رواية فصيلتي القوية بقلم ريناد يوسف - الفصل الرابع والأربعون
رواية فصيلتي القوية بقلم ريناد يوسف - الفصل الرابع والأربعون
تابع من هنا: روايات رومانسية جريئة
قمر :الهي ياحسنه الكلب النار تمسك فخلجاتك وتموتي محروقه ومايصبح عليكي صبح يابعيده
ربنا يسامحك يامهاب ياولد ابوي 😢
تاني يوم الصبح ريناد وقمر صحيو بتثاقل لانهم معرفوش ينامو طول الليل من الخوف من حسنه
قمر اول ماصحيت جريت فتحت الشباك وبصت علي حسنه لقتها نايمه علي الارض جمب النار بنفس منظر امبارح وعبد الله نايم جمب النار الناحيه التانيه زى المقتولين فاردين ايديهم ورجليهم
قمر :يارب تكوني حضرتي حاجه وعرفتيش تصرفيها وقتلتك يابعيده
ريناد :بتبرطمي تقولي ايه عالصبح
قمر :عتفرج علي حسنه وعفاريتها بعد سهرتهم الحمره امبارح
ريناد :سيبيها طيب وتعالي نحضر الفطار للولاد وهي لما يجي مهاب يبقا يشوفلها حل
قمر : دا لو قعدنا عايشين ومموتتناش قبل ماياجي ...طب تصدقي انا خايفه اروح الحمام !
يامري تلاقيني يوم ماصحيت معفرته كيف شكلها اكده كانت محضرة عليا جن ولا عفريت 😨 يبووووووي
ريناد :طب يلا يام عفريت نحضر الفطار عشان هنروح نجيب شوية حجات للبنات انا وانتي
قمر :حجات ايه اللي عاوزه تجيبيها دي ياخيتي انتي ...مالبنات فمصر ويجيبو اللي علي مزاجهم وزوقهم من هناك
ريناد :ياقمر وهي بدر ولا قمر برضو هيعرفو يجيبو حاجه دول خيبه خالص
قمر :علي قولك دول لما حبو يدلعو نفسهم جابو ماسك طين مش بعيد لما يحبو يغرو جوازهم يدهنو نفسهم كريم مازوت 😂
الاتنين خرجو من الاوضه وراحو علي المطبخ عشان يحضرو فطار
في المزرعه ***
مالك :قوم يلا ياسليم كفايه نوم
سليم بنوم :ليه الساعه كام دلوقتي
مالك :الساعه ٧
سليم :ونصحي من دلوقتي ليه واحنا نايمين وش الفجر امبارح ؟
مالك :عشان مفيش غيرنا هنا يراعي كل حاجه ياخفيف ..! ولا عاوزهم لما يرجعو ويلاقو تقصير يقولو انهم مسابوش رجاله وراهم ؟
سليم :يبني بابا تلاقيه من الفجر في البنزيما والاستراحه واقف
مالك :اديك قولت البنزيما والاستراحه ...طب الارض والمزرعه ؟ يعم قوم ياعم
سليم :قايم قايم قامت قيامتك لحوح وزنان
مالك :يلا نروح نفطر في السريع ونرجع نشوف ورانا ايه
سليم :طب روح وانا هحصلك
مالك :قوم يلا اخلص
سليم :اوووووف ونتر الغطا وقام وراحو علي الفيلا ...
سلمي هي كمان صحيت وراحت علي الفيلا وابتدت تحضر معاهم الفطار وشويتين ووصل محمود والولاد
وابتدو يفطرو
قمر بصت لسلمي ومحمود :ايه ياحبايبي انتو ملكمش عيال مخلفينها وناسيينها تدورو عليها ولا ايه ؟
سلمي :ليه مالهم الولاد ياقمر
قمر :له يبت ابوي ملهمش سلامتك خليكي انتي بس كولي واشربي وفالليل روحي والبدي فحضن البو بتاعك وانسو الدنيا واللي فيها
محمود :بو 😳...اني بو
قمر :بس يابو عتحدت انا متقاطعنيش
محمود :يبت عمي راعي سنك وسني ووجودنا وسط العيال دي واعمليلي قيمه هبابه
قمر :اسكت بس وانا هعملك كمان شويه .وبصت لسلمي
يبت ابوي متقوليش اشوف بتي ناقصها ايه اجيبهولها ؟ ولا تعملي كيف ام العروسه المحتاسه ؟
سلمي :واحتاس ليه مهي كبيره وتجيب اللي عايزاه بنفسها
قمر :طب والشحط التاني الباير ديه هتسبيه لحد ميته من غير جواز ؟ متشوفيلو حتي بقره من بتوع المزرعه جوزيهالو واهو يخلفلك عجل صغير يملا عليكي الدنيا
سليم :😨😳
مالك :😂 انا اعرف بقره بت ناس اوي مربيها علي ايدي ومتأكد من اخلاقها
سليم زغده فجمبه بغيظ
قمر :طب عرفهم علي بعض تكسب ثواب ..! وبصت لسلمي
سلمي :مهو كبير ويشوفله عروسه لوحده ...انا معرفش اختار عرايس لحد وبعدين هو لو عاوز يتجوز هيتجوز
قمر :ايه الام دي ...؟
ريناد :كلامها صح علي فكره ياقمر الولاد مش صغيرين
قمر :ايوه مقلتش صغيرين بس برضو محتاجين للكبار يوجهوهم وياخدولهم اول خطوه ويشجعوهم
سلمي : سامع ياسليم يازفت اديك جبتلنا الكلام عالصبح ...متشوفلك عروسه وتتلم بقا؟
سليم :حاضر هنزل اشتري وحده واجي من عند بتاع العرايس
سلمي :طب ابقا هاتها عتقول بابا وماما واخصمك اه اصالحك لا 😂
قمر :اهو انا اللطافه الكتير دي عتموع نفسي وخصوصا عالصبح .
فرحانالي بحالك بالك انتى الزوحلفه اللى عتطلع تبيض في الرمله وتدفن البيض وتمشي ملهاش دعوه بيه وهو يفقس لحاله اهو انتى كيف الزوحلفه بالظبط خلفتي وسايبه عيالك ملكيش دعوه بيهم ..
محمود :سلحفه 😂
مالك بص لسليم وهمسله :سولحف ابن سلاحف😂
قمر :انا مش عارفه ايه البيت ديه وايه الناس المحدهاش اي حس بالمسؤليه دول ؟
شويه ونزلت رهف علي السلم
قمر :اهلا بهيفاء وهبي البايره اللي مخلفاها ...
رهف :مورنينج ...شو فيه ماما من ع بكرة الصبح ليش صوتك عالي هيك ؟
وراحت علي جدتها وجدها وباست دماغهم
قمر :صوتي عالي من غلبي ...اقعدى يختي وافطري عشان هتاجي معانا نشترو شوية حجات لبنات خالتك وخالك
رهف :اي كتير حلو انا اصلا كنت بدي روح لحالي اعمول شوبنج اليوم بدي هواي اغراض
رهف الكبيره :اي وجيبيلى شى شغله حلوه معك تيته تؤبرينى ..
رهف :اي تيته تكرم عيونك 😘
قمر :طب وكتاب الله فيه مابينكم سيم واني لازمن اعرفه .!
رهف :مافي شي ماما هديلي حالك ...بس انا راح اصرف كتير مصاري اليوم ديري بالك ها
قمر :وانتي من ميته مش عتصرفي كتير مصاري يبت رعد ؟
وهما قاعدين بيتكلمو دخلت عليهم حسنه وهي بتهرش فدماغها من تحت الربطه 😂
رهف اتخضت وقامت جريت بعيد عن السفره لانها اول مره تشوفها كده
مالك وسليم :😂😂
محمود :اموت واعرف ايه اللي بيعمل فيكي اكده يامرت واد عمي
حسنه دخلت وقعدت علي السفره من غير ماتتكلم وابتدت تاكل بيد والتانيه تهرش بيها
قمر :حضرت كبيرة عبدة الشيطان
حسنه بصتلها ومتكلمتش 😏
سلمي بصت لمحمود وكتمو ضحكتهم هما الاتنين
قمر :له وكتاب الله يوم تاني اشوف فيه منظر اهلك اكده عالصبح هاخدك واربط فيكي حجر كبير واسقطك فبير من اللي فلارض
حسنه :بس يابت انتي انزلي من علي نافوخي عالصبح بدال مااقوم اعضك اقطع حته منك
قمر :😨 طبعا مهما عيحبو الدم واللحم الطازج ...عشوفهم فأفلام الرعب اني يامري ..
حسنه :مقولتلك بس ولا اقوملك 😠
رهف واقفه بعيد وخايفه من حسنه
قمر :تعالي يارهف متخافيش هي هتاكل وهنشغلها قرآن وهنحرقوها دلوكيت تعالي يابنيتي
رهف :ماما اني كتير خايفه وماعاد بدي آكل راح بدل انا لبين ماتخلصو انتو
حسنه بعد ماخلصت رهف كلام :توتوتوتوتوتو .انا عندي بغبغان غلباوي بنص لسان كنك لساتك عتتعلمي الحديت جديد ياقزينه عههههههه😂...
قمر بصتلها بغيظ وهزت دماغها ومتكلمتش
رهف الجده :انا شبعت حمودي راح اضهر لبره بدي اتمشي شوي خلص وحصلني يابعد عمري .
احمد :وانا كمان خلصت ياعمري استني جاي معاكي واهو نتسند علي بعض
حسنه بصت لرهف الجده ومصمصت شفايفها بأسي :ياعيني ...اتاري اللي حدا بتك ياقمر وراثه ياخيتي ...؟ وانا اللي ظلمتك وقولت مرمحتيش بيها ..! يلا الحمد لله علي كل حال ..
كويس ان ربيع مخدهاش هي كانت هتوبقا وقعه سوده وعياله كلهم كانو نزلو عرفينش يتحدتو 😂
قمر مسكت سكينه :اموتها ...اموتها واخلص الدنيا منها ...انا بتي الحمد لله ولدك مخدهاش يبت الجزمه هو انتي ولا ولدك تطولو 😠
ريناد بضحك :قومي ياحسنه خديلك شاور
حسنه :له عاوزاش انا هشرب شاي
ريناد :ياحسنه خديلك شاور وبعدين اشربي شاي براحتك
حسنه :يبت مقولت معاوزاش اباااي هو بالعافيه ؟ وبعدين عيتعب معدتي الشور ديه معحملهوش عيقعد طول النهار علي معدتي
سليم ومالك وسلمي ومحمود :😂😂😂😂
ريناد :🤔
قمر :الشور ديه يامعفنه يعني تتسبحي ..تتليفي ياجربانه ..بدال مجايه تقعدي تاكلي حتي وشك مصبحتي عليه ببوق ميه جاكي الحزن كله صماد وهباب من النار اللي طول الليل دافسه دماغك فيها
حسنه :به به به ..بقا الشور يعني السبوح ؟ طب وعتقولوها عنقليزي ليه مالنبي عربي ؟
وبعدين حتي لو غسلتش وشي... برضك احلي منك ياقمر يابت شمس ...عشان الحلو حلو حتي لو صاحي من النوم ....والعفش عفش حتي لوغسل وشه واتسبح كل يوم ....كيفك اكده هههههههههههههع
سليم :😂اضررررب
قمر :يامره انتي معتبصيش لحالك في مرايه واصل ؟ فين الحلاوه اللي فيكي يابومه ...يبه دانتي في البلد عيخوفو بيكي العيال الصغيره ..!
حسنه وهي بتاكل :قولي اللي تقوليه عارفه انه من غيرتك وغيظك مني ...مهي العين عتكرهش غير الاحسن منها ...وبصت لسلمي
كيفك ياسلمي ...معتتحدتيش ليه ياخيتي ...شغاله وكل انتي وجوزك كيف العتاكلو فاخر زادكم وحدش سامع حسكم ؟
سلمي بصتلها وهزت دماغها ومردتش عليها
حسنه :يبه قلبك مش هيصفي ..؟ لساتك زعلانه مني من لما كنت ممرمطاكي زمان وعملاكي كيف الخدامه ؟ خلاص ياسلمي انسي عاد احنا عيال النهارده ومدت ايدها زغزغت سلمي من وسطها
سلمي اتخضت :ايه ياوليه مالك بعدي عني
حسنه: له مهبعدش ومش هسيبك غير لما تقولي صافي يالبن وزغزغتها تاني
سلمي ضحكت :خلاص ياحسنه مسامحاكي بس اقعدي ساكته .
حسنه :والنبي عسل وقلبك اوبيض ...مش كيف ناس قلبها يدخلوه بلنضه ..! يلا خدي مش خساره فيكي ..وطلعت حاجه من شعرها بالكدب ورمتها عليها وسلمي صرخت وقامت ومحمود ضحك وقام وراها
حسنه:عههههههههه خوافه
سليم :😂
مالك :😂 لا انا مش هسيب الشغل هنا لغاية مااموت ..دا كفايه الضحك اللي بضحكه بمرتب سنه قدام
قمر:ليك حق ياولدي محنا بقينا عايشين في السيرك القومي ..! وخصوصا مع استضافة نوع الحيوان الجديد الهجين مجهول النسب ديه .
وشاورت علي حسنه بدماغها وهي بتاكل وتهرش فدماغها
في مصر *****
الكل صحي الصبح بنشاط وفرحه والكل ابتدا يفطر ويستعد لليوم
مهاب :يلا يارعد انتا وعيالك عشان نلحقو وقتنا
رعد :انا مش هروح معاكم ...
مهاب :كيف ديه يعني؟!
رعد :الولاد وهما اللي هيختارو والفلوس وحطيتها في الفيزا كارد بتاعتهم امبارح.. وانت معاهم وانا ورايا شوية شغل عاوز اخلصهم عشان اروح معاكم الارض اجيب قمر ونيجي ....وبعدين اكيد شريف ومراته هيروحو يبقا انا مليش لزمه معاكم
مهاب :والله هو ان جيت للصراحه انتا مليك لازمه خالص ياشيخ ..بس يلا هنعملو ايه نصيبنا وقعنا فيك ..
رعد :بقا كده ؟ انا مليش لزمه ياهباب ؟
مهاب شوحله بأيده وسابه ومشي من قدامه ....مهاب بص لربيع
واد ياربيع ..عاوزك توديني المطرح اللي عيرجع الناس شباب من تاني ياد
اللي عينفخو فيه الوش ويصبغو الشعر ويروقو الروكب ديه
ربيع :إسبا
مهاب :ايوه هو ديه السبا ديه بتاع الناس اللي عتاجي فالتلفزيون اللي معيكبروش خالص دول
ربيع :حاضر يابابا نخلص واوديك
رعد :لا انا رايح معاك بقا
مهاب :ولا تخطي خطوه ...مش توك كان وراك شغل ومش عارف ايه!!
رعد :منتا يازفت لو عملت كده ورجعت صغير وقمر شافتك هتطين عيشتي وتقرر انها تعملي هي شد ونفخ وصبغ بنفسها وهتبوظني 😣
مهاب :احسن خليها تلعب فيك ..منتا اكده اكده بايظ هتخسر ايه يعني ؟
حسن :يابابا دا بدال متودينا احنا العرسان عاوز تروح انتا ؟
مهاب :وانا حوشتك يابارد ولا قولتلك متروحش ؟ ماسك رجليك انا ياد ؟ مش حداك فيزا وفيها فلوس ؟ وحدا كل واحد منكم فيزا وبص لربيع ...مرايحينش ليه ؟ ناس غياره
احمد ومهاب نزلو :احنا جاهزين يلا بينا
ربيع :انا هتصل علي البنات اشوفهم جهزو ولا لا ...
حسن :وقولهم يعملو حسابهم هنقضي اليوم كله بره احنا وهما ونتغدي ونتعشي عشان ابوك وابويا النهارده رايحين يجددو شبابهم
ربيع :قشطا
مهاب الكبير بص لربيع ورفع حاجبه ...عتستغل الظروف قوي انتا يبن الجزمه عارفك انا ...وبص لحسن .تغفلش عن اختك والواد ديه ياد انتا ..
حسن :اطمن يابابا عيني هتفضل عليهم
ربيع :ملازم عنينا تفضل علي بعض .وانا كمان عيني هتفضل علي بنت عمتي بدر ومش هغفل عنها ولا يعني هي عشان معندهاش اخ وابوها مش معانا ؟
حسن بصله وغمزله وبيعضله علي شفته يعني من كدب متخافش 😂
مهاب قرب من ربيع وضربه بقلم سهل علي قفاه :له صايع ياد ...صايع والمهبل التاني شغال يغموزلك .
..يعني هيبيعلك اخته بس انت بعد عنه وعن بدر ...اني خلفت وربيت رجاله ..وسابهم ومشي قدامهم وهو بيهز فدماغه
احمد :ايه يلا ياربع شغل الكماشه المعمول عليك دا ؟!
ربيع :انا عارف ياعم ؟ بس زي بعضو كلها كام يوم ومحدش يبقي له عندي حاجه ..
حسن :بس متقاطعش بس عشان عارف نق اهلك انا ممكن يجيبنا الارض وكل حاجه تقف
مهاب جري مسك ربيع وحسن من هدومهم :اقسم بالله انا اتشائمت منكم ومش عاوز اروح معاكم مكان
وحاسس انكم نحس عالصبح
رعد :متيلا يبني انتا وهو حبك الرغي دلوقتي؟
الكل :ايوه جايين اهو
الولاد راحو بالعربيات والبنات كانو لابسين وكل وحده طالعه احلي من التانيه كانو اربع برنسيسات
كل واحد من الولاد قلبه نط من مكانه لما شاف خطيبته وجمالها نزلو من العربيات وكل واحد جري علي خطيبته وفتحلها باب العربيه عشان تركب وطلع جمبها
شريف ومراته ورعد ومهاب ركبو عربية رعد
واحمد وسمر وربيع وقمر ركبو عربية احمد
ومهاب ودنيا وحسن وبدر ركبو عربية مهاب وانطلقو علي الجواهرجي اللي بتتعامل معاه ناديه
البنات اخدو وقت طويل جدا وهما بيختارو لكنهم اختارو فالاخر حاجات في منتهي الجمال والشياكه ...بعد ماخلصو قمر مسكت في كوليه حلو وتقيل
قمر :بابا بعد اذنك هاخد دا لماما
مهاب :اصيله ياقمر والله بس رناد حداها وهي اصلا معتحبش تلبس الدهب ..
قمر :لا دا لماما حسنه
مهاب :جاك موووو..
ربيع :لا متاخديلهاش حاجه
قمر :طب والله لو مأخدته لماما حسنه منا واخده شبكه وهتجوز علي كده هه ..
ربيع :احسن تبقي وفرتي يلا قدامي عالعربيه
قمر خرجت وهي متنرفزه وبتضرب برجليها فالارض
مهاب مهنش عليه زعل بنته وندهلها :
تعالي خلاص تعالي شاله تاكلي امك حسنه ..تعالي خديلها حاجه ..بس غير العقد المربرب العامل كيف الكعكه المضفوره اللي عنجيبوها من الفرن ديه ....دا يوزن كد شبكتكم كلكم
قمر :لا مش هاخد غير ده
مهاب:خلاص خديه يافقر خديه
ربيع :انا قولت مش هتاخدلها حاجه
مهاب :بس ياد ...اوزن يابتاع الدهب انت كمان وشوف حسابك وخلصنا
اشترو الكوليه والشبكه وكل واحد اخد خطيبته وادو الشبكه كلها لناديه مرات شريف وهما اخدو البنات وطلعو يقضو باقي اليوم مع بعض يتفسحو
ناديه وشريف اخدو رعد ومهاب وروحو واتغدو مع بعض
مهاب :شوف الواد قالي هوديك المكان اياه واداني زومبه !
رعد :ياعم فكك بقا انت قمر كده
شريف :بتتكلمو عن ايه؟ وانهى ومكان دا اللي عاوزين تروحوه !
رعد :دا ياسيدي مهاب المراهق عاوز قال ايه يروح سبا عاوز يجدد شبابه
ناديه كانت جايه من جوه بالشاي وسمعتهم :طب وفيها ايه يعني على فكره كل رجال الاعمال والطبقه الراقيه بتاعة المجتمع بيروحو الاماكن دي وبيعملو استجمام وفيه تدليكات ومساجات بتطلع الطاقه السلبيه من الجسم وبتجدد الطاقه والحيويه
مهاب بفرحه :المساج العيعملوه البنات الكيف الملبن اللي فالتلفزيون ديه؟!!
ناديه :هههههه اه هو دا ...وعلي فكره فيه سبا ورانا بشارعين وفيه قسم رجالي وقسم حريمي قومو روحو وكمان خدو شريف معاكم وكمان فيه صالون تجميل رجالي هناك
مهاب بفرحه :ينصر دين ابوكي ...قومو ياولاد هنروحو نتجلعو شويه 😁
رعد :ياخوفي من عواقب اللي هنعمله دا عشان انا مش بعرف ردود افعال اختك ولا بتوقعها
مهاب :ياد دانت.هترجعلها اصغر من عيالك دي هتفرح بيك قوي .
رعد :طب يلا حمستني
شريف :وحمستوني انا كمان يلا بينا
الرجاله راحو السبا وقضو فيه باقي اليوم من مساج لحمام بخار لتدليك للرجلين لتمرين للعمود الفقري والمفاصل وبعد كده دخلو علي مركز التجميل عملو بوتوكس لتجاعيد وشهم وصبغو شعرهم وحلقو ولما خلصو الساعه كانت داخله علي ٢ بالليل
مهاب :يبوووي انا فرهدت ...
شريف :بس بص لنفسك رجعت اصغر عشر سنين
مهاب :محدش بان عليه الشغل اكتر من رعد
رعد بيبص لنفسه فالمرايه بأعجاب ..كلنا شكلنا اتغير وصغرنا وبعدين بصلهم بخوف 😨 بس اوعو حد يجيب سيره قدام قمر ان احنا عملنا مساج والا هتكسرلي عضمي المجنونه دي مش هتصدق ان اللى عملنا المساج رجاله ؟
مهاب :متخافش ...حدش هيقولها ....غيري 😂
رعد :لا يامهاب والله هتطين عيشتي وهتبهدلني وانا فالسن ده
مهاب :متخافش مش هقول عشان انا عارف جنان قمر اختي ممكن يوصل لوين ....يلا بينا عشان نلحقو ننامو ساعتين عشان نسافرو بكره الصبح
رعد :ضروري يعني الصبح ..ممكن نسافر اخر النهار ..
مهاب :له معقدرش اغيب عن ارضي انا ...اخري يوم او يومين بالكتير وبعدين انا عتخنق من الزحمه والهوسه اللي فبلدكم دي
شريف : والله عندك حق احنا اليومين اللي بنقضيهم عندك في الارض بيغسلونا من قرف البلد دي وبنرجع مليانين طاقه وحيويه
رعد :طب يلا بينا بقا
رعد وشريف ومهاب روحو عند شريف والولاد كانو لسه داخلين قبلهم بعد ماقضو اجمل يوم فحياتهم اتفسحو واكلو وشربو وانبسطو ..
مهاب :جيتو ميته ياد انت وهو وهي
ناديه :لسا وسكتت لما شافت شريف باللوك الجديد وتنحت
احمد قصدها تقول :لسا كنا هننزل نشوفكم اتأخرتو ليه وقام وقف ولف حواايهم وصفر بأعجاب :بس ايه الجمال والشياكه دي ؟ برضو ينفع كده تبقو اصغر واجمل مننا ؟
الكل باصصلهم ومتنح
قمر :تعالي ياماما شوفي جوزك بعد مابقا مز ...ولا جوز عمتي اللي بقا ولا ممثلين السينما الاجانب ...ولا عمو شريف ؟ ايييييه اللي عملتوه دااااا
يخرب بيت الطعامه والجمال!!
التلاته ابتسمو وكل واحد مسك لياقه قميصه بيعدل فيه بخيلاء .
********
في الارض اليوم كان كالاتي :
طول النهر قمر وريناد ورهف وسلمي قضوه في اللف والشوبينج وجابو حجات كتير جدا لقمر وبدر من هدوم وعطور ومكياجات وكريمات وكل حاجه تلزم العروسه في الدلع
رهف :ولك بيكفي اشترينا هواي اشيا
قمر الكبيره :فعلا انا تعبت قوي وركبي نقحو علي ونفسي اوصل البيت اترمي علي السرير ....لكن ياحزني هعرف انام كيف ومن مين
سلمي :ليه يعني مش هتعرفي تنامي
قمر :ايوه يختي منتي عتنامي بعيد ومحساش ولا شايفاش اللي عتعمله فينا حسنه الكلب
سلمي :عتعمل ايه حسنه ؟
قمر :عتعمل عمليل معيعملهاش بشر يختي ....بس له وكتاب الله النهارده لاشوفلها حل .
رهف :شوبها ماما امه لربيع وليش هيك كانت مساويه بحالها الصبوح
قمر :متركزيش معاها انتي دي وكمان فالليل تقفلي بيبان وشبابيك الاوضه بتاعتك زين ...ولا اقولك هتنامي معاي انا وعمتك النهارده .
بعد ماروحو وارتاحو شويه والليل هجم
حسنه :سيبيني ياقمر عقولك .
.سيبيني ...الحقوني يااااخالق
قمر :وحيات ابوكي منتي مفكوكه غير الصبح ياحسنه الكلب
حسنه :عتربطي فيا ليه يالي تتشكي فقلبك ؟ عميلتلك ايه ؟
قمر :طول الليل عتوبقي عامله كيف الساحره الشريره وعماله تحضري فأرواح وشياطين وخلتينا قضينا ليلة رعب انقح من انقح فيلم رعب تركي .وبعد ديه كلو تقوليلي ربطاني ليه
حسنه :ارواح مين وشواطين ايه اللي عتتحدتي عنهم دول يبت الفرطوس انتي ؟
قمر ابتدت تضرب فيها بعد ماكتفت ايديها ورجليها فالسرير ...كمان عتشتمي 👋حتي وانتي مربوطه ولا حول لكي ولا قوة 👋
حسنه : فكيني ياقمر ياحبيبتي ربنا يهديكي
قمر :بعينك
حسنه :طب لو حبيت اروح دورة الميه اعمل ايه ؟
قمر :علي روحك ولما تصحي اتشطفي
حسنه :ياقمر عيب عليكي والله ...
قمر سابتها تهاتي ومشيت من غير ماترد عليها
حسنه :قمر ...بت ياقمر اخدي اهنه ...قمرررر
*********
الصبح صبح والكل فمصر صحي وبيستعدو للرجوع للارض
في البلد قمر وريناد صحيو وراحو يحضرو الفطار زي كل يوم وحسنه فضلت مربوطه طول الليل وفضلت تهاتي لغاية ماتعبت ونامت وش الصبح وفضلت تشخر بصوت عالي
الكل اجتمع علي الفطار واثناء ماهما مجتمعين شافو واحد ظهر علي باب الفيلا وماسك فأيده شنطه
الكل اول ماشافه قام وقف ورهف الكبيره بصتله بحب وفرحه :
اسد ابن اخي كتير مشتاقتلك
رهف الصغيره بصوت واطي اقرب للهمس :اسد
اسد ابتسم وفضل واقف مكانه ومحمود قام عشان يروح يرحب بيه هو واحمد وسليم .
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا