رواية فصيلتي القوية بقلم ريناد يوسف - الفصل الثامن والعشرون
رواية فصيلتي القوية بقلم ريناد يوسف - الفصل الثامن والعشرون
تابع من هنا: روايات رومانسية جريئة
فلااااش باك قبل ساعات
رهف بتجري ودموعها خانتها وبتعرج من رجلها وفجأه ايد شدتها ولفتها بصت بتمني انه يكون هو لكن ملقتهوش مكانش اللى تمنت التصرف دا منه
قمر :ولك حيوان شو عم تسوي
ربيع :اهدي يارهف ...انا حاسس بيكي وبقلبك وصدقيني قلبك دا خساره فواحد مش حاسس بيه .....حبك وقلبك دا لازم يكون مع اللي يصونه ويقدر حبه وانا ...انا يارهف طول عمري متمنيتش غير مكان صغير جوا قلبك انا راضي بيه وهكون اسعد واحد فالدنيا وهعيش عمري كله عشان اسعدك
رهف بصت لربيع واتمنت لو حسن هو اللي بيقولها الكلام ده كانت هتبقي اسعد وحده علي الارض غمضت عنيها واتنفست بصوت عالي وكملت طريقها ومردتش علي ربيع اللي فضل ماشي وراها يكلمها وينده عليها
قمر الكبيره كانت متابعه الموقف من شباك المطبخ وكانت ماسكه حله رزعتها علي الرخامه بغيظ
ريناد :خير بتخبطي وترزعي في الحلل ليه ؟
قمر شاورتلها من الشباك علي ربيع ورهف
ريناد :ياااقمر بقا كل السنين دي ولسه مش قادره تبلعي ربيع مع ان الولد زي البلسم وعمره ماطلعت منه العيبه !!!..طب والله انا بحبه يمكن اكتر من ولادي ..
قمر :كدابه فأصل وشك مفيش وحده تحب حد اكتر من ضناها...
واتنهدت
وبعدين انا كل ماابصله مش عارفه ليه بفتكر حمد طوالي ...غصب عني والله مع اني مشفتش منيه حاجه عفشه.. بس مش مطمناله برضيك ولسه حدا رايي بتاع زمان ان العرق دساس ودا واد حمد وحسنه .
وبعدين مش عارفه هو بيتحنجل علي بتي ليه ؟داقت بيه الدنيا يعني مالبنات كتيره ....لكن الحمد لله البت معتطيقوش ربنا كريم
ريناد :والله انتي ظالمه ربيع وكل مره تتكلمي عليه كدا بتزعليني جدا علي فكره...
قمر :عقولك ايه متزعلي ولا تتفلقي وبعدين اللي ايده فالميه يعني لو كان عيرمح ورا بتك كان ديه هيكون رأيك برضيك؟
ريناد :قمر انتي بتتكلمي ازاي ؟ يعني هي رهف مش بنتي واكتر من بنتي!! بتفرقي ليه وتقولي بنتك وبنتي ؟ هو انتي من جواكي بتفرقي بين الولاد ياقمر ؟
قمر :له والله عمرها محوصلت وانا مقصدتش المعني اللي وصلك ديه واصل ...
ريناد :وبعدين لعلمك بقا ياريت ربيع يحس ببنتي وقلبها اللي متشعلق فيه من وهما صغيرين وهو للاسف عمره ماحس بيها ...وبعدين والله مهاب اخوكي مايسمعك بتتكلمي كده علي ربيع هيقلب الدنيا انتي متعرفيش ربيع عنده ايه ولا ايه ؟
قمر :ياستي ولا يسمع ولا يقلب انا طالعه انادم علي العيال عشان يتغدو
ريناد :طب بسرعه وحياتك عشان انا متحمسه للنشان وحشني ضرب النار اوووي
قمر :طيب اديني غايره اهه
ريناد :واوعي تزعلي حد بكلمه هاه اعقلي شويه ربنا يهديكي
قمر :بس يابت اوعي اكده من قدامي قال يهديني قال وانا كنت اتجننت ولا اتجننت ولا اكونش اتجننت
ريناد :لا لاسمح الله حد يقدر يقول كده دانتي ست العاقلين 😂
سمر بتجري واحمد لحقها ومسك دراعها ولفها عليه : ايييه حصان بيجري قطعتي نفسي ...
سمر :وانتا بتجري ورايا ليه؟
احمد :عاوز اعرف اسم اللي بتحبيه
سمر :لا مش هقولك
احمد :طب اول حرف منه
سمر :لا
احمد :طب يارب يموت
سمر بسرعه :بعد الشر اوعي تقول كده انا كنت اموت وراك ..أأااا قصدي وراه ..
احمد ابتسم :طيب مقولتيش ليه من زمان ؟
سمر :اقول ايه يابني اجي اقولك احمد انا بحبك ؟!!
احمد :طيب منتي قولتي النهارده اهو كانت هتفرق فأيه !!
سمر :النهارده كانت لعبه ولعبت علي حساب كرامتي وعزة نفسي
احمد :احلي لعبه واحلي صراحه واحلي بيني
سمر :بيني يبتاع بيني!! اصلا انتا عينك عليها من اول ماشفتها
احمد :بيني مين بقا وبتاع مين بيني دي مستورد مجهول التصنيع وملهوش كتالوج وجمال براني بس
لكن بنت بلدي كل ماالواحد يبصلها يلاقي فيها تفاصيل جديده مستخبيه ورا الابتسامه الرقيقه والعيون الخجوله اللي حرماني ابص فيهم دول ..
سمر :يعني انت معرفتش بنت تانيه وحبيتها طول عمرك يااحمد
احمد :ليه يعني معرفش واحبش هو انا مش راجل ولا ايه ؟ وبعدين لو وصلت لل٢٥ وانا معرفش بنات يبقي عندي مشكله ياماما
بس متقلقيش كلها كانت معرفه سطحيه مجرد تعارف لكن القلب فاضي ومحدش قدر يحتله وقاعد مقفول ومستني اللي معاها المفتاح ..
سمر بخجل :وياتري لقيت اللي معاها المفتاح ؟
احمد :دنا لقيت اللي معاها مفتاح قلبي وعقلي وروحي ومفاتيحي كلها .
متيجي نروح عند البير اللي هناك دا ونقعد لوحدنا وتديني المفتاح وافتحلك قلبي وتبصي جواه
سمر ضربته وجريت من قدامه وهو ضحك وجري وراها :
خدي يابت ..بت ..طب هاتي المفتاح طا ...يبت فيه قطه محبوسه جوا واتقفل عليها بالغلط.. القطه هتموت هاتي المفتاح 😂
باااااااك
بيني قاعده بعد ماريناد فوقتها وشافت قمر جايه عليها زقت ريناد ودخلت تجري لجوه لقت العيال كلهم قاعدين في الرسبشن ومتنحين بصت لسمر بدموع :انتا يهرب وسيب انا يموت سمر ؟!!
سمر :امال استني واموت معاكي لا يابيني انا روحي مش فدائيه علي فكره ...
بيني :ألا فكره ست برا دي واهد مجنون أوز مشفي امراض أقليه مش ينفع يأيش وسط ناس دا بيموت ويضرب الناس بزهيره هيه
سمر بصت ورا بيني :طب اهي سمعتك
بيني جريت بسرعة الصاروخ ودخلت الاوضه وقفلت علي نفسها بالمفتاح 😂
الكل 😂😂😂😂😂
مهاب :شفتو ماما وهي بتلعب لعبة الموت ياعيال
الكل :اه شوفناها
احمد :لا وتربط عنيها وتلف عشان نشوف التمكن 😂 وبص لحسن :ولا عشان متبقاش تتنطط علينا بأمك تاني... امي طلعت بتنشن وهي مغمضه عنيها وبتلف 😂
حسن :ياعم بلا اتنطط بلا اتزفت هي طول ماعمتي قمر معانا حد يقدر يتنطط ولا حتي تقومله قومه
مرات شريف من ساعت مادخلت من جوه وهي قاعده وسط احمد ورهف الكبار ومتنحه مفاقتش الا لما دخل شريف
شريف بصلها :والله وطلعتي واطيه يارحاب ....بتجري بنفسك وتسيبيني حتي متبصيش وراكي
مراته قامت وجريت عليه :شريف حبيبي انتا كويس ؟
شريف :لا ياشيخه كويس دلوقتي ؟
لا يختي اتقتلت ودي روحي جايه تودعك قبل مااطلع لفوق... وسابها ومشي وهو بيهز دماغه بغلب ويحسبن فقمر ورعد علي الرعب اللي عاشه
دنيا مبتسمه ابتسامه عريضه برغم الخوف اللي الكل عاشه وابتسامتها دي راسمه نفس الابتسامه علي وش مهاب اللي عينه عليها دايما وهي كمان بتبادله نفس النظرات
قمر الصغيره بصتلهم :ناس هايصه وناس لايصه من كل اللعبه بتاعت بيني محدش طلع كسبان غيركم انتو الاتنين ياعيال عمتي
احمد ومهاب خمسو فوشها
قمر :ايه يلا انتا وهو بتخمسولي خايفين احسدكم يارمم طب ايه رأيكم مكنتش ناويه بس هحسدكم
دلوقتي وهفضل اقر عليكم ليل نهار ..
بيني خرجت بشنطة هدومها وفي اللحظه دي قمر ورعد ومهاب وريناد كانو داخلين الفيلا
بيني :سمر انا ماشي ناوو
قمر الكبيره :ليه ياحبيبتي مالسه بدري ياضناي
بيني طلعت التليفون :ألا فكره انا ممكن ابلغ سفاره امريكي يجي ياهدني فثواني ويسفر انا لكن انا أوز اتفرج الا مصر
قمر فسرها:انجري يابت الفرطوس قال رعد عاجبها قال.... طب دا لا عاشت ولا كانت اللي تبصله نص بصه وانا علي وش الارض
سمر :خلاص يبيني ثواني هطلع اجيب هدومي واغير واجي معاكي
ربيع :وانا كمان هاجي معاكم اقوم اجهز
مهاب بص لسليم :اديله مبلغ حلو ياسليم عشان مروح البلد واديله مبلغ كل مره اللي بياخده معاه يوزعه هناك
سليم :حاضر ياخال هروح اجيبله من المكتب واجي
قمر بتبص لبيني بغيظ
مهاب شاور لرعد وعضله علي شفته التحتانيه
خد مرتك واطلع لفوق يقرع انتا
رعد مسك قمر من ايدها وبيجرجر فيها لفوق وهي عينها علي بيني
ربيع وسمر جهزو والكل ودع بيني
وسلم علي ربيع وسمر اللي انطلقو علي طريق الاقصر .
بعد مده ربيع وصل سمر وبيني الاقصر وسابهم ورجع علي البلد واتفق معاهم انهم بعد مايخلصو يرنو عليه يروحلهم بالعربيه
ربيع خبط علي الباب
حسنه فتحتله وخدته فحضنها اول ماشافته :ولدي ولد قلبي وعمري وبطني سندي وعزوتي وعزي
ربيع :كيفك يامه وكيف احوالك
حسنه :مش بخير ولا تمام
ربيع فهم هي هتتكلم فأيه وعيونه زاغت يمين وشمال
حسنه :مش هتريح قلب امك ياربيع مش هتشفي غليلي من عمك وترجع ارضك وخيرك وخير ابوك من تحت يده..
مش هترجعه شحات تاني كيف ماكان مش هتبرد ناري ياولدي
ربيع :هعمل كل اللي انتي عاوزاه ياحسنه بس كل شيئ باوان خدي دول دلوقتي اصرفي منهم وانا هبقا اجيلك تاني واجيبلك غيرهم لما يخلصو رني علي
حسنه مسكت منه الفلوس وبصت فيهم ورمتهم تاني فوشه ملت بيهم الارض ..مهاب غمض عنيه
حسنه :انا زهقت من الملاليم دي زهقت من التنقيط ده انا نفسي ارجع ست البلد من تاني والكل يعملي حساب ويبقي تحت رجلي زي الاول
متكوله عليك بقالي سنين وصابره واقول استني عليه لما عوده يشد ويقوي اصبري ..اصبري لكن الصبر خلاص هملني وراح معدش عندي صبر وانتا كل مادا بتمطوحني وتمرجحني علي مزاجك .
لكن والله وحيات ديه ومسكت خصله من شعرها ..لومعميلت اللي بقالي سنين عايشه علي امل انه يحصول ..بيدي دي هخلص علي عمك وعياله كلياتهم ويمين مره بميت راجل يامهاب والعمر خلاص مفهوش كد اللي راح ولو مش هعيش الباقي كيف منا مخططاله من زمن يبقا بلاها عيشه من اساسه وعلي وعلي اعدائي ياواد حمد ويلا غور من وشي ومتجيش تاني غير وانتا مالي ايدك بأملاك واد شمس كلها
ربيع بص لامه بحسره وسابها وخرج وهو قلبه بيتقطع من كلامها وعمايلها اللي زهق منها بقاله سنين...
لكن عمه اللي مخليه ميقطعش صلة رحمه ومرات عمه اللي بتخليه ميسيبهاش وتقوله لازم تفضل جمبها عشان تشتري اخرتك
مشي وهو بيكلم نفسه :عاوزاني ابيع مين ياحسنه واسرق مين؟!! اسرق اللي فتحولي بيتهم وقت منتي بعتيني وفتحولي قلوبهم وقت منتي استغنيتي عني ولا اللي كبرت فحضنهم وقت منتي رحتي تتمتعي فحضن راجل وسبتي ابنك .... ااااااه
ياحسنه ....اااااه ياوجع قلبي اااااه
وقال ايه عاوزه تموتهم ...طب دنا كنت اقطع لحمك بسناني واشرب دمك نقطه نقطه .....ههه دانتي حتي لما بجيلك مش بتسأليني عامل ايه بعد غياب شهر ولا اتنين مبتقوليش احوالك ماشيه ازاي ...تعبان مهموم فيك حاجه ..
اول حاجه بتسألي عنها الفلوس والارض والاملاك ...لكن امي ريناد اليومين اللي بقعدهم معاكي هنا بتستقبلني بشوق الدنيا وبأحن حضن ممكن حد يترمي فيه ...
ولا عمي وحنانه واحساس الابوه اللي عمري محسيت اني محروم منه معاه ...دانا حتي كنت احس اني اغلي عنده من ولاده اللي من صلبه .
ربيع راح علي بيوت معينه في البلد واداهم مبالغ عمه متعود يبعتهالهم باستمرار مساعده منه ليهم علي ظروف الحياه وبعدها راح المقابر
وقرا الفاتحه لابوه وعمه مروان وعمه حسن اللي حبه من كلام عمه وعماته عنه وحس انه لو كان عايش كان هيبقي بنفس حنية عمه مهاب عليه
ربيع خرج يتمشي في البلد والف مين مسك فيه عشان يغديه عنده ويكون ضيف عليه فبيته والناس كلها مستغربه ان الشاب الطيب الحنين ده يبقي ابن حمد وحسنه اللي كان جبروتهم طايل الكل وكرههم مالي قلوبهم
********
في الارض عند مهاب
سليم :خال فيه واحد عاوز يقابلك
مهاب كان قاعد مع رعد وشريف ومحمود :واحد مين ياسليم ياولدي
سليم :واحد باين عليه مهم نازل من عربيه اخر موديل وحواليه عربيتين نازل منهم حرس زي بتوع الحرس الجمهوري كده
مهاب بص لرعد :فكرتني بموقف حصل زي ديه من سنين وكنت هموت فيه من الخوف 😂
جوز خالتك المهبل ديه هجم علينا انا وخالتك ومرت خالك بكتيبة جيش كامله علي غفله وسيب اعصابنا كلنا
رعد ضحك بصوته كله :بصراحه منظرك وقتها انتا وقمر هو اللي لغاية دلوقتي بيبرد قلبي لما بتغاظ منكم حاسس اني قدرت اعلم عليكم فيوم من الايام 😂💪
شريف :طب هتفضلو تعيدو فشريط الزكريات وسايبين الضيف مستني متقوم يامهاب تشوف فيه ايه يلا واحنا كمان هنروح معاك ..
مهاب :تيجو معايه بتاع ايه انتو ياباردين ناس مهمه وجايه تقابلني انا انتو ايش اخششكم ..؟ ناس انتهازيه متسلقه وصوليه فضوليه اخر حاجه
شريف ورعد بصو لبعض ورفعو حواجبهم
مهاب :هقابلكم بعد اجتماع القمه يامهمشين يانكره ياامعه 😂 ومشي
شريف :اهو انا كله هعديه لكن امعه دي مش هعديهاله ابدا
رعد :ولا انا علفكره ....الا هي معناها ايه
شريف :والله معرف ...
الاتنين :😂😂
شريف :جوز اختك ده كل مايكبر تضيع منه عالاخر
قمر وريناد وسلمي وناديه مرات شريف ورهف الكبيره كلهم مجتمعين في جلسه نسائيه نميميه علي ازواجهم وعيالهم
رهف وقمر الصغيره ودنيا وبدر كانو هما كمان مجتمعين في اوضه قمر قعده بنات وبيتكلمو في امور اللبس والموضه ورهف بتوريهم احدث الصيحات علي تليفونها
حسن ومالك واحمد ومهاب كمان كانو مجتمعين واحمد الجد معاهم بيعملو شاي علي الحطب وقاعدين في الجو المنعش الجميل والخضره محاوطاهم من كل مكان ومستمتعين بحكايات احمد الجد وبيستمعوله بكل اهتمام وإعجاب بمغامراته وقصة حبه هو ورهف
مهاب وصل هو وسليم عند الاستراحه ودخل مهاب وسلم علي الراجل اللي كان تقريبا في نفس سن مهاب
زين :احب اعرفك انا زين الدين موسي رجل اعمال وصاحب عدد من المشاريع والقري السياحيه والمولات التجاريه في جميع انحاء البلد
مهاب :اهلا وسهلا اتشرفنا يازين باشا
زين :طبعا بتسأل نفسك عن سبب زيارتي دي وخصوصا انه مفيش مابينا سابق معرفه ...وقبل مامهاب يتكلم زين كمل :بص انا هتكلم علطول ومنغير لف ولا دوران بصراحه انا هعمل قريه سياحيه هنا وارضك جايه فنص ارضي بالظبط يعني قاسماها نصين وانا جاي اشتري منك الارض واخليها قطعه وحده وابني عليها اكبر قريه سياحيه فمصر وهيكون مشروع العمر والمبلغ اللي هتطلبه هتاخده كاش
مهاب قلبه انتفض بمجرد ماسمع كلمه بيع الارض ووقف بسرعه :
انتا بتقول ايه انتا ارض ايه اللي ابيعها وقريه ايه وسياحة ايه روح ياعم سيح فأرض تانيه ارضي مش للبيع
زين وقف هو كمان :الرفض من غير نقاش اسلوب مش حضاري يامهاب باشا
مهاب :انا ولا باشا ولا بيه ولا هتناقش انا فلاح ..فلااااح وروحي فأرضي دي ولو بعدت عنها اموت
واتحرك عشان يمشي
زين :اتنين مليار
مهاب :يفتح الله
زين :دولار
مهاب :ولا بالدينار الكويتي حتي وماشي
زين :دا مش اسلوب تعامل يامهاب باشا
مهاب :دا اسلوبي ودا التعمل بتاعي ومحدااييش غيره وبص لسليم :قدم واجب الضيافه للضيوف ياسليم وقدملهم فاكهه من خير الارض بتاعتنا
زين مشي هو ورجالته والشرار بيتطاير من عنيه واتحرك بسرعه هو ورجالته
مهاب ماشي ومر علي الشباب وهما قاعدين والكل مستغرب لشروده وملامح وشه اللي مش متفسره لمجرد كلمه سمعها عن ارضه
احمد الجد نده عليه :مهاب ...مهاب يبني مالك ياحبيبي
مهاب شاورله بأيده انه مفيش وكمل دخل الفيلا لكن الكل قلق وقام وراه
مهاب دخل وقعد علي الكنبه جمب رعد وشريف اللي كانو بيتكلمو ويضحكو وسكتو اول مامهاب قعد وسطهم وحط دماغه بين ايديه
رعد :مالك يامهاب ومين الراجل ده وليه عامل كده بعد ماقابلته
مهاب :دا زين الدين موسي بيقول انه اكبر رجل اعمال في البلد
شريف :ايوه دا حقيقي اذا كان هو فعلا ....غريبه طب ودا جايلك ليه
مهاب :جاي عاوز يشتري الارض
رعد نزل رجل من علي التانيه واتعدل فقعدته وفي اللحظه دي الكل دخل
:انهي ارض دي اللي عاوز يشتريها
مهاب :ارضي دي وارض ريناد
حسن :اكيد لا طبعا ارض ايه اللي نبيعها ؟
سليم :جنتنا محدش يقدر يقرب منها ابدا
صوتهم كان عالي والستات والبنات خرجو هما كمان علي صوتهم العالي
ريناد :فيه ايه صوتكم عالي ليه وبصت لمهاب :فيه ايه يامهاب
حسن :فيه واحد جاي عاوز يشتري الارض من بابا
ريناد :ارضنا دي ؟
مهاب :يبووووي عالاسئله اللي تنرفز دي طب هو احنا حيلتنا غيرها
ريناد :طيب مش انتا رفضت
مهاب :طبعا
ريناد :طب فين المشكله هو مش طلب وعرض وقبول او رفض ...
ليه عاملين غاغا كده وبصت لمهاب :
وابوكم زعلان ومقهور وكأنه باع الارض خلاص وقعدت جمبه علي رجل الكنبه..
مهاب :والله مجرد الكلام وجع قلبي يارناد وحسيت بنغزه اكده في المراره
قمر :سلامة قلب حبيبي ومرارتك ... مين دا اللي يقدر يحط رجله هنا دحنا كنا نقطعها ونعلقها علي البوابه بره جنتنا وواحتنا ملكنا احنا وبس ومحدش يقدر ياخدها لو بملايين الدنيا
مهاب :بمليارات وانتي الصادقه بأتنين مليار دولاد
ريناد :ولا بفلوس العالم ...وخلاص بقا قفلو علي الموضوع اللي يعصب ده .....قال نبيع الارض قال
الكل قعد ونسي الموضوع وابتدو يتكلمو فمواضيع كتير وقمر مراقبه حسن وبدر ومهاب ودنيا اللي هايمين فبعض ومبتسمين وعيون كل واحد متعلقه بحبيبه
قمر لنفسها :حتي انتي يابدر يابنت عمتي يالي كنتي مونساني فوحدتي وبقول لنفسي انا وبدر في الهوا سوا بقيتي بحبيب وبيتنحلك وبتنحيله 😢
اه ياميلت بختك ياقمر مع امشير الزفت اللي بتحبيه وحطت ايدها علي خدها واتنهدت وبعد شويه قامت وقفت قصاد القزاز وحطت ايديها فوسطها وبتبص لبره
بدر انتبهتلها وقامت وراها ووقفت جمبها وحطت ايدها علي كتفها
قمر نزلت ايد بدر نترتها ونفضت مكانها علي كتفها ابعدي عني ياخاينه متحطيش ايدك عليا بحس اني صعبانه عليكي بعد ماحبيتي وتنحتي
بدر :😕 مالك يامجنونه
قمر :ماليش ....بحب ومش طايله ...مش طايله يابدر ياختي ومثلت العياط ومالت علي كتف بدر
بدر طبطبت عليها وفجأه لفتها عليها وزعقت :
بت ياقمر اسمعيني
قمر :مالك يافقر خضتيني اسمع ايه ؟
بدر -بصي فاكره لما مالك كان بيتكلم انه بيحب وبصلك
قمر :ايوه
بدر :والله حسيت ان ربيع ادايق وبان علي وشه وبقا يحرك فكه التحتاني زي لما بيكون مدايق
قمر :لا ملاحظتش :وبعدين هو يدايق ليه يعني هو قال بيحب رهف دا كان بيلمحلي انا !!
بدر :ياعبيطه منا بقولك عشان كده ...ليه ربيع يدايق كده لما حد يلمحلك بحبه هاه ...؟ رربيع بيغير عليكي
قمر :بس بس بطلي عبط بلا بيغير دا بس ادايق لما شاف حد عبرني وشافني انثي وهو طول عمره شايفني راجل زيه ..حس بكبسه
بدر :طب ماحلو ده ...اقولك ايه رأيك انتي حل مشكلتك في ايد اتنين
دكتور مالك ورهف
قمر : اشرحي اكتر
بدر :بصي انتي تروحي تعصري علي نفسك لمونه وتكلمي رهف وتتسايري معاها
قمر :لا اكلمها فأيه مش عاوزه اكلمها انا ...انا بكرهها
بدر :بتكرهيها ليه
قمر :هنستعبط
بدر :عشان ربيع بيحبها ..؟ طب وهي ايه ذنبها يعني دي حتي عمرها مدتله ريق حلو
قمر :بس عاجباه
بدر :طيب مهو حسن عاجبها هي كمان وبتجري وراه اكرهها يعني انا
قمر :يعني بذمة امك مش بتكرهيها
بدر :بغير منها عليه لكن مبكرههاش وبعدين سلطان القلوب محدش يقدر يعصي امره ياقمر ودا شيئ مش بأدينا ...وصدقيني لما تتكلمي مع رهف هتساعدك وتبعد عن ربيع اكتر وتصده اكتر
قمر :تفتكري
بدر :الا افتكر
قمر :طب ومالك
بدر :لا مالك دا الليله الكبيره دا اللي هنخليه يشعلل نار الغيره فقلب ربيع ونسويه علي نار هاااادياااااا
قمر :انا مش هلعب بمشاعر حد واستغله يابدر مش هعمل كده
بدر :ومين بقا اللي قال كده ؟ اصبري انتي بس وسيبي اللي جاي عليا انا
قمر :والله وبقينا نعرف نخطط ونتكتتك ياست بدر ...بس خدي هنا يبت انتي ازاي تعترفي كده بدري قدام الناس كلها كده ومتموتيش من الكسوف كالعاده
بدر :حسيت انها فرصتي اللي لو ضاعت حسن هيضيع مني وانا لايمكن هضيع وقت تاني من عمري بعيد عنه... كفايه اللي فات وكفايه انه كان بيحب ومداري سي حسن وعامل فيها عم التقيل وبصتله وابتسمت :
لكن والله لاربيه عالتقل ده ..حسن كان بيتكلم وفجأه بص لقاها بتبص عليه رمالها بوسه في الهوا وهي اتكسفت واخدودها احمرت وبصت بعيد وهو ضحك علي خجلها دا وكمل كلامه مع ولاد عمته
*****
في مصر :
مهدي :عملت ايه يازين
زين :مرضيش يبيع ابن ال.....
مهدي :طب والحل دا من غير ارضه مشروعك مش هيكمل
زين :ومن امته فيه مشروع لزين مكملش ...هيكمل وان كان الزوق منفعش العافيه تنفع يبني... وولع السيجار بتاعه واخد نفس ونفخه لفوق وابتسم بخبث
********
في البلد
سمر رنت علي ربيع وراحلها هي وبيني واخدهم وراحو علي الارض
سمر :ايه رأيك نبات النهارده ونمشي بكره يابيني
بيني :نو واي مستهيل انا لو قمر شاف انا راه يموته
ربيع :طب ايه رأيك انا عندي فكره انتي تقعدي في الاستراحه او تقعدي معانا فبيتنا ومتخليش عمتي تشوفك لغاية بكره
بيني :انا خاف برضو
سمر :لا متخافيش دا حل كويس
بيني :اوك لكن سمر افضل مأيه
سمر :ماشي ياستي
بعد مده وصلو الارض وسمر وبيني نزلو عند الاستراحه وربيع كمل لوحده وركن العربيه ونزل
شريف :امال فين البنات
ربيع بص لعمته قمر :وصلتهم مصر الخواجايه مرضيتش تيجي
شريف :از.....
ربيع غمزله بعينه وعضله علي شفته التحتانيه وشريف فهم وبعد ما قمر دخلت المطبخ قرب لشريف :
البنات في الاستراحه بره بيني خافت تيجي هنا واحنا خبيناها من عمتي 😂
شريف :😂 زين ماعملتو مش ناقصه جنان الحكايه
ريناد طلعت لربيع وسلمت عليه وحضنته وسألته عن احوال البلد واهلها ومهاب كمان قعده جمبه وفضل يسأله عن اهل البلد واحوالهم
ويطمن عليهم منه
قمر :سمعت ياامشير اللي حصل النهارده :فيه واحد جه عاوز يشتري الارض
ربيع :نعم ارض ايه!! وبص لعمه وانت ياعمي قولتله ايه ؟
مهاب :انا قولت لما ييجي ربيع هو اللي هيفيدنا في الموضوع ده ايه رأيك
ربيع وقف :رأي ايه ياعمي ...؟ الارض دي لايمكن تنباع ابدا... لايمكن جنتنا حد يسكنها غيرنا لايمكن
مهاب :براوه عليك ياد ..اقعد خلاص ودخل العرق اللي نتر من رقابتك ديه مكانه تاني ...اشفطه لجوه فيش ارض هتتباع طول منا عايش علي وش الدنيا واصل ...
ربيع قعد :امال بتخضوني ليه طيب
قمر :يغتي عاللي بيتخض ياناس اجيبلك طاسة الخضه ياسوده ياحلوه انتي ياكوتو موتو
مهاب ابوها :يبت بيقولو يابيضه ياحلوه 😂
قمر :ودا بيضه.ده ... دا محروق من الشمس ومحمص هو عشان بنهشتكه نكدب يعني ؟!!
ربيع بص لرهف اللي متابعه بدر وحسن وبتنقل عنيها مابينهم ونظراتهم لبعض بتكويها وقامت خرجت بره البيت
ربيع خرج وراها :رهف ممكن اقعد معاكي
رهف من غير ماتبصله :ايي ربيع فيك تقعد واتنهدت
ربيع :هتحرقنا ياعم التنين بأنفاسك المحمله بالنيران دي
رهف ابتسمت
ربيع بضحكه :ايوه كده اضحكي خليني اضحك ضحكتك بترد روحي ربنا وحده اللي يعلم بعشقك ازاي ياروحي
قمر كانت خرجت وراهم وواقفه وراهم ومش شايفينها وبتلحن لربيع
بأديها
رهف :تعرف ربيع ان الكريسماس باقي عليه بس كام يوم وكنت بتمني ادخل العام الجديد ويدي بيد حسن وبراس السنه نحتفل انا وياه
ربيع قرب منها :طب مأيدي اهي امسكيها وانا هدخل معاكي السنه الجديده والله ومستعد اقضي معاكي راس السنه وديلها كمان وهغنيلك
وسوف لن نشتري هذا العيد شجره وستكونين انتي الشجره وسأعلق عليكي احلامي وأمنياتي وقناديل شموعي
قمر سقفت من وراهم :الله ياعم بخ
اييييه الحلاوه دي ياكاظم
ربيع اتخض وبصلها وغمض عنيه ونفخ بغيظ
قمر لفت وقعدت وسطهم وبتزيح فربيع للحرف وبصت لريناد :
كريسماس ايه ياحلوه يابلحه يامقمعه اللي عاوزه تحتفلي بيه احنا يافرجينيا مش بنحتفل غير بعيد رمضان وعيد الضحيه ودا بقا بنجيب فيه بقره عفيه ونقوم ايه ..نقوم وشاورت بايدها علي رقبت رهف ندبحها وناكلها
رهف اتخضت وقامت دخلت بسرعه
قمر بصت لربيع وبرقتله :
منتا حلو وبتعرف تغني اهو وهتعلق عليها احلامك وامنياتك وهدومك المعفنه
ربيع :عاوزه ايه يابوز الاخص يامفرقه الجماعات وهادمة اللذات
قمر :غنيلي
ربيع :قومي يبت من هنا قومي ياغياره طب اغنيلك ليه انا
قمر :يعني مش هتغنيلي
ربيع قام :هغنيلك بس فالعيد الكبير بقا وعليكي خير دا لو قعدتي حيه وربنا مخدكيش
قمر :قاعده علي قلبك ....هتغنيلي ايه بقا فالعيد الكبير
ربيع :لن نذبح هذا العيد بقره وستكونين انتي البقررررره 😂 وجري من قدامها
قمر برقتله وجريت وراه وفضلت تحدفه بالطوب وهو يجري قدامها ويزعق
الغياره اهي هي ..الغياره اهي ..الغياره ...زفوهاياعيال ...
البقره بتاعت العيد اهي هي 😂😂
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا