رواية فصيلتي القوية بقلم ريناد يوسف - الفصل الخامس والثلاثون
رواية فصيلتي القوية بقلم ريناد يوسف - الفصل الخامس والثلاثون
تابع من هنا: روايات رومانسية جريئة
بدر خرجت تجري علي الارض وحسن وراها حصلها ومسكها من دراعها ولفها عليه:اوقفي يامجنونه قطعتي نفسي بتجري ليه؟
بدر بصت الناحيه التانيه
حسن ابتسم :ايه الكسوف دا والخدود الحمره اللي عامله زي التفاح وعاوزه تتاكل دي هو فيه كدا ياعالم
بدر :حسن بس بقا
حسن :يالهوي عالجمال ياربي ..البدر دا هيبقي بتاعي انا لوحدي ..انا هطير من الفرح يابدر البدور
بدر قعدت على حيطة المسقى وحسن قعد جمبها وهما الاتنين تاهو فعيون بعض :بأذن الله ياحبيبي حياتنا كلها هتكون سعاده وفرح
ربيع وقمر كانو شايفينهم من بعيد
ربيع :الحقي اخوكي وبدر انحرفو
قمر :بس يااهبل هو من اللي انا شيفاه دا تقدر تقول كده انهم اتخطبو
ربيع :لا ياراجل
قمر :طب وحياة الاخوه واقطع دراعي من لغلوغه لو مكان حسن اتكلم النهارده عالبت بدر ..اصله لايمكن يتجرأ ويسبلها كده من غير حاجه رسميه اخويا ومربياه يبني
ربيع:طب متيجي نشوف ونغلس
قمر :متبقاش رخم وسيبهم بعيشو اسعد لحظاتهم ياغتت
ربيع :لا يمكن والله لنا مرخم وجري عليهم 😂
قمر :يباي عالغتاته عيل غتيت
ربيع قرب منهم وكانو مقربين من بعض جدا وحسن بيهمسلها بكلام حب وهما الاتنين كأنهم في دنيا تانيه قام سقف بأديه خضهم
بتعملو ايه ياكلاب ؟ هتنجسو الارض ياسفله ؟ وكده عيني عينك ؟ طب روحو التكعيبه طا 😂
حسن كشرله بنص وشه :ياد حد قلك انك غتيت قبل كده ؟
ربيع :اه اختك دايما بتقولي كده ولسه قيلالهالي دلوقتي 😂
حسن :يه يه يه يه وفرحان بنفسك ؟ طب غور ياربيع دلوقتي
ربيع:افهم امشي .مفهمشي مش همشي ...الله والله تنفع اغنيه ..افهم ااااامشي أااااااه مفهمشي مش همشي أااااااه
حسن :ايه ياعم انتا هتغنيلي ولا ايه وعلي العموم ياسيدي انا خطبت بدر وابوها وافق
ربيع :والله ..؟ طب الف الف الف ...الف ...الف ...الف ...الف ...الف مبروك
حسن :طب خلاص غور بقا
ربيع :والله فرحتلكم جدا ...جدا ...جدا ...جدا ....جدا ....جدا ...ج
حسن زعق بصوته كله :مخلاص ياعم وزقه من وشه غور بقا بركاتك وفرحتك وصلت ولا استعمل العنف واخد وضع البونيه 👊
ربيع جري من قدامه وهو بيضحك وراح عند قمر اللي كانت متابعاهم وبتشيل الاكل وبتضحك علي حسن وغيظه من ربيع
ربيع :طلعو اتخطبو بجد ياقرده ..اخيرا اخوكي نطق ..
عقبالك ...قمر بصتله ومردتش
ربيع زغدها بكتفه :بقولك عقبالك ..قولي عقبالك انتا كمان ..عقبالنا احنا الاتنين ..عقبال عندنا ..اي حاجه
قمر :مش لما الاقي الراجل اللي يملا عيني الاول وبعدين ابقا ادعي ربنا اني اتخطبله ...ولا لما الاقي راجل اصلا ...هي فين الرجاله دلوقتي ياربيع ياخويا ...واتنهدت هيييه ... وكملت لم الاكل لكن سمعت صوت هي عارفاه كويس صوت تكت حزام بنطلون ربيع بيتفك 😂 ارنبت ودانها وبرقت عنيها وجريت بسرعه بالخطوه السريعه من غير ماتبص وراها
ربيع بيجري وراها :خدي يابت الجزمه ياغلاطه انا هقطعلك لسانك النهارده ...ملقتيش الراجل الايه يختي ...اللي يملا عينك ؟ انا عارف عينك ميملهاش الا التراب . وكمان مش لاقيه رجاله اصلا ؟ .استني يابت خدي هنا تعالي اقفي ثابت هنا واديكي فجمبك
قمر :ليه تلميذه عندك ولا ايه وبعدين انا غلطت فيك ..؟ انا جبت سيرتك يعم انتا ؟ انا بقول ملقتش الراجل ال
وقبل ماتكمل كان ربيع واصل عندها وقاطع عليها الطريق :انطقيها مره تانيه وهتبصي تلاقي فروة راسك فأيدي ودماغك عالجمجمه
قمر ضربته فقصبة رجله جامد خلته مسك رجله
ربيع :اه يبت الجزمه بتضربي فمناطق صعبه الله يحرقك ..وقام ضاربها بالحزام على دراعها
قمر زقته بكل قوتها وقعته وبسرعه قبل مايستوعب نزلت جمبه عالارض وابتدت تضرب فيه بواني :
انتا لسه شفت ضرب ؟ دنا هربيك من اول وجديد .كل حاجه ضرب 👊ضرب 👊 ضرب 👊 وانا ساكته
ربيع قلبها مره وحده وثبت ايديها بأيد وحده فوق دماغها وابتدا يضرب فيها ويردلها الضرب اقلام 👋 رجعتي 👋 جعفر 👋وايدك طرشه 👋 تاني 👋فيه وحده تضرب راجل 👋 هاه فيه ياجزمه ومسك دماغها وفضل يشيل ويخبط فيها فالارض
قمر بتصرخ :خلاص حاسه ان عنيا بتحول يخرب بيتك ياربيع الكلب
ربيع :👋لسه 👋بتشتمي 👋 ولسانك طويل 👋
في الوقت دا حسن كان تايه مع بدر فدنيا تانيه والاتنين بيختبرو شعور بالسعاده بيحسوه لاول مره
بدر فاقت علي صريخ قمر :حسن الحق اختك ربيع هيموتها
حسن "سيبيهم هما متعودين يمرمطو بعض كده يعني انتي مش عارفه ؟ الا احنا كنا بنقول ايه ؟
بدر اتكسفت وبصت في الارض
حسن بابتسامه :خلاص افتكرت لوحدي كنت بقول ان حياتنا يابدر البدور هتكون جنه وان طول العمر اللي جاي مش هسيب ايدك ولا هبعدك عن حضني ثانيه وحده وسرحو فعيون بعض مره تانيه ونسيو العالم والناس وقمر وربيع وكلو 😂
بعد شويه ربيع ساب قمر لما حس انها خلاص هتفيص بين ايديه وقام وعدل شعره لورا :
اهو لسانك هو كل مره بيبقا السبب فحالتك دي
قمر 😭 روح الهي تنحرق وتتشنق وتتزنق متعرف تفك زنقه يابعيد وقامت وهي بتتألم وراحت علي الفيلا وهي فالطريق بصت لحسن وبدر لقتهم في عالم تاني مسكت طوب وحدفتهم بيه :
طب شوف اختك اللي بتنضرب الاول وابقا ارجع تاني للنحنحه ...هتطير الزفته ولا النحنحه هتخلص ؟ مهي مرزوعه ..😢 ماشي يابيني ادمين
قمر دخلت الفيلا وهي بحالتها دي
ريناد ميلت لمهاب :هو دا اللي هيحميها من العالم كله؟
مهاب :هيحميها من العالم كله ويموتها هو 😂
رهف الجدة :ياروحي انتي هالربيع ضربك مره تانيه ؟
قمر 😭قولي مره مليون هو بيبطل ضرب فيا الهي ينضرب فقلبه 😢
قمر بصت لمهاب :وانت ولا كأني بنتك ولا تعرفني وسايبني لابن اخوك يموت فيا لما فيوم هيخلص عليا خالص!!
مهاب وهو بياكل فشار وبيتفرج عالتلفزيون :عارف لسانك طويل وهو معيضربكيش غير لما عتغلطي انتي لاول..
قمر :لا ياشيخ
مهاب:ايوه والله
قمر :ماشي يابشريه يلي كلكو عليه 😢
سلمي :بدر فين ياقمر
قمر : بره ..حسن عمال يحب فيها وحتي الاتنين الكلاب مفكروش يحوشو الزفت دا وهو بيموتني وبصت لمحمود :وانتا الحق بنتك وهاتها من بره العيال دي فسن خطر وممكن يتهور ويبوسها ولا حاجه انا بقولك اهو وقد زعتر من بعتر ✋
الكل :😨😨😨😨😨😨😨
قمر:ايوه مستغربوش ... مهو مش ناس تتحب وتتباس وناس بالجزم تنداس..وعجبي ..
وطلعت علي اوضتها لفوق وهي بتبرطم :يلا يابدر خديلك قلمين ينسوكي الكلام الحلو اللي سمعتيه
محمود جري لبره وهو بينده علي بدر بصوت عالي
مهاب :😂 بتك فضحتهم
ريناد :😂 لا في الحته دي بنتك انتا عشان العمايل دي شبه عمايل سيادتك ..
محمود خرج لبره وبينده علي بدر بصوت عالي
بدر :يلهوي ابويا
حسن "قمر سيحتلنا وربنا لاربيكي ياقمر بس اشوفك ...يلا اجري انتي من هنا وانا هروح للمزرعه من النحيادي
بدر :😂 اجري طا قبل مابابا يلمحك
حسن نفخ صددره :ايه يبنتي انتي فاكراني خايف من ابوكي ولا ايه دا انا بس عشان منظرك انتي قدامه
بدر بصت ورا حسن وبرقت :بابا والله انا ...هو ...احنا
حسن كان هيجري لكن بص وراه ملقاش حد
بدر :😂 لا بجد مش خايف من بابا خااالص
حسن :اقولك الصراحه اني خايف اجري يابدر وانا هجرررري 🏃
بدر :هههههههه وجريت هي كمان
محمود شاف بدر جايه عليه وقف وبصلها ورفع حاجبه :امال حسن فين
بدر :تلاقيه في المزرعه عاوزه اندهولك
محمود :غريبه امال يعني قمر بتقول أنكم ..انه ...انكم قاعدين مع بعض
بدر :ههههههه وانتا هتصدقلي قمر يابابا دا مخها لسع من كتر ضرب ربيع ليها علي دماغها
محمود بيبص يمين وشمال واتنهد :ممكن برضو وبص لبدر :بت انتي مش عاوز مكان يجمعك بحسن لوحدكم من هنا ورايح لغاية كتب الكتاب سامعه
بدر :ليه يعني ماحنا طول عمرنا مع بعض !!
محمود ضربها علي دماغها من ورا :
زمان حاجه ودلوقتي حاجه تانيه يختي الوضع اختلف
بدر :فهمتك ياحوده ... متخافش بنتك راجل
محمود :ولا راجل ولا نيله يبت سلمي ويلا قدامي
بدر :مشيت من سكات وهي كل شويه تبص ناحية المزرعه وتبتسم
حسن وصل المزرعه وهو بينهج ووقف وابتسم اووي مع نفسه
مالك :اكتر من كده وربنا بيشفي والله
حسن :هاه بتقول حاجه يامالك
مالك :لا بكلم البقره كلمه سر بعترفلها بحبي
حسن :احلي حاجه في الدنيا الحب ياض يامالك ...انا كمان اعترفت بحبي لبدر قدام الكل وخطبتها النهارده
مالك :لا
حسن شاور بدامغه :اه
مالك : ايوه بقا يعم اخيرا دنا قلت اليوم دا مش هييجي ابدا ...ياه سنين وانتا بتحبها ومداري وشايل فقلبك وساكت
حسن :اهو جه اليوم بقا عقبالك انتا كمان ...الا هي ردت عليك بأيه
مالك :هي مين
حسن :البقره .مش بتقول بتعترفلها بحبك اهو
مالك :ايه ياض الظرف واللطف والخفه دي ياض تصدق فجأه كده بقا دمك خفيف
حسن :لا دحنا حلوين اوي ونعجبوك اوي اوي اوي ياضاكتور
مالك :🙄 علي العموم لو قاصد تسأل بجد ياسيدي فأنا قلبي ابتدا يدق بس مش لبقره ..لغزاله ..متفجرة الانوثه
طاغية الجمال
حسن :باااااس عرفتها ..مهي مفيش غيرها طالما قولت انوثه ...بس انا اسف اني ابلغك انها متنفعكش يادكتور ولا تنفع تكون ست بيتك
مالك :ليه يعني
حسن :عشان انا عارفك كويس اوي وعارفها هي كمان كويس اوي...
هي اه حلوه وجذابه واي راجل يتمني واحده فجمالها لكن دا اخرها الاهتمام بنفسها وبس ...ميتهيأليش انها تقدر تكون اسره وتفتح بيت وتكون مسؤله عن اولاد ..دي عامله زي نجوم السينما نشوفهم نتمناهم لكنهم مينفعوش لحياتنا الطبيعيه ...طب تخيل كده انك عملت مزرعتك الخاصه واتجوزتها واخدتها تعيشو هناك ...هتقدر علي الحياه دي هي ؟
مالك :..............
حسن :طب بلاش دي ..طب امك اللي مستنيه مرات ابنها بفارغ الصبر عشان تريحها من التعب وشغل البيت وتشيلها في كبرها تفتكر دي هتعمل كده ؟
هي اه ممكن تعمل كدا في الاول لكن صدقني هتمل وتزهق ومش هتقدر تكمل
مالك :انا مفكرتش فكل ده !!
حسن :عشان مكنتش بتفكر بعقلك كنت بتفكر بقلبك
مالك :طب سيبني دلوقتي شويه لوحدي ياحسن بعد الصدمه العاطفيه التانيه اللي باخدها هنا فوقت قياسي
سيبني ارجوك ✋ ومسك قلبه واتسند علي الحيطه
حسن : يعم سايبك اهو هو انا يعني اللي عاوز اقعد معاك ومشي
مالك راح للبقره وحضنها من رقبتها :
اعتبري انك مسمعتيش حاجه ..هاه قولتي ايه بقا تقبلي تتجوزيني ..
وقبل ماتنطقي مفيش راجل ملوش ماضي ..
حتي انتي اكيد عرفتيلك عجل ولا اتنين قبل مني ..احنا ولاد النهارده ياحياتي ماشي...هاتي بوسه بقا امووواه ...اهو بتعرفي تتباسي ياجزمه يعني انا مش اول واحد فحياتك .. انا بتجنن ياجدعان 😂
مهاب قاعد في البلكونه ومتابع ربيع وشغله فالارض وقمر قربت منه ووقفت جمبه
قمر :صعبان عليا اوي يابابا
مهاب :وصعبان عليا انا كمان ياقمر والله شايل ذنب عملت امه وطاحن نفسه طحن
قمر :احمم بابا عاوزه اقولك حاجه كده ...بس تفهمني ها
مهاب :هحاول لو كلامك كان قابل للفهم
قمر :حسنه ام ربيع
مهاب :طب من الاخر عشان ابتدت تجيني كرشة نفس
قمر :يعني كنت بقول بعد اذنك يعني لو مكنش يدايقك يعني
مهاب عمل صوت زي الاسد الغضبان
قمر اتكلمت بسرعه لنفاذ صبر ابوها
عاوزه ابقا اروح البلد ازورها واوديلها فلوس زي الاول دي مهما كان ام ربيع يابابا
مهاب سكت شويه :واذا كان ربيع ذات نفسه متبري منها ومش بيحبها!
قمر :تبقا متعرفش ربيع يابابا برغم كل السنين اللي عاشها فحضنك دي
ربيع بيحب امه وبيحبها اوي كمان وعشان كده جرحه منها كان كبير وكسرتها ليه هدته ...
هي لو ماكنتش تعنيله حاجه بجد مكانش هيبقي شكله كده ولا بيعمل كده بعد اللي عملته ...ومتقولش من كسوفه ولا احراجه لانه لو اي حد غريب عمل كده وحرق الارض ربيع مكنش هيتأثر بالشكل ده وهو لو معتبرها غريبه ومش امه مكنش برضو اتأثر بالشكل ده وخصوصا انه اتأكد اننا استحاله نشك انه ليه يد في الموضوع
مهاب :عاوزه ايه يابت ريناد
قمر : عاوزه اودها عشان خاطر ربيع ...هو يعني فكرك ربيع هيهناله عيشه ولا حياه وهو مش عارف امه عايشه ازاي ولا بتصرف منين؟ ....انت مشفتهوش لما فاق لنفسه وهو بيخنقها بأديه ونظرته ليها كانت عامله ازاي ...حزن علي كسره علي خيبة امل علي خذلان
مهاب :بس خلاص ياقمر ...روحيلها يابتي ووديها ..دي مهما كان ام الغالي
قمر حضنت بباها وباسته فخده :
ايوه بقا ياميهو ياحبيبي
مهاب :اهو عشان ميهو دي اللي بكرهها سم متروحيش ياقمر
..متروحيش وزقها ...اوعي من قدامي عشان فكرتيني بالجزمه التانيه بتاعت ميهو دي اما اروح ارخم عليها شويتين
قمر :لا سيبها بتحضر العشا حرام عليك جعانين
مهاب ابتسم وبص للارض :هو الدماغ العالي هيزرع امته
قمر :😂حلوه الدماغ العالي دي
مهاب بهمس :امال عوزاني اقول بانجو وامك تسمع دي كت تطب ساكته تروح فيها
قمر :ولا تروح فيها ولا حاجه بكره لما تلفلها سجاره عالريق ولا اتنين هتزرعه هي 😂
مهاب :انتي عارفه انا خايف من مين في الحكايه دي كلها ياقمر
قمر :مين ؟
مهاب :من عمتك قمر ...حقا دي لو عرفت ...احيه بالكركديه
قمر :تبلغ عننا وعن جوزها واولادها يعني؟
مهاب :يارييييت ..له يحبيبتي دي هتاجي تستوطن اهنه وتشرب المحصول كله ...اصل عمتك تموت فالانحراف اختي وانا عارفها زين 😂
قمر :لا بأذن الله متعرفش حاجه
مهاب :محدش بيروح ناحية الارض اللي فيها اللي بالي بالك مش اكده
قمر :لا مفيش غير عم عبد الله بيرويها بس وبيعدل الخدم ويحول الميه
مهاب :له عمك عبدالله مفيش منيه خوف مهيعرفش البانجو اصلا بس نبهي عليه ليحشه ويرميه للمواشي يفتكره جراو ولا حاجه
قمر :لا متخافش عم عبد الله اماااان
وبصت لربيع وابتسمت
مهاب :ايه نفسك هفاكي تاخديلك علقه ولا ايه
قمر :علقة ايه وانا عضمي لسه مكسر الهي يتعلق من صوابع رجليه اسبوع البعيد
مهاب :اهو خشمك ديه والدبش اللي عيطلع منيه هو اللي مخليه يدشدش عضمك كل هبابه ...
قمر :انا كده وفضل طول عمري كده عاجبه عاجبه
مهاب :ربنا يهديكي علي نفسك وعلي اللي حواليكي يبت ريناد
ريناد :سامعه اسمي خير ياتري
مهاب :هو انتي اسمك عينذكر غير فالخير ياوش الخير انتي يابركه
قمر :بركه 😂
ريناد :بركه 🤔
مهاب :ايه ديه هي الكلمه غريبه قوي اكده ولا ايه؟
قمر : لا بس كلمة بركه دي بتتقال علي حد يكون بتاع ربنا كده مبيعرفش حاجه
ريناد :بتتقال للعبط ياهباب ...انا عبيطه ؟
مهاب :سبحان الله حتي الكلام بقيتو تحرفوه ....منكم لله هتروحو فين ياظلمه .... اخرتكم جهنم وبئس المصير
**********
في مصر عند قمر
احمد ومهاب قاعدين يلعبو بلاي ستيشن ورهف قاعده بتعمل ضوافرها ورعد ماسك ورق وقاعد علي السفره عشان يخلصه
قمر :اطلعو البسولكم حاجه عدله عشان حدانا ضيوف عالغدا
احمد :ياتري مين الضيوف اللي عاوزه تلبسينا عشانهم دول
قمر :ضيوف وخلاص ملكمش فيه
مهاب :طب واحنا كمان مش هنلبس وملكيش فيه 😜
قمر:براحتكم خليكم بالبوكسرات اكده برجليكم اللي كلها شعر كيف عيال الغوله وحتي فانله بحملات مش لابسين جاتكم الهم
احمد :الشعر دا رمز الرجوله ياست ماما ..وبعدين انتي فاكرانا بنتكسف يعني ..هه احنا رجاله ياامي
قمر :هو عشان رجاله تقعدولي ملط اكده انتو واللي مخلفكم فقلب البيت؟ علي العموم اللهم اني بلغت
رعد : انا لابس فانله علفكره مش زي عيالك وبعدين مين اللي جاي ياأمورتي
قمر :ايه ديه هو فيه حد عيتحدت اهنه ياعيال ؟ اصلي زي ماكون سمعت صوت
رعد :انا بكلم امورتي مراتي حبيبتي بقولها عازمه مين ياحياتي 😁
قمر :بت يارهف قولي للراجل اللي قاعد جارك ديه اني معكلمهوش ولا لساني هيخاطب لسانه تاني ...
وملوش دعوه بضيوفي ولو كلم حد فيهم انا هيكونلي تصرف تاني معاه ...اديني نبهت اهه ..ولو اتحدت النهارده هلم خلجاتي واروح المزرعه حدا اخوي وهرفع عليه قضية خلع وافضحه والناس تهاهي عليه ويقولو المخلوع اهه
رعد :قوليلها يارهف اني مليش دعوه بضيوفها ومش هتكلم معاهم ولا هسلم وهخلي منظرها زي الزفت قدامهم ...ومش هغير وهقعد بالبوكسر زي عيالي هه
قمر اتنهدت : رزقتني بشوية مهافيف فحياتي ياربي يبقا ارزقني بصبر علي كد بلوتي الا خلاص صبري نفد
بقا واحد لوا واتنين ظباط كد الدنيا تبقي دي تصرفاتهم واسلوب حياتهم
رعد :طب والله اي تصرف اي حد فينا بيتصرفه بتبقي انتي السبب فيه
ياماما عشان انتى باهته علينا كلنا
قمر :يارهف قولي لابوكي يتلم انا بحدت عيالي مبحدتهوش
جرس الباب رن
قمر قامت تفتح
احمد :تفتكرو مين اللي جاي
مهاب :تلاقيها عازمه موظفين الشركه فغدا عمل
قمر :يااهلا يااهلا شرفتو ونورتو
مهاب واحمد ورعد اتخضو 😨😨😨لما سمعو صوت عمهم شريف وبناته
احمد :يلهوي سمر خبيني
مهاب :ودنيا خبيني انت وفضلو يبصو يمين وشمال وف الاخر استخبو ورا الستاره 😂
رعد :يلهوي شريف هيفضحني 😨
ولان مفيش مخرج للربسشن غير قدام الباب الرئيسي محدش قادر يخرج ورهف ميته عليهم من الضحك
قمر :تعالو اتفضلو داحنا منتظرينكم من الصبح وبصت وراهم ..امال بيني فين
سمر :سافرت النهارده الصبح وبتسلم عليكم كلكم
قمر :احسن غارت ...قصدي توصل بالسلامه ويتقل حجارتها فبلدهم ومتهملهاش تاني واصل
الكل :😂😂😂😂
قمر :اتفضلو ادخلو هتفضلو واقفين عالباب ولا ايه ؟
الكل دخل ورعد وقف وكان لافف مفرش السفره علي نصه التحتاني وراح يسلم عليهم
شريف :😂 ايه يلا انتو عاملين حفله هندي ولا ايه ...طب مقلتش ليه كنت لبست زيك 😂
قمر :حب يغير استايله وحب يعملهالك امفاجئه
الكل :😂😂😂😂😂
رعد بص لشريف وكاتم غيظه
شريف :اقسم بالله ليك الف مبرر عندي اوعي تخاف ولا تقلق 😂 ..
ازيك يارهف يابنتي
رهف اتقدمت وسلمت عليه :بخير عمه نحمد الله وسلمت على الكل
شريف :امال فين احمد ومهاب هما مش فأجازه النهارده !!
قمر شاورت بدماغها علي الستاره والكل بص مكان ماشاورت شافو رجلين مهاب واحمد من تحت الستاره
شريف :😂هو فيه ايه احمد ومهاب مستخبيين ليه؟
قمر :اطلعو سلمو علي عمكم شريف عيب
الاتنين ورا الستاره بيبصو لبعض ومش راضيين يخرجو
شريف :😂لا بجد فيه ايه
قمر راحت علي الستاره فتحتها مره وحده
احمد ومهاب : كتفو ايديهم قدام صدرهم وابتسمو 😁😁
دنيا وسمر والكل :😂😂😂😂
قمر :معلهش اصلهم كانو عيلعبو لعبة الهنود الحمر وابوهم رئيس القبيله
شريف :والله انا بحب اجي عندكم عشان بشوف عجب العجاب متاخدوني اعيش معاكم والنبي 😂
رعد :مش هتستحمل يبني والله
شريف :لا والله هستحمل وهضحك عليكم ضحك السنين 😂 ولد انتا وهو عاملين كده ليه ؟
احمد :ماما ياعمو مش راضيه تغسلي هدومي
مهاب :وانا كنت باخد تان 😂✋
دنيا وسمر مكانوش ماسكين نفسهم من الضحك ..
قمر :متصدقش حد فيهم هما طول النهار اكده قاعدين قالعين هما وصاحبك ...
بذمتك ياشريف اللي يشوفهم اكده يقول دول ظباط في الجيش بيدربو ابطال تقدر تدافع عن بلدنا؟
وابوهم كمان بمنظره دا حد يقوول عليه لوا ...فيه لوا وظباط مهزقين اكده ؟
شريف :😂لا بقا طالما فيها بذمتي بصراحه ولادك الاتنين في الكتايب من اكفأ الظباط واشطرهم وسيطهم مسمع وسط كل القيادات وقريب جدا كمان جيالهم ترقيه نظرا لتفانيهم فشغلهم
وابوهم كمان ينضرب بيه المثل في الجديه والانضباط في شغله الصراحه ...
بس في البيت حاجه تانيه خالص عندهم فصام هههههههه
قمر :ايوه ومين هيشهد للعروسه يعني ؟ اتفضلو اتفضلو
مهاب :طب نروح احنا نلبس الا الشمس ابتدت تخلي اللون يغمق 😁
احمد :خدني معاك يبني .ومشيو مأنقجين بعض ونافخين صدرهم والبنات ميتين عليهم من الضحك
قمر :يلا يابنات انتو وامكم عشان نحضرو السفره
دنيا .سمر :يلا ياعمتو ودخلو هما وقمر وامهم المطبخ وابتدو يجهزو السفره
مهاب :البنات شافونا كده عااااا😭
احمد :وفيها ايه يعني ؟ انا مش مكسوف من البنات انا بخاف من رد فعل عمي شريف 😂
مهاب :لا انا محرج من دنيا
احمد :يلا انتا راجل تحرج من ايه وبعدين مهي كده كده هتشوفك بالمنظر ده 😉
مهاب :بيبقا فيه تمهيد نفسي ياعم ..وبعدين انتا مسمعتش امك بتقول بشعركم دا عاملين زي عيال الغوله ؟ مش يمكن فيه بنات مبتحبش الشعر الزياده دا وتكرهني بسببه
احمد :😂ابقا قولها لو مبتحبيش الشعر هعمل سويت ..دنتا طلعت عيل مسهوك اجمد يلا دانتا ظابط ..الا اقولك
مهاب :قول
احمد :ايه سر وسبب العزومه المفاجئه دي ؟
مهاب :ومن امته تصرفات امك ليها سبب ولا حد بيفهم دماغها يبني ..وبعدين تلاقيهم وحشوها يعني انتا عارف هي ومرات عمو شريف اصحاب ازاي وملهاش صحبه غيرها
احمد :برضو اني خايف ...ولا سمعت عمك شريف وهو بيتكلم عن ترقيه ؟
مهاب :اه سمعته ..طب مادا شيئ متوقع يبني
احمد :اه لو القيادات تعرف ان اكفأ ظباط عندها ساهمو فزراعه بانجو
مهاب جري عليه وحط ايده علي بقه :ششش هتودينا فداهيه الله يحرقك متجبش سيرة الموضوع دا تاني
احمد :ههههههه ماشي يعم خلاص ..يلا بقا ننزل عشان الحق اشبع من بت الايه اللي تحت دي الا كانت واحشاني اوووي
مهاب :وانا كمان دنيا واحشاني جدا ..والله احلي حاجه عملتها امك النهارده العزومه دي
رعد : يلا انزل يبني انت وهو وانا هغير وانزل وراكم عمكم شريف قاعد لوحده
احمد ومهاب :حاضر نازلين اهو ..ونزلو هما الاتنين جري عالسلم
السفره اتحضرت والكل اجتمع وابتدو يتغدو مع بعض غدا اسري جميل ولم يخلو من النظرات والابتسامات بين الاولاد
مرات شريف :بجد تسلم ايدك ياقمر ع الاكل الجميل دا بصراحه نفسك في الاكل لا يعلو عليه وبجد عاجبني اصرارك انك تطبخي بأيدك لجوزك واولادك برغم كل مسؤلياتك وواجبات شغلك
شريف :قمر طول عمرها اهتمامها بعيلتها بيجي في المرتبه الاولي وفوق اي حاجه تانيه ودي حاجه اهنيكي عليها ياقمر
قمر :ايه الكلام الحلو الكبير الكتير ديه اخجلتم تواضعنا ياجماعه ..بالهنا والشفا علي قلبكم يارب موطرح مايسري يمري
الكل اكل واستمتع بالاكل وبعد الاكل الكل اجتمع وقمر قدمت الحلو والعصير
مرات شريف :ميرسي ياقمر عقبال منشرب شربات رهف واحمد ومهاب
قمر :ونشرب شربات دنيا وسمر يارب
مرات شريف :يارب ياحبيبتي
شريف :الا انتو مش ناويين تكملو نص دينكم ياض انتا وهو ؟ هتفضلو عذاب لامته ؟
قمر :انا لسه كنت عفكر في الموضوع ديه والله ياشريف ياخوي وخدت فيه قرار خلاص وجوازهم هيكون قريب باذن الله
مهاب واحمد ودنيا وسمر الكل بيبص لبعض وعنيهم بتطلع قلوب :
😍😍😍😍
شريف :طب عال دي اخبار عظيمه ..يعني هنفرح قريب
قمر :قريب قوي قوي
مرات شريف :وياتري اختارو العرايس ولا لسه ؟
قمر :له الحته دي عليا اني ..حداييش حد ينقي عرايس لحاله ..حدانا في الصعيد الام اللي عتختار عشان تنقي وحده شاطره وتقدر تشيل البيت كله ومتكلش وتخدم اهل البيت بضمير وبيتها يكون جنه ودايما نضيف وزي الفل
مرات شريف :وياتري لقيتي المواصفات دي فحد ؟
قمر :ايوه امال ايه ...بعت اجيبهم اتنين من الفلبين
الكل :😨😨😨😨😨😨😨😨
قمر :ايه عتبصولي اكده ليه ؟ طب بالذمه مش كل طلباتي هتكون موجوده في الفلبينين 🤔
الكل واخد وضع الصدمه ومحدش بيرد
قمر :هاه ايه رأيكم ياعيال
مهاب واحمد :😩😩
قمر :ياعيني العيال الفرحه لجمتهم معرفينش يتكلمو ...والله وكبرتو ياعيال وهجوزكم 😙😙
***********
في مصر :
زين :عظيم عظيم ..يعني دي كل المعلومات عن عيلته وعن قرايبه اللي بيزورو المزرعه متأكد
*:عيب ياباشا هو دا اول تعامل مابينا ولا ايه
زين :طب فاقرب فرصه بنته قمر تكون تحت ايدي عشان مفيش غيرها هيخليه ينخ ويسلملي الارض من غير نص كلمه
*اعتبرها تحت ايديك ياباشا
زين ابتسم بشر وحط السجار فبقه واخد نفس ورفع دماغه ونفخه لفوق وهو بيهز في الكرسي الهزاز بتاعه بنشوه
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا