-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية فرعون بقلم ريناد - المقدمة

 مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية جديدة للكاتبة ريناد الشهيرة ب رينوو والتى سبق أن قدمنا لها رواية تزوجت طفلة علي موقعنا قصص 26 وموعدنا اليوم مع رواية فرعون بقلم ريناد (رينووو) .

رواية فرعون بقلم ريناد - المقدمة 

إقرأ أيضا: قصص قبل النوم 

رواية فرعون بقلم ريناد

رواية فرعون بقلم ريناد - المقدمة 

تعريف الكاتبة ريناد (رينوو) لأهم أعمالها :

هفكركم بيا تانى وهفكركم بالروايتين تلاته بتوعى ...وكمان لو فيه حد ميعرفنيش يعرفنى

اول روايه ليا قمت بطرح موضوع مهم وهو اتجاه بعض الشباب للهروب للخارج والبعد عن بلدهم بحجه انهم مش لاقيين نفسهم فيها ومش عارفين يحققو طموحاتهم في حين ان فيه شباب تانيه بإصرارهم وعزيمتهم ومع وجود الحافز والاراده قدرو يكونو في مواقع ممتازه فبلدهم وقدرو يخلو بلدهم تكون فخورة بيهم وبإنجازاتهم ودا كان من خلال رواية ( تزوجت طفله) وبالرغم من اني مش راضيه تمام الرضي عن اسلوب السرد وكمان الروايه فيها كم اخطاء املائيه رهييبه بسبب اني كنت بفتح الفيس واكتب وبعد كده اضغط نشر 😂بدون مراجعه ، ومن غير مااخد رأي حد فالروايه ولما بلاقى تعليقات كتير بفرح واقوم كاتبه جزء تاني ومنزلاه لدرجة كنت بنزل ٣ بارتات فاليوم بمعني اصح هبلت فيها جاااامد وبرغم كده محاولتش اني اصححها او اضيف ليها اي تعديلات لاني فخوره بأول تهبيل أاااقصد اول روايه ليا ✌

وبعد كده كتبت رواية (ظلم بلا حدود) اللي كلكم حبيتوها وعيطتو وضحكتو وفرحتو وزعلتو مع ابطالها ودي كانت بتناقش الظلم اللي بتتعرض ليه مرات الابن من حماتها وبالزات لما الزوج يكون سلبي الزوجه بتكون فريسه سهله وحقها مغدور ودمها مهدور 😂 ولكن في النهايه الظلم انتهي واتبدل بفرح والعداله الالاهيه اتدخلت وانهت الظلم ولكن لما المظلوم قرر انه يدافع عن حقه ويقف في وش الظلم .

نيجي بقا لأحب روايه لقلبي والروايه الوحيده اللي بكيت فيها من قلبي وانا بكتب بعض فصولها وكمان فرحت من قلبي وانا بكتب بارت فيه فرحه لابطال الروايه، وفعلا فعلا الروايه دي انا كتبتها في ظروف وتحت ضغط رهيييب لكن من حبي فيها مقدرتش اوقفها تحت اي ظروف وبالرغم من ان الروايه مخدتش حقها فالتفاعل الا اني بعتبرها انجح روايه ليا وراضيه عنها تمام الرضي وهي رواية (عزبة فكه بجزئيها )

وبعد كده تطرقت لموضوع هام جدا وهو موضوع شك الراجل المصري او الراجل عموما في زوجته وفي محاوله منه ان يحافظ عليها او يمنعها من انها تخونه فالبعض بيلجأ لسجن المرأه وتجريدها من كل حقوقها في الحياه والتصرف معاها علي انها حيوانه عادي انها تتحبس وتنضرب وتنهان وتتدمر معنويا ونفسيا بس لانها قبلت تكون تحت رحمة انسان متخلف عقليا بإعتقاد منه انه اشتراها بعقد الزواج، وما العقد في نظرة الا صك عبوديه امتلكها بيه، وبموجب العقد ده بيجردها هي من كل حق ويعطيه هو كل الحقوق وكل السلطه عليها ولكن اللي ميعرفهوش سيادة الرجل بأن الست لو حبت تخون محدش هيقدر يمنعها ، حتي وإن كانت محاطه باسوار عاليه وبوابات من فولاذ هتعرف تخرج من كل ده ، ولو مقدرتش تهرب او تخون بجسدها هتهرب وتخون بالروح والعقل كما في رواية (خيانه من نوع آخر ) وشوفنا ازاى أن الضغط بيولد الانفجار

😂😂😂نيجي بقا للرواية اللي دمرتني من الضحك وانا بكتبها رواية (فصيلتي القوية ) هصدمكم واقولكم اني اول ماابتديت فالروايه دي كنت مقرره اني هكتبها اكشن وجيش بقا ومعارك وكده ،
وده واضح فأول ٥ او ٦ بارتات ..لكن اللي حصل اني لقيتني بكتب المواقف وارد عليها الرد اللي انا لو كنت في الموقف دا كنت هرد بالشكل دا ، لانى فعلا انا مبعرفش اتكلم فموضوع جدي واكمل جد.. انا لازم اضحك فوسط اي موضوع او يطلع مني ايفيه يخلي اللي قدامي يضحك ويتقلب الموضوع كله هزار ...حبيت جدا شخصية قمر لانها فيها ٨٠ %مني كلامي، ردودي، استخفافي بالامور ودا اللي مدمر نفسية كل اللي حوليا 😂ولله الحمد

ولكن قمر ليها شطحات جامده دي مش عندي ياجماعه والله يعني مثلا اللي بتعمله فجوزها ده انا اتمني اعمل ربعه لكن للاسف انا جبانه جبن السنين قدامه لانه صعيدي شحط محط من سوهاج 🔫 وانا كمان من هناك . اه صحيح انا احيانا بتعصب وبقوم عالبيت واكسر اي حاجه فوشي وادشدش البيت كله واقلبه فوقاني تحتاني واخلي العيال كلهم يجرو قدامي زي الفيران وانا بزعق وبشخط وانتر وبعدها بيمشو عالعجين ميلخبطوهوش كذا شهر .... لكن بفوق بسرعه من احلام اليقظه دي بمجرد ما اي حد من الولاد يحدف حاجه عليا 😄

واخيرا وبعد طول تفكير اكتب ،مكتبش ...لكن فكرة الروايه دي ليها مده في دماغي ومش قادره مكتبهاش ، وهتناول فيها عدة موضوعات منها موضوعات شائكه....شائكه شائكه يعنى مش هزار بس هتكلم فيها وهطرحها عليكم ورزقى على الله .

ومش معني اني ذكرت فئه معينه من الناس بتعمل حاجه وحشه يبقا بعم الناس كلها ..لا طبعا انا بتكلم عن فئه معينه عايشه معانا ..
الروايه اسمها ( فرعون ) اتمني انها تعجبكم

والآن مع جميع فصول رواية فرعون بقلم ريناد

الفصل الثانى
الفصل الثالث
الفصل الرابع
الفصل الخامس
الفصل السادس
الفصل السابع
الفصل الثامن
الفصل التاسع
الفصل العاشر
الفصل الحادى عشر
الفصل الثانى عشر
الفصل الثالث عشر
الفصل الرابع عشر
الفصل الخامس عشر
الفصل السادس عشر
الفصل السابع عشر
الفصل الثامن عشر
الفصل التاسع عشر
الفصل العشرون
الفصل الحادى والعشرون
الفصل الثانى والعشرون
الفصل الثالث والعشرون
الفصل الرابع والعشرون
الفصل الخامس والعشرون
الفصل السادس والعشرون
الفصل السابع والعشرون
الفصل الثامن والعشرون
الفصل التاسع والعشرون
الفصل الثلاثون
*********************
إلي هنا تنتهي مقدمة رواية فرعون بقلم ريناد
تابعوا صفحتنا على الفيس بوك للمزيد من القصص الرومانسية
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة