رواية فصيلتي القوية بقلم ريناد يوسف - الفصل الحادى والأربعون
رواية فصيلتي القوية بقلم ريناد يوسف - الفصل الحادى والأربعون
تابع من هنا: روايات رومانسية جريئة
قمر جريت بالسكين علي حسنه لكن مهاب لحقها ومسكها من وسطها وهي بتعافر عشان توصل لحسنه وبتتكلم من غير انقطاع :
يبوي اللي اختشو ماتو يابوي ..طب روحي هاتيلك كيس دم من المشتشفي واشربيه يمكن يقعد جواكي ويبقي حداكي دم الهي دم يدخل علي قلبك يفرفطك فرفيط ..يابارده .يالطخه .ايه اللي جايبك اهنه يامحراق الشر يابومه
قمر الصغيره:انا اللي جبتها ياعمتو
قمر الكبيره :عارفه يختي عارفه مهي عمله متتعملش غير من مهبله بت مهبل من سلسال مهبل ..وبصت لمهاب ،ورثتهم هبلك وعبطك ،بقيو زيك بيجيبو الاذي لنفسهم بأيدهم ،افرح ياخوي .افرحي يارناد بتك جابتلك حسنه عشان تموتك انتي وعيالك وجوزك وانتو نعسانين
حسنه موطيه دماغها للارض ومش بتتكلم
ريناد :ايه اللي بيحصل بالظبط يامهاب
مهاب اخد ريناد علي جمب :تعالي هفهمك كل حاجه
قمر :روحي معاه هيوسوسك ويضحك عليكي روحي معاه روحي
رهف الكبيره شايفه جنان قمر وحاضنه احمد وبترتجف من الخوف 😨
حسنه بصت لقمر وابتسمتلها ورايحه عليها وفارده درعاتها :وحشتيني ياقمر والله
قمر :باعدي ياوليه جاكي وحش ياكلك
حسنه بتتقدم من قمر وقمر ترجع لورا وتشاورلها بالسكينه تهوشها :بعدي ياوليه لاشقك نصين انا مطيقاش ابص عليكي ..انا كرهي ليكي كل ما عشوف وشك عيتجدد من تاني وعيكبر
حسنه هجمت علي قمر وحضنتها وفضلت تبوس فيها من خدودها كتير وبقوه وقمر بتتملص منها مش قادره وفي الاخر حسنه شالتها وحضنتها جامد
قمر بصوت مكتوم :اوعي غوري شاله تبوسك عقربه تكون شبر ونص وفيها لتر سم ،آااع ضلوعي اتطبقو يبت الكلب اوعي ،لسه فيكي حيل وشديده شاله يشدك كلب فمكان مهجور وياكل مصارينك اوعي سيبي هغز السكينه فرقابتك
حسنه سابتها مره وحده خلتها وقعت علي الكرسي اللي وراها وبتنهج
واحمد ورهف بصو عليها وضحكو لانهم من زمان مشافوش قمر منهاره كده من ايام ماكانت حامل في الاولاد 😂😂
ريناد رجعت هي ومهاب حاضنين بعض من وسطهم وقربت من حسنه وباستها وحضنتها :اهلا بيكي وسط عيلتك يام ربيع
قمر :💃عملها غسيل مخ ورجعها جديده ونساها كل حاجه :وفضلت تسقف وتزعق :المهبلين اهمه حيويه وعَبط وهمه
ريناد ضحكت وراحت لقمر اخدتها معاها المطبخ غصب عنها :تعالي بس هفهمك حاجه بس تعالي
قمر :بت انتي انا معيضحكش علي بكلمتين انا مش زيك .انا هاخد بتي وحماي وحماتي وسيبهالكم خالص واصلا مجياش اهنه تاني واصل .
وهاجي ليه تاني صوح.. وانتو حسنه هتعملكم اباده جماعيه ومش هتكونو قاعدين ؟ وقربت من ريناد وحضنتها وباستها :الله يرحمك يامرت اخوي كنتي طيبه وهبله وعمرك مازعلتي حد .يلا متتعزيش عاللي خلقك في جنة الخلد .يلا اول وحده اعزيكي اهه عشان ممكن محضرش الجنازه .
مهاب رحب بحسنه اللي سلمت عليه وهي وشها في الارض من كسوفها منه
حسنه :والله وشي منك في التراب يابو حسن ..انا...
مهاب قاطعها :خلاص ياحسنه اللي فات مات .،بس اتأكدي من حاجه وحده بس اني لو كنت سامحتك وجبتك تعيشي معاي فى داري ووسط عيالي فأنا عميلت اكده فلاول والاخر عشان خاطر ربيع ...ولدي
حسنه جريت عليه ومسكت ايده وودتها علي بوقها تبوسها لكن مهاب نتر ايده منها
حسنه :طول عمرك وجمايلاك عتغرق كل اللي حواليك ..طول عمرك وقلبك كيف اللبن الحليب ..وانا والله وحيات ربيع ندمانه والندم عياكل فقلبي وَكل ..ونفسي اعمل اي حاجه اكفر بيها عن عملتي وكرهي ليك كل السنين اللي فاتو
مهاب :لو نفسك تكفري صوح عن عمايلك مفيش غير حاجه وحده بس
تخلي ربيع يرجع يحبك من تاني وقلبه ينجلي من ناحيتك ...ربيع قلبه شايل هموم مفيش بشر يقدر يشيلها وقلبه اتكسر من وهو عيل صغير وانا وريناد والعالم كله معوضوش غيابك عنه
حسنه :صدقني يامهاب انا اللي محتاجه حضن مهاب دلوكيت اكتر من اي وكت واكتر منه هو كمان
قمر :طب يلا نروحله ونفرحه
مهاب :ميوه تفرحوه ،اياكم فاكرينه اول ماهيشوفها هيفرح زي العيل الصغير ويترمي فحضنها ويقول هيه ماما جات جيبه لعب وحجات ؟
دا مش بعيد ياكلها بالجرار ويعدي عليها رايح جاي مرتين تلاته يساويها بالارض .بت ياقمر لو لقتيه جاي نحيتكم بسرعه اجري وسيبيها 😂
قمر وحسنه ضحكو وقمر مسكت ايد حسنه وراحت بيها علي الارض لربيع
ربيع كان بيحرث الارض وكان راكب الجرار واول مالمح قمر من بعيد بطل الجرار ونزل وكان مستحلفلها وراح عليها جري من غير حتي مايتحقق مين اللي كانت معاها .
ربيع قرب شويه والرؤيه وضحت بالنسباله وشاف حسنه بوضوح واتفاجأ بيها ومن المفاجأه وقف مكانه
قمر قربتله وهي ماسكه ايد حسنه وبصتله :ايه رأيك في المفاجأه دي
ربيع بيبصلها ويبص لحسنه بأستغراب وقاطب حواجبه وبيجز علي سنانه وفكه السفلي بيتحرك بعصبيه ومش بيرد
قمر قربت منه اكتر ومسكت ايده :
ربيعي ماما حسنه هتعيش معانا هنا علطول ..انا قلت لبابا وهو وافق ورحت البلد جبتها وجيت
ربيع بيبصلها بغضب وبرضو مش بيرد
قمر :ربيع اتكلم طب سلم علي مامتك
ربيع بص للاتنين وساب المكان بالخطوه السريعه وراح علي المزرعه ورفض يلتفت وراه مهما الاتنين نادو عليه
حسنه :رجعيني تاني البلد ياقمر يابتي
قمر :احنا قلنا الموضوع مش سهل ياأمي وهنستحمل ..وانتي من اولها كده تستسلمي
حسنه :طب هو راح وين دلوكيت
قمر :راح المزرعه وانا هبعتله اللي يقدر يعقله ويهديه ..وراحت بعتتله ابوها مهاب
حسنه قعدت تحت التكعيبه بتاعت العنب وسرحانه وفجأه سمعت صوت
مين حسنه العقربه ؟ ايه اللي جابك اهنه ياوليه انتي
حسنه :وه عبدالله .؟ انتا لسه عايش يابَو انته
عبدالله :ايوه لسه عايش ،عامله كيف ياحزينه ومد يده عشان يسلم عليها
حسنه مسكت يده وضحكت :اهي يدي ياحزين عتسلم علي مين انته
عبد الله :معلهش العتب عالنظر عاد .بس انتي لساتك قاعده حلوه كيف ماكنتي ياقزينه
حسنه بصت مكان مابيبص لقت وراها قله ورجعت بصتله تاني :😂 ايه ديه انتا احوليت ميته يمقندل
علي فكره اللي عتقول عليها حلوه دي القله اللي ورايه مش اني 😂
عبد الله :ياحسنه انتي تشوفي عنيا باصه للقله لكن هما باصين عليكي
حسنه :اقولك ياعبد الله غور من قدامي بدال اللخبطه اللي انا فيها دي مش ناقصاك اصلها غووور
عبد الله :لساتك لسانك كيف الفرقله يحرقك ويقصر لسانك يابعيده ،
حسنه وطت مسكت طوبه لعبد الله وهو جري من قدامها وهو بيضحك عليها
مهاب راح المزرعه لقي ربيع قاعد هناك لوحده وماسك عصايه وعمال يكسر فيها حتت صغيره بغيظ وغل ويرمي بعيد بعنف
مهاب قعد قدامه :عتعمل ايه ياد
ربيع مردش عليه لكنه زفر زفره بصوت عالي
مهاب :حاسب ياعم التنين هتحرقنا قدامك
ربيع بصله ومردش
مهاب :طب اقدر اعرف انتا ايه اللي مزعلك الزعل ديه كلياته
ربيع بصله وبص بعيد ومهاب مسك دقنه بأيده ولفه عليه تاني :عتحدت مع حالي انا اياك
ربيع :ياعمي انتا عاوزني ارد اقول ايه انا اصلا ماليش رأي فأي حاجه ولا مع اي حد .
اللي بيقرر يرميني بيرميني واللي بيقرر يربيني بيربيني واللي بيقرر يخرج من حياتي بيخرج والي بيقرر يرجع لحياتي بيرجع وكله من غير ماحد ياخد رأيى فأي فأي خطوه ولا فأي قرار ،وكأني مليش وجود ،وكأني عاله علي حياة كل اللي حواليا
مهاب :بطل ياد انتا هبل ،مش صوح خالص كلامك ديه
ربيع :له صوح ياعمي ،صوح ،وعارف صوح ليه وايه دليل صحته ؟ انك رحت جبت اكتر وحده عكرهها فحياتي وحطيتها قدام عيني من غير ماتاخد رأيي ولا تسألني ، عارف ليه ؟ عشان انا مش مهم ، ولا مشاعري مهمه ، عشان بتك حبت تعمل اكده فأنتا طاوعتها طوالي .وانا طظ .اصلا انا اعترض ليه ؟ دا بيتك ودي ارضك وانتا حر تعمل كيف ماتحب . وانا ضيف والضيف مش من حقه يعترض علي المضيف
مهاب :بص قلتلي ياعمي وهعديهالك ، اتكلمت صعيدي وعرفت ان ديه من غيظك برضك ، قلتلي ارضك وبيتك وبتك وهعديهالك برضك ..لكن اللي مش هتعدي ياربيع كلمة انك ضيف دي ..ضيف ؟ انا بعاملك معاملة الضيف ؟ عمري حسستك انك قاعد اهنه ضيف ؟ صدر مني تصرف ولو بالغلط حسسك باكده ؟ ..علي العموم تشكر ياولدي وقام وقف عشان يمشي لكن ربيع مسك ايده
ربيع والدموع فعنيه :جبتها ليه يابابا ..ليه ..ليه حطيتها قدام عيني عشان تفكرني بعمايلها فيا كل لحظه ليه
مهاب :تعرف جبتهالك ليه ياربيع قدامك ...عشان جنتك تحت رجليها ياربيع عشان مش عاوزك تخسر اخرتك عشان بر الوالدين واجب حتي لو كانو كفار
ربيع بعنف :مش دي مش دي اكيد اللي جنتي تحت رجليها دي مافيش تحت رجليها وحواليها الا النار ...ايوه قال اطيعوهم لو كفار لكن يكونو حنينين ، في قلبهم رحمه ، حب ، طيبه . بغض النظر عن ديانتهم ، حبهم عشان ربوك وكبروك وعلموك ..لكن دي لا ربت ولا كبرت ولا علمت .عاوزني احبها ليه .اسامحها ازاي وعلي ايه ولا ايه
مهاب :هتسامحها ياربيع وهتاخدك فحضنها وتعرف انها عتحبك ، صوح هي انانيتها زمان غلبت حبها وامومتها لكن تابت وندمت .وربك غفور رحيم .
ربيع :انا مش ربنا
مهاب :ايوه مش ربنا ربنا الاكبر من الكل عيسامح انتا بشر امعفن ومش عتسامح،و يلا سيب يدي وجعتني قابض عليها زي ماتكون عتخنقها خليت عروقي كلها فطت من بره كانها هتفرقع
ربيع انتبه انه ضاغط بعنف علي ايد عمه وسابها بشويش ومسك كفه وباسه
مهاب :يعني هي راقت اكده ؟ 😢
ربيع ابتسم واتنهد ومهاب حط ايده علي شعره وفركه وابتسمله كل حاجه هتوبقا زينه ياولدي بس انتا سلمها لله ...
ربيع قعد في المزرعه لوحده شويه ومهاب بعتله حسن لما لقاه غاب
قمر :اروحله انا يابابا
مهاب :باعدي عنه الساعه دي عشان هو مطايقش نفسه وانتي الوحيده اللي عيقدر يفش فيها غلبه ..اقعدي بدال ميمرمطك ويفقعلك عين ولا يجبلك كسر في العمود الفقري تعيشي مشلوله بقية عمرك
وبعدين انا مش قايل لحالكم له يابت الكلب
قمر :يعني يابابا وهو في الحاله دي هيفكر فاللي فدماغك ده ؟
مهاب :اللي فدماغي ديه ملهوش وكت للتفكير فيه يابت الكلب ، لو جنازه ورحتو لحالكم تدفنوها الشيطان هيصورله المقابر دريم بارك ويلعب فعقله فاتلمي ولمي دورك المقندل ديه .. انا ايوه فريش وسبور لكن مش للدرجادي يعني!
قمر قعدت ومدت بوزها لقدام بزعل وبصت شمال ويمين لقت رهف قاعده سرحانه وماسكه السلسله بتاعتها وبتلعب فيها بتوهان قمر ديقت عنيها وراحتلها ونطت جمبها عالكنبه خضتها واتكلمت بسرعه وهي حاطه صباعها قدام عين رهف
بتعملي ايه وسرحانه فأيه وايه اللي فخيالك دلوقتي اعترفي
رهف اتنهدت وابتسمت واستمرت في اللعب بالسلسله ومتكلمتش ، قمر بصتلها وكشرت ، وقامت من جمبها دخلت المطبخ لقت مامتها وعمتها بيطبخو
قمر :مش عاوزيني مساعدكمش ولا حاجه
قمر الكبيره :له متشكرينش
ريناد :😂 مالك يابنت مش لاقيه حاجه تعمليها ولا ايه ؟
قمر :جوزك مش مخليني اروح لربيع 😢
ريناد :سيبيهم هو ومامته قاعدين مع بعض شويه
قمر :😨 مامته ؟ يالهوي دنا نسيت الوليه بره لوحدها وجريت لبره عشان تجيب حسنه
حسن راح لربيع المزرعه واخد معاه مالك من العمبر اللي شغال فيه وقعدو جمب ربيع
حسن :ولا يامالك احنا معندناش علاج للاكتئاب
مالك :لا للاسف خلص آخر مرة التور كان مكتئب اوي وخلصت دوا الاكتئاب كله عليه ويدوب ابتدا يتحسن
حسن :طب التور لما كان مكتئب كان شكله عامل ازاي وبيعمل ايه
مالك بص لربيع :كان بيجي يقعد علي الكرسي هنا لوحده ويحط ايده علي خده ويفضل ينفخ ويفش 😂
حسن :زي ربيع كده
مالك :ايون بالظبط كده
ربيع اتنقل بعنيه بين الاتنين وقام وقف :جاين تحفلو عليا صح ؟ طب تعالو بقا عشان انا فعلا كنت محتاج حد ينكشني دلوقتي .ونط عليهم هما الاتنين وقعهم بالكراسي لورا ومسك كل واحد من رقابته بأيد وهو مكشر وعروق رقبته برزت بشكل يخوف
حسن بيتكلم بالعافيه وبيعافر بأديه :
ولا يامالك حوش هيموتني
مالك بنفس الصوت المش طالع وبيعافر برضو :وانا مين يحوشني ؟ الحقووووونا ومالك قام ضرب ربيع برجله وقدر يفلت منه وهيهرب وربيع اتوجه لحسن وركز عليه هو بس وفضل يضرب فيه بواني 👊
مالك بيحبي عشان يهرب لكن حسن مسك رجله وتبت فيها :ولا متسيبنيش هيموتني ايده طرشه اوي يلا
مالك :طب سيبني هخرج اصوت واجيبلك راجل يضربه ويحوش عنك
حسن : اقسم بالله انا طول عمري شاكك ودلوقتي بس اتأكدت .انت طلعت مش راجل يلا علفكره واتلقي ضربه من ربيع علي دماغه
مالك :انا اي حاجه بس منضربش مبحبش الضرب ، انا ابن ناس ياعم محدش ضربني قبل كده
حسن بضعف :طب صوت بسرعه الله يخرب بيتك انا بفطس فأيييدو ، واجري قول لابويا ربيع اتحول وهات حتتة خشبه نغرزها فقلبه خليه يتبخر
مالك :الخشبه للمصاصين يبني دا مستذئب😂
حسن :طب بيموت بأيه بيموت بأيه هموووووت
ربيع ساب حسن لما حس انه خلاص خلص بين ايديه وقعد وهو بينهج
مالك :عاش ياوحش
حسن قام بيعدل في بوقه وبص لربيع :تسلم ايدك ياسيد المعلمين 😩
ربيع ضحك عليهم وهو بينهج :متشكر ياعيال انا كده بقيت احسن بصراحه كنت محتاج اضرب حد
حسن بصله بنص عين :لا احنا تحت امرك فأي وقت نفسك تضرب بس قول ياجزر واحنا نجيلك علطول احنا عندنا كام ربيع يعني
مالك :اتكلم عن نفسك انا لو انضربت هنا بوكس واحد تاني هسيب المزرعه وامشي خالص وهكتفي أني اربي بقره فجراج بيتنا واحلبها كل يوم واشرب لبنها وشكرا علي كده
ربيع وحسن ضحكو عليه والتلاته مسكو ايدين بعض وقامو وراحو علي الفيلا وهما بيضحكو
قمر كانت جايه هي وحسنه من بره ولما شافتهم معفرين جريت عليهم
مالكم ايه اللي عمل فيكم كده
حسن :اخدنا العلقه احنا بدالك النهارده يابنت والدي بس وربنا انتي جبل يابنتي ، دانتي بتستحملي اللي احنا الاتنين مستحميلناهوش 😂
قمر :الضرب كان بيوجعني فالاول بس دلوقتي جتتي نحست مبقتش بحس 😂
حسنه : هو عيضربك يابتي
قمر :دا مكسر عضمي كله
حسنه زغرتت مره وحده ، ولدي راجل
قمر :😳😨ايه دا دانتا طلعت اصيل اوي ياعم بخ 😂
ربيع :قابلي بقا اياكش بس تتعلمي من دروس الدنيا
حسنه :انا باضحك معاكي ياقمر يابتي اوعك تزعلي مني
قمر :لأياأمي انا لايمكن ازعل منك ابدا وحضنو بعض وربيع بصلهم وبص الناحيه التانيه بغيظ وفضل يجز علي سنانه
ودخلو الفيلا كلهم
وهما علي السفره
مالك :علي فكره ياجماعه انتو كلكم معزومين علي خطوبتي الاسبوع الجاي
حسن :لأ
مالك :اه وربونا
حسن :ومين الحزينه ، قصدي السعيده دي
مالك :بنت خالتي ، بت جدعه وطيبه وبنت حلال وعينها كانت مني من زمان والحجه كانت منقيهالي من زمان بس انا كنت بأجل كان عندى امل اتجوز عن حب مش صالونات
الكل :الف مبروك وربنا يتمم علي خير يارب
مهاب:طب متتجوز علطول وتخلص
مالك :لا لسه فيه شوية حجات في الشقه مخلصتش هنخلصها براحتنا بقا
مهاب :بس احنا مهنروحوش نحضرو خطوبتك دي
مالك بزعل : ليه كدا ياعمي ..علي العموم براحتك
مهاب :ايوه مش هنروحو عشان انتا اللي هتاجي تعمل الخطوبه اهنه ومش هتكون خطوبه هيكون جواز علطول زيك زي العيال دي واللي ناقص فشقتك تكمله وميهمكش الفلوس واصل اعتبرها نقطتك من ابوك الحج
مالك قام بفرحه :ربنا يخليك لينا ياحج ويطولنا فعمرك
حسنه كانت قاعده لكن معجبهاش الكلام اللي اتقال واتكلمت بغيظ :
هي تكيه ولا تكيه ؟ والله انتا عتبذر فلوس العيال يامهاب ياخوي
مهاب وربيع خبطو علي السفره بأديهم الاتنين وقامو وقفو وبصو لبعض وبصو لحسنه وبرقولها
حسنه مره وحده راحت مزغرته 😁
عهزر معاك دنا حتي فرحتله اسمه ايه ديه اللي هيتجوز مش عارفه مين
ربيع ومهاب قعدو والكل ضحك عليها
قمر :كلي ياحسنه ، لغي وانتي ساكته ياحبيبتي ربنا يهديكي ، او يهدك ، هو يشوف اللي تستاهليه عاد .
مهاب :عقولكم ايه ياعيال ، من بكره طالما خلصنا من زين تنضفولي الارض من البلوه اللي فيها دي الا انا عنام احلم ان اللي بالي بالكم جايبينلي الشبكه اسورتين وبيلبسهوملي وعياخدوني معاهم 😢
ربيع وهو بياكل وبيتكلم بدون اهتمام :مش هينفع دلوقتي ، هنبوظ محصول الدره كله وهنخسر كتير
مهاب :اللي هنخسروه من الفلوس مش زي لو خسرنا حاجه تانيه ياولدي
ومسك رقابته
ربيع :متخافش هو كله شهر ونص ولا شهرين ونحصد المحصول ونتخلص من الباقي ولا خساره ولا يحزنون
الكل قاعد مش فاهم حاجه
قمر :فزوره دي يارناد يختي ؟
ريناد هزت كتافها بعدم فهم وهزت دماغها وكملت اكل وعنيها علي مهاب اللي بيهرب بعنيه وساعتها اتأكدت انه فيه حاجه كبيره هو مخبيها عليها
اتنين قررو انهم يكتشفو بنفسهم ايه اللغز اللي في الارض
الاولي ريناد ودا طبيعي
والتانيه حسنه اللي الفضول قتلها ودا مش طبيعي ابدا 😂
بدر بصت لقمر وميلت عليها :هو انتي ياحبيبتي مش ملاحظه حاجه ولا حاجه
قمر :لا هلاحظ ايه
بدر :مش ملاحظه ان فرحنا باقي عليه اسبوعين واحنا ورانا حجات متلتله معملنهاش ؟ وحجات المفروض نشتريها مشترينهاش ؟ورجلين وايدين المفروض تنضف من جلخ الارض منضفنهاش ؟
قمر :يالهوي يامستهوي طب وبعدين
بدر :من دلوقتي شغل في الارض نو شغل في البيت نووو من النهارده حبسه وتنضيف وتزييت وتشحيم
قمر :😂حلو تزييت وتشحيم دي
بدر :ايوه محنا مش هينفع معانا غير كده .، انتي تخلصي اكل ونودع الكل ونطلع الاوضه فوق ومش هننزل منها تاني الا عالفرح و امي وامك يجهزولنا كل حاجه ، هو احنا هنتجوز كل يوم ولا ايه ؟
قمر :عندك حق يختي ، اتشيعه ، انا شبعت يلا بينا
قمر الكبيره :ايه المحادثات والمفاوضات الجانبيه دي متخلونا طرف في الحديث السري ديه
بدر :ولا سري ولا حاجه دنا بقول لقمر المفروض فرحنا بعد اسبوعين ومعملناش ولا اشترينا اي حاجه
قمر بصت لسلمي وريناد : ايوه ليكم حق تعولو الهم طالما حداكم امين زي قلتهم عياكلو ويشربو ويلبو نداء الطبيعه وخلاص ، بس ولا يهمكم انا هشتريلكم كل اللي انتو عاوزينه بنفسي ، وبصت لرهف :عقبالك ياوجع قلبي
رهف :عن قريب ماما لاتقلقي
قمر :ادينا مستنيين ياخيتي ربنا يبعت
رهف بصت لجدتها وكلمتها :تيته فيه الك خوش خبريه
الجده :خبريني تيته شو فيه
رهف:فيه ضيف جاي الك من بلاد الحبايب راح تنبسطي فيه كتير كتير
الجده : ولك منو
رهف :اسد تيته
الجده :اممم اسد أولتي، وجاي إلي ها 😉
رهف بكسوف :تيته شو هاد
قمر :لا وكتاب الله فيه سر ولازمن اعرفه ومين الاسد ديه كمان
الجده :ولك هالاسد يلي راح يخطف بنتك وياكلها
قمر :حصلنا الرعب والتهديد انتو واسد الغابه بتاعكم ديه .وبصت لرهف لقتها مبتسمه ابتسامه عريضه
وديقت عنيها بتساؤل عن اللي بنتها مخبياه 🤔
ياتري ياربيع علاقتك بأمك هتتحسن ؟
طب ياتري حسنه بجد ندمت ولا هتلاقي اللي هتنتقم بيه من مهاب
طب ياتري ريناد هتعمل ايه لما تعرف ان مهاب زارع فأرضهم بانجو ؟ 😂
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا