-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية فصيلتي القوية بقلم ريناد يوسف - الفصل السادس والأربعون

مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية اجتماعية واقعية وصعيدية جديدة للكاتبة ريناد يوسف والتى سبق أن قدمنا لها العديد من الروايات علي موقعنا قصص 26 وموعدنا اليوم مع الفصل السادس والأربعون من رواية فصيلتي القوية بقلم ريناد يوسف.

رواية فصيلتي القوية بقلم ريناد يوسف - الفصل السادس والأربعون

اقرأ أيضا : حدوتة قبل النوم

رواية فصيلتى القوية بقلم ريناد يوسف

رواية فصيلتي القوية بقلم ريناد يوسف - الفصل السادس والأربعون

تابع من هنا: روايات رومانسية جريئة

 ريناد انقضت علي مهاب وبتخنق فيه وهو بيصرخ علي حسنه ان ربنا ياخدها وبيترجي ربيع ينجده والكل عمال يضحك عليه


حسنه :بس بس سيبيه يارناد كنا عنضحكو ...العريس مش مهاب ...واصلا جوزك مش نوعي المفضل ولو اخر راجل في الدنيا انا متجوزهوش 😌


رعد :😂صارووخ عابر للقارات قاصف للجبهات


مهاب بعد ماسابته ريناد مسك رقابته و بيكح :ربنا دايما يجعلني كيف القرد فعينك ياشيخه ولا اعجبكش واصل


حسنه بصت لرعد وبتلعب فحواجبها وهي بتتكلم :اني نوعي المفضل مفيش منيه تنين راجل قيمه وهيبه ومسمسم وحلو التقاطيع


قمر مرات رعد :😁طب تحبي ياحسنه يكون كيف نوع التقطيع ؟🤔


حسنه :تقطيع ايه ياقمر ياحبيبتي

قمر :تقطيعك ياغاليه .يعني تحبي الشرايح بالطول ولا بالعرض ؟


حسنه :شكليهم 😁اعملي هبابه اكده وهبابه اكده وامانه عليكي تدى عنيا لجوزك الحلو ديه


قمر:العيون بس ؟ دنا هديه هو العيون وانا هاكل القلب والكبده هعملهم صنيه فالفرن وانتي كلك علي بعضك هطبخك كامله اكده هربط اديكي فرجليكي واخليكي مقعمزه واحطك في الفرن اشويكي وبعد اكده احطك فوق الرز وكل اللي نفسه فحته ياخدها


قمر الصغيره :بصت لربيع ورفعتله حاجبها متفض الاشتباكات دي ياعم انتا وافصح عما بخلجك


ربيع :طب هقول طالما اتكلمتي فصحي ..احتراما للفصحي بس . امي ياجماعه عم عبد الله خطبها مني وانا جسيت نبضها وهي موافقه وانا شايف ان الجواز للي زي امي دي ستره ايه رأيكم حد عنده حاجه يقولها


مهاب وريناد وقمر فصوت واحد :اديهااالووو


حسنه :طب حيث اكده عاد ودوني علي بيت حبيبي نعيش مع بعض فيه الا بقالنا مده اني وهو بالبانجه عنمليه ههههههههااااااي


مهاب :يبت الجزمه انتي مخبيه الدماغ عند عبد الله 😂 طب والله انتي دماغ وانا اللي مخي اتشل من التفكير في مخبأك السري فين


ربيع :لا ماخلاص هي وعدتني هتخلص اللي مخزناه وهتبطل


مهاب :طب عال عال ...وياتري عندك فكره عن الكميه المتخزنه ولا فاكرها مخزنه هبابه فكيس ياغلبان ؟


ربيع :امال يعني هتخزن اد ايه؟

مهاب بص لحسنه :اقطع دراعي ان ماكانت حفرت مخزن تحت الارض ومخزنه لبقية العمر ...دي حسنه وانا فاهم دماغها


ربيع :ياخبر 😳طب والله لاقوم اشوف اوضة عبد الله واشوف هما مخبيين الزفت دا فين ؟


حسنه قامت بغل :انت ايه يبوي شطان ؟ معتسيش حد مبسوط واصل ؟ لازمن تعكنن علي الناس ؟ طب لما يروح ويحرق البانجه دلوكيت انا هشرب ايه؟


مهاب :اشربي شاي ..أشرب ايه إشرب شاي 😂


حسنه :يبوي عالغتاته والتباته والرزاله ...انا فايتهالك ورايحه حدا عبده الحق ربيع قبل مايتهور


قمر الكبيره :اقسمت عليكم برب السموات والارض اللي قادر يولع فيكم كلياتكم دلوكيت مره وحده لتفهموني ايه اللي عيوحصول بالظبط ؟


مهاب :حسنه مخبيه بانجو وعتشرب منيه كل يوم بالليل ودا سبب اللي عتعمله كل عشيه وعتفضل تشرب لغاية ماتتطين وتصبح بالمنظر اللي عنشوفوه الصبح ديه


قمر :يامررررري وكانت عتبيت معاي وتشرب جاري وانا نعسانه ؟ وانا علي اكده تلاقيني بقيت مدمنه زييها ؟

يامرك ياقمر ، وجابت المدعوق ديه من وين ؟


ريناد باندفاع :اخوكي كان زارعه فالارض

قمر بصت لمهاب :اه ياجاحد

مهاب شاور علي رعد :جوزك كان عارف وهو وشريف جابولي التقاوي


قمر بصت لرعد وبرقت

رعد :اهددى هفهمك انا علي كل حاجه


قمر :تفهم مين يفقري تفهم مين ؟


ادخل اجيبلك امك وابوك من جوه واقولهم ولدكم عيزرع امخدرات ؟ ومش بس اكده ..دا باعها من غير مايديني نصيبي ؟ كوش علي المحصول لحاله .وانا اقول ايه النعمه اللي ظهرت عليك دي وصابغ ودابغ وحالق ومسنفر ؟ له دا الموضوع باينه مربح ياقزين ، دا حتي حسنه استفادت من البانجو اللي زرعتوه واني سايبني متشحططه بين الشركات وانت شغال في الكسب السريع ؟ ...بس ملحوقه وغلطتك لازمن تدفع تمنها


قومي يابت ياقمر قولي لربيع ميتخلصش من حاجه وانا هبلغ البوليص خليه ياجي يلم تجار الصنف دول .


مهاب بص لريناد : هاه ارتحتي دلوكيت ؟ كنتي عامله حداها ضمير وهتحتج ع المخدرات اهي عتطالب بنصيبها وهتحبسنا ...!اوبقي هاتيلي عيش وحلاوه ياختي طالما اتسحبتي من لسانك يافقريه


**********


رهف الصغيره وصلت الاستراحه وطلعت لاسد وخبطت علي باب الاوضه واسد فتح واول مالقي رهف قدامه عيونه احمرت ومن كتر العصبيه ظهر عرق في رقابته مش بيظهر غير لما يكون علي اخره والغضب متملك منه .

رهف بلعت ريقها ونزلت دماغها للارض وبعد شويه من سماعها لصوت انفاس اسد العاليه المتلاحقه


اسد شدها من دراعها دخلها الاوضه وقفل الباب ورماها علي الحيطه وبصلها بغضب وهى كانت بتترجف من الخوف منه ..


اسد :لا وجايه لعندي برجلك بعد ؟ صايره سباعيه ومابتخافي ؟


رهف :أااسس اسد اني

اسد : ششششششش مابدي ياكي تنطقي ولا حرف ...اصلا راح ربيكي بس لاهون ..ولا هلا .....ربايتج بعد مااتزوجك يامرت الشيخ اسد

...ياشيخه رهف ...بعرضج فيه شيخه بتساوي متل ماكنتي مساويه


رهف هزت دماغها :لا

اسد :زين ...وهلا شو جايبج لعندي ؟..ولحالك !!!

رهف :مو انت يلي حكيت بدك ياني مشان شغله ضروريه بالموبايل؟


اسد ضحك بصوته كله :ولك يأبرني يلي صاير عم يفهم الحكي بالمقلوب


رهف :مافهمت

اسد :ماعليج راح فهمك كل شي بدك تفهميه بس ماهلا ...يلا اترخصي وروحي لاهلج لحتي مايساوو الك مشكله ع جيتك هون لحالك ...ولا ليكون هاي الشغله عاديه عندكن وعم تدخلى لاوض لرجال متل ماعم تقعدى بيناتهم ؟


رهف :لا لا مانها عاديه .انا اجيت بدون ماحدا يعرف وهلا من رخصتك شيخي

اسد :رخصتج معك ياعيون شيخج ياشالعه قلب شيخج ..


رهف اتحركت خطوتين واسد مراقبها ومبتسم لكنها وقفت مره وحده ولفتله :اسد امي مانها موافقه بزواجنا


اسد : ماعليج وشو يعني لو ماوافقت الشغله بيد الحريمات ولا ايش ..عنها ما وافقت هي اصلا ماخصها انتي راح تصيري مرتي لو كل العالم اعترض مابتكوني الا مرت اسد ..


رهف ابتسمتله وبصت للارض وجريت من قدامه


اسد :اروحلج فدوه شو حلوه وكت تصيري خجوله وناداها ....رهف


رهف بصتله

اسد :ديري بالج تظهر منك شعره وحده قدام حدا وربي ازبحج واحسب الله ماخلقج

رهف شدت الطرحه لقدام اكتر ومشيت من قدامه


رهف وصلت البيت واول مادخلت من باب الفيلا وهي مبتسمه


قمر مامتها :اهلا بمولاتنا رهف اهلا اهلا وايه الجمال والكمال ديه

رابعه العدويه ياخواتي ..؟ كنتي فين يامشلوله


رهف :ماما بليز

قمر :راحت لاسد الاستراحه ..لوحدها 😌


قمر الكبيره :صوح يبت رعد ؟ روحتيله لحالك ..الحق بتك يارعد


رعد : صحيح يارهف ؟


رهف :ايه بابا صحيح


رعد :طيب رهوفتي متروحيش تاني لوحدك عشان دا شاب وميصحش كدا


رهف :حاضر بابا

قمر الكبيره :له حمش

رعد :متكبريش الموضوع بقا ياقمر هي قالت مش هتعمل كدا تاني وخلاص وبص لرهف وشاورلها برقابته عشان تتحرك من قدام قمر وهي راحت وقعدت جمب جدتها رهف الكبيره وجدتها اخدتها فحضنها واتكتلها علي عنيها بتطمنها ان كله هيكون تمام


*************


عدي اليوم بكل احداثه والليل خيم عشان كل واحد يحط دماغه علي مخدته ويسرح بخياله فالحته اللي بيتمني يكون فيها وفأحلامه اللي بيتمني تتحقق بسرعه


احمد ورهف الجده فأوضتهم بيتباحثو فأمور الولاد ورهف قررت قرار وقالت لاحمد عليه وهو ايد الفكره وشجعها عليها جدا


قمر الصغيره وبدر في اوضة قمر وبيكملو مسيرتهم في النضافه والسنفره عشان الفرح


رهف الصغيره مع باباها رعد بيشوفو طريقه يقنعو بيها قمر امها عشان توافق علي جوازها من اسد


قمر الام في الاوضه متمدده علي السرير وباصه للسقف وبتفكر ازاي هتقدر علي بعد بنتها عنها لو مقدرتش تمنع الجوازه دي وبتقطع وتمسح فسلسفين اسد واهله 😂


مهاب وريناد في اوضتهم بيتكلمو في تجهيزات فرح الولاد


حسنه قاعده فأوضه لوحدها وجايبه اخر حبة بانجو قدرت تنقذهم من رببع قبل مايحرق البانجو كله وبتشرب وتبكي علي البانجو اللي اتحرق قدام عنيها 😢


سلمي ومحمود نايمين فحضن بعض وبيشخرو ومش بيفكرو فحاجه خااالص 😂


اما ربيع وسليم ومالك وحسن كانو مجتمعين في استراحة المزرعه وسهرانين مع بعض واخر ضحك وفرفشه والفرحه باينه فعنيهم وصوت ضحكهم واصل لاخر الارض لدرجة انه كان واصل لكل اللي في الفيلا


اما اسد ففضل فأوضته رايح جاي وماسك تليفونه وبيحاول يتصل برهف وكل مايرن هي تكنسل عليه وهو هيتجنن من الحركه دي


اما في مصر في مكتب مهاب واحمد كل واحد ماسك تليفونه وبيتكلم مع خطيبته وفرحانين وبيخططو سوا لحياتهم القادمه وناديه تقريبا خلصت كل حاجه في الشقتين اللي كانو فنفس العماره ونفس الدور واتعملو بنفس الاستايل ونفس الديكور مع تغيير الالوان فقط


ساعات الليل بتمر وفيها اللي سهران وفيها اللي استسلم اخيرا للنوم


رهف وباباها اتفقو علي انهم هيعملو جبهه ضد قمر عشان توافق علي الجوازه وهي قدام الاسرار اكيد هتلين وتوافق


*********

نور الصبح ابتدا يبدد ظلام الليل


الكل ابتدا يتجمع علي السفره وقمر وريناد وسلمي بيحضرو الفطار


الشباب قامو من المزرعه ومتوجهين علي الفيلا عشان يفطرو وهما في الطريق قابلهم اسد اللي كان لابس توب رجالي وعقال وطالع يخطف الانظار والقلوب لدرجة ان الشباب وقفو يتأملو فيه وفاتحين بوقهم


اسد :ويش فيكم راح تضلو صافنين هيك لباقي اليوم ؟ فوتو قدامي وخذو طريق لنفوت .


الشباب مشيو قدامه من سكات ودخلو وف الاثناء دي الكل كان قعد علي السفره ورهف كانت لابسه هدوم واسعه وطرحه جايباها علي وشها وباصه فطبقها


مهاب :قمر يختي هي بتك مالها ؟ عامله فحالها اكده ليه كيف الساحرات اللي فأفلام الرعب


قمر الكبيره :سيبك منها اتهوست زي ابوها ..مهو النوع ديه عيظهرش عليه الهواس غير فالسن ديه


مهاب بصوت واطي :ابوها هو المهووس ياحزني 😂


قمر الكبيره :خف برطمه يامهاب نقصاكش عالصبح .😡


فجأه الشباب دخلو من باب الفيلا واستأذنو لاسد انه يدخل ورهف لما سمعت اسمه انتفضت وشدت الطرحه لقدام اكتر والكل استغرب


قمر امها :سقطيها فالشاي قدامك سقطيها يامهفوفه ؟


اسد دخل علي استحياء بعد ما اذنوله بالدخول وهو باصص للارض ورعد ومهاب شاوروله يقعد علي السفره معاهم وهو قعد برغم ضيقته من الاختلاط دا الا انه كام مضطر عشان عاوز يتكلم معاهم في كل حاجه جاي عشانها لكنه انبسط جدا برهف ولبسها المحتشم وابتسملها وهي كمان بادلته الابتسامه


رهف بعتت لاسد رساله بان ابوها موافق وان امها لسه مزرجنه وانها خوافه جدا جدا وممكن يلعب عالوتر دا


اما قمر وبدر الاتنين كانو باصين لاسد بذهول لانهم حرفيا مقابلوش راجل فجماله ولا فأناقته ولا فطوله


ربيع وسليم كانو شايطين من الغيره وعيون البنات مش نازله من علي اسد


اسد :ماراح تعرفوني علي الصبايا مين بيكونو ؟


ربيع :دي قمر بنت خالي مهاب اللي هو جوز ريناد اخت عمك رعد وخطيبتي واتكي عالكلمه


قمر :بس فيه مشاكل واحتمال نفركش 😂


حسن :ودي بدر بنت عمتي وخطيبتي

بدر وعنيها متعلقه بأسد :وحاسه اني اتسرعت بالارتباط 😂


اسد ضحك بخفه والبنات اول ماشافو ابتسامته قمر كانت سانده كوعها علي السفره وقع وبصت لبدر اللي ماسكه فنجان الشاي ومتنحه ومش بتشرب والاتنين برقو لبعض وبصو لرهف بغل 😂


ربيع وحسن بصو لبعض وبصو للبنات وهما بيتوعدولهم هيربوهم علي تصرفاتهم دي


حسنه خرجت من الاوضه وهي منكوشه وشكلها زي كل يوم وقعدت علي السفره علطول واسد لما شافها قام وقف ورجع لورا خطوتين والكل ضحك عليه


مهاب :تخافش ياولدي دي مرت اخوي الله يرحمه وام ربيع .


اسد :بسم الله ...بيها مس لو لمسه ارضيه شي ؟


رعد:لا بس هي بتصحي الصبح تعبانه شويه وبالنهار بترجع طبيعيه تاني


اسد قعد علي الكرسي بحذر وخوف وابتدا يتكلم وهو عينه علي حسنه وحركاتها .


اسد :عمتي هاي ثلاث شيكات كل شيك بمبلغ ٤ مليون فيكي تصرفيهن بأي وكت هاد ميراثج وحق الله واذا بتسمحي توقعيلي هون بانك استلمتي ميراثج وهاد كشف مفصل بكل الاملاك حقنا ونصيب كل فرد بالعيله مشان مايكون فيه ادني شك من اي نوع بيناتنا


رهف الجده :ولك عمتو ايا كشف وايا شك يعلم الله انا فلس واحد مابدي والميراث انا ولا يوم فكرت اني اخده مشان انا عندي خيرات الله وربي كافيني


اسد :ولو عمتي حقج هاد خذيه ولو بدك ذبيه بالارض انا مااقدر اتحمل اكل الاموال يوم لاينفع مال ولا بنون


رهف :ربي يباركلي فيج ابني ويسعدلي قلبج وينولك يلي ببالك


اسد بص لرهف :امين عمتو


اسد بص لرعد :هاه عمو ويش قولت بالموضوع يلي حكيتك فيه بالامس


قمر الكبيره ردت بسرعه : مرفوض

اسد خبط السفره بأيده هز كل اللي عليها :ولك ماحدا علمج انتي وكت تحكي الزلم الحريم بتسكر فمها وما الها حجي هاااااه


قمر :😨يخرب مطنك ضرعتني

اسد :الله في سماه يامره اذا كنت بحاكي حدا من لرجال وفتحتي تمك ما اكون غير قاطع لسانج وذابه بالارض لتدعس عليه الناس


قمر حطت ايدها علي بوقها وبرقت عنيها وسكتت بخوف وبتهمس لنفسها :يارب الخنجر اللي فوسطك ديه يتلف ويدخل فكرشك ياباعيد جايلنا من وين انته والكل كاتم ضحكته عليها


اسد بصوته كله :ويش قولت عمييييييييي

رعد :موافق يبني موافق .بس قمر مامتها كانت مٌعت.....


قمر :موافقه اني موافقه حتي شوفو لولولولولولولولولولولييييييي شفت الزغروته حلوه الزغروته صوح


رهف كانت هتنط من الفرحه ومسكت ايد قمر وبدر من تحت السفره وبصت لاسد وابتسمتله وهو كمان ابتسملها والكل بارك لهم الا حسنه اللي وقفت مره وحده وخبطت الطربيزه بأيدها والايد التانيه بتهرش بيها فدماغها :


حسنه :انا مش موافقه علي الجوازه دي واللي هتعميلوه ديه جريمه كبري


قمر الكبيره :شاله يسترك ياحسنه ويخليكي ويعلي دماغك كمان وكمان


اسد :نعم خانوم فيني اعرف ليش جانابك معترضه وبالاول منو انتي لتعترضي اصلا ؟


حسنه :ياولدي انتو دلوكيت السكينه سارقاكم وفرحانين بحالكم ...لكن معتفكروش لو خلفتو عيالكم هتطلع كيف ؟


اسد ورهف والكل بصو لبعض

حسنه :يعني انتو عتتحدتو إكده انتو التنين وقرايب شوفو لما تتجوزو هتخلفو عيال مهتعرفش تتحدت واصل وباين ان عيلتكم كلها مريضه بالمرض ديه ياولدي .


قمر الكبيره وطت خبطت على دماغها بأديها الاتنين

أسد :ولك شنو عمتخبص وتحكي هاي المره؟

مهاب :له دي سيبك منها واصل دي تسمع منها وترمي ...اقعدي ياحسنه اقعدي رسالتك وصلت وكلمه زياده هتموتي شهيدة العبط اقعدي


حسنه :اني بلغت الهم بلغت اللهم اشهد واللي عيشيل قربه مخرومه عتخر علي دماغه والقرد فعين امه غزال .✋


حسن ميل علي ربيع :ولا ياربيع ..ايه علاقة المثل الاخير اللي قالته امك دا بالموضوع


ربيع :معرفش ومتقولش امك الا هي بتلعب فعداد عمرها قدام اسد البراري دا وانا داخل علي دنيا الله يحرقك ليدبحني معاها بالخنجر اللي فوسطه ده 😂


اسد :عمي رعد من رخصتج راح نعقد العقد هون وراح اخد رهف لنعمول الفرح بالعراق والكل راح يجي معنا اكيد


قمر :له

اسد :😡عاااااااه

قمر :قصدي يعني ياولدي احنا نعملو الفرح اهنه وتتجوزو وتقضو اسبوع عسل وتسافرو بعد اكده وانتو متجوزين ولو حابب اعملها فرح تاني اهناك او حفله للاهل والقرايب ....المهم اني عاوزه افرح ببتي اهنه وسط اهلها وناسها ونفسي اعملها الفرح اللي عشت عمري كله احلم بيه 😢


رهف الصغيره قامت وراحت لمامتها ومسكت ايدها وباستها :طيب فيكي ماتبكي وراح نعمول كيف مابدك ماما وبصت لاسد ...ولا شو اسد


اسد :اكيد حياتي يلي بيسعدج راح نسويه ...خلاص راح نعمول الفرح هون


قمر بصتله واتكلمت من بين سنانها بصوت واطي وهي مبتسمه :جاك هون لما يفشفش نفوخك ياباعيد مش عارفه ايه اللي حدفك علي بتي انتا ...كنك هارب من ايام الفراعنه بجتتك دي


اسد :عمتتكلمي معي حماتي

قمر :له ياولدي معتكلمش واصل اني وبصوت واطي :شاله يحموك فميه بتلج فعز شهر طوبه عشان تتحنط ويحطوك فالمعبد بتاعك اللي هربت منيه 😢


مهاب ورعد باصين علي قمر وسامعين برطمتها المش مفهومه وميتين عليها من الضحك


احمد الجد :يبقي خلاص فرحكم يبقا مع فرح الولاد بعد كام يوم وانتو شغلتكم سهله لا هتجهزو شقه ولا هتفرشو هتأجرولكم اوضه ولا سويت ففندق وتقضو فيه اسبوع ولا حاجه وبعد كدهه تسافرو علي العراق


اسد :مع اني مابعرف كيف بقدر ابعود كل هاد الوكت عن الديوان لكن الله كريم بتنحل بعون الله


قمر :لو مشغول ياولدي سافر خلص اللي وراك واوبقي تعالا السنه الجايه ولا اللي وراها واهي بتي قاعده هي هتطير يعني ولا هتطير اهي مرزوعه😢


اسد :لا حماتي بتشكرج انا بعرف حل مشاكلي لحالي ورهف مابرجع العراق غير وهي مرتي .


قمر :😢طيب


رهف الجده بصت للكل وخبطت بشوكه علي كبايه قدامها :ولك بدي قول شي


رعد :ايه ياامي قولي

رهف الجده :انا قررت اني اوزع ميراثي ع احفادي وراح اعطي كل حفيد مليون ليبتدي بيه مشروعه لحاله او يتصرف فيه متل مايحب وهاي هديتي الهم


ريناد :اللي تشوفيه ياامي دي فلوسك وانتي حره فيها


حسنه :والله كنت خايفه تتهوس كيف اللي فالتلفزيون وتقول هتبرع بيهم للجمعيات كنت هطب ساكته


قمر الكبيره :ياريتها كانت قالت اكده كنا ارتحنا منك


رهف الجده :يلا رعد خد الشيكات وحط بحساب كل حفيد مليون احمد ومهاب وقمر وحسن ورهف وربيع وسليم وبدر


حسنه :طب وسليم وبدر احفادك من وين ؟

رهف الجده :ايه احفادي وانتي ماخصج وبعدين ماانا راح اعطي ربيع متلهم ليش ماتكلمتي عليه ؟ ولا مشان ابنك


حسنه :خلاص يبوي اني كنت عسئل سؤال بريئ 😁


اسد :رهف ماراح تاخد شي انا بعطيها يلي بدها ياه وراح افتح الها حساب خاص وكل اموالي تحت امرها وتصرفها


رهف ابتسمتله بحب ورهف الجده اتكلمت :لا راح تاخد مني المليون وانت افتح الها مليون حساب ماخصني لكن هديت التيته مابتنرفض


اسد :يلي بدك ياه بيصير عمتي


مهاب :مش تقولو لجدتكم شكرا ياجحده ؟ حد غيركم كان زمانه هيتمرمغ فالتراب اللي تحت رجليها دي هتدي كل واحد مليون ياولاد المحظوظه 😂


الكل شكر الجده رهف وقام باس ايدها بحب


حسنه :طب علي فكره انتو جهله فالدين قوي قوي .مش الدين بيقول من حضر القسمة فليقتسم ؟ يعني ياخد نفحه من الملامين اللي عتبعتروها وسطيكم دي كيف ورق الكوتشينه ؟


مهاب :الملامين 😂 تاجي عند الفلوس انتي ومعلوماتك الدينيه تظهر ياشيخه حسنه


حسنه :مهردش عليك ..اني عكلم تيته رهف

رهف الجده :شو تيته ماتيته ولك انتي اكبر مني بالعمر ولك اتطلعي لحالك ؟ كيف تيتك انا ؟ وقامت بعصبيه ودخلت علي اوضتها وهي بتتعكز بعكازها واحمد وراها وحسنه بتنده عليها :تيتيه ياتيتيه اخدي اهنه يابت ياتيته يام الملامين انتي


الكل ضحك علي حسنه وعلي كلامها وعلي رهف الجده 😂😂😂😂😂😂


حسنه :عقولكم صوح :اعملو حسابي فالفرح اني وعبد الله معاكم 😌


مهاب بص لربيع اللي شرق وهو بيشرب وعمال يكح وضحك عليه والكل ضحك معاه


***********


عدت الايام بسرعه علي ابطالنا والفرح بكره والكل متوتر والجو متكهرب والاستعدادات علي قدم وساق وقمر وبدر من النضافه و السنفره وماسك الطين اللي متطينين بيه ليل نهار بقو بيلمعو لمعان 💅👌 ورهف كمان بشوية اهتمام زادت جمال علي جمالها


اسد بلغ اهله بالعراق انه هيتجوز رهف فمصر لكن امه حلفت انها لازم تعملهم فرح تاني اول مايروحو العراق يليق بالشيخ اسد شيخ العشيره وكبيرها ولازم يكون علي الطريقه العراقيه ويلبس القاط ورهف تلبس البدله العراقيه 👌


مهاب واحمد ودنيا وسمر عزمو اصحابهم والكل راح علي الارض اللي الولاد صممو ان فرحهم يكون فيها وزي مااتولد حبهم فجنتهم جوازهم كمان يكون فجنتهم اللي كل فرحه ليهم مرتبطه بيها


دكتور مالك كمان اخد خطيبته واهلها واهله وراح الارض عشان يعمل الفرح هناك مع الاولاد بناء علي الحاح مهاب وحسن والباقيين وخطيبته كانت مبسوطه بالفكره جداااا


النهارده الحنه وقمر الكبيره اتجننت وقررت انها تكون حنه هنديه وجابت حنانه وشغلت موسيقي هندي وخلت منسقة حفلات تجيب سواري لستات البيت كلهم والرجاله كمان لبستهم لبس هندي


الكل لبس ماعدا حسنه مفضلهاش ساري 😂


حسنه :واني عاوزه البس كيف مانتو لابسين .!

قمر :فيش تاني ياحسنه سواري

حسنه :طب اقلعي انتي ولبسيني بتاعك انا عروسه 😌


قمر:قومي من جاري ياحسنه الهي تاجيكي عرسه تقطم ودانك


حسنه :انا عارفاكي وعارفه اللي فيكي ياقمر ...طول عمرك عتغيري مني والنار وكلاكي وكل من تلاي ..


خايفه ياعيني البس كيف مالابسه اضرب عليها وابيخها 😌


قمر :طب حد يحوشها من قدامي الا ادفسها برجلي الصقها فالحيطه كيف البرص 😤


الكل ضحك علي حسنه وقمر وحسنه قامت من جمب قمر ودخلت اوضتها وغابت شويه والباب فجأه اتفتح وخرجت


الكل اول ماشافها مات من الضحك :😂😂😂😂😂😂

حسنه دخلت وجابت ملاية سرير وعملتها ساري وخرجت بيها


قمر :حد يبلغ بوليص الاداب بسرعه اهي ملفوفه بالملايه وجاهزه 😂


الكل بيبص لحسنه وبيضحك وحسنه قربت من ودن قمر :مش قولتلك خايفه احسن البس وابيخك ...اهو شوفي الناس كوليتها عنيهم هتطلع من البصبصه علي 😌 عرفتي اني اجمل منيكي


قمر :ايوه عرفت 😂

************

اليوم عدي فلمح البصر وتاني يوم البنات كلهم بيستعدو وقمر الكبيره وريناد كلمو اكبر مراكز التجميل عشان يبعتو كاست من امهر العاملات عندهم عشان يجهزو العرايس وباقي المعازيم واتعمل مسرح كبير في جنينة الفيلا وكوشه لست عرايس ودي حاجه اول مره تحصل في التاريخ والمعازيم كانو بأعداد مهوله


الشباب بيجهزو فالاستراحه والكل بيساعد بعض واسد طلع اجمل واطول واوسم واحد فيهم والكل بيبصله بغيره 😟


البنات جهزو تقريبا وحسنه اخدت بنت من الكوافيرات عشان تجهزها فأوضتها ولبست الفستان اللي كان من اختيارها وكان كالاتي


اسود بيبرق كله والصدر بالاكتاف ابيض وعليه طاقيه فرو سوده متزينه بريش اسود


العرايس جهزو وكل وحده طالعه اجمل من التانيه وكل وحده فقمة سعادتها والفرحه مش سيعاها والشباب كمان جهزو وراحو علي الفيلا عشان ياخدو العرايس وكل واحد اتخض من جمال عروسته لما شافها وخصوصا ربيع اللي فتح بوقه وتنح علي قمر عروسته


قمر الكبيره :والله ياولد اخوي فكرتني بيوم جوازي ..جوز عمتك عمل نفس الريأكشن ديه لما شافني ..هما اللي اسمهم قمر اكده عيوبقو اسم علي مسمي وزغدت رعد ..ولا ايه


رعد :طبعا ياقمري

قمر عنيها اتعلقت بأسد وهو ماسك ايد رهف وبيبوسها وابتسمت واعترفت بينها وبين نفسها ان اسد هو الراجل اللي اي ام تتمناه لبنتها وخصوصا ان كل ستات الفرح كانو هياكلوه بعنيهم لدرجة ان قمر غارت علي جوز بنتها منهم ..


الخمس عرسان اخدو عروساتهم وراحو قعدو علي الكوشه وفضل كرسي حسنه فاضي والكل متلهف يعرف مين اللي هيتجوز تاني .؟


بعد شويه حسنه ظهرت جايه وماسكه بوكيه ورد وعبد الله لابس جلابيه وشال من بتوع المناسبات اللي بيلمع ده وواقف وباصص جمب حسنه ومبتسم


قمر الكبيره بصت لحسنه وماتت من الضحك علي فستانها :طائر الروخ عههههههههه


ريناد وناديه ضحكو علي التشبيه وحسنه بصت علي قمر لما ضحكت وعملت بأديها حركه تغيظها بيها يعني شطه وأنقجت عبد الله وراحو قعدو عالكوشه 😂وقمر ماتت من الضحك اكتر والكل معاها


مهاب وريناد وقمر ورعد واحمد ورهف الكبيره وناديه وشريف واقفين قصاد الاولاد وبيتأملوهم وهما شايفين اطفالهم الصغيرين اللي لسه امبارح كانو بيجرو وراهم ويلاعبوهم كبرو وفالكوشه وكل واحد فيهم خلاص هيكون مسئول عن بيت وعيله والستات بصو لبعض وكل وحده دمعت وسندت دماغها علي كتف جوزها اللي حضنها وطبطب عليها بحب


الكل كان مبسوط بالفرح اللي كان خرافي والعرسان اللي طول الفرح مبطلوش رقص مع بعض والحب اللي كان باين فملامحهم والسعاده المرسومه علي وشوشهم ..


والكل عاش في سعاده وكما قال اسلافنا القدماء

*********************
إلي هنا تنتهى الفصل السادس والأربعون من رواية فصيلتي القوية بقلم ريناد يوسف
تابع من هنا: جميع فصول رواية غدر الزين بقلم مروة محمد
تابعوا صفحتنا على الفيس بوك للمزيد من روايات رومانسية
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة