راح قوم لحالي وبتحاول تقوم وبدر قربت وساعدتها تقوم وقعدتها علي الكنبه
ربيع وحسن كل واحد راح يشوفله حمام عشان يستحمي فيه
الكل اجتمع علي العشا والكل بياكل في صمت والعيون فاضحه اصحابها وكل عيون بتحلم وبتبص لحد مش شايفها اساسا
قطع الصمت دا تليفون رعد اللي رن
رعد :ايوه يااحمد اخبارك ياحضرة الظابط واخبار مهاب الزفت الصايع ايه
مهاب رفع ايده وطبطب علي صدره يعني بيقلو متشكرين 😂
رعد رفع السماعه من علي ودنه وبص لمهاب :
علي ابني ياعم انت
مهاب :ايوه فاهم انا فاهم
رعد رجع الفون علي ودنه :ايوه يبني
طب كويس ...بقولك :
انتا واخوك وانتو جايين عدو علي عمكم شريف هاتوه معاكم هو وبنته دنيا عشان جايين يقضو يومين هنا
رعد :الووو ...الووو... ولد ...احمد
ونزل السماعه وهو بيهز في دماغه بغلب من ابنه
*****
في الكتيبه عند مهاب واحمد
احمد دخل علي مهاب اللي كان نايم علي كنبه في المكتب ونط عليه مره وحده
مهاب قام مخضوض ولما لقاه احمد اتنهد وزقه من فوقه ومسك المسدس عمره وحطه علي دماغه
مهاب :😡مش هتبطل حركات الهبل دي يبني انت مش مليون مره اقولك متصحنيش بالطريقه دي تاني؟ ..افضي الخزنه في دماغك واقول اتصاب في مشروع حرب واخلص منك ...؟
احمد :عاوز تكتل اخوك ياكاتال الكوتله يامودرم
مهاب :كتله ومودرم ؟ طب اتشاهد بقا
احمد رفع ايديه بأستسلام وبيضحك
مهاب :جبت الكلام ده من فين يابني ادم انتا
احممد :واحد عسكري في الكتيبه بتاعتي بيتكلم كده وانا عجبني كلامه جدا ودررت من هنا ورايح هتتلم كده علطول عادبك ولا مش عادبك
مهاب قام وبيزق فأحمد لبره واحمد بيقاومه :يلا يبني الظاهر انك اخدت لطشه شمس واثرت علي دماغك اخرج عاوز اريح شويه مش ناقصك
احمد :طيب هخرج وذنبك علي جمبك وافتكر انك انت اللي طردتني وافتكر اني مبصتلحش بالساهل
مهاب :ومين هيصالحك اساسا ؟
احمد :علي العموم زي بعضه شوف بقا مين جايبلك اخبار حلوه من عند الحبايب ...
وخرج وهو بيغني بصوت عالي
اي حاجه تيجي من ريحة الحبايب
بتطمن قلبي اللي مشغول عاللي غايب كلمتين يتقالو منه ولا عنوو
يطمن قلبي اللي مشغول عاللي غايب
وبعد عن مهاب شويه وبصله لورا وغمزله ومكمل لكن وقفه مهاب اللي هجم عليه ومسكه من رقابته وحط المسدس علي دماغه :
المره دي لو متكلمتش بسرعه هفجر دماغك بجد ...فيه اخبار عنها شفتها جت لباباها ؟
احمد :غدوه علي حسابك
مهاب :موافق
احمد :وتسوق انت لغاية البلد
مهاب :موافق ...اتكلم بقا
احمد :و١٠٠ الف جنيه كاش
مهاب ضربه بكعب المسدس علي دماغه ولسه هيضرب تاني
احمد :لا خلاص هتكلم ....هتروح معانا الواحه هي وباباها يقضو يومين معانا ..
مهاب وقع المسدس من ايده وشال احمد وفضل يلف بيه وفجأه نزله وفضل يبوس فيه جامد واحمد يضحك وفجأه انتبهو علي صوت القائد وراهم :
ايه اللي بيحصل هنا بالظبط ؟
احمد ضم الجاكيت بتاعه علي صدره ومثل البكا :اسأله هو انا مش هقدر اقول وسابهم ومشي من قدامهم بسرعه
احمد بصله وبرق عنيه ورجع بص للقائد 😞
القائد :😂متقلقش لو مع حد غيركم من العساكر كنت صدقت ...المهم سلملي علي سيادة اللوا بكره ومتنساش شوية الفاكهه الفرش بتوع كل مره والا انتو عارفين
مهاب :طبعا يافندم من غير متفكرني حضرتك مقدرش انسي سيادتك
القائد :طيب تمام يلا ادخل ريح عشان فاضلك نص ساعه والجمع هيبدا وتوزيع الخدمه الليليه
مهاب ادي التحيه العسكريه :تمام يافندم ودخل المكتب بتاعه وقفل الباب وراه وهو مبتسم لانه اخيرا هيشوف دنيته الجميله اللي صورتها مش بتفارق خياله ابدا وكان ناوي يخطبها لكن للاسف حد سبقه ليها وخطبها ..
ومع ذلك حبه ليها مقلش
ولسه زي ماهي محتله عقله وقلبه
وهتفضل بالنسباله حلم مكملش... ودنيا حلوه كان نفسه يعيشها ومعشهاش ....
ولسه لحد دلوقتى متابع اخبارها وبيطمن عليها كل مايقدر وتسنحله الفرصه
ريناد اتصلت بنفسها علي شريف وطلبت منه انه يجيب العيله كلها معاه مراته وبنته التانيه سمر
شريف رفض وقلها انهم عندهم ضيفه صحبه سمر من النت وجايه من امريكا زياره لمصر...
وعشان كده مش هيقدرو يجو كلهم ...لكن ريناد اصرت انهم يجو ويجيبو الضيفه معاهم كمان وبعد الحاح منها شريف ومراته وافقو
***************
تاني يوم الصبح مع اول خيط نور ابتدا يشق ظلام الليل
مهاب : قوم ياأحمد عشان نروح ناخد عمك شريف وعيلته
احمد فتح عين وحده وبص حواليه لقي الصبح لسه مصبحش كويس رجع بص لمهاب وكشر نص وشه :
دلوقتي ؟ هتروح للناس دلوقتي ؟
دا كان عمك شريف يطلق عليك الكلاب بتاعته تفطر بيك....نام ياحبيبي نام لسه الوقت بدري ...
هو اه الحب بهدله بس يبهدل صحابه بس مش صحابه واخواتهم يعني
ورجع نام تاني ..
مهاب :يلا قوم عبال متتشطف وتفطر وانت اصلا بتقعد ساعه في الحمام كل مره بتبقي عندك ولاده متعثره
احمد :لاااااا كلو الا بيت الراحه متتكلمش عليه امال هو اسمه بيت راحه ليه مش عشان الناس ترتاح فيه؟
مهاب :لا علفكره انتا فاهم الكلمه غلط ...يبني اسمه بيت الراحه عشان الناس بترتاح لما تدخله بتخرج منه مرتاحه مش تدخل تقعد بالساعات ترتاح جواه مش مكان للاستجمام هو
احمد :قول اللي اتقوله هيفضل الحمام هو مكان راحتي الوحيد وطالما بيدايقك وجودي فيه هقوم ادخله دلوقتي وازود وقت وجودي فيه ..
مهاب :زود ياخويا زود دنا بفكر اركبلك قعده في مكان التدريب اهو تدرب العساكر وانتا مرتاح ..
احمد دخل الحمام وخبط الباب وراه بعد مابص لمهاب ورفع حاجبه
مهاب فضل يدندن مع نفسه وهو فرحان انه اخيرا هيشوفها وبيسأل نفسه ياتري ايه سر الزياره بتاعتها هي وبباها للارض فجأه كده
********
في الارض عند مهاب
قمر وسلمي وريناد جوا المطبخ من الصبح بدري بيحضرو لوليمه النهارده
وبيعملو كل انواع واصناف الاكل وبيتفننو فيه والتحضيرات علي قدم وساق والاولاد كل واحد خرج علي شغله بعد مافطرو ..ورعد ومهاب ومحمود بيلفو في الارض وبيشرفو ويتابعو كل حاجه
رهف الصغيره الوحيده اللي قاعده في البيت جمب جدتها عشان لسه مش قادره تدوس علي رجلها وكمان مش عارفه تكون مع حسن علطول زي كل مره ودا مدايقها جدا ومخليها دايما تنفخ وتفش بصوت عالي
في مصر :
احمد ومهاب اخدو عربية مهاب السبور وراحو قدام فيلا شريف باشا ومع ان الوقت كان بدري الا انهم لقو شريف مستعد ولابس ..
مهاب اول مانزل من العرببه ادي التحيه لعمه شريف وسلم عليه وقلبه ابتدت دقاته تعلي اول ماشافها جايه عليهم من بعيد زي الملاك بملامح وشها البريئه اللي بيعشقها لكن غريبه ان ضحكتها اللي كانت بتأسره مختفيه من وشها ..
واتفاجأ كمان بمامتها واختها جايين وراها مع ان ابوه قاله انها هي وابوها بس اللي هيسافرو
احمد نزل هو كمان وراح عليهم وادي التحيه وسلم :هي طنط وسمر جايين هما كمان ولا رايحين مكان تاني ؟
شريف :لا كلنا رايحين الواحه مامتك اصرت ياسيدى
احمد :طيب كده مهاب يروح يجيب عربيتي ويجي عشان عربيته مش هتكفينا
شريف :ليه يجيب عربيتك ناخد عربيتي او عربية وحده من البنات
سمر :ناخد عربيتي انا
احمد :طيب اوك يلا بينا بقا وطرقع بصوابعه قدام مهاب اللي كان سرحان في دنيته الخاصه
سمر :لا استنو فيه حد تاني جاي
احمد ومهاب بصو لبعض وفجأه انتبهو وبصو للفيلا لما خرجت منها حوريه بجسم ممشوق وشعر اشقر ولابسه بنطلون جينز وكعب عالي وتيشرت ديق قصير
احمد :الله ايه كائن النوتيلا ده
سمر ضحكت بخفه :دي صحبتي بالمراسله بيني من امريكا وجايه هنا زياره
احمد :يااهلا بأهل امريكا ومرحب بتنشيط السياحه 😍😍
الكل ضحك عليه
بيني قربت منهم :هالو صباه الهير (هالو صباح الخير )
الكل :صباح النور وهي حيت مهاب واحمد بأبتسامه واتوجهت علي العربيه مع سمر اللي مسكت ايدها وراحو عليها
شريف :هاه احنا هنركب فين
احمد :والله انا فالاول فكرت انك انت وطنط تركبو معايه والبنات مع مهاب لكن دلوقتي انا والبنات والصاروخ هنركب سوا وانتو اركبو مع مهاب
الكل :😂😂😂😂
مهاب بيزغد فيه
احمد :اوعا متزغدنيش مش هسيب الصاروخ اوعي ياعم وركب العربيه بسرعه واتحرك بيها قدام مهاب اللي هيشيط من الغيظ منه
مهاب ركب هو وشريف ومراته وانطلقو علي البلد وسبق عربيه احمد كمان وفضل يدايق فيه في الطريق ومش مخليه يعدي قدامه وماشي ببطئ وهو عارف ان احمد مجنون سرعه والبطئ ده بيقتله 😂
مهاب بص لعمه شريف ومراته :عمو معلش بس هي دنيا مالها حاسس انها حزينه معلش فى السؤال يعني بس باين علي ملامحها الحزن !!
شريف اتنهد :
ربنا يكون في عونها يبني اتصدمت في خطيبها اللي لقته علي علاقه بصحبتها وفسخت الخطوبه واعصابها تعبت منتا عارف دنيا رقيقه ومش بتستحمل
مهاب اول ماسمع الكلام ده فرمل مره وحده بدون شعور واحمد لبس في عربيته من ورا والكل اتخض
ومهاب قلبه عمل زي قلب واحد وقف وهو علي جهاز نبضات القلب وفجأه حصلتله معجزه ورجع يدق ويعيش صاحبه من تاني
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا