هذا الموقع محمي بموجب اتفاقية حماية حقوق المحتوي العالمية

رواية لاتينو بقلم هنا صلاح - الفصل الخامس

مرحباً بكم أصدقائي وأحبابي عاشقي القراءة والقصص والروايات الرومانسية مع رواية رومانسية درامية جديدة للكاتبة المتألقة هنا صلاح علي موقعنا قصص 26 و موعدنا اليوم مع الفصل الخامس من رواية لاتينو بقلم هنا صلاح. 

رواية لاتينو بقلم هنا صلاح - الفصل الخامس

رواية لاتينو بقلم هنا صلاح
رواية لاتينو بقلم هنا صلاح

رواية لاتينو بقلم هنا صلاح - الفصل الخامس

( هعدى عليكى انهاردة بعد الشغل محضرلك مفاجأة )
قرأت نور الرسالة والابتسامة تعلو ثغرها افاقت من شرودها على صوت خالها
محمود : صباح الخير يا حبيبتى
نور : صباح الفل يا خالو
محمود : رجعتى امبارح متأخر ولا ايه
نور : يعنى وصلت البيت 11 بس رجعت لقيتك نمت
محمود : اه انا نمت امبارح بدرى .. المهم انتى اتبسطتى فى عزومة امبارح ؟
نور وتحاول أن تخفى سعادتها : يعنى كانت كويسة
محمود بنظرة شك : كويسة بس ؟
نور وهى تحاول تغيير الموضوع : اه المهم يالا نفطر عشان الحق انزل
وقاموا بتناول وجبة الفطار بهدوء وتتجنب نور النظر إلى خالها حتى لا يُفضح أمرها
..........................................................
توجهت نور إلى مكتبها وكانت متألقة كعادتها ولكن اليوم أكثر تألقاً وكانت محط أنظار الجميع وعندما شاهدتها مى انبهرت بجمالها
مى : ايه ده من ساعة ما قابلنا آدم واحنا اتغيرنا أوى
نور : وانا كنت قبل كدة وحشة ولا ايه
مى : لا بس بقينا أحلى وأحلى وعيونا بقت بتلمع كدة
نور وهى تحاول الانشغال بعملها : لا عادى بتهيألك
مى : طب يالا احكيلى بالتفصيل عزومة امبارح
وبعدما قصت عليها نور تفاصيل اليوم ورسالة آدم
مى وهى تغمز لها : تفتكرى ايه المفاجأة اللى محضرهالك
نور : يعنى ممكن تكون عزومة غدا عشا حاجة عادية يعنى
مى : حاجة عادية ؟ طب عينى فى عينك كدة
نور : قصدك ايه ؟
مى : قصدى ان اكيد المفاجأة دى انه هيعرض عليكى الجواز
ابتسمت نور لأن هذا ما كانت تفكر به بالفعل
نور : هنشوف المهم خلينا فى شغلنا الوقتى
..........................................................
كانت سياردة آدم تنتظر امام البنك الذى تعمل به نور وعند ظهورها هى وصديقتها مى توجه إليهم
آدم مرحباً : ازيك يا نور
نور : الحمد لله
انتبه آدم لوجود مى : ازيك يا آنسة مى
مى : تمام الحمد لله ازيك انت يا دكتور آدم
آدم الحمد لله .. ما تيجى تتغدى معانا
مى : لا مرة تانية ان شاء الله رامى انهاردة معزوم عندنا وده حدث مش بيتكرر كتير
نظر اليها آدم مستفهماً
حاولت نور توضيح الموقف : ده رامى خطيب مى
آدم متفهماً : اه الف مبروك يا أنسة مى
مى مبتسمة : الله يبارك فيك وعلى فكرة الفرح بعد 4 شهور انت معزوم طبعاً
آدم : أكيد هاجى ان شاء الله .. طب تحبى نوصلك طيب
مى : لا شكراً انا معايا عربيتى يالا سلام يا نونو سلام يا دكتور آدم
عند انصراف مى نظر آدم إلى نور نظرة اعجاب
آدم : وحشتينى
شعرت نور بالخجل : مقلتليش ايه المفاجأة اللى قلتلى عليها
آدم : تعالى معايا وهتشوفى كل حاجة الوقتى
نور : ايه ده احنا مش هنروح بعربيتى
آدم : لا احنا هنسيب العربية بتاعتك هنا وهنروح بعربيتى وبكرة الصبح هاجى انا اوديكى الشغل عشان مش هيبقى معاكى عربية ( قالها ضاحكاً )
نور بضحكة : يا سلام
آدم : اه عندك اعتراض ولا ايه
نور مبتسمة : لا خالص
آدم وهو يفتح لها باب السيارة الامامى : طب يالا عشان منتأخرش
نور : طب بجد بقا احنا رايحين فين
آدم وهو يقود سيارته ولا ينظر لها : خاطفك
نور بعصبية مصطنعة : آدم مبهزرش قول بقا
آدم بمكر : آدم ؟ بقينا بنقول آدم لوحدها اهو من غير دكتور
شعرت نور بالارتباك من تلميحه الواضح
آدم : خلاص خلاص على العموم 10 دقايق وهتعرفى كل حاجة
................................................................
توقفت السيارة امام مبنى شاهق وضخم
آدم : خلاص وصلنا
نور : ده ايه ده
آدم : انزلى بس
ترجلت نور من السيارة وهى لا تفهم شىء
آدم : شوفى يا ستى ده مقر شركتى قلت انتى لازم اول حد يشوفها
شعرت نور بخيبة الأمل فهذا لم يكن ضمن توقعاتها
آدم : نور انتى معايا ؟
نور وهى تحاول تصنع الابتسامة : مبروك مكنتش أتوقع انك هتبدأ فيها بسرعة كدة
آدم : البركة فى القرض اللى اخدته من البنك بتاعكوا وكمان أنا قلت اشوف مقر للشركة يكون جاهز هعمل فيه توضيباط بسيطة بس لأنى معنديش وقت ابدأ فى حاجة من الأساس
نور : ربنا يوفقك
آدم : طب بالمناسبة دى انا عازمك على الغدا
نور : معلش خليها مرة تانية عشان مقلتش لخالو
آدم : مظنش هيمانع
نور : خليها مرة تانية برده
آدم : خلاص زى ما تحبى تعالى عشان اوصلك البيت
.......................................................
توجهت نور إلى منزلها شاهدت خالها يجلس امام التلفاز
نور : ازيك يا خالو حالاً والغدا يكون جاهز
محمود : ايه اللى اخرك ؟
نور : لا ابدأ كنت فى مشوار بس بعد الشغل
محمود : مع آدم ؟
.....................................................
*********************
إلي هنا ينتهي الفصل الخامس من الرواية
يمكنك متابعة جميع فصول الرواية من هنا: جميع فصول رواية لاتينو بقلم هنا صلاح
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات رومانسية كاملة

إرسال تعليق